He Film hi, Thianpa Dennis Puia’n mi a lo thawna en a nghah hlelh awm hle mai, Zofate hi tawng chi hrang hranga tawngleh aw chawi dan in zul deuh thliah thliah kan ni a ngun deuh taka kan ngaihthlak chuan kan in hriat pawh tawn thei deuh vek ni in a lang. Canada, Vancouver Khawpuia CHIN/MIZO chengten Film en nawmhmel deuh an lo changte hi Zofate min ti puisuih tu a lo ni ve rengmai. A then a changtu te kan makpa te, kan naute an lo ni ve leh zela misual ah ka han hluih ve zuai nang che u.
Similar Posts:
- Winter Olympics Vancouver 2010
- Canada Chin Christian Conference Vawi 2-na
- CCFC Inkhawmpui report
- Mizoram hian Film Industry kan nei ve thei ang em?
- Mizoram zaithiamte North America ah
(Y)
June 22nd, 2009 at 7:51 pm
flying, ka duh ve e… milo thawn thei ang em?
June 22nd, 2009 at 7:52 pm
Hnam hming han sawi hian Mizo chu Mizo mai, Chin chu Chin mai ni awm tak. Chin/Mizo tih chu Peruvian/Malaysian tih nen a va inang duh awm ve. Sailo/Ralte inti ta ila, eng hman nge miin nia min rin ang le ? “Zofate” tih hi Mizote tin nen a inang riau ni ngei tur ania, an lam ri ka hre fo mai.
June 22nd, 2009 at 7:55 pm
Popcorn kan lei teuh teh ang. Chin/Mizo/Zomi discussion thui deuh a awm leh takin
June 22nd, 2009 at 8:58 pm
@Borat, Mizo tih hi a pianna a la rei lo a, Burma a kan pi leh pu te chen lai thlang an tlak hma zawng zawng khan hnam dangi min hriat dan leh min koh dan chu “Chin” tih hi a ni a.
Mizoram a Chi, Chipeng, Kuang hrang awm ang chiah hi Burma-ah khian an awm ve chung ho chu Chin tih an ni a, Mizoramah chuan Mizo tihin kan in ko a, Manipur lamah Kuki tihin an in ko a, buana tur a awm lo, kan awmna ahran vangin hming hrn kan nei a ni mai, a mihring Chi leh kuang chu kan in ang deuh vek.
June 22nd, 2009 at 9:13 pm
Vawi thum ka en chhuak a, pakhat mah ka hriatthiam loh chu le!
@Borat: Mizo tih hi hnam hming bik ni loin Collective Noun anga hman ani a. Mizo tih ai chuan Zofate tih hian a huam zau zawk ngei ang. Mizo kan tih chuan Mizoram chhunga cheng Mizo nia inngai zawng kha ni mai awm tak ani. Chakma leh Bru pawh kha a intih Mizo chuan Mizo an ni mai lo maw?
June 22nd, 2009 at 9:14 pm
Mizo film hi chu kung-fu a tel loh chuan a kim thei lo.
June 22nd, 2009 at 9:23 pm
Burma lama kan Chin unaute leh Manipur lama kan Kuki unaute hian Zohnahthlak ka ni an ti vek a, Mizo tih hi chu Mizoram chhunga chengte kan inphuahna mai niin a lang. Mahse, a majority kan nih avang hian a hnam nu leh pa ang deuh chuan min en niin a hriat. Kuki leh Chin unaute hian Mizo ka ni e an intih duh loh pawhin Zohnahthlak an nih chu an pawm thlap
June 22nd, 2009 at 9:44 pm
Kungfu chen chiah khi ka en … a hnu lam kha chu a rothap hmel toh emai..
June 22nd, 2009 at 9:54 pm
@Goldmember – Kei pawh hei popcorn nen thuthmun ka rem rem tawh khawp mai.
June 22nd, 2009 at 10:00 pm
@donnylee: Zohnahthlak kan ni e tih ringawt hi tawkin i hria em? Mizoram pawn ti mai i la, phai ram leh fawren lamah te hian tlem lai hi chuan kan in unau pet pet viau zel a, kan thahnem deuh a, kan inkhawm hrang tan a, a lo rei deuh chuan kan inmelh hrek hrek tawh mai e an tia.
Engatinge aw niang? Single identity kan pawn theih bawk si loh chuan in unau viau hi chu har tur reng chu a ni a. Hman zanah Misualdotcommer a chal lang tak pakhat nen kan ti ti a. Mizo tih hi Mizoram chhunga chengte kohna mai anih thu leh tu pawh, vai thleng a a huam thu a sawi a. Ka pawm khawp mai a.
Amaherawhchu, Zohnahthlak inpumkhatna kawngah hi chuan tawng khat kan hman theih loh pawhin in koh dan chi khat hi chu kan mamawh ve khawpin ka lo hre ve mai mai a.
Mizo tih hi kan inphuahchawp pawh chu lo ni ta se la, i han ngaihtuah chiang dawn teh ang! Lushai, Zomi, Laimi, Chin, Kuki tih chu kan inkoh duh dan theuh lo ni ta pawh ni se la. Tuna Mizorama chengte hi chuan Mizo tih hi kan pawm tlang mai niin ka hria a. Hmar kan ni emaw, Pawih kan ni emaw, Paihte emaw, Mara kan ni emaw lam ai mahin Mizo kan nie tih hi chu kan lo pawm daih tawh ah ka ngai ve mai a.
Kan historian ten an chhui viau na a, chiang tak ti mai ila, a han sawi dawt tur an hriat chian theih chin chu sap missionary ho lo luh hnu atangin a ni a. Chi hrang hrangin kan lo inko pawh ani thei e. Mizo tih hi engtin nge a intan chu ka hre hauh lo a.. heng a hnuai a mi te hi lo en ve mai mai teh… ziaka kan neih china kan chanchin…
1. Mizo Zir Tir Bu Oct ni 22, 1896 ah chhuah ani a.
2. Mizo leh Vai Chanchinbu Nov 1902 ah chhuah ni.
3. Mizo Chanchin Laisuih tih chanchinbu kum 1898 khan vawi thum ngawt mai Bawrhsap J Shakepeare (Tarmita) khan a lo chhuah tawh bawk a.
4. YLA kum 1935 ah Sappa David Edward hnuaiah din ani a Independent hnuah(?) YMA tih a thlak a ni.
5. Mizo Union kum 1945 ah din ani. (Source: Thuhlaril-Dr Laltluangliana Khiante, Mizoram General Knowledge-Kapchhunga)
Chuvangin Mizo tih hi pawm tlan theih tak tur ni chuan ka lo hre ve mai mai a. Zohnahthlak tih ringawt hi chuan a huam zau lutuk a, Aryan leh Dravidian tih ang deuh a thlahtu thuhmun mahni in ngeih der si lo ah kan chhuak mai ang tih ka hlau ve deuh mai mai a. Mizorama chengte hi Mizo hnam kan awm ka hre bik miah lo mai!
Enge i ngaih ve dan?
June 22nd, 2009 at 10:02 pm
Pa tawi te te Kongfu thym deuh2 an tam duh hmel.. VAncouver ah film chan dn pon kungfu thym ngai tho nh khi.. !!
June 22nd, 2009 at 10:17 pm
Pu VaiVa chu ziak tha khawp mai. I han comment leh Pu H.T. Sanglianan a Mizote tih a ziah tawite kha ka pawm zawng tak a ni. Mizote hi hnam naupangte, kal mek kan ni, kan champion pui tur chu mizo hi a ni. Mizo tih hi Mizoram a chengten kan pawm chuan MIZO ani mai, khawi i emaw lai ami ten chutiang khatiang, Mizoram hmangaihna nei aih lo a an rawn ti pawng pawng hi chu a zia lo deuh thin a ni. Ziah duah chuan thankhat lung kan ti awi lo dah ang e.
June 22nd, 2009 at 10:27 pm
VaiVa rawn ziah khi a ngai ngaiin keipoh ka pawm e. Ngaihdan danglam vak ka neilo.
