Politics is good, but not in my pulpit.
– Joel Osteen, best-selling author and pastor of the 47,000-member Lakewood Church , Houston.
Biakina vantirhkoh ang mai, politik leh sawrkara setana tirhkoh nih kawp hi Pathian pawi sawina a ni.
– Rev Chanchinmawia(Fam).
Zu leh hmeichhia te nena nuam chena, nawmsip bawl lam ringawt ngaihtuaha leiba a rulha rulh zawh sen rual loh min hnutchhiahtu Congress sawrkar atrang tawh khan Miretheite chanai ngawih ngawih pawh eizohsaktu, vohbik chauhte hausak thur thurna , chaw bar tur nei tawhlo chhungkaw tam tak trampui mitthi hmachhawn renga an awm laia “Mirethei leh hausa inkar a zaulo” titu MNF sawrkar thleng hian Kohhran Upa fel awm tak taka ka ngaihte hi heng Setana tirhkoh ho zingah hian an zuanglut leh tlat mai thin a. Heng mi lelo ho hian Zoram din chhuah lehna tura ka beiseina meichher nung thalai hi min tih mit sak thin.
Kohhran Upa pakhat chuan eirukna a haw em em a. Congress hun laia Kohhran Upa pawh ni ve hlei lo eiru nasa Pu Liansuama pawh a tawng nasa viau a ni awm e. Mahse, sawrkarna a chan ni atrang a puca building a lian tual tuala, a tawpah phei chuan a sawisel nasat em em thin Liansuama in aia a sak len tak zawk avangin chu Kohhran Upa chu Suamkhuma tiin a nick name an phuah nghe nghe zuk nia.
Veng pakhata Kohhran Upa chuan Party office ah thu a nei riau mai a. Sawrkar atrang Sidewalk te leh foot path siam hnate a hmu thei em em mai a. Vawikhat chu nuai sawm nga man bawr vel Lei dawh hna contract a thawh chu fur ruah surin a nan chim ta mai a. Mipui kalkhawmin a lei dawh nana a hmanral sum an estimate sak ah chuan nuai sawm panga (25%) vel a tam berah a hman an ring.!!!!
Kohhran Upa min leh Pulpit tlangah pawh mittui tla zawih zawiha thu sawi thinte hi engvangin nge Khawvel hausakna leh Lalnate uma Politik tui nua an in hnim thin le?
Isua khan Politik hi a zirtirte hnena a ngial a ngana a sawi kan hre ngai em?
Aw..ka unau..nang leh kei hian Mizoram Politik khawvel tenawmzia leh nutzia chu sawi nawn ngai loin kan hmu in kan hre ning hlei hlui a. Eirute zahna tel lova tual an lenna hmun, rawng taka in thah buaih buaih na hmun, mahni pumpui tranghma hai avanga mipuite bum dan tur ngaihtuaha thluak hmanna hmun, mirethei thingpui pawl inna pawh nei zo lote chanai eizawhsakna hmun Politik tui-nu ah hian engvangin nge Lungngaihna leh trahna awm tawh lohna hmun, chatuana, thisen thisen tia bang lova kan zaina hmun tur van kawtthler tual nuam kawng min kawh hmuh tu tur zawk kan Berampu te hi he khawvel, a chakna chawpa boral turah hian chatuana an cham hlenna tur emaw ti ni awm fahrana an in lak muk tak tawlh tawlh le????
“Aw Lalpa, Politik tui nua in hnim pil mek kan Kohhran Upa rinawm tak tak hi an bo hlen phal suh ang che. Hre reng chunga ti sual nimahse Upa an nihna avang tal pawn an chungah tlema keini misual ho aia hremna nep deuh zawk I thlen tir turin ka rawn dil sak hlawm e. Mizorama Baal hma thingthi ve ngailo ho erawh malsawm ang che. Isua hmingin ka dil e. Amen.
Similar Posts:
- Thlarau nun leh politik tui nu
- …tual tual…
- Khawtlang leh Kohhrana hruaitu nikawp te
- Mizoram Politik Lungphum
- Kan buaina leh Inkhawm hi!!
January 29th, 2008 at 12:49 pm
Tha dup2 hle mai..Kan ram politics hi a bawlhhlawh tawh lutuk a, mi tha tan chuan han zuan luh ngawtna chi pawh a ni hrih lo. Siam thatna tumna rilru bakah Pathian thu nen pawh tan han khawh viau mahse a lo lem zo duak duak chu a nih ber hi..
Pathian rawngbawl tute hi chi hnihin a then theih ang – a hmasa zawkah chuan thlarau thianghlim pawlna tak tak chang a rawngbawlna hi a ni. Hei hi chu a fei a, a daih pawh a daih rei. Thlemna leh harsatna in a tinghing lova, tih nghin a hnekin an lo chak thar deuh deuh thin zawk..a pakhat leh chu thlarau tel lova rawngbawlna hi a ni. A tlangpui in hetiang mi ho hi chu mihring mihrinnaah chuan an tha tlangpui. Mahse mihring phurna leh peihna ringawt chuan rei a daih ngai lova, tlukchhiat hun leh thlemna hnar zawh loh chang an tawng nge nge thin..Ka sawi tum tak a chu hei hi a ni..thlarau tel lova rawngbawltu Kohhran Upa hi kan ramah hian an awm ve nual avangin tun hun hi kan thleng ta ani, tih mai te hi ania…
Report this comment
January 29th, 2008 at 2:11 pm
I strongly believe in seperation of church & state
Report this comment
January 29th, 2008 at 2:23 pm
Keini misual ho ang hian thu h ian sawi ngam hlawm mang si lo. An puanzar duh zawng:
Vanglaini: “Nimin khan Chief Minister Pu Zoramthanga Office-ah Cabinet Meeting pawimawh tak neih a ni a; Doctor Cadre Review Committee for Government Doctors ten thla hnih chhunga report leh Recommendation chhuanawm tak tak an thehluh chu Cabinet chuan lawmawm a ti tak meuh a, Committee Chairman leh Member te chungah lawmthu an hrilh”.
