Hnam tin zingah hian mi danglam bik, mi mak sarâng sawi tur hi an awm thin a. Chutiang mi chu a pian pawh an piang zen zen lo, mi vâng an ni. Mizo zinga hetiang mi mak sarâng kan neih pakhat chu Rumliana a ni. A nu leh pa chu Vungkawnga Ralte leh Lianchhingi Ralte an ni a. Rumliana hi kum 1897-ah Lianphunga khua Zawngtah-ah a lo piang a. A naupan laiin Tlungvel khawper Zobawk-ah an pêm a, a pa chu Melveng hotu a ni.
Rawlthar a nihin vawi khat chu a thiante nen Phulmawi khaw nula zen an rawt a. An pa chu hmeithai inah an lênpui hmasa a, zu an hrai rui a, a muthilh hnuin an chhuahsan a, nula in chu an pan ta a.
Rumliana chuan a thiante hnenah, “Ka lut hmasa ang a, min lo ngaithla rawh u,” a ti a. Sumhmuna a awm laiin an pa kha a muhil a harh a, a lo haw ve chiah a, an indang kawlawk chu a ni ta der a. Rumliana tlanchhiat ngaihna hre tawh si lo chu thingkhawn hnuaiah mawng lang rengin a tawm kuh mai a. An pa chuan, “E he he he… In mi han tih dan vei chuh! Hetiang in tum vang hi a ni maw zu min pêk ruih?” a ti a. Hmawlh a la a, a hawlh ta nghek nghek mai a. Rumliana chu ring zetin a ‘awiah’ vak vak a. Thenawm khawveng an lo tlan khawm thuai a. Zak zetin an haw ta hna hna a. An inah pawh riak ngam lovin a thiante inah a riak ta a.
A lo tlangval a, kum 1917 khan French ramah German râl rûnin a kal ve a. Kum 1921-ah Assam Rifles-ah a tang a. Silchar-a a awm laiin Assam Rifles-a Mizote chu in an saktir a. A chung dî an chih laiin an hotupa Holder chuan a hnuai lam atangin a phui leh phui loh a rawn endik a. Hmawlh zum a keng a, a phui lo lai a hmuh chuan, “He lai hi a la phui lo,” tiin a hawlh tlang zawk zawk fo mai a. A chang chuan anmahnite pawh a han hawlh fuh thin a.
A tawpah Rumliana ning chuan a hnuaia an hotupa chu a zunkhum ta vak mai a. An hotupa thinrim chuan Sap hnenah a hêk a. Sap chuan a ko va, “Rumlian, engati nge in Holder i zunkhum?” a ti a. Ani chuan, “Mizovin in chung dî kan chih chuan a phui leh phui loh en nan kan zung thin a. A hnuai lam ka hmu thei si lo alawm,” a ti ve tlat a. Hrem ngaihna an hre ta lo a ni. (chhunzawm tur)
Kum tir lam khan Rumliana chanchin post turin ka tum reng a. Mahse, ka lehkhabu chu ka hmu zo ta lo va, a chanchin ziahna bu a awm tawh bawk si lo nen, ka rawn post lawk thei lo a ni. Vanneihthlak takin ZOlife lamin July issue-ah an rawn chhuah ta hlauh mai a, dil/hrilh lem lovin ka rawn chhuahchhawng ta mai a ni e.
Similar Posts:
- Rumliana titi-III
- Rumliana titi-II
- Kan nau awm hla hi!
- Khawvel tak hi chu aw…
- Zawlbuk leh Nula Ina Riak
July 21st, 2011 at 10:48 am
47
Pu Hv # Kha story kha han sawi chiang teh a…ka hre chiang chak khawp mai, chianglo ruai phuah belh hi veng lehlamah chuan kan lo hre thin a… OT lem lovang chu.
Report this comment
July 21st, 2011 at 11:19 am
Comments hlui hai peih chuan in chhiar tawh ang, mahse kan rawn bel ve leh teng.
Rumliana hla phuah thenkhat (Tlira Pawl a zui laia a phuah)
1.Pawl an tam kei zawng ka thlang thiam lo,
Kai tak ang maw Chhandamna Pialral Zopui;
Imanuela zuna uai zawng zawng.
2.Tawngtaiah Pawla ka sawm dawn e,
Chhawm ka nuam e cherzing bel lian van zawlah;
Angel-ho nen dawn za i Pialralah.
“Lal Isua zalna chu ranthlengah;
Kei ka zalna Thadang irno tai nemah;
Ka chan a u zawk e Lal Isu”
1.Tlungvel nu chhingmit a var chuang e,
A chang sangin a dai thuk bik e Sialin;
Chung Pathian tawn zang a lo hmu e.