June 22nd, 2009 at 10:29 pm
@Irpa: Ti lungawi lo dah lo e… Misual a tel pha chin chutiang khawpin an rilru a te lo… ngaihdan nei thamin ngaihdan ngaihthlak an thlehlel fo
Mak deuh mai chu, inpumkhat kan tumna lamah hian huamzau tir kan tum lutuk a, kan hak ani ber mai. Amak khawp mai, Mumbaiah te pawh hian hmanah chuan Mizo inkhawm a awm thin a, kum rei vak lokal ta atang khan Zomi an hrang ta a. Kan member thin te zingah tel kawp awm mah se kan hrang tial tial mai nia.
A hausa leh thil ti thei pha chin te chu rawn inhmang lo mah se kan va ti Mizo tho tho mai a. Chutih laiin tlema mi pangai kha chu kan ti Mizo lo thung a. Keini a Mizo a inti te ngei pawh hi kan phakar ka lo ti ve ang reng khawp a. Chutih mek laiin kan Zomi unau te zingah hian Mizo tih han lam rika Manipur lam awn ta daih hi an awm ve bawk a.
Kan hre theuh ang. Ennawn ngai chu a awm a ni! Zo Re-Unification hi ennawn chu a tul deuh a niin ka lo hre ve mai mai
June 22nd, 2009 at 10:33 pm
Mizote hi hnam naupang te kan ni lo, 210B.C, vel khan China ramah lo awm tawh angin Historian te chuan an lo sawi a, a pawng a tak hian “Hnam naupang te kan ni”, hi kan ti ve ziah a ka pawm loh zawng tak a ni.
“Mizoram chhung mi chauh Mizo a nih chuan, ngati nge Bro, Chakma, Gorkhali, Vai,etc.. ho te khi Mizo an va ti lo ve? a Nih chuan Burma a Duhlian tawng hmang “Mizo”, in tite, Manipur a Duhlian tawng hmang “Mizo” i tite hi Mizo an ni lo tihna em ni?
Mizoram pawn a awm ho, Ram dang awm ho pawh Mizo an ni tawh lo tihna em ni?
June 22nd, 2009 at 10:42 pm
Vaiva leh donnylee te ziak hi a vai chuan ka pawm lo.Chin,Kuki,Hmar etc kan pawm lai a Mizo tih hi Mizoram luah thlak hnu chauhva invuah a nih avanga dah hran ngawt chi a ni dawn em ni? A upat avanga dik,naupang avanga dik lo ta mai chu a ni thei lovang.Mizo tih hian Lusei,Hmar,Ralte,Pawi,Kuki,Chin,Paihte etc an leng vek.Mahse Mizoram chhunga an chen ve avangin TAKAM leh VAI hote Mizo an ni thei lo,an ni ngai bawk lovang.
June 22nd, 2009 at 10:49 pm
Nia Pu Chepahakhat, i ti dik e, ka tlawm e! mizote hi upa deuh kan nia, kan pu ber pawh Adama an ti ta emaw ni kha le! eng BC vel ah emaw khan eden huan pawn lawk ah khuan kan lo in bengbel reng tawh a lawm le.
Zawhna pakhat chiah, Mizoram hi awm ta lo se, Mizo in ni tho a ngem?
June 22nd, 2009 at 10:52 pm
lrpa, chepa i zawt nain ka lo inrawlh ve lawk.Mizoram hi awm lo se Mizo kan ni tho ang.Mizo awm lose Mizoram a awm lo zawk ang.
June 22nd, 2009 at 11:04 pm
Hmanlai chuan chibing te te in khua an nei firfer a, unau an nih an hai lo, a hnuah mahni chenna tlang te teah lal hran hran neiin an awm leh a, eng emaw hlekah an indo thin a, a chak zawkin a chak lo zawk hnenah chhiah an pe thin a, hnam khat an nih loh vang ni lovin thunei zawk nih duh vang te a ni mai mai.
Hun a lo inher zel a, Kum 1882 velah Bristish Sipaiho an rawn lut a, kan chenna tlang leh mualte chu chi leh kuang tam ber nia an hriat ang zelin Lushai Hills, Chin hills, Chitagong Hills, Jampui Hills, etc.. min vuah sak a, Khatih lai khan Mizo tih leh Mizoram tih hi a la awm hauh lo.
Hun a lo inher zel a, British hovin min chhuahsan dawn khan kan chenna tlang chin theuh chu ram bung thumah min thensawm ta a, a then Burma lamah an bet a, a then India ah, a then Bangladesh a. Mahse mihring thuhmun hnam khat kan ni lawi si. Hei tak hi a pawi ber mai chu a ni a. India chhungah ngei pawh Manipur state lama bet te, Tripura lama bet te pawh kan ni nuk mai.
A hnuah Politics lamah kan lo pakai ve tan ta a, Lushai tih chuan lusei chi leh kuang deuh chauh huapa hriatna a lian chho ta a, chuvangin kan zavaia huai thei turin Mizo tih hi rawtna a awm chho ta a, chibing bik a awm loh avangin a vawng chho tulh tulh mai a, he Mizo tih rawttute ngei ngei pawh Hmar te, Ralte te, Lusei te, Pawih te, Mara te an ni hlawm a, tunah pawh min la dampui tlem a zawng an la awm a, a thi tawh zingah R.Vanlawma te ho chu hriat lar pawl an ni ngei ang. Tin, Pu Rokunga’ hla hmangin Mizo tih hi a chawilar thiam hle bawk. Tichuan, Mizo Union chuan Mizo tih hrilhfiahna pawh India sawrkarah thlenin Mizo chhungah hian Zohnahthlak zawng zawng an len vek thu leh an tel vek thu an tarlang a, Mizoram pawh Zohnahtlakte luahchin zawng zawng a nih thu an tarlang bawk. Chu chu kum 1948-a Mizo Union Memorandum hmasa ber kha a ni.
Tichuan, Mizo tih chu a lo lar chho ta a, tute mah ithlahrung hauh lova Mizo nih theih vek a nih avangin a vung tulh tulh a, Lushai district pawh Mizo district tia thlak a ni a. A hnuah Lushai hills pawh Mizoram a lo ni ta a. Kum 1953 atang kha chuan Mizoram tih hi a lo piang ta a ni.
Kum 1945 vel atanga Mizo tih hi lar ta a nih tawh avangin he mi kum hnua State dang leh Burma ram lama pem chhuak te chuan Lushai tih emaw identity pu mah se, an thinlungah erawh Mizo in bu a khuar thlat a. Chuvangin Burma ramah te, Manipur ah te hian Mizo tih vawng chho zel hi an lo awm ve ta bawk a ni. Hetih lai hian kan unau, Paite, Lai, Mara, Hmar etc.. te pawh Mizo dik tak an ni vek a. Mahse kan han sawi tawh ang khian kum 1945 hnu lama pem chhuak ni lo, a hma daih Chibing khua neia chibing lal neih lai atanga awm hrang te an nih avangin Mizo tih chawilar kawngah leh pawm tlat kawngah an la hnufual deuh a, hei hi hriatthiam an tulna lai tak tur pawh a ni. Mahse Mizo tih hian an ni pawh a huam vek a ni. Kan dialect hrang hrang te pawh hi Mizo dialect chikhat vek a ni a, mahse kan hriatthiam tlan ber Lusei dialect bul thut hmanga kan chawm len leh tihhausak Mizo Language tia kan chhal ngam tawh, tuna kan hman mek hi Mizo Tawng kan tih bik dialect mai ni lo, Language puitling kan neih chhun chu a ni ta rih mai a.
He tawng la hmang chiah lo leh la thiam chiah lo te pawh Mizo vek an ni a, Mizo dialect chi dang deuh hmang vek an ni. Chuvangin Mizo tih hian min huam vek a, a rawtchhuaktute pawhin an huam tir vek bawk ang khian pawm tlang ila, kan inpumkhatna kawngah pawh nasa takin kan tangkaipui ngei ang. Ka lawm e.
