Tun hma a tang tawhin, kan mizo hmeichhiate hi hnam dang pasal atan neih lo se tih hi ngaihdan tlang pui a ni a. Engvang nge hnam dang pasalah nei lo tura kan duhna chhan chiah hi?
Anmahni personality leh chhungkaw hlim leh hlim loh lam hi chu kan lo relpui vak ngai lo turah dah tha ta ila.
Similar Posts:
- Hnam Dang Pasal Nei Chhui Dawn
- Hnamdang ka neih chuan ka hnam ka phatsan
- In ngaihtuah ngai em?
- A mak ka ti!
- Mizo nula bumtu Vairengte nu leh a pasal
February 10th, 2008 at 8:33 pm
Tih dikna; “… hnam dang pasal atan nei (neih) lo se tih hi ngaihdan tlang pui a ni a.” sorry.
Khi zawhna khi a chhan tha tawk nena chhang thei kan awm chuan hriat a chakawm khawp mai.
Hnam dang pasal nei hi chu, “chu ti kha ti” tih satliah ngawt ai chuan.
Report this comment
February 10th, 2008 at 9:17 pm
Keima ngaihdan kan sawi ang e.
Nei lo tura ka duhna chhan lianber chu kan Mizo hmeichhia te hi hnam dang an nih ka phal loh vang a ni. Hnamdang pasal a an neih hian an pasalte hnam chu an tawmpui a ngai ta thin a. Mizo an nihna kha zawi zawi in a ral tial tial thin….
Report this comment
February 10th, 2008 at 9:21 pm
Burbura chu khawi ah nge i awm le? Engtia rei nge i awm tawh le?
He zawhna hi chi hrang hrangin chhan kan tum teh ang.
Preservation of gene pool hi a tha thlawt, mihring la tlem ah pheiu chuan identity hlauh a hlauhawm. Chimral kan hlauhawm, mizo genes hi kan preserve that a tul. Tun atanga kum 100 liam ta se, enge kan thlen ang? Mizo dik tak hi kan la awm ang em?
1. Vai ho ngaihdan: (a) Inneih pawlh hi thiltha ani, tichuan genes a lo inpawlh anga, defect genes te lo tlem in superior genes a lo inproduce tam telh telh ang. Tichuan mihring pawh kan lo tha tual tual ang a, community pakhat kha a genes tha lo lo awm kha in preserve reng lovin a lo dal tial tial ang.
Khi khi vai ho atanga ngaihdan chi hnih chu a ni. Mahse mizo community ah enge kan ngaihdan? Mizo society hi eng ang in nge kan in close? Engangin nge hnam feeling kan lak nat? Veng feeling ringawt pawh kan la na lutuk tlats. Engangin nge tun ah hian thlahpawlh hi kan rilruah an awm? Mizo community ah hian nang pawn i hria ang a, eng angin nge thlahpawlh i ngaih. Tun dinhmunah chuan mizo pure (by genes) hi eng angin nge kan inthliar vai thlah nen hian?
Chuvang chuan an duh anih chuan neih mai tur, mahse mizo society ah an cheng dawn anih chuan an tan leh an fate tan a hrehawm lutuk ang (tun dinhmunah). Chu chu society ah lo ni ta se.
Chhungkua ah lo ti leh ila, i farnu emaw i chungkhat laina i care deuh khan vai pasalah lo nei ta se engtin nge i ngaih ang? I ngaih aia nasa khan i nu leh pa khan an la ngai ang.Chu chu enga pawh nise, mipa ah pawh a ni tho.
Report this comment
February 10th, 2008 at 10:03 pm
Mizo mipui nawlpui rilruah hian mawl takin Vai hmuhsitna leh huatna hi a la awm tlat a. Chhungte remtihna thlapa inneite pawh hi hmun dangah an awm bo daih thei a nih loh chuan an fate an khawngaihthlak duh. Puitling chu, duh leh duh innei an ni a, an ngaihtuahawm hran lo. An fate kha Mizo Society-ah an tlangtla lo tlat thin a, hei hian harsatna tam tak a siam thei.
