Hnam tin zingah hian mi danglam bik, mi mak sarâng sawi tur hi an awm thin a. Chutiang mi chu a pian pawh an piang zen zen lo, mi vâng an ni. Mizo zinga hetiang mi mak sarâng kan neih pakhat chu Rumliana a ni. A nu leh pa chu Vungkawnga Ralte leh Lianchhingi Ralte an ni a. Rumliana hi kum 1897-ah Lianphunga khua Zawngtah-ah a lo piang a. A naupan laiin Tlungvel khawper Zobawk-ah an pêm a, a pa chu Melveng hotu a ni.
Rawlthar a nihin vawi khat chu a thiante nen Phulmawi khaw nula zen an rawt a. An pa chu hmeithai inah an lênpui hmasa a, zu an hrai rui a, a muthilh hnuin an chhuahsan a, nula in chu an pan ta a.
Rumliana chuan a thiante hnenah, “Ka lut hmasa ang a, min lo ngaithla rawh u,” a ti a. Sumhmuna a awm laiin an pa kha a muhil a harh a, a lo haw ve chiah a, an indang kawlawk chu a ni ta der a. Rumliana tlanchhiat ngaihna hre tawh si lo chu thingkhawn hnuaiah mawng lang rengin a tawm kuh mai a. An pa chuan, “E he he he… In mi han tih dan vei chuh! Hetiang in tum vang hi a ni maw zu min pêk ruih?” a ti a. Hmawlh a la a, a hawlh ta nghek nghek mai a. Rumliana chu ring zetin a ‘awiah’ vak vak a. Thenawm khawveng an lo tlan khawm thuai a. Zak zetin an haw ta hna hna a. An inah pawh riak ngam lovin a thiante inah a riak ta a.
A lo tlangval a, kum 1917 khan French ramah German râl rûnin a kal ve a. Kum 1921-ah Assam Rifles-ah a tang a. Silchar-a a awm laiin Assam Rifles-a Mizote chu in an saktir a. A chung dî an chih laiin an hotupa Holder chuan a hnuai lam atangin a phui leh phui loh a rawn endik a. Hmawlh zum a keng a, a phui lo lai a hmuh chuan, “He lai hi a la phui lo,” tiin a hawlh tlang zawk zawk fo mai a. A chang chuan anmahnite pawh a han hawlh fuh thin a.
A tawpah Rumliana ning chuan a hnuaia an hotupa chu a zunkhum ta vak mai a. An hotupa thinrim chuan Sap hnenah a hêk a. Sap chuan a ko va, “Rumlian, engati nge in Holder i zunkhum?” a ti a. Ani chuan, “Mizovin in chung dî kan chih chuan a phui leh phui loh en nan kan zung thin a. A hnuai lam ka hmu thei si lo alawm,” a ti ve tlat a. Hrem ngaihna an hre ta lo a ni. (chhunzawm tur)
Kum tir lam khan Rumliana chanchin post turin ka tum reng a. Mahse, ka lehkhabu chu ka hmu zo ta lo va, a chanchin ziahna bu a awm tawh bawk si lo nen, ka rawn post lawk thei lo a ni. Vanneihthlak takin ZOlife lamin July issue-ah an rawn chhuah ta hlauh mai a, dil/hrilh lem lovin ka rawn chhuahchhawng ta mai a ni e.
Similar Posts:
- Rumliana titi-III
- Rumliana titi-II
- Kan nau awm hla hi!
- Khawvel tak hi chu aw…
- Zawlbuk leh Nula Ina Riak
July 21st, 2011 at 6:47 am
Rumliana hi pa fing tak a ni. Chanchin ngaihnawm tak tak a nei.
July 21st, 2011 at 6:50 am
A va tawi ve
chhunzawmna a nghahhlel awm hle mai 
Rumliana chanchin leh a titi ho hi a ngaihnawm dangdai riau.. Mi a tihlim thei zek a…
July 21st, 2011 at 6:53 am
Mi rilru chak Rumliana, a chanchin han sawi belh zel teh u..