2.Chung Pathian biahthu a dang nem maw;
An inhnial e tlang bawihah Lallianthangpa;
Mitdel Sai vuan ang a lo ni e.
“Nganabawk khuate hi nausen hmun,
Nutling chu hmul thlaruk mi-ah a piang e,
Pa-in Aua ! Aua! a lo ti e”
[P.S : Hnamsakhua lo insum se
]
[Source:Mihrang leh Sahrang by A.Thanglura]
Report this comment
July 21st, 2011 at 11:23 am
@TS : Rumliana nu hi ‘Hualngo’ niin mi thenkhatin an sawi bawk.
A chanchin ziahna a awm tawh kha maw le, State Library-ah i zawng hman lo’m ni?
Report this comment
July 21st, 2011 at 11:35 am
@lushai_er: State library-ah chuan ka la zawng lo va, district library leh lehkhabu dawrah chuan ka hmu lo.
Report this comment
July 21st, 2011 at 11:44 am
Rumliana chanchin hian mi a tirum ngai hauh lo, mi a tinui ver2 zawk thin… gud paws, TS!
Report this comment
July 21st, 2011 at 11:53 am
A duty laiin a muthlu a an hotupa in a rawn kaitho chiah chu a Amen a “Mi tawngtai laiin an tibuai ngailo” a ti tek
Report this comment
July 21st, 2011 at 12:04 pm
Arsi pakhat an bel tir ve a, hmunkhatah alo bel khat vek a ‘Engatinge?’ tiin an zawta, “Ka uniform zawng zawng ka su huh vek sia hmunkhatah ka bel khawm ta mai anih hi” a ti then a, avaiin an hlih sak leh vek
Report this comment
July 21st, 2011 at 12:10 pm
Capt.Wood of Lushai Scout(Biate Sipai)khan a ui a bo khan Mizo-ho kha a ringhlel si a, kutin a man bawk si lova; engtin nge a ti an tih kha….”Ka ui a bova, Rumlianate’n sakhi an rawh !” a ti an ti.
Report this comment
July 21st, 2011 at 12:20 pm
rumliana bawk h an ti…a pute nupa thrudun lai kha ava en a..ral atag a pu hnenah..”ka pu heta trang hyan inti in ang ltk” ava tia..a pu cuan a awih lo ngang mai..cutah rumliana cuan anh leh heta trang hyan rwn en vela,khatah k lo thru ange a tia..ani cuan api cu a ti ta tak2 si a..a pu cuan..”a ang hle tak mai a” a ti e an tia lwm
Report this comment
July 21st, 2011 at 12:27 pm
sipai Ruma tiin kan sawi thina, mizo pa ah chuan afing kan tih ber thin a ni.. he2
Report this comment
July 21st, 2011 at 1:02 pm
#5, Sakhi a ni lo tlatin ka hria..
Report this comment
July 21st, 2011 at 1:08 pm
#59 Api bulah khan kapu in va ti rawh min tia a ti keuh maw le.
A sipai chhutti pawh kha a cham rei thei lutuk a,an hotu ten an zawh lah in tuilian in min dang alawm atia,an hotupa awih lo chuan khua lah athat em hi atia,ani lah chuan in awih loh leh kankhuaah han kal ula ati mai sia,chu mi vang ringawt a hlatak han kal ni bik suh,hrem apumpelh leh phah ni awm tak ani.
Rumliana kha mi lungleng theitak,a thian te pawhin a an hriatpui hial khawpa nupui fanau ngai thin si kha a chhutti chang pawn anupui fanau te tlawh chuang silo khan atlingtla leh mai thin ni awm ani.
Report this comment
July 21st, 2011 at 1:10 pm
tuaisiala
Report this comment
July 21st, 2011 at 2:14 pm
Mak dangdai thei ve,UFO hi a mah a ni ang a….
Report this comment
July 21st, 2011 at 9:20 pm
Mi mak sarang tih hi mizo upa tawng a ni a, a chhia a tha lama mi chungchuang bik sawi nan an hmang thin. Mafaa hauhnar pawh khan a article ziah pakhatah khan “mi mak sarang” tih ami sarang lai hi hmangin “Mizo Tawng, Tawng mak sarang!” tih a hman tawh tak kha maw le.
Rumliana chanchin ziahna kha kan nei thin a, min min hawh bosak daiha ka ui tlai khawhnu ngei mai. TSa zarah Rumliana’n min nuihtir leh thei ta a nih hi..
Report this comment
July 22nd, 2011 at 5:28 am
Ngaihnawm hle mai, nia,…. “mi mak sarang” tih khi ka chhiar buai nuaih mai, ka vawikhat hriatna. lolz
Report this comment