Click here for high resolution picture.
Picture: Mama, Vanglaini
Pathianni chhun dar 12 vel khan Tuikual luiah hmeichhe naupang Estheri (13) d/o Suanzakhan, Dawrpui Vengthar chu tuihawk lian thutin a len bo a, a ruang hi tlai dar 3:30 vel khan Tlawng lui a finna bulah hmuh a ni.
Estheri te hi a u, Lalnunmawii (14); Haumanga (16) c/o Rosiami, Dawrpui Vengthar; Zaihlimi (12) d/o Khiangliana leh Joel Luaithallian (8) s/o Thuama, Dawrpui Vengthar vekte nen nimin chawhma dar 10 vel khan Tuikual lui mawng lamah theihai lovin an kal a, an haw lam chu Capital Complex zawn Tuikual luiah tui lian thutin Estheri chu a la ta a ni.
Hetia tuilianin a lak hnu hian Capital Complex-a cheng, Pu Vanlalvuana te In chu an pan a, anni’n Lalnunmawii leh Joel-a te luia la tang chu an chhanchhuak a, hetia chhanchhuah hna an thawh lai pawh hian Estheri chu tuiin a len bo tawh a ni. An zinga Zaihlimi chu a lu-ah hliam a tawrh avangin Haumanga leh Estheri te’n an buaipui a, chumi lai chuan Estheri chu tuihawk chak tak chuan a la a, man beh tuma a bawhthelh thu Haumanga chuan a sawi.
