Update June 5th
rka_49er Says:
June 4th, 2007 at 11:48 am eMin fuih pawrh ta sa sa, final chu ka en ngei a lawm.
Dar 12:00 a rik chuan chhak lam lungrem-ah kan nau MAP Academy-a training lai nen kan thu vang tawh. Chutichung chuan a hnuaiber dawttu tlar kan chang tawk. Dar 2:00-a khelh tan tur a ni nangin a piah lawk AR Cinema hall kawtah Volleyball final lo awm bawk nen mipui kan tam chak hle.
Read here
June 1:
pic:BBC
Pu Laldenga (RIP) chhungten sum thahnem tawk tak pe in CYMA in discipline hrang hrangah tournament a buatsaih a, an fakawmin a lawmawm khawp mai.
Quarter final hnuhnung pahnih zawk atangin ka va en ve hman hram a. Inkhel a hmuhnawm a rawlthar hmabak duhawm tak tak ka va hmu teuh mai. An ball khawih a mawiin an thiam hlawm ngei mai. Zirtirtu an nei tha tlang tawh a, zirna tur sports channel en tur a tam tawh a, kan hmabak hi a thim hauh lo.
Dinthar leh Aizawl Venglai inkhel kan en hmasa a. Dinthar lamin chhuanlam turin an players tha te MFA Cup Lunglei lama khel turin an zin chhuak nual a ni awm e. Aizawl Venglai naupang/rawlthar ho an tlan taima a, ball an thiam zawk. Jersey No. 22 Danny (x-air india?) a tlan chak si a, Dinthar lamin an ven a ngai nasa hle. Chutih karah Jersey No.7 kha marking tibuai turin a tlan kual peih a, left wing lam atangin a hmel en pawh a naupang tih hriat ngawih ngawih Jersey No.9 kha a duhawm. Dinthar striker ten ball an hmu tha thei lova, an defence an talbuai fo. Dinthar lama player tha ka tih chu an Jersey No.7 kha, attacking midfield-ah chuan tha tak a ni. Goal an thun thei lo ve ve a, Dinthar lamin an Captain leh an playmaker khel chhia te an thlak ngam lova, an tuar ta. Aizawl Venglai 1-0 Dinthar.
Durtlang leh Armed Veng lam an rawn lut ve thung a. Armed Veng lamah senior player an la awm nual. Mahse an fit lova, an thinchhe deuh niin a lang. Durtlang rawlthar rual an tlan taima a, lehlam pawl in rei ball an kawl hmain an thleng/chuh hman deuh zel. Striker leh midfield te thawhrim rah rawn langin Durtlangin tan hnu lawkah goal an thun nghal mai reng a. Armed Veng striker ten ball an hmu thei lo. Midfield-ah Durtlang an chungnung an defensive midfild sam buk deuh, a no. ka hre tawh lo, khapa kha a daihzai khawp mai, Sisoko-te rilru ah an lang chuai chuai. 2nd Half an han tan leh a, Armed Veng a upa lawm zawk tih a hriat tan, an tha a fei zawk a, an han run let tak tak mai chu hmuhnawm tak a ni. Durtlang defence an khawng hrim hrim a, goal 1 chiah an ron sut a. Penalty in tihtawp a ngai tlat. Durtlangin football a tha reng thin Armed Veng 5-3 in an hneh.
Durtlang hian nikhat pawh chawl lovin Tlungvel Venghlun ni 1 chawl tawh semi-final-ah an hmachhawn leh a. Match khel zawn tih hriat loh khawpin an rawn khel tha leh tho. Tlungvel striker ten ball an hmu thei lo, midfield ah hneh miau hek lo, ground ball turah a kangin an pe thin a, Durtlang defence an sang si a, an hneh hlawl lo. Durtlang in an thelh ho thei viau nachungin 4-0 in an chak ta tho va, ni lo se chu 7-0 vel a nih theih ka ring. Durtlang lamah an no.10 in experience nei deuh se! K. Vanlalruata, Durtlang Cricket captain pawn football lam pawh a lo ti thei khawp mai, tun tournament-ah chuan ball zo pawl tak a ni.