June 22nd, 2009 at 11:04 pm
Pu Muantean a rawn chhak dik chat chat hle mai.
Zotung, Zophei, laizo, Zou, Dzo,Zomietc.. kan Zohnahthlak Chi hmingah hian Zo tih a inko hi kan lo awm nual a,Lai ho erawh hi chuan Zo kan ni lo an inte ve a, pawm dan a tam ngaih dan a tam. Mizoram a la awm hma atang, Lushai Hill a nih lai atang Mizo tih chu hman a lo ni tawh a,Pu Muatea chhanna ang hian; Mizoram hi awm lo mahsi Mizo chu a awm tho ang a, Mizo hi awm lo se Mizoram hi a awm loh a rin awm zawk.
June 22nd, 2009 at 11:05 pm
A dik tho mai, mahse pawmtlak leh rintlak mizo history zir tur hi kan nei chau rau em em. Rintlak ho deuh chu hman ni lawk a mite kha an ni mai a. Entirnan, Zoram Vartian tihte kha kan historian tam tak ziak ai chuan a rintlak zawk hmel fu mai a. Hetiang anih a vang hian Pu. R. Vanlawma te, Pu Ch. Saprawnga te ziah hi ka pawm phak tawk chu an ni ve mai a. He mi behchhan chuan Mizoram hi lo awm lo ta se chuan Mizo hi a piang hauh lo ang. Hei vang hian Mizoram a chengte kan vaiin lkan hnamah Mizo tih hi kan pawmtlang tur ani a, tichuan, kei chuan ka hnam chu mIzo ani a, ka chi chu ralte a ni tih hi ka pawm dan kumkhua tur ani.
June 22nd, 2009 at 11:06 pm
@chepahakhata: Ti nge ni dawt an lo sawi ziah ni! Mizo te hi kan thlahtu te chu an upa lutuk. Mah se Mizo hnam a awm miau loh avangin ka sawi zawm thui lo mai ang!
1. Gorkhali, Chakma, Bru te pawhin Mizo ka ni e an arwn tih chuan i hnial thei hauh lo ang! A cheng dik tak te neitu nihna neitu an nih chuan. Tunhnua rawn pem lut te chu ka ti kher lo. Mizote thlang tlak hma a lo in bengbel ve trawh an nih saw a then saw chu!!!
Mizoram pawna chengte erawh hi chuan kan duh thuah a in nghat tawh ang! Mizoram hi kan ram tia kan neih chhun a ni miau a. A chhunga cheng a te khi tehfungah ka hmang mai ani. Manipur leh Tripura lam unau te pawh ka hre reng. Amaherawhchu sawi leh sawi hnu, miin kei chu Mizo ka ni lo a a tih tlat chuan va tih Mizo luih tlah kha a tul em em pawhin ka hre lo e a.
Mizo kan nih vanga Mizoram awm anih miau avangin khawiah pawh awm i la Mizo kan ni reng ang. Mah se, kei chu sap nupui/pasal ka nei a emaw vai nupui/pasal ka nei a ka Mizo ve tawh lo mai ang miin a tih chuan tih ngaihna a awm lo chu a ni mai a. Kha tak kha a ni Mizo hi HNAM bing ani lo ka tih chu ni!
Juda ho kha khawvel a an pem darh khan Juda an nih loh phah ka hre lo a. Mi ramah pawh Juda an ni reng, mah se thenkhat in Juda ka ni lo an tih tlat chuan an ni lo chu ni mai lawm ni! Mizo thenkhat pawh Juda kanni an tih miau chuan Juda an ni mai. Mizo ini i va ti tung tung thei lo. Ti mah la, a duh tu thuah a innghat tlat tawh! Ralte, Sailo atang khan ban ngawt mah la Mizo atang chuan i ban lo ang. An thu thu a ni!An tel duh lo miau chuan Mizo i ni ti vawi 70 mah la min rawn pan chuang lo ang!!!
June 22nd, 2009 at 11:10 pm
Pu Chalngura thu ziah hi a tha khawp mai, tiang ang riru zau tak put hi a paimawh khawp mai.
Zo hnahthlak unau vek kan ni !
Published on: May 11th, 2009 | Posted by: zoin | 278 Views Edit |
By: Chalngura Zahau
Zo hnahthlak thenkhat, a biktakin Mizoram chhunga chengte hian mahni tobul kan ngaihthah palh thin a. Tobul dang Chinese te, Burmese te, Vai emaw Sap kan tih mai vunngo ho hian engtikah mah; Zohnahthlakte hi anmahni angin min pawm tak tak ngai dawn lova, rilru zau zawk pu a, Zo hnahthlakten khawvel ram hrang hranga awm Zofate inngaihnat leh ngaihhlutna chang kan hriat a pawimawh a ni. Hnamdang zingah hian engang pawhin tlangnel ila, a tawp tak takah chuan choak a rawnchang tawn ang lek kan ni si thin.
Zofate kan inngainat leh hmangaih avangin hnamdang kalsan emaw hlamchhiah tur emaw tihna a ni lova, hnamdang zingah pawh a chungchuang leh hruaitu ber nih zel hi zofate tih tur leh chanvo a ni. Zofate tluka thluak tha, fing leh huaisen hnamdang zingah an awm chuang lo. British sorkarin Zo hanahthlakte India leh Mayanmara min thendarh ta mai kha a pawi rual rualin kohkir leh theih anih si loh avangin, hman tangkai dan i thiam hlauh ang u khai. Khawvel ram hrang hranga Zohnahthlak kan awm darh hi malsawnaah chan tir ila, kan theih ang angin kan tobul leh hnam hi i hum tlat ang u. Mizoram chhunga piang kan ni emaw, USA a piang kan ni emaw, Mayanmar-a piang kan ni emaw, Zohnahthlak kan nihna a buai chuang lo.
Tawng chungchang pawh, Mizorama awm tawng dang hmang lo chuan Mizotawng an nal ber ang a, England rama seilian chuan English an nal ber ang a, French rama seiliante chuan French tawng an hmang thiam ber thin ang a, Mayanmara awm te chuan an awmna tawng an hmang thiam ber theuh ngei ang. Mizo tawng kan pai deuh avangin Zo hnahthlak kan nihna a bo lova, hnamdang tawng hman thiam hi tangkaina leh hlawkna a ni mai. Tawngah te, khawsakna hmun avang tein Zohnahthlak kan nihna hlamchhiah lo ila, Mizoram chhunga awmte pawhin i hnawl mai bik lo ang u. Zohnahthlak zawng zawngte hi unau kan ni si a.
PS: He thuziak tawi fel tak leh ril tak hi ZOIN din hlima kan advisor Pu Chalngura’n a ziak a ni a, kan han phochhuak leh a ni. Ed.
June 22nd, 2009 at 11:20 pm
Hnam leh Chi ang chi hi duh duh a ban theih chi a ni dawm em ni? A thisen atang, thlahtu atang a ni tawh a, a Hnampui & Chipui te zing ata, a bang a nih pawn a hre chiangtu leh a chhungte chuan a nihna chu an hre tho a, a ni ban leh ban loh lam kha ni dawn em ni? Zohnahthlak an nih chuan an duh emaw duh lo emaw, Mizo tihin a huam chhungah an tel vek a, a pawm lo a nih pawn Mizo tih chuan a huam tho tho a, tih danglam theih a ni dawn em ni? Amarawhchu, miin Mizo ka ni lo an tih chuan i ni va tih luih vak vak kha chu a tul chuang lo a, Mizo defination hi kan inhrilhfiah that a tul hle zawk a ni.
Pu Zoruna thu ziak khi a fiah tha kelh kawlh bawk khi khi uluk deuh khan chhiar teh un.
June 22nd, 2009 at 11:26 pm
@vaiva: Mizorama cheng nghet an nih avang ngawtin Vai,Chakma,Bru etc te hi Mizo an ni thei lo.India hnam puanzar hnuaia Mizo kan ni e ti a Mizo hnam hrang hrangte intlar zingah khan anni ho hi an tel lo. “Mizo ka ni e” rawn ti eng ang pawh nise an tan nih ve ngaihna a awm lo,sa an rawn phunte anih erawh chuan 2nd class Mizo pawh chu an ni mahna. Pu zorunpuia comment #19 khi han chhiar chiang teh le.