July 21st, 2011 at 6:54 am
July 21st, 2011 at 7:21 am
Ngaihnawm dawn chauh a tawp daih lawm.
July 21st, 2011 at 7:31 am
Rumliana hi ani lawm ni? An sipai tan lai a, a mizopui Bawngsa lo chhum an hau tir kha. A han meng rum a, rawlpui chhuahin “In a bèr bùr lutuk, Zangkawltukho! Engatinge hetiang sa tha ei tur neia min sawm ve loh ni? Bandar luk! A han tih khum piap phawt a. Chutah, “Tun chinah chuan a ruhkawl lian pui puite mùng ula, min han pe ve tawh rawh u; in hria em? Het saala benchut! Mi ä ho” a han ti leh kuk kuk mai a. Mizo ho nuihza lutuk nui ngam silo, insum kha an mittui a tla phung mai a. ‘Bandar luk’ tih chauh hrethiam an Subedar Major khan a lo hlauthawng deuh a, “Rumlian, i hau nasa lutuk em mai, an tlan bo palh ange” tiin a khap ta hial e. An tia lawm.
July 21st, 2011 at 7:32 am
A boot khing lehlam chauh tle deuhvin, a lehlam khawro deuhvin a bun chhuak a. Inspection parade a nih dawn vei nen!
“Enga ti nge a khing lehlam chauh …?”
Rumliana chuan, “Siai (boot-polish)-in a daih tawh lo —Siai khatam.“
July 21st, 2011 at 7:33 am
Ka pu te nena France kal ho anni a, ka pu khan a sawi fo thin.
Lushai Scouts a a tel tum, “I upa tawh si ka pu, i ha te pawh a bal vek tawh a..” an lo ti ani awm asin. Ani lah chuan, “Ka pu Zapan ral chu a seh a seh tur em ni a,” tiin a chhang ani awm a.
July 21st, 2011 at 7:49 am
Pa awmkhauh leh tui thiam tak ani awm e. An feh hawng lam, Luite tui alo lian a, Nula ho kha a mal malin a hruai kai a. Lui lai an thlenin a che fet thei viau ani awm e. An täl deuh leh a han thlah deuh a, an hlau lutuk khan an kuah chùk chùk mai thin a. Vau kam a han hruai thleng chiah chu, “Rumlian, ka ten lutuk che, thi puar rawh” an han ti vel thin a. Ani lahin engah mah angai duh der si lo, a tel lovin an kai thei der bawk si lo. Nuam ati awm teh asin.
July 21st, 2011 at 7:52 am
Bawng chaw zawng tura a kal kha, theihai kunga a lawn lai an man ta si.
“Rumlian, kha tah khan bawng chaw a awm ami?” tia an zawhna chu “A awm loh vang renga ka chhuk mek hi!” tiin a chhang a ni awm e..
July 21st, 2011 at 7:55 am
Tlangval: Ka pu i radio khai kha i zuar em ni??
Rumliana: Zuar love….
Tlangval: Zuar silo engatinge i khai vu2 a khawlaiah??
Rumliana: Khai loh chuan amahin a kal thei hek lo lulian…
July 21st, 2011 at 8:01 am
@TuaiSial ‘a chanchin ziahna bu a awm tawhlo a!’ Aizawl ah chuan kan nei reng a sin.
Hmeichhia ho luitui lian a hleuh kai pui kha a pui ber mai ni
July 21st, 2011 at 8:09 am
7
chawnghilh #
Kan sawi belh ve a nge aw….
Kekawr tlawn hlir an dawng thin a, a bul a duh si a, a ke lehlam a tan bul a, a lehlam a tlawn in a dah a. Inspection neih ni-ah an lo ding tlar a, an hotupa in an hmu chu’h, “Engati nge hetia i tih a” a ti a, “Ka pu, A tlawn ka duh bawk si a, a bul ka duh bawk si a, heti hian ka ti ta mai a lawm” a ti a, chuta tang chuan kekawr bul leh a tlawn an dawn phah e an ti.
