Mizo thisen test zinga 5% in HIV+ vei!!!

December 20th, 2007 5:44 pm by Lalengzuala

A rapthlak tih hian a sawifiah zo lo! He statistics hi Mizoram State Aids Control Society (MSACS)-hoin Oct., 1990 atanga Sept.,2007 thleng an collect a ni a. Ka theihna hmun apiangah ka sawi a, sawi zel pawh ka tum. Ka rilru a tichiai lutuk a. ‘WHO inkaihhruainaah phei chuan heng an test atanga a result an hmuh ai hian a nawlpuia lak chuan a percentage hi ala sang ang tih a ni’ an ti thin a, hrechiang deuh in awm chuan han sawifiah nghal ula, ka lawm hle ang. WHO website guidelines-ah ka hmu mai lova.

HIV+ve Statistics:

Number of Blood tested : 44924
Number of HIV+ : 2282
Aids case : 228
Aids Death : 144

No.	Modes of Transmission	Male	Female	Total
1.	Sexual Contact	618	643	1261
2.	IDU	642	174	816
3.	Perinatal	40	47	87
4.	Others (not specified)	65	53	118
TOTAL		1365	917	2282

No.	Age Group (yr)	Male	Female	Total
1.	Less than 14	42	49	91
2.	15 – 19	79	103	182
3.	20 – 24	293	226	519
4.	25 – 29	327	233	560
5.	30 – 39	468	227	695
6.	40 – 49	132	73	205
7.	50 and above	24	6	30
TOTAL		1365	917	2282

A test zinga khiti zat HIV +ve an nih tawh chuan, a test lovah hian engzat nge pai awm ang!? Figure te tihdik loh palh a awm hlauh a nih chuan ngaihdam ka dil lawk e.

Credit : MSACS

11 Responses to “Mizo thisen test zinga 5% in HIV+ vei!!!”

1
grady Says:
December 20th, 2007 at 7:15 pm
Ka hre chiang lo khawp mai,mahse UNAIDS ngaihdan hi Mizoramah chuan a awihawm vek chuang lova, mizoram ah thisen test lo zingah chuti lutuk chuan a tam lovin ka ring… KS leh sexual contact hi inkai chhawnna chak ber a ni mek a, (hmanah chuan drugs- hriau hman pawlh vangin) hmeichhiat mipatna lam a inhmang nasa lo tan a hlauhawm hranpa lo va, mipui nawlpui hi chu kan la him in ka ring….premarital sex leh extra marital sex a inhmang ho tan a hlauhawm thung.

Engpawhnise Mizoram state tluka statistic nei thra hi khawvelah an awm lo mai thei a, kan statistic hi in zir nan hmang ila, invenna lam ah hma la chak ila, UNAIDS formula- ABC (A=Abstinence, B=Be faithful to partner, C=Condom) te hi kan society ah a hman ve chi em tih te hi zirho in, kan society mil tur formula hmuh chhuah ve a ngai a nih hi..
Report this comment
2
Vladimir Putin Says:
December 20th, 2007 at 8:56 pm
It is rather shocking. I always thought that HIV infection in the state would be less than 1 percent (cirsis point) 5 percent among 800,000 people means 40,000, quite a number of people.
Report this comment
3
Burbura Says:
December 20th, 2007 at 9:57 pm
A rapthlak e. mi 8,00,000 ah hian naupang leh kum 50 chung lam han dah tha leh ta ila. Kum 40/50 vel a vei leh meuh chuan kan mipuite chu an pul vek mai ang a !!
Report this comment
4
codeAries Says:
December 21st, 2007 at 12:45 am
ka ngaihtuah chiang tulh tulh a…ka rilru a na tulh2… An statistics ang hian kan chhungkua kan ngaituah chhin a, kan chhungkhat hnai tak mi 100 awm khawm ta ila, chung zinga pa5 tal chu HIV+ve kan ni dawn tihna ang a nia(stat atanga chhut chuan)… chutiang chiah chuan ka thiante mi 100 awm khawm ta ila, pa5 tal HIV+ve an ni dawn angah kan ngai leh aa… saddddd…. its really sad…

Let us do something… let all of us prevent ourselves, so that we could prevent othersss….

Awm lai vei leh lusun fate,
Chantawk hi dawn ve teh;
Hnutiang mual liam hnu ngaiin an tap e…!

Report this comment
5
codeAries Says:
December 21st, 2007 at 1:05 am
khi statistics a lu ti hai ber mai chu kum 20 atang kum 39 satistics khi a ni. Reproductive age a khi ti lutuka a sang khian rilru a tibuai chiang khawp mai. Khing te khian fa an han nei leh ang a, chung hun thlir chuan rilru a ti chiai a ni…!!!

Awmlai vei leh lusun fate;
Chantawk hi dawn ve teh,
Hnutiang mual liam hnu ngaiin an tap e!

Report this comment
6
NaupangSual Says:
December 22nd, 2007 at 8:06 am
Ekhai aw!!! a va han rapthlak em em ve le, hetiang ang anih chuan Aids awareness kan beih nasat angai anih hi. Christian chhungkaw campaign te kan beihngawrh angin Aids Awareness campaign nasa taka kan neih angai anih hi.

Ram danga an tih angin, Mahni a Aids test tih na ang chi hi neih a tha viau ang chu maw le. Tichuan a result kha phone in kan ngaihven mai a, tumah dangin kan aids test kha an hriat angai lo a.

A rapthlak tih mai loh chu sawi ngaihna pawh ka hre lo….
Report this comment
7
keimah Says:
December 25th, 2007 at 8:47 am
@codeAries, thisen test ho zinga 5% HIV positive ai hian a mipui nawl puiah chuan a tlem zawk a rinawm. A chhan chu hetianga thisen test zingah hian ‘high risk’ mi tam tak an awm thin avangin. Engpawhnise, WHO lam atanga he lai chiah sawi fiahna hi ka hre mai lo. Ka hriat erawh chu HIV positive zat Statistics-a lang hi 10-in puntir ila, chu chu a nawlpuia HIV positive zat bawr vel a ni e an ti. Chuti a nih chuan Mizorama HIV+ 2282 a nih chuan a nawpuia HIV+ zat chu 22,820 vel tihna a lo ni ang. Tichuan, kan ram population hi 800,000 vel kan nih chuan za zelah 2.85 vel HIV positive tihna a nih hmel. Engpawhnise, 2.85% pawh chu a rapthlak khawp mai…Africa ram thenkhatte nen khaikhin phak hial kan ni ve ta! Hmabak a va huphurhawm ve le! Condom hman chungchangah te pawh hian Kohhran lam pawh hian rilru zau zawk kan put a tha tawh hle mai…
Report this comment
8
keimah Says:
December 25th, 2007 at 8:50 am
@NaupangSual sawi anga mahnia AIDS in test-na hi an sawi ka la hre tlat lo thung. HIV test reng reng hi Cofidential Counselling tih hnuah chauh an test thin a, a result pawh mi dang hnenah an puang zar tur a ni lo bawk. Chuvangin, hetiang HIV test hi Confidential vek a ni tih i hria ang u…hlauh tur a ni lo ve.
Report this comment
9
keimah Says:
December 25th, 2007 at 8:52 am
*Confidential Counselling..
Report this comment
10
Fistbone Says:
April 26th, 2010 at 3:48 am
Tunah 2010 engzat takin pung leh tawh ang maw!!??
Report this comment
11
H.Vangchhia Says:
April 26th, 2010 at 3:53 am
lunglohtui khan han update se aniang chu
Report this comment