June 22nd, 2009 at 11:26 pm
Vaiva ngaihdan hi a dikna chen a awm thei a, mahse hei hi Mizo tih hrilhfiahna leh a lo tobul nen erawh a inmil chiah lo va, ngaihan thar a nih erawh chuan ka hre hauh lo thung a. Nepal ah chuan Nepali ringawt an awm bik lo va, hnam dang tam tak an awm ve tho a. Nagaland ah pawh Naga chauh an awm lo va, Vai te, Meitei te, Kuki te pawh Mizo te pawh an awm ve tho a. Engtiklai mahin Naga an inti ngai lovang a, Naga ho pawhin Naga hnamah an chhiar hauh lovang chu.
Chutiang chiah chuan Mizoram-ah pawh Mizo ni hauh lo, hmanlai atanga sala an man Vai thenkhat te, Bristish hunlaia Bawng vulha rawn khawsa Nepali thenkhat te leh Mizoram ramri hrula cheng, Mahse ram thenhran a nih hnua Mizoram lama bet te Chakma leh Tuikuk an awm bawk a. Heng ho hi Bristish min awp lai atang te a an case hi buaipui a ni tawh thin a, Tuikuk leh Chakma te hi Mizo hnam zinga mi an ni ngai lo va, Bangladesh atanga rawn lut te an ni, tiin British ho pawh khan record fel takin an dah nghe nghe a ni.
Tin, Mizo tih leh Mizoram tih rawtchhuaktu Mizo Union ho khan heng hnamdang kan tih Chakma, Vai, Tuikuk, Nepali te hi Mizorama awm an ni emaw ni lo emaw, Mizo chi leh kuangah an dah lo hrim hrim a, an mahni pawhin Mizo groupa an tel ve loh thu hi chhiar tur atam hle a. Chuvangin Mizo tih chu group emaw hnam emaw anga kan inchhal tak hnuah pawh an ni chu Mizo tia chhal an ni ngai lo va, an nih loh avangin an duh bawk lovang a, chutih lai chuan Mizo anga awm ve ta mai pawh an awm thei bawk. Chung ho chuan Mizo hnamah sa an phun kan ti a nih chuan a theih lohna em em tur pawh a awm lo mai thei e.
June 22nd, 2009 at 11:31 pm
VaiVa, Mizo hnam chuangchang hi keima tawkah ka veina a rei tawh a, kan va tih mizo talh talh te rilru kan hriat loh dan te hian rilru a ti na ve thin a. Hnahthlak han tih te pawh hi thumal mawi tak phei chu a ni a, mahse hnahthlak han tih chuan khawvel mi zawng zawng hi hnahthlak vek kan ni lawi si a, kan duh chen ah ‘hun’ kaltawh kha kan rek bung ang a, heti chin ah hian Mizo kan nia, heti chinah hian …X kan nia, he ti chin ah hian China kan nia……. kan ti mai mai lek a ni in ka hria.
Chuan I pawm dan leh ka pawm dan chu a in zul khawp mai. Mizo ka ni ti chuan Mizo ka ni ti mai ila, sawi kawi sawi kawi hi a tangkai lo tulh tulh ka ring ve tlat zu nia.
June 22nd, 2009 at 11:35 pm
@muantea: Ka lo chhiar chiang tawh khawp a sin! Mizo Hnam ah engatinge kan luh leh dawn tak a. Mizo hi hnam a ni chiah em? Ralte te, Sailo te, Pawih te, Paihte te etc chu HNAM a ni thei anga. Mah se kei chuan Bihari hnam an awm ka hre lo a. Punjabi hnam pawh an awm ka lo hre der lo mai a. Mizo hi chu chhulkhat kual Zohnahthlaka te kan in kohna ani lawm ni? Chu pawh chu Mizoram a cheng deuh bik leh nghal. Zomi te, Lai te leh Kuki leh Hmar te pawh hian Mizo an in ti mawh khawp a sin.
A chhan chu helai bial zimte Mizoram kan ngaihtuah theuh vanga ni thei ang. Unau kan ni kan ti leh ngawt thin a. Mizorama chengten Mizo kan in tia, Manipur lamah Hmar, Kuki leh Zomi an lo in tia, Khawchhak lamah Lai te an lo in ti leh daih a. Tu chu nge Mizo ni ta le?
Khawngaihin min han hrilh fiah teh u. Mizo ah kan chiang a. Mizo hnam kan ti fo mai bawk a. Zomi/Pawih/Hmar/Kuki etc te kha enge an nih ve tak le? Mizo chu an inti miah lo a nia. Unau kan nih chuan inunau na kawng zawn a ngai lo maw? Mizo kan tih hian a huam tak zawka chu Mizoram chhunga chengte a ni. Irrespective of HNAM!
June 22nd, 2009 at 11:45 pm
Vaiva, Mizo hnam hi a awm lo reng a ni.Mizoram a Zohnahthlak te identity a ni zawk…a dik…kan awmna ram a zirin kohdan a dang mai a ni mahse, Mizo/Zohnahthlak kan ni vek. Mahse, Lushai kan awmlo ania aw hairehai…Lusei an awm
Meaning, Mizo/Zohnahthlak vek kan ni…kan awmna zirin kohdan hrang (identity hrang) kan nei a ni mai. Lai,Lusei,Hmar,Paite, Mara etc awm lovin Mizo ringawt a awm theih loh.
June 22nd, 2009 at 11:47 pm
@zorunpuia: I sawi chu ka pawm khawp mai. Ka sawi awmzia zawk takah chuan Sa phun te chu kan ti tawh ngai hauh lo a. Mizorama cheng na na na kha chu a duh chuan Mizo ka ni a ti ve thei lawm ni.
Entir nan, Manipur lama kan unau te hi ka tawhpui hnem ve tawh hle a, han zawt i la Manipuri hi an inti mai a. Mizo inni hi chu ka ti duh bik lem hlei lo a. Tin Vai ramah te pawh mi a settled na hmun anih miau chuan pu te thleng a an lo pianna a nih miau chuan a ram a ni ve maiin kalo hria a. Nagaland rama chengte pawhin naga chu an inti kher lo ang! Nagaland ah erawh chuan an cheng si a lawm. Maharastra a cheng te pawh Bihari pawh ni se domicile certificate a neih te chuan Bihari a ni tawh hlei nem.
Ram hian emotional attachment a nei ve deuh roh a. Emotional Boundary ringawt hi chuan min hruai khawm zo dawn lo. Hei hi ka ram ani tih tur kan neih miau si loh chuan. Physical Boundary hi a pawimawh lutuk. Apawi a, min then darh tawh a. Insuihkhawm leh hi tawng hrang chenna hrang vek tan chuan har ve bai bai tak tur chu a ni!!!!
June 22nd, 2009 at 11:50 pm
@vaiva,ka ziak khi i chhiar chiang lo nge aw? Mizo tih hian hnam hrang hrang inhlawmkhawm ti zawngin a nih khi ka sawi. Mizo tih hian zohnahthlak hnam hrang hrang a huam lai hian Lusei tawng,Mizo tawng kan tih tak, hmang lote hian muang leiah chuan Mizo nih an hreh deuh tlangpui thin. Mizoramah chauh lo pawh,Tripura,Manipur leh Myanmar ahte hian Mizo an tam viau i sin
June 22nd, 2009 at 11:50 pm
@ comment#11 …ha ha ha…
June 22nd, 2009 at 11:53 pm
Vaiva sawi hi ka hriatthiam dan leh lehkhabu hrang hrang ka chhiar atangin ka han chhang ang a, hriatthiam loh lai a awm pawhin kan sawiho zel a niang chu.