A zanlai duty naah a ek a chhuak tawh si a, duty na bulah a e ta luar mai a, hmun hnih ah a e teuh a. A tukah an hotu pa an va ko a, “Heng hi tu ek nge?” tiin a zawt a, Rumliana chuan, pakhat zawk chu kawk in “..hei hi ka ek a nia” a ek pakhat kha kawk in ” hei hi ka thianpa ek” a ti ta tlat mai mai…a thianpa in hrem a tuar ve phah an ti.
July 21st, 2011 at 8:11 am
sarâng hi eng tihna nge??
July 21st, 2011 at 8:12 am
12. Asteric, han sawi chiang deuh teh. 9 a ka sawi khi kan naupan laia Pa ho ti ti chiang vak loa ka hriat ania. Ka hrechiang chäk.
July 21st, 2011 at 8:12 am
Kan naupan deuh lai khan Rumliana chanchin hi, phuah belh tam tak nen, kan lo nuihpui vak vak tawh thin. Pa chanchin ngah ve tak chu niin ka hria.
July 21st, 2011 at 8:14 am
14. Awmawmpuia, Saräng chu Polythene kan tih ang chi, plastic puan pan tak hi ani mai.
July 21st, 2011 at 8:15 am
An Holder in sazai a pe a, lamtual (field) tlan hual turin a ti a. Ani tlan tha peihlo zawi tawkin muangchangin a tlan a, a hrem tupa thinrimin tianga vuak tumin a um a. A vuak phak dawn veleh a tlan chak sawt a, a ban phakloh a awmin a kal zawi leh hnuang2 zel a. A tawpah chuan a hrem tupa nen an tlan chin a in zat chiah chiah e an tia lawm
July 21st, 2011 at 8:20 am
@17 PKfanai, Rumliana hi Polythene a ni i tihna??
July 21st, 2011 at 8:25 am
@PKfanai: Chhiar lohna a rei tawha a hmun hma ka hre mai tawhloa TuaiSiala hian a rawn chiang turah ngai ang. Vaua hmeichhe ho awm kha Nu leh Nula te anni fur a, a hmeltha tha atang a kai pui hmasa a, a tha deuh kha chu a kual rei pui bawk a. Lui lai vel ah a englo a dawm tir thin a ni awm e, “I thlah chuan ka thlah ve che nimai” a ti tlat sia, vau a thlenpui ve leh “Rumlian, mi hur, thi rawh” an ti chul a, ala hruai kai loh ten “Ruma keimah hmasa keimah hmasa” an lo ti ve chul bawk a
July 21st, 2011 at 8:31 am
#20
July 21st, 2011 at 8:34 am
20. Asteric, thanks. 19. Awmawmpuia, i thil sawi ka man lo hle mai. Han sawi chiang deuh la maw le. Typing mistake pawh ani thei a. e.g. Sahräng, Saräng(spotted animal), sairäng(spotted elephant), sairang(village), seräng(spotted mithun).adt,
July 21st, 2011 at 8:41 am
A ngaihnawm e,Rumliana hi chuan chan chin a ngah khawp mai!
July 21st, 2011 at 8:51 am
Han sawi zel ru..ka hre reng tawhlo a..a ngaihnawm lutuk tih ka la hria…
July 21st, 2011 at 9:05 am
0T loks. Copa America 2nd Semi final ah Paraguay leh Venezuela te hun pangngai ah in hneh tawkin, penalty shoot out ah 5-4 in Paraguay an chak e.
July 21st, 2011 at 9:11 am
mimak sarang= a greek tawng chuan *^@^* a ni a, hebrai atanga lo kal (*^~^*) tihna a ni. Mizotawng chuan mi dangdai, piang danglam deuh sawina a ni. ‘sa’= chumi kha mi.. ‘rang’= … tia lak hrana sawi fiah theih a ni lo.
July 21st, 2011 at 9:17 am
a duty muthlu an kaihthawh te hian ‘amen’ a ti a, ka tawngtai min ti buai a tia, athinrim zaw-mah zel
July 21st, 2011 at 9:21 am
XD
July 21st, 2011 at 9:22 am
Vawikhat pawh kha, an hotupa’in Rumlian a tia, eih, a ti.