Semi-final 1 zawkah Kanan leh Aizawl Venglai (a hmani a khel tawh) an rawn ding chhuak ve leh a. Tan phat atangin Kanan an chungnung nghal a, ball thiam ka tih AIzawl Venglai chuan an khan lo deuh. Chuta karah Assam Regiment atanga rawn haw Tezawka (20) a vawi 1 khelhna ni bawk si, an check viau nangin Tezawka hi a ball ken a nghet, an chhuhsak mai mai lo. 3 tel an bawr rawn thin a, tualte vanglai chu nise ‘a khu rum rum a, tezawka chiah a ron chhuak leh’ an ti ngei ang. Rei loteah Kanan lamin goal an thun nghal mai ta reng a. Aizawl Venglai ho khel zawn an ni bawk a, an chau tih a hriat. Nidang angin an tlan taima tawh lova, an passing a fuh thei bawk lo. Kanan lamah ka hriat ve valtea leh hruaizela ten an khel tha. Aizawl venglai lam pawh tha tura ka hriat no.7 & 9 bawk an tangkai. 2n Half laihawl pelh deuh a Kanan lamin goal 1 an thun belh leh a, Aizawl Venglai lamin an han nawr let ngial a, Kanan defence an tang kawh tlat. Kanan 2-0 Aizawl Venglai. Kanan hian an player thate MFA Cup lamah an chan ve bawk, chuti chung chuan an la theuneu lo, a mai mai lo khawp mai. Final a hmuhnawm dawn. Durtlang a kum zawn a final lut thei leh Kanan veng, rawlthar rual duhawm tak nei ve ve an insu dawn. Ka en leh ngei ang. Camera ka nei ve si lova thlalak tar lan tur pawh ka nei lo.
Tlangkawmna: Refree ten game an control lo lutuk a, card pawrhna tura an phawrh ngam lo fo. Chu chuan game boruak a ti sosang zel. MFA leh refree ten han hrem vak dawn se, MFA affiliated player lo chu a tih theih tak tak loh. CYMA lamin a branch zawngin hremna a lekkawh a ngai. (Eg. kum 3 chhung CYMA intihsiakna buatsaiha tel theih loh, etc). Sportman’s spirit kan tih hi Mizo hian kan la tlachham, kan fit tawk loh vangin thinchhiat a awl. CYMA in dan leh dun a zawm fel tawk lo. Hman kumah lawmman vaw chhe pawl an awm a, hremna lekkawh thu a awm lo. Chumite bawk inkhelah buaina a chhuak leh a, hremna thuchhuak a la awm ta lo. Fans-te buaina pawh nise team-te a hrem ngam tur a ni. Veng 1 a mawl fal, mi bawl, au pawr fe fe an la tam. NIminah pawh kanan lama mi kha pakhat nen an in bat fuh deuh a, a mit ko a kak a, “a hnek, refree kha ka hnek dawn che” lo ti pawl an awm, khapa ngei kha a tawpah phei chuan mi 2 dang (a pa leh a thelh tum tu) nen an buai. kan police duty ten an la ngam lo!(?) Thirlen sawi loh tur an tih, a sawi lui a, an hmu a, public property sawisak kha public offence a tling a, an man chuang lo. Police 10 vel chauh chuan fans te an hlau tlat. CYMA/organising committee ten Police hi ground duty, security emaw an ti mai thin. TV-a kan lo hmuh leh hriat ang hian STEWARD hran nei ngei se a tha awm e. Steward te hian game tana pawi thei an lo veng thei ang a, Police in buaina liam tham (riot) a chhuah loh nan hma lo la bawk se.
A sei lutuk dawn.