Hnam chi Tribe sawina a ni. Clan chu chi kan ti a. Ka sawi fo tawh angin kan pi leh pute khan tawngkam bungrua neih tlemna tam tak a awm ve a. Tuna ka sawi ang chi dialect leh language pawh tawng kan ni mai a. Chi leh kuang sawi na pawh hnam kan ti vek mai. Hei hi a pawina ber chu a ni a. Han chhut pawhin a dik thei lo. Kan thlahtu kan chhui hlat theih ber hming kha Hnam kan ti ta mai a nih hmel a. Pu Sailova te, Pu Tlaua te, Pu Pachuaua te, Pu Chhangtea te ho thihna kha kum 1680 vel awrh a ni a. An ni ho hming hi hnam atana chhal em tur chuan a dik thei dawn em ni? chuvangin keinin Hnam hminga kan hman ang hi family name lek a ni tih hi hriat phawt tur a ni.
Tin, hmanlai Mizo pipute khan Hnam dang an tih reng reng kha Vai, Kawl, Meitei etc..te chauh kha an ni. Paite a runin hnamdang an run thu an sawi lo, Pawih an runin Hnam dang an run thu an sawi ngai lo, Lusei an runin hnam dang an run thu an sawi ngai lo. CHuvangin Chi leh chi indo tia chhal an ni thin a. Sailo leh Sailo pawh an indo chiam chiam, Chhim leh hmar indo te, Chhak leh thlang indo te pawh kan hre theuh ang. Chutiang deuh mai mai chu a ni vek mai hmanlai zawk pawh kha.
Mizo tih a lo lar hnu khan chibing feeling awm tawh lovin Mizo hnamah inchhung lut vek ila Mizo hnam chhungah hian Mizo chi leh kuang (Hnam kan tih thin kha) inchhung lut vek ila tihna kha a lian chho tulh tulh a, chuvangin Mizo hnam tih hi kan inchhal dan chu a lo ni ta a. Mizo Tribe kan nih thu pawh kan hre theuh ang a. Mizo tribe chhungah chuan clan hrang hrang, Pachuau, sailo, Chawngthu, hmar, etc.. kan awm leh diat diat mai chauh zawk a ni. Mahse Mizo Tribe an tih hi Mizo hnam an tihna chu a ni ta ber a.
Laldenga pawh Mizo Hnampa kan ti a, Aizawl kawng lunlai sira a thlanlung kan en chuan Mizo hnampa laldenga kan ti. Ralte hnam Laldenga kan ti ngai lo. Chutiang zelin State aiawha kawng engkima ram pawna fehchhuah te chu Mizo hnam aiawh kan ti ta zel a. Hei hi thil tha tak leh chin zel tlat a ni a, kan uar sauh sauh pawh a rinawm. Chutih laiin Mizo hnam zinga tel ve tho, mahse Mizoram pawna awm Mizo hnamin a huam ve tho Hmar, Thado, Paite, Lai etc.. ten Mizo hnam emaw Mizo emaw an pawm mai theih loh avanga Mizo ni ve lo tak tak anga ngaih erawh a dik lo va. Ralte thenkhat Burma ram chhunga thlang tla ve ta lo la awm te chuan Mizo an nih an hre re re lo va, ralte an la inti ngat. CHutiang zelin thlangtla ve lo Fanai thenkhat te pawh chutiang zelin Lusei zingah pawh tlangtla ta lo Tiau ral a la chambang Hualngo thenkhat te pawhin Mizo inti mai lovin Hualngo an la inti fan. Mahse Mizoram chhungah an chipuite rawh mizo an ni lawi thung si.
Chuvangin Hmar thenkhat Mizo nih tira, a then nih tir loh, Pawih or Lai thenkhat Mizoa chhiar a, a then chhiar si loh, Paite thenkhat Mizoram chhunga mi te Mizoa chhiar a, Zoram pawna mite MIzoa chhiar leh si loh ang chiah hi a ni a. Unau piang tlang ngei ngei te pawh kan in identity dan hi kan chenna a inan reng loh chuan a danglam ve thei tho a ni. Kan hrethiam thei em aw..
June 22nd, 2009 at 11:54 pm
Topic chu kungfuu a va lang tawh lo ve a
June 23rd, 2009 at 12:01 am
Mizo kan awm a, vai an awm a, sap an awm a, pawih, lakher, lai, bawm etc. an awm a, Mizo chu Mizo kan ni mai a, zohnahthlakah erawh heng pawi, lakher leh zomi tia invuah hrang hrang bakah zohnahthlak anga kan ngaih tam tak pawh an la awm ang. Mizo kan ni a, zohnahthlak insuihkhawm tihte pawh engemaw lai chuan a lar viau a, tun thlengin helama tui tak tak pawh an la awm nual. Amaherawhchu, hnam chibil hi kan inchhui dawn a nih chuan chhui tur tam tak a awm dawn a, insuihkhawm tih hi engtikah mah kan nei hauhvin ka ring lo, kei chuan, chuvangin Mizo kan nihnaah hian chiang ila, pawi, lakher leh zohnahthlak dang anga kan ngaihte hi an hnam ang hian ko mai ila, anni pawhin Mizo nih kher an duh hauh lo a nia. Chuvangin MIZO te hi Mizo mai ila, hnamdang pawh hian an hnam hi pawm ve mai se. Zohnahthlak insuihkhawm tih vel hi engtikah mah a thleng dawn si lo. Mizorama cheng Mizo te hi mizo ah inchhiar ila a tawk mai lo maw???
June 23rd, 2009 at 12:02 am
hehe, ka lo tui palh lutuk thin a, min lo ngaidam teh u.. unau thawnthu thuhmun sawi pawh a inang vek lo an tih kha maw..hehe, khawnge Kungfu lamah i lut ang aw..Cabin tih film ka en leh a, Ku Muantea hi kungfu a thiam hmel bera ka hriat pek chu..:)
June 23rd, 2009 at 12:05 am
@Vaiva Mizo-in tawng kan la neih kim loh em vangin i buai a nih kha, ti hian hriatthiam a awl deuh ang:
Mizo/Chin Hnamah hian Chi tam tak kan awm a: Lusei,Hmai, Lai/Pawih, Mara, Paihte, Khumi, Mindat, Matu,etc.. Heng Chi hrang hrang te hian Chipeng te te an nei a, Chu Chipeng te chuan peng leh chhawng/Kuang an nei leh a. e.g. Lusei Chi-ah chian Chipeng Hualngo/Chhakchhuak,Hauhnar, Pachuau,etc.. an awm a. Hualngo/Chhakchhuak Chipeng-ah a Kuang(Chipeng leh chhawng) te te an awm leh a: Hualngo, Chalthleng, Cherput,Khupno, Bochhung,etc… ti khan i chiang thei ang em aw?
Kei hi ka hnma chu Mizo/Chin a ni a, ka Chi chu Lai/pawih a ni a, ka Chipeng chu
Fanai a ni a, ka Kuang(chipeng leh chhawng) chu Fanaipakhup a ni. Heng ang hian a dawt a dawt khan i nihna kha inchhut la i var thei mai ka beisei.
June 23rd, 2009 at 12:10 am
Chin film and video Production ain ti.
June 23rd, 2009 at 12:12 am
hnma=hnam
June 23rd, 2009 at 12:14 am
Mi reh tawh hnuah han ti ve leh keuh teng.
@ 19 na ah khian a chiang a chiang tawk viauin ka hria.
Ka trhian hakha pawi, falam pawi,peihte ho hi MIZO an nih zia ka thiam tawkin ka hrilh trhin.
Enge maw chan a “Mizo ho chu” an tih chang pawh hian “Mizo ho ti suh, Mizo ho i tih chuan nang pawh i tel ve” ka ti trhin.”nang pawh kha Mizo sit dik tak i ni” ka ti trhin.
June 23rd, 2009 at 12:14 am
hmai=hmar ti zawk tur , ka hmanhmawh deuh a, ka ziak sual nuah mai. Min lo ngaidam teh u.
