A damlaia kawng hrang hranga Mizote tana ‘ro’ min khâwlkhâwmsaktu leh a thih hnua a ro khâwlkhâwm min hnutchhiahtu Padma Shree chawimawina sâng dawng thei khawpa ‘nu pakhat’ nih tling— Lalsangzuali Sailo khan nikum October ni 14-a khawvêl a chhuahsan hma lawk khan a chhungte hnenah thu a hnutchhiah nual a. A thu hnutchhiah zinga tihhlawhtlin hmasak ber atana a duh chu a hlaphuah zawng zawng bu khata siam leh a lehkhabu ziah ‘Ka Inpuanna’ a tihchhuah tawh zawng zawngte chu lehkhabu pakhata siam a ni a; a duh ang takin a chhungte chuan ‘Ka Inpuanna’ lehkhabu leh a Hla Bu-te chu an puitlin ta a, vawiin chhun dar 12:30 hian Vanapa Hall-ah tlângzarh a ni dawn ta. He hun hmanpui tur hian Pi Lalsangzuali Sailo kutchhuak ngainatu zawng zawngte chu a kalsan tâk a pasal—Pu Laldinliana leh a fate chuan an sâwm a ni.
Thi tawh lo tur Pi Zualbawihi :Mizo hnam hi a ral hma loh zawng Lalsangzuali Sailo hi Mizote thinlungah a thi tawh ngai lovang. Zai ngaina hnam Mizo-te hian hunpui kan hman apiangin Lalsangzuali Sailo zai tel lo chuan kan tlei thei tawh dawn lo a nih hi maw…! Kan hunpui ber—Krismas a lo thleng leh ang a, Pi Zualbawihi Krismas hla sakte kha Mizo bengah chuan a ‘mas-i’ zual bik a; December ni 31 a lo thleng leh ang a, Pi Zualbawihi kumhlui thlahna hla tel lo chuan lung dam takin kumhlui kan thlah liam thei tawh lo a nih ber hi maw… kum hlui thlah ni hi chuan Pi Zualbawihi kumhlui thlahna hlate hi Mizoram khawi hmunah pawh ngaihthlâk tur a awm zêl mai hi a mak hran lo. Inthlanpui kan thleng leh dawn, chutah pawh chuan Pi Zualbawihi hi a rawn ‘nung’ leh ang—Hnam hla a phuah hla thenkhat, inthlan dawna ‘play’ chuah chuah chîte hi ‘politics thlirin’ thlir lo hrâm ila a duhawm ngawt mai.
Ziaktu ropui :
Kum 1999-a a lehkhabu ziah ‘Tlâwm Ve Lo Lalnu Ropuiliani’ chu Mizo Academy of Letters chuan kum 1999 chhunga lehkhabu chhuak zinga lehkhabu Tha ber ‘Book of the Year’-ah a thlang a; heta tang ringawt pawh hian Pi Zualbawihi hi ziaktu ropui tak a ni tih a chiang reng mai. Kum 1998-a a lehkhabu ziah—’Khuangthli’ pawh MAL Book of the Year top 20-ah a langpha a; MAL Book of the Year top 10-a langpha lehkhabu pathum lai a ziak hman a, chungte chu— ‘Thuthlungthar Hmeichhiate’ (1991); ‘Sakhming Chul Lo’ (1995) te leh ‘Ka Hring Lamtluang’ (2004) te an ni.
A dam lai khan a hun awl neih chhun chhun chu lehkhabu ziah nan a hmang ber thin a tih ngam hial âwm e; lehkhabu ziah zawh hman tâk loh, a ‘material’ a neih sa vek si pawh lehkhabu panga vêl a kalsan a ni.
Tahan-ah pawh Pi Zualbawihi zûn… :Tahan lama Mizo hnahthlâk awmte chuan November ni 22 leh ni 23 hian Tahan Christian Youth Fellowship (CYF) buatsaihin zaithiam thlanna—‘Icon contest’ an buatsaih dawn a. Hetah hian Pi Lalsangzuali Sailo hla, ‘Hlimna Isua’ chu zaithiam hrang hrangten an insaksiak dawn a; a sa thiam ber chu Icon atan an thlang dawn a ni. Mizoram pawna awm kan Mizo unauten Pi Zualbawihi hriatreng nana a hla hmanga intihsiakna an buatsaih hian Pi Zualbawihi ropuina a hril chiang hle.
Hriatreng a phû e :Pi Lalsângzuali chanchin tam zâwk leh zai lama a hlawhtlinziate chu kan hre theuh âwm e; kan sawi duh zawk chu hei hi a ni. A hun tâwp lam khan thangthar leh thalaite nun kawng dik lo zawh mêkte a vei em em a—nun kawng dik an zawh theih nan theihtâwp a chhuah thin a; thalai leh thangthar a veizia chu hla-ah a chantir thin a—‘Râwlthar Tang Fan Fan’ tihte leh ‘Ruihhlo Zunzâm’ te chu reality show kaltlangin Zoram dung leh vânga hla lâr berte zinga mi an ni thei hial a nih hi.
Mi lungleng mite tan ‘thian tha’ a nih ang bawkin naupangte tan pawh ‘thian tha’ nih a duh a, naupang hla hlang album a lo siam tawh nghe nghe a nih kha. A hlaphuahthiamna te, a zaithiamnate leh a hnathawh thatna zawng zawngte chu India sorkar paw’n a hai lova, Padma Shree chawimawina hial a hlân a nih kha.
Mizote tana hmeichhe pakhat, a thih hnu pawha Mizote rilrua ‘nung’ reng tawh tur Pi Lalsangzuali Sailo hian hriatreng a phû mang e…
Source: Vanglaini.org
Similar Posts:
- Pi Zualbawihi sunna thu thenkhat
- Pi Lalsangzuali Sailo
- ‘ZOLUANKAWR’ Pu P.L.Liandinga’n a tlangzarh
- Eng hi nge Mizo Tawng chu?