Zirlai Pawl hlun tak MZP te pawh hian zirlai ti thate lawmpuina an sem hian Mizo dik tak chauh hnenah an la hlan rih tlat.
Report this comment
February 10th, 2008 at 10:17 pm
a nei duh chuan nei rawh se… an huaisen zawk a lawm le hnam dang an nei ngam a… kan society ah an tel ve thei dawn lo leh an fa te thelng in an tuar dawn tih hre ran in an nei thin a… hmangaih na hi chuan thil a ti thei e ka ti mai….
Report this comment
February 10th, 2008 at 11:34 pm
Heti zawng hian sawi ta ila a fiah deuh mahna:
David : Chuma, hnam dang nupui pasal neih (intermarriage) hi engtin nge i ngaih?
Chuma: Tha ka ti lo, kan mizo hmeichhia te phei chu hnam dang pasal neih hi kan duhpui lo a ni. Dik tak chuan hnam dang nei hi chu kan hmuh dan pawh a dang.
David : Engvang nge a?
Chuma : Kan hnam hi kan la tlema chim ral kan hlauh vang a ni thawkhat.
David : Hnam dang pasal nei; an fate hi Mizo-ah in chhiar ve tho lawm ni?
Chuma : An fate hi Mizo-ah kan chhiar ve lo. A chhan chu kan culture-ah Pa hnam chauh kan chhawm thin a, nute hnam kan chhiar ve ngai lo. Chuvangin tun hma pawhin sa leh khua biaknaah pawh hnam tinin sakhua biak dan an nei hrang thliah a, chuvangin Hmeichhiain sakhua an nei lo an ti thin. (an hnam leh sa-khua chuan inzawmna a nei tlat a, hmeichhia hnam kan chhiar ve ngai loh vangin Hmeichhia chu sa-khua nei lo kan ti. Hei chu topic hranah la sawi ila).
David : A nih tak chu le, mahse chutia an fate pawh mizo-ah in chhiar bawk si loh chuan Hnam chimralna kawngah chuan mawhphurtu an nih theihna ka va hmu lo em! Neutral an ni ringawt a lawm. In mawhpuha mahse mawhphurhna erawh in pe si lo a va ang ve???
Mipa te zawk chauh hi a nih hi mawhphurtu ni che u a.
Report this comment
February 10th, 2008 at 11:43 pm
“Mizo mipui nawlpui rilruah hian mawl takin Vai hmuhsitna leh huatna hi a la awm tlat a. Chhungte remtihna thlapa inneite pawh hi hmun dangah an awm bo daih thei a nih loh chuan an fate an khawngaihthlak duh”
– A dik. ka thiante vai bialpa nei te pawn nakinah Mizoram zing ka duh awm sia, kan fa te kha “A pa VAI” an ti a nga tih vangin an then.
Report this comment
February 10th, 2008 at 11:45 pm
tunlai chu hetiang lampang hi in uar riau mai. mizo hmeichhia te hi hnam dang pasal nei lo tur hian kan duh tlang pui a, a chhan hi hriat chiah a har hle. hman atanga kan nu leh pate sawi thin kha kan rilru ah a awm tlat niin a hriat, hnamdang pasal neih a tha lo tih vel. leh mi zawng zawngin an tih vek avang hian keini chuan a ve tur rengah kan ngai mai a.
mahse hun te a lo kal zel a, hnamdang pasal nei pawh an thahnem tawh khawp mai. an hlim phian zel a. mahse, hnamdang an neih pawh hian zahpui kher lo se, ka ti. hmelhriat pakhat hian vai pasal a nei a, mizoramah pawh a haw pui ngam lo, ka zahpui a ti thin. zahpui leh tur si chuan neih loh mai pawh a pawi lo ang chu.