June 23rd, 2009 at 12:15 am
@zorunpuia: Hotupa chu i rawn thawh tha hle mai a. Ka var uarh mai. A ngaihnawm khawp mai. Engtin nge ka tih dawn… ka rawn phul chiam na chhan pakhat hi chu Mizo/Zomi a kan buai viau mai te. In be hlei thei der lo mai UNAU kan ni tlat si te hi a ni a.
I rawn sawi ang hian, ka comment #10 ah khan ka ziak a, Mizo tih hi kan pawm tlang ti i la ziak leh chhiar kan thiam rual a kan hmuh theih te an ni a. Pawm tlang ni mai i la fel ni mai tur hia ni a. Mizoram chhunga tang chuan thenawm te hmangaih chu a lo awl deuh pawh aniang a, unau kan ni thu hi kan sawi thla zen a. Mah se pawn lamah hian kan in UNAU hlei thei der si lo a. Tah tak khan a ni a. Mizo tih hi chi bila lak chi a ni lo. A duh a piangte Zohnahthlakte kan insuihkhawmna tura tana hming pawmawm a ni e ka tihna mai ani a. A duhlo na na na kha chu “Mizo i ni” va tih luih kha chu a chi ber emaw ni chu le? te ka lo ti ve mai mai thin a. Mizoram kannei a Mizo kan ni ti thei vek i la chuan tunai hian kan in unau zawk ngei ang le.
Adang te khi chu duh duh tih vel khi chu muana te lawmah ka rawn overemphasized ve deuh a nih khi!!! Tu pawimah ka sawi loh ka beisei ngawt
June 23rd, 2009 at 12:22 am
@Chepahakhata: Ti lawmawm e. Ka lo inchhut mek a! Tak tak a, kan inchhut thui lutuk anga Mizo atang khan kan bo thui lutuk ang tih ka hlau a ka in chhut lo mai ang! Lolz. Mizo tiha khan ka hlim ve tawps.
June 23rd, 2009 at 12:24 am
Ekhai Hotupa, i tactic avanga sawizau thei chauh kan ni a, khatianga zak dek thiam kha kan mamawh fo a. Hei chhiar tlak thu tha tak tak a lo chhuah phah der zawk alawm. I zarah a ni e. I rilru ka hriatthiam pui che a, tam tak phei chu ka lo tawn fo tawh leh ka beidawn rum rumna a ni fo mai. Mahse beiseina erawh ka la nei fan. I han sawi ang hian, engtikniah emaw chuan kan chi leh kuang dah tha a, Mizo Hnam chhungah kan la inchhun luh theih vek ka beisei tlat a. A mal mal chuan he khawvel ram zauah hian kan ding khawchhuak zo dawn si lo.
Mihring pawh hi hmun thuma kan chan sawm chuan a dam chhuak zo hauh lovang a, a thluak awmna lam a lu pawh a dam chhuak bik lovang a, a kal theihna lam a ke pawh a dam chhuak chuang lovang a, a thi lo thei lo. Chutiang bawkin keini Zofate pawh hi kan inthen sawm chuan tute mah hi kan dam khawchhuak zo dawn lo, kan chhehvela hnamdang te hi keini aia let tama tam vek an ni si a. kan intelkhawm a, kan inpumkhat that hi a pawimawh a ni.
June 23rd, 2009 at 12:26 am
#33 leh #37 te hi support pahin tlem kan belh ve ange -
1) Mizo hnam vek kan ni, Burma, Manipur, Assam,Tripura,Bangladesh leh Mizorama awm te hi. Heng Mizo hnam te hi khawvel ram hrang hrang ah kan awmdarh
2)Mizo hnam hnuaiah hian chi hrang hrang a awm – Pawih, Hmar, Kuki, Paihte, Lai, Mara, Lusei etc etc kan awm. hei ai tam sawitur hria in awm ang.
3)Chibil trawng hrang hrang kan nei, kan lingua franca atan Lusei trawng kan ti dawn nge Duhlian trawng hi pawm thei ila. Chibing trawng dang promote zelin.
4) Chibing hrang hrang te hi UNAU kan ni tih i chiang leh ang u. Abak in hriat ril siak hi a trul lem lo, trul lova inhnialna a tichhuak mai mai.
Mizo kan ni kan hmel a trha kan tum a sang bawk si tih Pu Rokunga phuah hian KA tih a hman miah loh hian collective noun anih zia a tilang mai lo maw
June 23rd, 2009 at 12:26 am
@37, ka va ziaksual nasa tak em. Hmai=Hmar, Bochhung=Bochung
June 23rd, 2009 at 12:28 am
Mizo leh Chin,Zomi te hi thlahtu thuhmun zofa,chhinlung chhuak vek kan ni,Zohnahthlak,chhinlung chhuak zingah Hnam hlawm lian tak tak Pathum Chin,Mizo,Zomi te kan awm,kanin ti hrang vek.CHIN tih hian Zohnahthlak zawng zawng a fawm kim vek lo.(kei leh Misual ho zingah hian Chin ni lo kan tam) Chutiang bawkin MIZO tih hian Chin ho a huam lo.Zohnahthlak ram pawna awm ho Hi CHIN an ni ngawt lo.BURMa ramah khian MIZO tawng hmang MIZO inti an tam,Chin an in ti lo.America ah CHIN society a hranin a awm a,Chin Day pawh a awm,chutiang bawkin MIzo society leh Mizo day a awm bawk.Hen atrang hian Chin leh Mizo chu thlahtu thuhmun mahse hrang tlat si a ni tih a hriat ve tlat.Hetiang chiah hian Manipurah pawh Zomi an intih laiin Mizo tawng (duhlian tawng) hmang chin chuan Mizo an inti vek.
Insuihkhawm tak tak tur chuan zohnahthlak te hian hmingkhat tawngkhat kan hman a ngai in ka hria.MIZO tiha kan lungawi tlang vek lo anih poawhin CHIN emaw Zomi emaw inti vek ila kan lungrual ber ang a,CHIN hoin MIZO te min hek tawh bawk lovang.
Insuihkhawm tak tak tur chuan
June 23rd, 2009 at 12:29 am
@chepa, tlai lamah hi chuan i type sual nasa zual deuh lo maw.. i chaw siamah khan wine ka hmu tel ziah mai a..:)hareihai..
June 23rd, 2009 at 12:32 am
Hehehe.. tun chu zing lam dar-7am a nih tawh a lawm, ka tlaivar thak a nih hi. Misual a luh laklawh hi chuan meng rei a awl khawp mai.
June 23rd, 2009 at 12:34 am
Sairas Zahuda hi Singapore a awm reng tawh employment agency a thawk trhin kha a ni em le, a phnoe no min han pe teh u anih chuan ka email ah
June 23rd, 2009 at 12:35 am
Mahse UNau vek kan ni,insuihkhawm leh zai irel ang u
June 23rd, 2009 at 12:38 am
Pu Chepa chu chhu sual nasa nawk nawk tak hle mai a…
Comment#41″hmai=hmar ti zawk tur , ka hmanhmawh deuh a, ka ziak sual nuah mai. Min lo ngaidam teh u”
Pu Zoruna sawi khi dik deuh a ni lo maw???
June 23rd, 2009 at 12:40 am
Tuntum kher kher chu ka dawm loh tum tak a ni, ak men rei vang zawk a niang.
June 23rd, 2009 at 12:41 am
Ka la ziak sual cheu nia mawle. ak=ka
June 23rd, 2009 at 12:43 am
Ka light a thima kei pawh! Mita hah duh khawp mai. Pu Lily_parmawia leh mzvision an lo tel tha ve duh lo a. Naktuk office kal ngai ka mut san dawn che u!
Ti ti hona nuam tak min lo neih pui avang in ka lawm e!
June 23rd, 2009 at 12:51 am
@Vaiva mangtha deuh mang rawh, thil romantic deuh ka rawn post dawn ania
June 23rd, 2009 at 12:54 am
chepa chuan type sual hi a addict ve hrim2 a lawm.