July 21st, 2011 at 9:23 am
@Asteric: Nia, kei pawh a chanchin ziahna chu ka chhiar tawh a. Mahse, dawr vela ka’n zawn ngial paw’n ka hmu zo tawh lo a ni. A chanchin inziak ho hi ka hriat hnu vek chu a ni tho!
Tin, ‘Sarâng’ hi post-ah chuan mak danglam tak sawina a ni âwm e, polythene lampang ni lovin.
July 21st, 2011 at 9:27 am
A chanchin an phuah belh nge chu ka hre lova, a santiri ve pawh an commander vawk chhuak a kap hlum a, ngati nge i kah an tih chuan, helai a lokal reng2 halt leh tham tih a ding duhlo chu kap turin min ti si a, halt ka tia a ding lo a, tham ka ti leh a la ding duh chuanglo a nih kha, a ti tlat mai a, tih ngaihna an hre der lo a ni awm e. (Lung a va ti leng ve)
July 21st, 2011 at 9:28 am
Nuho luia a hruaikaina hmun kha Tuirial lui a ni e.
July 21st, 2011 at 9:28 am
A ek kha lukhumin a khuh a, an hotupa hnenah ka pu, tah hian Sava ka khuha, ka hawng thut ang a, ilo bawh vat dawn a nia a ti a. Ek an innem pherhtir niawm tak a ni.
July 21st, 2011 at 9:37 am
E, saräng chu tlar 2 na ami khi ani maw! Ava kuak loh theih ve. Nia, an sawi fiah vek tawh khi. Mizorama ramsa awmte hi a tlangpuiin rawng hlang, tial/räng lo deuh vek an nia, lo räng ve zauh an awm chuan, mak danglam tak anni. Mi mak danglam tak sawi nan a rawn hmang anih awm khi a. Mizo tawng hi chu a ziah dan in ang chiah, a awmzia in persan em em si hi a awm nual a nia.
July 21st, 2011 at 9:38 am
Rumliana hi pa lian tak mai ani awm e, a thlalak hi ka hmu tawh a. Lungdai khua a Pu Germanthanga, War Veteran kan va kawm tumin Rumliana te nena thla an lak ho min hmuh tir a. a palian khawp mai, a thlalak atang chuan. France ram an kal hnu khan Indopui 2-na lai khan a fapa nen Sipai ah an tang leh a ni awm e. Japan ral bei zingah khan.
July 21st, 2011 at 9:39 am
Ka nui nasa lutuk…lui a mi a hruaikaina thu khian..
July 21st, 2011 at 9:52 am
tha dap2 khawp mai…eng eng emaw ka hrechhuak ve uaih uaih mai…
July 21st, 2011 at 9:55 am
Rumliana chanchin an sawi hian a hlimawm viau mai a, a nichanglo pawh mizo zingah hian sawitur an awmnawk mai, han thawh zel teh u.
Rumliana tupa hi a la dam a, Sibudar Pension tawh Pu Thanmawia a ni a, Ka pu nena in kawmngeih tak thin, kan in a thingpui hang lumchawp tir a inreng thin ti ti tui thei em em an ni a, a pu a chhun viau a niang, Amah pu Thanmawia pawh Pathian zarah a nipawh kum upa tawh tak, lua kelsam to sungin a la dam a, a sawi ka la hriat reng chu “Ka pu kha mi maksak chu a ni ngei mai, mahse ansawi ang em em leh a ti a an tih zawng zawngah hian phuahchawp an nei ngah em a ni” a ti thin.
July 21st, 2011 at 10:01 am
@Pangtea: A dik khawp mai. Mizo fiamthu tam tak hi amahah kan hmehbel a ni, fiamthua a nazah zawnga ‘Tualte Vanglai’ kan hman chhén ang kha a ni mai e.
July 21st, 2011 at 10:12 am
Hla a phuah a, “Ngâna-bawk zalêng zawng hi fam rawh se, kei tiam lovin…” tih a ni a, a sa chhèn fo va. Ngâna-bawk (Paikhai chhak, Tuirial kam) hovin an haw hle a.