chuanin, hnamdang pasal nei te hi kan en dan a dang tlat a. inangkhat vekin ka en pawh ti ila, engemaw ni tak chuan engtin emaw ni kan en tho tho. mahse kan hua tihna a ni kher lo a, mizo an ni lo tihna a ni kher lo bawk. tin, mi tam takin hnamdang te chuan nupuite an duat zawk an tih thlak zen thin hi a ho tlat. sawi kher hi a ngai lo.
an fate hi an khawngaihthlak thin bawk. naupang ta na na na chu, an thiante khan ‘vai fa’ ti vel in an chhaih thin, tiang hunah khan hrehawm an ti thei ltk. ‘vaia’ tia an koh phei chuan an rilru pawh a nuamlo ve thin lutuk. insawithiam na vak an hre ngai bawk si lo a.
hmm.. hnamdang pasal chu neih a pawina a awm hran lem lo. hmangaih tak neih theih te chu a nuam ber dawn asin le.
Report this comment
February 10th, 2008 at 11:54 pm
Hmeichhia hnamdang pasal neite hian hnam chimralna kawngah mawh an phurh thu hi tuman an sawi ngai pawh ka la hre love. Hmeichhia in hnam dang pasala an neih hian (a bikin vai) an fate Mizo zingah an tlangtla lovin keini pawh hian kan en hrang deuh thin tih thu mai a ni law’mni? Hei vang hi a ni ber mai.
Report this comment
February 11th, 2008 at 12:18 am
@Father An hlim phian zel i tih hi chu a dik hran lo..ka thiante tam zawk hi ti ila..an zavai deuh thaw in hnamdang nei an hlom a..sap or vai..ka awt re re lo mai kei chu…a lang a mawi ah hlim angin an awm mai mai zok ni in a lang…a belchiang pawl leh hrechiang pawl chu ka nih ve ka ring.
Mizo hnam hi hnam tlemte kan la nia…han in thlah pawlh tur atan phei chuan kan la uihawm lutuk..for eg..hmeichhia in hnamdang pasal lo nei se…a fate khan mizo ah in chhiar mahse mizo diktak an ni thei lo kan mizo danah….mizo rilru diktak an pu thei tak tak lo…an thisen ah thisen rawng dang a kai tawh chuan mak tak a ni…thlah pawlh tam tak pawh hi belh chiang ila keini tribal rilru nen hi chuan danglam tak a ni..mizo hnam hi an rilru chungril takin an hmangaih hi ka ring thei lo bok…ka thiante tamtak an awm..ka dem chuang lo…mizo hnam kan boral zel loh na kan hmeichhia te hian hnamdang hi nei lo ngam ang u…mizo neih tur kan duhzawng kan hmuh loh leh leng tar thak mai ang u. ..old age home ah kan om khawm teuh nga tar hunah nuam phian zawk tur a sin..hehehe
Report this comment
February 11th, 2008 at 12:36 am
Mizo hi India ramah kan rilru a zau ber zawkin ka hria hnamdang neih kawngah hian.
Vai nupui nei ta ila,
an ramah awm ila,
an hnam chimral dawn ta ila,
min bei nasa ngawt ang, min that duh hial maithei ani!
Report this comment
February 11th, 2008 at 12:47 am
kan rama vai pasal nei- an fate hi an pate khuaah ngatinge awm an tum ve miahloh! an pate hnamin an hmuhsit vang nge kan fel vang?!!
Report this comment
February 11th, 2008 at 12:59 am
@ ammi…. a, an hlim der te pawh a ni mahna le..
Report this comment
February 11th, 2008 at 2:40 am
Hei hi issue tling a ni a. Midangte rilru tih nat pawh a hlauhawm a. Mi tam tak chuan kan ngaihdan pawh tlang takin kan sawi chhuak ngam chiah thinlo te pawh ni hian a hriat theih. Kum 2003 vel khan DMZP Weekly atan ziak turin min rawn ti ve tawh a, tlinglo takin; ‘Zo leh Zo ngei Run Hmunah’ tih thupui hmangin ka ziak ve tawh nghe nghe.
