Aizawl March 29: Lammualah lut la, hmar lam goal ban bul velah putar pakhat, lu tuak var vo mai a i hmu ang, Chu putar chuan lehkha them leh pen a hum ang a, a thai zeuh zeuh ang. Inkhel result a chhinchhiah a nih kha. Boxing ring lam hawiin a hawi voh voh ang a, biak tawng huphurhawm tak hmel a puin a rinawm. A vanglai leh boxing chungchang i sawipui erawh chuan hun i sen deuh a ngai thung ang. Hman ver vawr lo chuan boxing chungchang sawipui chi a ni lo.
Kha putar kha Mizo pa lar Rumliana farnua fapa, Sub Thanmawia MM a nih kha. Amaherawhchu, Rumliana farnua fapa niha Vairengte pel lova tal mai mai ai chuan sipai nih a thlang a, chutah chuan boxer-ah a inchherchhuak ta a ni. 1950-’62 chhung khan boxing hi tih tak zetin a khel a, Assam Regiment Division (battalion 5) champion te a ni zak zak thin. Sipaia a tan lai, 1950 chhovah khan tih tak zetin boxing a khel daih tawh a, ‘proper training’ te pawh a nei daih tawh. Zofate zinga boxing glove bun hmasa ber, tih tak zeta khel hmasa nia hriat a ni reng a ni.
Sipai atanga a chawlh hnuah pawh boxing erawh a chawlhsan ve lo, Mizoram Amateur Boxing Association executive member kumhlun a ni a, kum 86 mi zet ni tawh mah se boxing buaipuiin a la zin kual thin. Boxing hi tih tak zetin a tuipui a, a game a ngaihsan hrim hrimna chu thuhran, khawvel mithmuha Zofate chawilar theituah ngaiin, he game tana theihtawp chhuah chu a thlang a ni ber.
“Kan pianphung atangin beiseina sang tak ka nei a, tih tak taka bei, Zoramthanga te, Jenny te ang chu an hlawhtling zel a nih hi. Zofate hian tih tak takin he game hi khel ila, khawvel hmuhah kan duai lohzia lantir ila ka duh a ni,” tiin nimin khan boxing khel en doh doh chungin a sawi.
MABA huaihawtin ni 27 atang khan Lammualah Mizoram Open Boxing Championship neih a ni a, Inrinni-ah zawh a ni ang. Boxer 205 telna, he championship-ah Khatla pa Sub Thanmawia MM a kal thin hi thil mak a ni lo, Saiha thleng thlengin boxing buaipui hian a la kal thin!
“Ka chak ber chu, kum 15/16 mi vel nih leha, tih tak taka boxing khelh a ni. Tunlai hun ang te hi tawng ve ila, coach tha hnuaiah han inzir ve ila chu thui tak ka thleng ang. World champion ka nih loh paw’n ka thleng sang viau ang,” a ti vawng vawng mai.
Boxing a khelh tirhah chuan coach emaw, kawng kawhhmuhtu emaw a nei lo a, cinema enin, chuta boxer-te tih dan chu a chhinchhiah a, chuta tang chuan a zir ve leh thin. “Zirtirtu ka nei lo, cinema atangin ka inzir thin.
Source: The Aizawl Post
Similar Posts:
- Rumliana titi
- Game of Love
- World Cup : Semi Final 1 – Uruguay vs Netherlands
- National Boxing Championship Punjab-a khelh mekah Mizo Boxer 3 tla tawh. Lalenkawli ala tling zel.
- Rumliana titi-III
March 31st, 2007 at 6:49 am
86 yrs ??????…a va han la thalai ve..a la chak that hmel si
a ngaihsan om hrnapa kher mai..jenny nen chuan an in komngaih don hi
Report this comment
March 31st, 2007 at 9:50 am
ty ZOa…thil tha tak leh ngaihnawm tak anih hi…dahthat tlak…
Report this comment
March 31st, 2007 at 4:38 pm
ka ngaihsan zong tak…
Report this comment
March 31st, 2007 at 10:29 pm
khawvel mihring ka hriat ve tawh chinah a luruh a ring ber awm e…a pu rumliana a chhun a nih karing…pa hrisel leh taima chu ani chiang….a tupa Ngaihawma(Zoramthanga nen a in hnek thin kha) chu mizo boxer tha ve tak a ni thin..
Report this comment
April 2nd, 2007 at 7:06 am
they shud give him some kind of lifetime achievement award..truly deserve it..i like his concept of learning from movies..alot can be learnt from visual only..from my lil experience hehe
Report this comment
May 8th, 2007 at 3:12 pm
Pu Mawi bengchenga ni maw! Justin tawngtheia chu a va ti tha ve a chanchin te a lo ziak a. Pu Mawia hi a la hrisel tha ang reng a kum rualpui ah chuan a mamawh lam tur hian amah hi bazar ah a la kal thin, inkhawm nise a ni aia taima hi chu an tam lo ang. Khatla South ah sawn a cheng.
Report this comment
October 30th, 2007 at 12:43 pm
a la rorum phian an ti heti chung hian…mitthi ina a kalna pakhatah chuan mi pakhat hian thu a sawi, pawl/kohhran engemaw deuh atanga lo kal a ni awm e. Chumi thusawi zo chu a rawn ding ve nghal a, “Nang kha kan hre chiang che, chumi pawla mi (pawl hming chu ka hre tawh lo) chu i ni; i thusawi ka pawm lo, ka cancell e” a ti nghal thruai mai an tia lawm!!!
Report this comment