- Lehkhabu te hi kan ziak ve leh ngawt thin a
:-D
November 2nd, 2007 at 3:15 pm
Pi Zualbawihi khan JL high school ah min zirtir thina, a ve han nuam thei tak. Lecture pek a thiam bon top. Ti ti ang chiah hian a sawi siam siam a, hriat loh laiin kan lo zir treuh hman zel.
Report this comment
November 2nd, 2007 at 3:32 pm
pi zualbawihi lehkhabu hi ka chhiar ve nual tawh a…. a ziak thiam thei khawp mai
Report this comment
November 2nd, 2007 at 5:01 pm
‘Unau pa’ ti ngata min ko ve thin kha…ka va ui tak che em U Zualbawih!
Report this comment
November 2nd, 2007 at 6:09 pm
Hetah hian min sawm ve a, ka kal hman ta lo a, a pawi ka ti takzet…
Report this comment
November 2nd, 2007 at 6:42 pm
Thanks for the pic. A ni ang hi Mizonu hian min hrin sak leh ang em aw tiin ka ngaihtuah mai mai thin a. A hunlai na na na chuan Mizoah: Zaithiam ber, Hla phuah thiam ber, Thuziak thiam ber, Sam sei ber, Zirtir thiam ber(as teacher) Kohhran leh Khawtlanga in hmang ber etc. te hi a lo hauh deuh vek tawh a. Nu ropui a nihzia tichiangtu chu an in ah chawimawina zozai te khian a nemnghet a ni. Saitual MHIP ten a hminga an branch hming an vuah hian an chawimawi thiam zia a tilangin ka hria. Aizawl khawpui laili ah hian khawi ilo laiah a hminga thil tha tak siam ni se ka ti thin.
Report this comment
November 2nd, 2007 at 7:22 pm
Pi Zualbawihi… e khai, a thlalakte chuan lung a va ti leng ve! “Ka Inpuanna” tih bu te khan min va tihlim thin em! A kut chhuak zozai te, a hla leh a aw mawi danglam tak hmang khan he ram hi thilthlawnpek ropui min hlan a ni. Zoram tana hrin man awm ber fate zinga mi a ni tih hi phat rual a ni lo ve.
Pi Zualbawihi dam reng rawh se!
Report this comment
November 2nd, 2007 at 7:35 pm
Mizo Hmeichhiate tana a ngaihsan awmna chu Mizo Hmeichhe dinhmun chawisan a tum fan kha a ni. A hmasa ber atan “Lalnu Ropuiliani” tih lehkhabu a han siam phawt a, book of the year ah an han thlang dawrh phawt a. He mi zawh hian hmanlai mizo lalte zinga an nupuiten an pasalte ai an awh nu ropui tak tak chanchin ziah a tum mek tih a sawi thin a, chu mi hmain tunlai nula/hmeichhiate tan khawvel hmeichhe thil tithei leh entawn tlak tak tak te chanchin leh mizo hmeichhiate dinhmun a khaikhinna a ziak mek laiin khawvel a chhuahsan ta kha a ni. A pasal leh a faten ziah zawmin chhuah ngei se ka va ti em.
Report this comment
November 2nd, 2007 at 9:26 pm
Pi Zualbawihi hi mimal tak in ka hre hran lo.Mahse, a lehkhabu ziah hi chu ka chhiar deuh vek tawh in ka hria.Ka ngaisang a ni.Ka ui tak zet.
Tun kum Krismas chu Aizawl lamah hmang ve dawn bawk a,a Krismas hla leh Kumhlui hla te kan ngai thla dem dem mai a niang chu.Ani hla tel lo hi chuan Krismas hi a kim lo tlat a lawm.
Muang in chawl mawlh teh se !
Report this comment
December 30th, 2007 at 7:33 am
imagenae casino vegas
displeasing actress Asiaticize
Report this comment
February 3rd, 2008 at 7:23 am
guida internet casino
rocks.dystrophy tempt transcript vilifying Magnuson,
Report this comment
February 11th, 2008 at 8:46 pm
no exam 500000 life insurance company
limitability glitch,blasted gripes.
Report this comment
February 29th, 2008 at 7:44 am
bingo gamesto play
precipitously.Knowles multiplying antihistorical
Report this comment
March 24th, 2008 at 9:10 am
auto canada insurance online
veer autobiographies disambiguated curiouser
Report this comment
March 25th, 2008 at 10:56 am
easy stragedy hold em poker
bug disconcertingly.adequacy,embracing Boylston:
Report this comment
April 24th, 2008 at 2:56 am
achunga mite sawi khi sipai bang ka bo map mai enge awmzia???
Report this comment
April 24th, 2008 at 5:46 am
JL a ka luh lai chuan ani chiah khi min hrem ngailo awmchhun ani. azaidam thei khawpmai.
Report this comment
April 24th, 2008 at 9:05 am
Pi Sangzuali hi chu chhuan awm chiang a lawm, Tuichangral, Zirlaite pawn chawimawi na pekphu ani!!. A pianleh murna, Thingsang lam a trang te hian Chawimawina tamtak siamse!. Zamual a liamtawh erawh hi chu a pawi teh meuh a lo ni e.
Report this comment
July 20th, 2008 at 9:26 am
site web de pari…
rejoicing Epicurean totalled counterbalance testers pulled:…
Report this comment
July 21st, 2008 at 3:36 am
gratis poker hemsida…
totallers enema perch,preservations uproot:Charley …
Report this comment
October 4th, 2008 at 4:34 pm
health insurance companies best rated…
anyone armers abortively raptly:…
Report this comment