ZONET: Mizo National Women Front chuan … Chief Minister Pu Zoramthanga’n thingtlang mipuite, kum 1-a ni 100 inhlawhna siamsak an ni dawn tih a sawi chu lawmawm an ti…. Hemi rual hian Orissa-a Kristian tihduhdahna tuarte an lainat thu pawh MNWF chuan an sawi a….. MNWF chuan heng mite tanpui nan hian cheng 5000 an pek bakah Mizorama tam mangang tanpui nan Chief Minister Relief Fund-ah cheng 5000 bawk an thawh.
Hetiang news boring deuh deuh hi mi sing emaw nuaih telin an en a, keini news e.g. “MIzoram tam nasa” january 16 a post kha mi 482 chauh in an la chhiar.
Report this comment
January 29th, 2008 at 4:49 pm
Mi tha te u politcs ah han zuang lut sung sung teh u, a thalo hi a tha in i thlak thleng teh ang u, a ninawm em mai a!Tunah mi diklo ten rorel mahsela, an rel reng dawnlo rengs. Dikna tan tlat ngam leh Pathian tih tu ten ro an rel loh chuan kan heti dawn reng ani. Pathian thu awih loh pawi zia leh hlauhawm zia thalai ten kan hmu mek nih hi. An tih ang hian TI VE LO NGAM ANG U AW, politics kher ah lo, kan hna thawhna ah emaw, nitin kan nun hrim hrim ah hian, mihring integrity nei nih tum theuh ang u…kanmi sawisel a te ang lo hian i nung teh ang u:)
Report this comment
January 29th, 2008 at 8:23 pm
Thiante u, kan Kohhran Upa thenkhatte hi Politik tui nua in hnim pil mek awm mahse nangni ho hi alawm min ti thlamuang em em tu zawka chu. In comment tha tak tak leh ropui tak tak ka chhiar hian beidawnna khura ka pil mek lai pawh beiseina enga min kai chhuak tute in ni e.
A ni, Zoram hian thihna hlim kawr ruam zawh mah se, heng mi thalo ho reng reng hi nangmahni avangin ka hlau lo ang.Nangni ka lamah in trang tlat dawn tih ka hre si a.
Article tha deuh ho zawng zawng chunga in comment na ropui takte hi a bua chhuah a tan ka it hlawm khawp mai. Kan Boss chhiar atan ka it mah mah zawk a ni. Lo chhuah dawnta ila a poi in ti angem le?
Report this comment
January 29th, 2008 at 11:50 pm
a tha ltk ringawt pu LM..Mi zawng zawng hi kan thil tih ang zel in thungrulh kan la ni vek dawn…Pathian thu leh kan tun lai politics bawlh hlawh em em thil kal kawp thei ah ka ngai lo..Mahse pathian thu a tang chuan siam that theih a ni…chu chauh chu chance kan nei..mahse chu mi ti tur chuan Zofa te hian kan rinna hi a la der thawng ltk ani….Good Post
Report this comment
January 30th, 2008 at 2:41 am
a derthawn vang chuan i bansan lovang u, rinna tlem te tal kan neih pawh hi malsawmin a awm dawn sia:) beisei zuizel ang u thil tha chu,dikna nen, beiseina kaneih chhung hi chu eng mah in min ti hlum theilo…kanpu ten nuai ,maktaduai lem pawh hmuam mahsela;)
Report this comment
January 30th, 2008 at 3:55 am
Pathian thu chu a nung a, a daw lova, kan chatuan nun kawng a tha lam a min zawhpui/tir tum tu a ni.
Politics erawh chu khawvel thil a in elna (game) a ni. Khawvel kan awm chhung a kan ram in awp dan tur lam hawi a….a enkawl tu nih tum a dawt leh dawt lo belh khawm a, khawvel thil taka in elna a ni.
Mingo ho pawn “politics is a dirty game” an tih hi…Pathian zah a tih mi tan chuan in rawlh loh na chi ah kei ve mai hi chuan ka ngai!
Report this comment
January 30th, 2008 at 8:15 am
Kohhran upa te hi tunhma deuh kha chuan kohhran mipuii an phek thlan tawpa mi tha lawr tak thlan chhuah an ni thin a, tunlai hian la ni zel tak maw. Chutiang mi tha fawr deuhte chuan Mizo mipui te min hruai chuan that zawk deuh awm hi a ni a. Tel loh law law kan tih thin te hi hriatthiam chu a har khawp mai. Upa awmsa te an thang chhe hle bawk si a. Engtinnge maw ni dawn le bei kan va han ti dawng tlang hlawm ve le!!!
Report this comment
January 30th, 2008 at 5:20 pm
Wonder what would the Rev. Jesse Jackson have to say about this lol.
Report this comment