Kan chhungkhat laina hnai takten hnam dang an neih phei chuan kan tan zamah emaw tih mai turin Hnam pum tana a hlauhawmna emaw a that lohna emaw kha kan ngaihtuah tha vak duh tawh lo va. Mimal chhungkaw thil ang zawnga ngaiin kan ngaihdan kan tizau lui fo thin te pawh niin a lang fo.
Ka causin nu pakhat pawhin Sap a nei a. A nu tih loh chu Mizo han tih rual chi pawh an ni lo va. Mizo tawng te chuan a nu chuan han be ve bawk mah se, Mizo zinga an awm miau loh avangin an rilru leh ngaihtuahna bakah Mizo nihna hian an lung a len pha lo hrim hrim a. Chuvangin an chhungkuaah chuan a nu chauh Mizo a ngaih theih a ni. Khawvel danah pawh a pa Sap a nih chuan sap chu an ni ngei mai. Mahse, Sap society pawh hi Mizote ang bawkin an la duh khirh ve zek a, in enhranna leh hnam inthiarna te hi chhungril takah chuan an la pe na em em a ni mai thei. Hetiang thlah pawlh ho hi ngaihngam takin an pawm tha duh bik der lo.
Ka thian tha ve tak nula pahnih chu an nu te ve ve Korean leh Japanese an ni a. Mahse Sap rama seilian leh piang an ni. Mahse, Sap society ah han khawsa tak taka han tel turin an hmel a lo danglam deuh bakah an rilruah nuamlo tihna an nei ru tlat a. Japan leh Korea lamah han zin se, an hmel leh pianah an lo sap nel nual tawh a, an society ah an mi leh sa angin an pawm tak tak thei si lo va, an enhrang tlat bawk si a. Chutianga an rilru nawm lohna leh an beidawn thu hi min hrilh ve tawh a. A tawpah phei chuan African mi ve ve pasalah an neih phah ta nge nge a.
Vannei tak tak pawh an awm ngei ang a. Mahse, chutiang lam chu sawi rih lo ila. Kan hmangaih tlat a nih chuan a tha viau tho ah ngai ila.. Mahse, hmangaihna hi a dai thei a, rilru leh ngaihtuahna te, culture leh duh zawng te hi a lo inang reng thei lo va. Kum 50 vela upa nih hnuah zet phei chuan that lai veng vawnga kan rilru leh ngaihdan kha kan hlimpui renglo va.. Mahni ram leh culture bakah mahni society ngei chuan kan lung a len ru tlat a. Tu hriatpui si loh chuan hreawm tiru fe fe hi an tam em em a ni. Hei hi mizo chauh ni lovin hnam dang te pawh an lo ni vek mai.
Mahse, Pathian ruat kan ni nia kan inhriat tlat erawh chuan tu dan theih kan ni hauh lo mai thei e. A hreawm leh a nuamah pawh damlai par chu kan hnam chul dun mai a niang chu.. Mahse, kei erawh chuan ka chhungten Mizo tawng ngeia an biak theih, Bai leh Saum ei ve thei ngei. Mami/mama nu, i dam em, Mama pa ka dam a sin.. tih pui theih ngei mai han neih chu dam chhung reilo te atan chuan ka thlang zawk fe mai.
A tawp ber atan; nupui pasal neih hi kan that lai chhung chauh atan a ni lo tih hria ila, kan upat hun kum 50 chuang lam kan nih hnu pawha in nei reng tur kan nih hria in, uluk takin kan kawppuite hi thlang ila.. Karah fanau an lo tlak tawh chuan, inthen mai mai theih a lo ni tawh si lo va, inchhirin awmzia a neih tawh loh hnu lamah hian kan tap ru deuh reng mai ang tih te pawh hi hriat tel fo tur a ni.