June 23rd, 2009 at 12:59 am
USA ah awm ta ila Mizo Society of USA ah nge i tel ang CHIN society ah? hei hian Chin leh Mizo hi thuhmun a ni lo tih a ti chiang khawp.Tin,Chinte hi MIZO an nih ve chuan eng vang nge MIZORAM (an ram) ah ngei pawh CHIN pawl bik an la neih cheu,Mizorama an awm tawh ber chuan inti mizo ve tawh mai se/
Hei hi ka huat vang a ni lo thenkhatin sawikawp phet an tum thin hi ka hriatthiam loh vang a ni zawk.Thlahtu thuhmun ,Zohnahthlak kan ni tih ah hian chiang mai ila,lungrual takin awm ho mai ila a tawk.Khawi hmunah pawh awm ila Zohnahthlak zingah rau rau hian CHIN an awm a,MIZO kan awm bawk.Zomi pawh an la awm cheu.Kan awmna treuh chu mahni theuhin kan hria.Unau vek kan ni tih hi hrechiang ila a tawk der.Inhuam tir talh a tul leu.
Chepa rawn sawi Chalngura thuziah khi a dik ka ti lutuk,a chhan Mizo a hmanna tur ah a hmang a,a pumpui sawi nan chuan ZOHNAHTHLAK tih a hmang thlap khi a dik chiah,kan vai hian MIZO ni loin,CHIN ni bawk loin,ZOMI ni hek loin ZOHNAHTHLAK vek kan ni si a.
June 23rd, 2009 at 1:03 am
ka inbual hma ka’n sawi leh lawk a thupui CHIN/MIZO a tih khi,huam zau tir tum leh insuihkhawmna tura thahnem ngaih vang a ziak a nih chuan ngatinge ZOMI/KUKI a telh ve loh.Chin leh mizo chauh hi zohnahthlak kan ni hleinem.Zomi rilru a na ang e.
June 23rd, 2009 at 1:07 am
He topic chu ava HOT thra ve lee.. Kungfu ah khan k tawp deuh top keizong..
June 23rd, 2009 at 1:13 am
@taia-pa, i zawhna khi chu eng dang vang ani lo, nangmah ang ve bawk a, Chin tih leh Mizo tih; a chhan leh tute nge ? tih hrechiang lo ve tak tak an nih vang a niang nge.
Chin tih hian tunhma a Burma a Zohnahthlak zawng kan awm lai khan hnam dang min koh dan a ni a, kan tel vek. Mizo kan tih pawn, Lai/pawi, Hmar, Paite, Kuki, Lusei,etc.. kan tel vek a, Zomi & Kuki tihah khi chuan an mahni Chi bing choh khi a kawk deuh a, mahse thenkhat chuan “Zohnahthlak zawng zawng a huam vek e”, an ti ve tho bawk.
June 23rd, 2009 at 2:09 am
chepa… correct
Hetiang lam ah hi chuan ngaihdan ni lovin, chiangsa a awm si a, mimal ngaihdan kan lo kal-pui vak zel mai hi…Mizo zia… mahni lawmna (rilru hlimna) selfish zia tilang tu pakhat ah ka ngai. Min thudik an sawi pawn, kan ngaihdan a nih loh chuan hnial tang tang mai zel te hi a mahni hmasial thlak ka ti lo thei ta lo. Hmeichhia an awm a, hmeichhe thenkhatin Minu kan ni zawk e an rawn ti talh ang deuh hi a ni awm e.
June 23rd, 2009 at 2:13 am
Chin film & video production tih ai khian Chin/Mizo film & video production ni ta se,insuihkhawm lam kawk deuh lo maw? te ka tia /a Ho hetiang lam sawi hi tumah kanin hmin tak tak lo.Ka ngaihdanah ka chiang khawp.MIZO pa ka ni CHIN ka ni lo. ka ni ngai lo vang.Chin te chu ka unaute an ni thung,ka haw ngai lo bawk ang.
CHepa alo chhuah dan chu engpawh nise Hman ah chuan tuna mizo zawng zawngte hi CHIN min ti thinin hnam dangin min kohdan ani tih kan hria e..heti zawng hian ngaihtuah teh tuna YMA hi hmanah chuan YLA a ni thin,mahse tunah chuan YMA kanin ti tawh tuna YMA member zawng zawng te hi YLA members an ni tawh lova.YLA tih kan ni tawh hek lo.”hmanah YLA kan inti thin a,tuna mi pawh hi YMA inti tawh mah ila YLA members vek tho kan ni tih ngawt chi a ni tawh lo.Tin,Zomi tih hi chibing a ni lo nasa,manipur lam zohnahthlakta hmingin phuah ve a ni e.
June 23rd, 2009 at 2:17 am
CHIN,MIZO< ZOMI<KUKI te hian Zohnahthlak hnam,chhinlung chhuak zawng zawng hi a mal theuh khian pakhat mahin a huam lo.Zohnahthlak tih hian min huam kim in kan lungrual tlang ber mai in ka hria.
June 23rd, 2009 at 2:24 am
Ehee.. flying, en ava chakom toh ve a hei chu! Lalte-a hi rin aiin alo puitling in ati thra hle mai
. Changtu te ho erawh in kan siniarrr toh zia min ti hrechhuak a jialo jok 
Btw, taia-pa, Chin/Mizo film & video production tih avanga insuihkhawm lam a kawh deuh bik na tur ka va’n hre ve lo em kei misual hian. Ka hriatthiam ve dan chuan… Chin ah hian kan zavaiin kan tel.. Zohnahthlak pum pui sawi nan Chin hman ani mai a.. te ka tia!!
June 23rd, 2009 at 2:32 am
lovely kei chuan zohnahthlak pumpui sawi na mizo ka hmang tlat.a ni duh lo chu thuhran.
June 23rd, 2009 at 2:34 am
ka enchak ve khawp mai flying lei va theihdan te a awm lo maw? kan unaute film chan chu.a changkan hmel khawo mai.Zohnahthlak film ah rau rau chuan.An trawng erawh ka bo hmel khawp mai.anyway,neihdan min lo ngaihtuah pui teh.
June 23rd, 2009 at 3:07 am
Chin Vanlalpianga leh Mapuia te film a ni maw?!!hihi…
June 23rd, 2009 at 4:30 am
Zo hnahthlak ah manashe hnam hi a awmlo chiang ber. A dang, Lai, Paite, Hmar, Lusei, Mara te hi chu Zohnahthlak kan ni chiang em em thung. Kan awmna ram a zirin hming kohdan kan dang a ni mai. Mizo vek kan ni e kan ti thei a, Burma lam ah chuan Chin theuh kan inti thei bawk ang a, chutiang zelin.
June 23rd, 2009 at 4:51 am
@tai-pa, YLA chu YMA tihin an thlak a, YLA an awm tawh lo hrim hrim a, CHIN tih chu Burma Zohnahthlak zawng hi CHIN tih an la ni a, Burma a tang thlak tla te, Bangladesh, Manipur & Mizoram mi te chuan hming hran an in phuah ta a ni mai a, tehkhin chi a ni lo a intuha lo lutuk. Burma a Mizo i ti ho pawh hi sawrkar-in Mizo tinin min hre lo a, 1963, May,23 khan Lushai tihin Burma hnam chikhat a pawm kan ni a.
Lushai tih a ding duh tute ho kha Mizoram atang a sipai tang ho kha an ni a, CHIN chhung a inchhungkhawm vek turin kan unau ten an sawm a, mahni chi bil in tih chankan vang leh unau dang te hmuh hniam vang te, Chi leh Chi in inhmusit vang te, mahni Chi bing induhsakna avang te khan an i la hrang a. Lushai in ti ho khi an Chi kan en chuan Lushai an ni vek kher lo, Lushai tawng hmang ho mai zawk an ni.
Tun hnuah hian hnam, chi leh kuang a chiangte chuan CHIN National Day, Chin thil tih honaah pawh Mizo or Lushai inti ho pawh an tel vek a, nangmah ang a HNAM A CHIANG LO LEH MAHNI NGAIHDAN SAWHSAWN DUH LO HO CHU AN LA IN LA HRANG FAN THO.
