I am ME

July 6th, 2007 7:55 am by hramtea_pa

Vawiin ni a ka ngaihtuah tam ber hi enge? Engtin nge keimah (Faktea tih dan takah “keimaha keimah”) hi ka inhmuh dan? Vawiin ni a ka thil ngaihhlut zawng te hi engvang emaw tu vanga ka neih nge? Tunge emaw eng thil hian nge vawiin nia ka THINKING hi lo shape tu ni ang le?

Hmanni lawk khan ka close friend pakhat dawrkai chuan mi chhawr tur a mamawh a, a hmelhriat nu pakhat hian an nau te lo chhawr ve turin a rawn request ani awm a. A fel leh fel loh a han zawt a, chu nu chuan a fel zia thu leh khawtlang (YMA) leh kohhran lamah pawh mi inhmang tak anih thu a hrilh a. Ka thiannu chuan

“E!! chutiang mi chu alawm ka duh loh. Hna pawimawh leh tul thawh tur a tam dawn chauh a, ‘committee ka ngai, hla zir ka ngai, nizan ka tlaivar a, ka rawn kal thei lo’, an ti zel a. Chutiang ai chuan engah mah inhmanna nei lo ka duh zawk”

tiin a lo chhan thu min hrilh a. Ka ngaihtuahna a kal thui khawp mai.

Kan ramah hian MIFEL kan tehna hi eng ber nge ni ta ang?

“Ani hi chu a fel khawp mai, chhiatni thatni ah a lang ziah a, a tlawmngai bawk si, inkhawm a taima bawk si, kohhran leh khawtlang lamah pawh nihna pawimawh a chelh deuh reng mai, ruihtheih thil engmah a khawih ngai bawk si lo”

min ti ta se; lehlamah ka hnathawh puite chuan thatchhia, hnathawh ngai pawimawh lo, sorkar hnathawk ka nih phei chuan leave la mang lova tlan bo ching min lo ti leh bawk si se, a lawmawm vak ka ring lo tlat nia mawle! Chutiang mi chu kan tam ru tlat mai hian mang a ti ang (kohhran upa te hi an la tam hlei hlei emawni!).

Kan ram a changkangin hma kan sawn ve zel a, kan khawtlang inrelbawl dan system pawh hi chumi mila kan thlak danglam ve hret hret chu a ngai dawn niin a lang. Mifel nih ka duh chuan ka Social Obligation hi ka Job Obligation aiin a lal zawk dawn a, ka hnathawhnaah chuan hun (time) ka eiru fo dawn tihna a lo ni reng mai si (ka hrawk chawmtu zawk ani lawi si!). Khawtlang leh kohhran hian kan social life ah pressure na tak min siam a, chu min nawrna chu ka tih hlawhtlin chuan “MIFEL” ka ni ringawt dawn tihna emni?

Ni lah lo ve. Keimah chu keimah ka ni. Ka thlen chin leh tawn chin apiangah hmasawn ka tum anga, IDENTITY ka nei a (keimah ang hi tumah midang an awm ngai dawn lo), ka ngaih pawimawh tur chu enge ka hria ang. Amaherawhchu society a tel ve ka nih angin ka theih ang chen chenah ka mawhphurhna ang chu ka hlen tur ani.

Ka tih theih piah lam leh phak chin ang bak min phuttu an awm a, ka tlin lo ta anih pawhin “I DONT CARE” ka ti tawh mai ang chu. Tu huan thlai mah ka pet lova, ka huan thlai (my own precious time) pawh tuma’n ka phalna lovin an rawn pet bik tur ani lovang. But however, i should be responsible for my actions; one of the most important of which is concern for my fellow human beings. Isn’t it so????

5 Responses to “I am ME”

1
ccpur_man Says:
July 6th, 2007 at 10:24 am
Nitina kan hmuh reng kan mihring puite hmangaih lovin Pathian kan hmangaih theih ngawt lo. Mizo society-ina kan chian loh em em nia ka lo ngaih ve pakhat chu, kan Pathian thu awih tum dan hi a ni. Mahni nitin hnaa thatchhe em em, dikna kawl miah lo te pawh, thawhlawm kan thawh tam theia, kohhran activity-ah kan tel kim thei a nih chuan Pathian thu awih em em ah kan inngai mai. A ni teuh LEU !!! Yours first responsibility is at your work place where you earn your daily bread and to be truthful to your fellow human beings. E ! thlang sappui tawng ka lo hmang ve a ni maw ! A hriat theih tho ang chu maw.
Report this comment
2
Maimawm Says:
July 6th, 2007 at 3:50 pm
Amen to rema pa and ccpur man!
Report this comment
3
RTPA Says:
July 6th, 2007 at 5:28 pm
in sawi dik lutuk ka Pu te u ka sawi tum chiah2 in rawn sawi a..ka rilru a awm reng in rawn sawi chhuak a…tha lutuk mahse copyright in nei em ni hehehe
Report this comment
4
angry_youth Says:
July 31st, 2007 at 4:21 pm
He artikul hi ka duh bon topz.
Ka inhlan nghal bok!
Report this comment
5
TuaiSialA Says:
January 23rd, 2011 at 6:12 am
A tha hle mai.
Report this comment