(heng te hi ka mimal ngaihdan mai a ni a, midang ngaihdan te pawh hriat a chakawm e)
Report this comment
February 11th, 2008 at 2:57 am
mizo nulate hnamdang pasal a nei lo tur a kan tih nachhan tlangpui ka lo ngaih hi chu…abik takin…vai kan duhloh lehzual nachhan a ka ngaih chu…kan rin Pathian hi a inanglo em atin niin ka hria…sakhua alodan chu sawi loh milembia …fanu te emaw farnu te pasal atan hi chuan kan duhlo bur vang ani…
mizo nula hnamdang pasal nei tam tak ka lo hriat ve ho pawh hi….hausa emawni… tihna rilru anput vang niberin ka hria…athen tam tak te chuan hausa tak tak te chu nei mahseng…mizo rilru in a hausa kan tih ang kha chu hnamdang hi vang tak an ni…pasal ah an nei tawh laklawh si…aruk takin inren der der in ankhawsa duh tlangpui mawle…sap tam tak te hi mizo aia sum leh pai ah pawh neilo zawk..nung trek trek hi tam tak an ni…sap pasal a neih avanga awmthei tak hi vang deuh mai a nia..hehe..mahni chhungte (zoram lam) sum thawn phei chu harsa ve tak an ni thin…hehe..achhan ber chu kan chet dan a inanloh em vang a ni…an upa tulh tulh a…mizo nunhlui an ngai tulh tulh thin antih hi chu adikviau in ka hria…ka pension hun chuan zoram lam ah ka awm ang anti rilru ve reng tho thin a nia…
Report this comment
February 11th, 2008 at 4:54 am
hnam dang chu hmangaih loh tum phot ila,kan lo hmangaih ta tlat anih chuan neih mai poh chu poi chuang lem lo,
mahse thil poimoh ve deuh chu,mizoram thingtlang khaw pakhat ah hian nula a om a,mizo mipa hmangaih deuh mai a nei a,a mipa poh chuan hmangaih ve hmel takin a kawm a,nula chuan a hmangaih em avangin leh mipa poh chuan a hmangaih ve emaw a tih vangin a fa hial a lo pai ta a,mipa chuan a nei leh duh si lo a,rilru na leh khawtlang hmuhsit nen,sawn pai tih leh nuthloi tih a lo ni a,mi hmuhsit a tuar hnem hle a,mipa dang te chuan an zuam phah hle a,nei duh tak2 erawh ahmu zo toh lo a,a tawp ah chuan an khaw bul a kawng siam thin dumka a nei ta a,dumka a neih meuh chuan an khaw pa ho chuan an dem hle a,vai pasal ah i nei a,chuti khati an ti reng mai a,hnam i ti mualpho ti te in dumka camp ah te an zu zilh thin ni om e,ani chuan ti hian a lo chhang a “mizo mipa min nei duh tu in om chuan ka pasal hi ka then ang,ka fa(mizo laka a fa)nen hian khotlang hmuhsit kan ni a,min hmangaih a min chawm tu kan mamoh em em a,kan khua hi a har ngoih2 thin asin,tuna ka pasal(dumka)hian mizo aiin min hmangaih” a lo ti ta daih mai.ka thian nula siniar ve tak tak te poh hi an duh tui ltk bik vang poh ni lo in,tlangval chhungkaw han chawm zo tur leh han in nghah na tlak hi an hmu lo a ni,tinmizo tlangval ei hmu deuh te chuan nula la naupang tha tak2 an lo hmu treuh bawk si a,hnam dang han neih mai poh awl tak tur a ni.chu vangin mizo tlangval te hi mizo nula in hman dang kan melh peih loh na tur khop a taima,lehkha zir peih,hmeichhia respect thiam leh duat,careturin han om ula,drugs te min addidt san daih lo in,zu ngol min vei san daih lo ,nu leh pa thoh chhuah ni lo min chawm thei ula,hetiang ah hian kan buai kan buai lo mai ang.