Rumliana an va chhuahchhal a, ani lah chuan, “Sa ve ula a ni mai alawm,” a lo ti.
July 21st, 2011 at 10:17 am
#40
July 21st, 2011 at 10:26 am
OT loks, apa ts fiamthu lawrkhawm luhna kha a bo daih, tihdan dang a awm em mi? pliz help
July 21st, 2011 at 10:31 am
@Chhuaklinga: Bo lo ve. A chungah khan a insawn daih a nih kha, a template thlak vangin. Blog hming inziahna chung, veilam sirah khan a awm kha.
July 21st, 2011 at 10:31 am
@Chhuaklinga: fiamthuhuang.blogspot.com hi a address chu a nia. I lo bookmark keuh dawn nia..
July 21st, 2011 at 10:35 am
a sazai leh pek a, buhfai bag 1 pu chunga mel 2 kal turin an tia, mel 2 a thlen chuan a keuh dawp a, let a tum a, a vengtu chuan pu let leh rawh a ti a, ka put let chuan mel 4 a ni dawn a sin a ti tlata, a vengtu pa chuan a pu let ve thung.
July 21st, 2011 at 10:35 am
Hming hi an saipawlh nuai a.. tu ber nge pawh hriat a har..
Rumliana tih anga an sawi pakhat chu :
Pawisa nei tawh lo, riltam tawh si kha hotel/Restaurant pakhat a lut a, chaw leh sa a lam a, a duhtawk a ei hnu-ah, Chukchu thi chaw karah a phum a, a han hai chhuak a, a au te ta vak mai a, “Hei, chaw -ah rannung thi a awm, min tih hlum an tum a ni, ka ei tawhah pawh khan a tel em em ang, en teh u..” tiin customer dangte kha a enkual tir a, manager te police a a report leh hmingchhiat an hlau ve si.. an thlem ta a, ” a chaw ei an free sak bakah, pawisa an pek belh teuh e an ti lawm.
July 21st, 2011 at 10:38 am
mr. Duhlova…ka uncle zawk cc i sawi, mahse “vut” (mei chhemna vut) zawk ania
July 21st, 2011 at 10:39 am
Apa ts, nui takin thanks..
July 21st, 2011 at 10:45 am
An parade naah “Attention” an tih a ke an khan chip rual khan a vawih ri tuar thin a, amah lah a nui ve duh der si lova, a bul a mite, an nuih za in sum thei lo ho khan sa-zai (hrem) a tawk leh thin….
July 21st, 2011 at 10:47 am
hahaha!
July 21st, 2011 at 10:48 am
47
Pu Hv # Kha story kha han sawi chiang teh a…ka hre chiang chak khawp mai, chianglo ruai phuah belh hi veng lehlamah chuan kan lo hre thin a… OT lem lovang chu.
July 21st, 2011 at 11:19 am
Comments hlui hai peih chuan in chhiar tawh ang, mahse kan rawn bel ve leh teng.
Rumliana hla phuah thenkhat (Tlira Pawl a zui laia a phuah)
1.Pawl an tam kei zawng ka thlang thiam lo,
Kai tak ang maw Chhandamna Pialral Zopui;
Imanuela zuna uai zawng zawng.
2.Tawngtaiah Pawla ka sawm dawn e,
Chhawm ka nuam e cherzing bel lian van zawlah;
Angel-ho nen dawn za i Pialralah.
“Lal Isua zalna chu ranthlengah;
Kei ka zalna Thadang irno tai nemah;
Ka chan a u zawk e Lal Isu”
1.Tlungvel nu chhingmit a var chuang e,
A chang sangin a dai thuk bik e Sialin;
Chung Pathian tawn zang a lo hmu e.
2.Chung Pathian biahthu a dang nem maw;
An inhnial e tlang bawihah Lallianthangpa;
Mitdel Sai vuan ang a lo ni e.