ZOMI tih hi Manipur Zohnahthlak ho inphuah a nihna chu hriat a va chakawm ve? Duhlian tawng hmang hoin Paihte kan tih ho Burma a awm ho hi ZOMI tihin an mahni in koh dan a ni a. Paihte hi ZOMI chhungkua zing a, thuawih lo a kal chuak(pai=kal, paite=kal chhuakte) an ni a. Khuangsai/Thahdo, Kuki, Zuo, Sihzang,etc.. ho hi an tobul an chhuahna an pa ber chu ZOMI hi a ni. An tawng pawh hi a tam zawk hi chu a in ang deuh vek. MANIPUR a Zomi in ti ho khi Chin State a mi Zomi ho nen hian an Chi a in ang a, Chin State a mi ho nen pawn an in pawh nasa bik a. Kuki ho khi Zomi nih an duh miah lo ang a,Zomi ho pawn Kuki nih an duh miah bawk lo ang.
“Zohnahthlak tih hian min huam kim in kan lungrual tlang ber mai in ka hria.” i tih hi a awm ang viau a, Lai i ti ho hian Zo nih hi an duh mia lo a nia, an lungawi kher lo maithei. A chhan niber a lang chu mahni Chi bing chawisan duh na, mahni tawng threuh tih lar duhna, mawl vang, rilru zim vang, mahni ngaih dan sawh sawn duh loh vang leh kan lo inkoh dan hming thlak hreh vang te a ni thei awm e.
June 23rd, 2009 at 5:05 am
tai-pa eng pawh nise, Mizo history chu keiin i hre rilin i hre thui zawk ngei ang a, keini ang Israel kan nihna pawh la chhui phak ve lo tan chuan, kan hriatna hi beihtham e mai. Nnagni chuan kum-1000 chuang a mi Israel kan lo nih dan thleng in chhui chhuak mai bakah a taka nunpui in ni tawh a, ka han tlak ve duah na a, a tan zawnga ho awm e mai, min lo hrethiam mai rawh khai.
June 23rd, 2009 at 5:41 am
An film ve chu leh, hmuhnawm loh hmel a sin. asian bad guys stereotype dan an rawn tar lang ve chiah anih khi. Sydney ah pawh asian ho, a bikin Vietnamese ho hi drug a in hnamhnawih nasa anga ngaih an ni, hnam dang ho pawh hian an hmu tleu reng bawk a.
Tahan/Falam Box office ah no 1 ani ve em ang chu maw! Mizotawng hmang se chuan mizoramah pawh a lar phian ang, sap ram an ngaisang sia
)
June 23rd, 2009 at 7:59 am
Hmuhnawm hmel ve a, en vek a chakawm a film kha a changkan hmel tlat. Pu.Aryan Australia mizo ho khan han chang ve ula, enge hmuhnawm zawk kan lo compare ang e
June 23rd, 2009 at 8:07 am
Mizo chu Mizo, Chin chu Chin, Zomi chu Zomi, Kuki chu Kuki a ni mai lawm mi? Kei chu Mizo-ah ka dam avangin Mizo ka in ti a, Chin ka ni ngai lo, Chin ho pawh hian Mizo an inti ngai hek lo. Mahse kan zavai mai hian thlahtu thuhmun kan ni lo erawh ka ti ngai lo thung. Unau kan nihna hi hre tlang ila a tawk maiin ka hria. Inpumkhat thu kan sawi pawh hian Mizo-a dam chin chauh hian kan sawi kan sawi ni maiin ka hria, Chin ho leh Zomi ho leh Kuki ho an inhnamhnawih ka hre ngai lem lo.
June 23rd, 2009 at 8:20 am
Vote la ila serious lutuk lo a ngaihtuah chuan Yes kan ti mai anga, second thought ah chuan Can’t say kan ti anga, a complicate tur zia leh groupism zawnga kan inthliar chuan No kan tih mai ka ring
Khawinge kan duh ang tih votena tur hi siam nisela, a chiang mai ang.
He issue ah hi chuan inhnial lovin mahni ngaihdan flexible deuh hleka kan sawi ho hi a tawk viau lo maw. kan tang lutuk anga mi feeling kan urt mai ang tih ka hlau hlel love
June 23rd, 2009 at 8:21 am
Pu H.vangchhia, Taia-pa, Lovely : Te an release zawhleh velah Calgary lam Conference chhimpah in ka va kaldawna tahchuan an lo ken ka ringa in tan ka lo la ange.
MZvision: Sairas Zahuda chu Singapore ah ala awmreng an Agent pawh a zia awmtawh viau asin.
June 23rd, 2009 at 8:52 am
aw misual ho tih takah in va han ho mai mai hlom e aw…. Mizo/Chin/Zomi/kuki etc velah buai a ngai lo, Kan unaute khawthlang lama awm ten film an siam ve ni mai, a film kha comment pe ta zawk ila, a Hollywood viau em, kan Mizo Film Industry ten zirtur te kan nei em, enge kan hmaih bik tih te hi bih chiang ta ila kan Zollywood pawh hian kan hlawk pui mai lo maw.
Tin a chibing zawng thuah khi chuan tumah kan in hnim thei dawn lo, a huam chin pawh inhnialna a tam em em a kan in hmin thei dawn chuang lo. tin Mizorama awmtena kan hriat tur chu kei nin kan unaua Zomi/Hmar etc… Mizoram pawna awm te hi Mizo inti ve tura kan rin ai hian an in ti Mizo lo khawp mai. Treat dan tawk thiam a tha hle in ka hria.
June 23rd, 2009 at 10:13 am
Buaina tur pawh awm lo e, Mizo angchhungah pawh Lai trawnghmang, Duhlian/lesei, mara, hmar, paite etc kan awma Chin ang chhungah pawh tiang trawng hlawmlian hmang kan awm thoa, keichuan mizo ti pawn ka in pawma Chin tih pawn ka in pawm, kuki i ni min tihpawn ka in pawm.Ka Hnamah ka chiang viau. Thil ka tih hian mizoram chhungtan chiah tihka tum lo a Chin Hills tan chiah tih ka tumhek lo. Ka theihtawk in kan ramtan mi harsa zualte puihtur an awm in ka theih ang ang in ka ti ve ve zel. Kathinlung leiril ah International Border, Tio/Tiau lui in mi a dang ve hek lo. P
June 23rd, 2009 at 10:13 am
Lusei*
June 23rd, 2009 at 10:17 am
Lushai
June 23rd, 2009 at 11:59 am
@Aryan lo deu vak suh aww… Zohnahthlak Kungfu thiam an nih kha, an kick dak awrh mai tur che sin..
June 23rd, 2009 at 3:24 pm
Pui hmel riap riap….Background picture mawi thei khawp mai.En ve chak awm ve.
June 23rd, 2009 at 4:15 pm
ka mut a chhuak
June 23rd, 2009 at 5:20 pm
Flying : An released hunah min longaihtuah kep ve theih chuan ka lawm ngawt ang. Hetiang ang film an puitlin thei hi ka lawmpui khawp mai.
June 23rd, 2009 at 10:18 pm
Misualdotcomer ho zingah heti lam topic tui em em kan awm nual a ni tih comment tam dan atang hian a chiang thin mange. Khawchhak lam unau kan tam nge..? Kan tui ve hrim hrim aw..ka ti rilru mai mai..
June 23rd, 2009 at 11:13 pm
A film pum nei kan awm m le
June 24th, 2009 at 3:38 am
@Winning: Ni e, ka lo ngaihtuah kep ve dawn che ania.
@apatea: Tunah rihchuan nei an la awm rih lo ang.
Antumdan chuan, ram hrang2 ah thawnchhuah tum ania, mizoram, Chin Hills, ah te pawh mantlawm zawk chuan an hralh nge ka beisei. Europe, North America lamtan chuan $15 ani ang DVD 1 ah.
July 27th, 2011 at 2:58 pm
ÑÍÎÑ ÄÀ×…
minny…