Tunge Padma Bhushan lawm lo ang?

May 1st, 2007 2:57 pm by ZOaTlau

Hats off to Capt LZ Sailo

A hun lai chuan khawvel hmun hrang hrangah UN peace keeping force niin a awm kual thin, Captain a ni a, nei ve thawkhat tura ngaih a ni. India sawrkar laipui pawhin a contribution ngaisangin Padma Bhushan hial a pe a, mahse chutihlai chuan mi inhnuai chep takah a nung ve tawk tawk si a ni.

Mizo pa zinga India ram chawimawina sang Padma Bhusan dawng hmasa bertu Capt LZ Sailo, Sialhawk khaw chhuak, Sailo lal thlah chuan Thawhtanni(April ni 30) khan a Padma Bhushan dawn hi Synod Conference hall-ah a lawm.

Padma Bhushan hi Captain hian April ni 5, 2007 khan New Delhi-ah India ram President ABJ Abdul Kalam kut atangin a dawng a a ni.

Insuihkhawm Leh Zai I Rel Ang U tia vakvai vakvai tak mai Capt LZ Sailo hi a thamral mai mai dawn lo, hla 350 chuang a phuah tawh a, a lehkhabu ziah “Runlum Nuthai” chu Book of the Year 2002 atan MAL chuan a lo thlang tawh bawk.

Aw Zoram a te ber lo e, i chhunga i fate hian i mawina leh i ropuinate hi an chhawmnung zel dawn. Hmangaihna nen kan enkawl dawn su che a.

13 Responses to “Tunge Padma Bhushan lawm lo ang?”

1
ZOaTlau Says:
May 1st, 2007 at 3:13 pm
Mistakes: A dawnni khi 5th April zawk a ni e, tlem chhutsual a awm bawk.

Report this comment
2
tlangvala Says:
May 1st, 2007 at 3:23 pm
Respect….

Report this comment
3
Maimawm Says:
May 1st, 2007 at 4:54 pm
A va han chhuanawm. Ka ngaisang e.

Report this comment
4
myself Says:
May 1st, 2007 at 5:56 pm
a va chhuanawm tak em….capt lz sailo..million congrats…..

mahse, dr laltluangliana khiangte em ni a hnung a ding ve khi!!!!!!!! in advertise na tur leh mipui bek hem zawng a thut theih na tur ang ah hi chuan alo tel ve hman ziah a …hahahahha…….

1)lalnu ropuiliani a ziah ah te khan “the soldier” english poem ami kha a copy nasa mah mah in ka hria ……..

2)literature thuhlaril..tia leh te hi aw……….a thuhlaril tih bu chhung ah te lah chuan “isua vanah a awm a, khawvel ah zuk lo kal a” tih te leh mizo tawng thiam mang lovin an thuziak te a khat trul bawk sia thuhlaril tiin a ko lawi bawk sia hahahahha……………

Report this comment
5
Vladimir Putin Says:
May 1st, 2007 at 6:15 pm
Kan lawmpui em em a ni. He tlangval, yes, tlangval, hi ani maw “Insuih khawm leh zai i rel ang u” tih phhuahtu chu ? A phuah thiam ngawih ngawih a ni. Kan chhuang hle mai.

Report this comment
6
Veepees Says:
May 1st, 2007 at 8:48 pm
Khai.. va chhuanawm ve, hmel ka vawikhat hmuhna.

A hlantu nen khian thian dun niawm tak pawh an nih khi mawle.
An hmel enin an tlawm na a, chosual awl tak ve ve an ni bawk si.

Report this comment
7
malz Says:
May 1st, 2007 at 10:48 pm
Dr tluangtea nih khi,nia Capt hian Padma bushan a dawng dawn tih a hriat veleh Dr tluangtea hi ka dawn dawnah chuan min zuk kalpui ang che tiin a lo ngen/sawm lawk diam a,chuvanga lo lang ve chu a ni e….