“Nganabawk khuate hi nausen hmun,
Nutling chu hmul thlaruk mi-ah a piang e,
Pa-in Aua ! Aua! a lo ti e”
[P.S : Hnamsakhua lo insum se
]
[Source:Mihrang leh Sahrang by A.Thanglura]
July 21st, 2011 at 11:23 am
@TS : Rumliana nu hi ‘Hualngo’ niin mi thenkhatin an sawi bawk.
A chanchin ziahna a awm tawh kha maw le, State Library-ah i zawng hman lo’m ni?
July 21st, 2011 at 11:35 am
@lushai_er: State library-ah chuan ka la zawng lo va, district library leh lehkhabu dawrah chuan ka hmu lo.
July 21st, 2011 at 11:44 am
Rumliana chanchin hian mi a tirum ngai hauh lo, mi a tinui ver2 zawk thin… gud paws, TS!
July 21st, 2011 at 11:53 am
A duty laiin a muthlu a an hotupa in a rawn kaitho chiah chu a Amen a “Mi tawngtai laiin an tibuai ngailo” a ti tek
July 21st, 2011 at 12:04 pm
Arsi pakhat an bel tir ve a, hmunkhatah alo bel khat vek a ‘Engatinge?’ tiin an zawta, “Ka uniform zawng zawng ka su huh vek sia hmunkhatah ka bel khawm ta mai anih hi” a ti then a, avaiin an hlih sak leh vek
July 21st, 2011 at 12:10 pm
Capt.Wood of Lushai Scout(Biate Sipai)khan a ui a bo khan Mizo-ho kha a ringhlel si a, kutin a man bawk si lova; engtin nge a ti an tih kha….”Ka ui a bova, Rumlianate’n sakhi an rawh !” a ti an ti.
July 21st, 2011 at 12:20 pm
rumliana bawk h an ti…a pute nupa thrudun lai kha ava en a..ral atag a pu hnenah..”ka pu heta trang hyan inti in ang ltk” ava tia..a pu cuan a awih lo ngang mai..cutah rumliana cuan anh leh heta trang hyan rwn en vela,khatah k lo thru ange a tia..ani cuan api cu a ti ta tak2 si a..a pu cuan..”a ang hle tak mai a” a ti e an tia lwm
July 21st, 2011 at 12:27 pm
sipai Ruma tiin kan sawi thina, mizo pa ah chuan afing kan tih ber thin a ni.. he2
July 21st, 2011 at 1:02 pm
#5, Sakhi a ni lo tlatin ka hria..
July 21st, 2011 at 1:08 pm
#59 Api bulah khan kapu in va ti rawh min tia a ti keuh maw le.
A sipai chhutti pawh kha a cham rei thei lutuk a,an hotu ten an zawh lah in tuilian in min dang alawm atia,an hotupa awih lo chuan khua lah athat em hi atia,ani lah chuan in awih loh leh kankhuaah han kal ula ati mai sia,chu mi vang ringawt a hlatak han kal ni bik suh,hrem apumpelh leh phah ni awm tak ani.
Rumliana kha mi lungleng theitak,a thian te pawhin a an hriatpui hial khawpa nupui fanau ngai thin si kha a chhutti chang pawn anupui fanau te tlawh chuang silo khan atlingtla leh mai thin ni awm ani.
July 21st, 2011 at 1:10 pm
tuaisiala
July 21st, 2011 at 2:14 pm
Mak dangdai thei ve,UFO hi a mah a ni ang a….
July 21st, 2011 at 9:20 pm
Mi mak sarang tih hi mizo upa tawng a ni a, a chhia a tha lama mi chungchuang bik sawi nan an hmang thin. Mafaa hauhnar pawh khan a article ziah pakhatah khan “mi mak sarang” tih ami sarang lai hi hmangin “Mizo Tawng, Tawng mak sarang!” tih a hman tawh tak kha maw le.
Rumliana chanchin ziahna kha kan nei thin a, min min hawh bosak daiha ka ui tlai khawhnu ngei mai. TSa zarah Rumliana’n min nuihtir leh thei ta a nih hi..
July 22nd, 2011 at 5:28 am
Ngaihnawm hle mai, nia,…. “mi mak sarang” tih khi ka chhiar buai nuaih mai, ka vawikhat hriatna. lolz