Report this comment
8
ThugAngel Says:
May 1st, 2007 at 10:53 pm
a ropui e, lawmloh chi rual a ni love…

Report this comment
9
Zorun Says:
May 2nd, 2007 at 2:12 am
Pu LZ, Ka va lawmpui che em. Thil tha titute hi thangtharten an history hnutchhiah atanging zir tur kan ngah hle mai. Mirethei tanpui a, mahni nawmsakna pawh um ve ngai lo a nihna hi a ngaihsanawmna lai pakhat a ni tel ngei ang. Kum 1912, September khan Aizawl lammualah hian Lushai Hills Bawrsap chuan Mizo Lal te zinga ber kaite a ko khawm a, lawmman hlanna a nei a.

Lal ngilnei leh khaw ngah ber chu Vuta fapa naupang ber Kairuma a ni. Kairuma hi a tar tawh em avangin a kal thei tawh lo va, a fate zinga rethei te chunga ngil nei ber Liangkanglova’n he Lawmman hi a dawn sak a, lal upa 7 in an rawn zui tel bawk. Liankanglova hi a chanchin kan sawi mek, Pu LZ-a pa a ni. Lal an ni a, nuam sa takin an awm thei ngei ang. Mahse, sipai bel nawt atangin Sipai ah a lut chho a, UN Peace keeping Force ah a in hlangkai daih mai. Zofate zinga a hmasa ber leh a awmchhun a la ni nghe nghe.

Tin, Red Cross hmunpuia hnathawk hmasa ber ani bawk awm e. Mi harsa leh hliam tur te khawngaih a, mahni retheih huama nun pe mi, thu leh hla bakah hnam dang kara seilian leh awm tam zawk daih hian Mizoram chhunga awm tam tak aiin lehkhabu a ziak hnem zawk a, thu leh hla a tihausa zawk tlat hi mi bik a nihna a ni. La thalai veng vawng se a duhawm hle mai. Zo hnahthlak inpumkhatte hi a thlir zau leh hawizau apiangin a pawimawhna an hria a, an lo buaipui thin tih hi a dik hmel hlein ka hria. Salute Pu LZ-a.

Report this comment
10
SiLent_Man Says:
May 2nd, 2007 at 12:47 pm
Ka pu tur a nih ve hi… a ti ka nuin, lo intithei hle rawh a ti bawk

Report this comment
11
Hank Williams Says:
May 2nd, 2007 at 12:47 pm
Casptain-a hi tunhnai mai khan ka hrechiang a, ka hrechiang tlai mah mahin ka hria. Tunah hia mission vengah an awm. A sawi ka la hriat reng chu: “Ka thatlai te chuan sap nula te hian ka ban an han la a, ‘your skin is very beautiful’ min tih lai te kha ka la hre reng a sin,” a ti a. Ka ngaihtuahin keini ngei pawh hi kan vanglai hian mual a liam ve ngei ang a, chung hunah chuan vawiin hi kan la ngai ve ngawt ang. Kan thatlaia nun kan uluk a, dik taka nun hram hram hi ke khawvel leh Mizoram laka kan bat niin ka hria.

Report this comment
12
Zorun Says:
May 2nd, 2007 at 1:10 pm
Lal fel, khaw ngah, mi retheite chunga ngilnei ber, Kairuma Sailo( Pu LZ-a Pu) Bawrhsapin lehkha hetiang hi a pe :-

“Kairuma Sailo, Tlaikuang Lal, Tual vawi thum i thah hma chuan i chungah engmah pawi a awm thei lovang” tih hi.

Tin, Pu LZ hi avanglai chuan Mizo tlangval hmeltha leh pian nalh tak mai a ni a. Sap nula pawh nupuiah a nei ve zawk nghe nghe.

Report this comment
13
Band Says:
May 6th, 2007 at 6:57 pm
Capt. LZ Sailo the Great! You make Mizo proud! Gongrats and continute to be great……..

Report this comment