Report this comment
February 11th, 2008 at 6:41 am
Burbura: A chhan ah i lo buai a ni maw. Mizoram mipui zawng zawng hi 900,000 vel kan ni a. Tah chuan 500,000 chuang awrh emaw Mizo kan ni awm e….Chuti a nih si chuan kan hmeichhia emaw mipa te emaw hian hnamdang, Mizo hnahthlak nilo hi nupui/pasal ah nei ta fo se, Mizo chu kan ral tial tial tihna a ni….tun ah pawh hian Mizo suak/half breed ang chi kan awm nuk tawh hi.
Khawvel ah hian daltu nei theilo awm chhun chu hmangaihna hi a ni chiang bal kan ti thei maithei mahse, Mizo, kan hnam hmangaih vang liau liau hian Mizo chuan Mizo chauh hmangaih tur hi zawng thei hram ila ka ti….hnamdang nei te ka haw miahlo, ka sawisel na chhan tur pawh a awmlo mahse, thangthar te hi chuan…Mizo future en tlat in hmangaih tur zawn kawng ah hnamdang chance pe lo thei ila ka ti a ni….kan la tlem em mai…..Mizo tih hi ral mai tur chuan keizawng ka phal mawlh love.
American te hi eng hnam nge an nih han zawt teh u…” ka nu chu 1/2 irish, ka pa chu Native American leh Hispanic in pawlh,” emaw an ti mai mai….Mizo hi chu hetiang tur hian i in phal ve lo ang u khai ka han ti ve a ni e.
Report this comment
February 11th, 2008 at 8:08 am
Nupa hlim leh hlim lo chu hnam dang emaw hnam dang lo emaw kan awm theuh tho-in a rinawm, this is not your business ti ve mai ila.
A chhan sawi fak tur hre si lo hian kan lo duh lo ve satlaih ringawt em ni le?
Mi fate; Vai-fa, sawn-fa tih kan hrat hlawm em vang zawk hian em ni??
Chutiang ho bulah chuan tuin nge awm nuam ti teh reng ang, keini pawh kan inbih chian chu a ngai niin a lang.
Thikthu kan lo tichhe satliah ve ringawt zawk nge. Hnam rilru damna tham khawpa chiang leh fiaha kan duh lohna chhan sawi tur hria hi a pawimawh em-a ka hriat vang a nia.
Chumi ni lem lova an tar hnuah “chu ti kha ti” tih hi chu mimal in duhsakna a ni a, kan enkawl leh chawmte, kan duhsakte, an tana kan tawngtai sak fo te hnenah kan tih a nih chuan a awm e.
Nang leh kei ang hi mizo mipate kan nih chhung chuan Mizo hi a awm reng. Mizo nula pakhat na na na kher thlu zo lo khawp kan ni si lo va.
Report this comment
February 11th, 2008 at 8:34 am
Hnam dang ho in rawn sawi takah chuan, ka thianpa Japan nikum lama room khatah pawh ka lo awm pui tawh hian hnam dang nupuia neih a tum khawp mai, kum khat teh meuh a kherha, tunah chuan an insawi fel thei ta, an inzui mek a ni. Ka hmel hriat Korea nula pawh hian hnam dang neih chu a pawi tih loh thu min hrilh. Mahse hnam dangte hi zawng an duh duhin ngaihdan lo nei mai mai rawh se, kan topic a ni lem lo ve.
Kan topic khi ril takin chhan i tum theuh zawk ang u.
Kan chhanna tlangpuiah a lan dan chuan; anmahni (hmeichhiate) kan lo duh sak ve ngawt vang, sakhua in-an lohna, hnam dangfate kan en dan, chimral hlauh vanga kan tanlak thiam ve dan, mahni tawng ngei a bai leh saum bawl pui theih kan duh vang, etc.
Report this comment
February 11th, 2008 at 9:35 am
Engvang nge?
1. Kan thikthu a chhiat vang.
2. Hnam tan a pawi vang.
3. Sawisel tur hrim hrim kan zawn vang(he he he)
4. Vai kan hmuhsit vang. Sap leh naga nei hi chu kan sawisel zui vak lo,
an fate kha vai fa tih a ngaih ve loh vang emaw ni;-)
Report this comment
February 11th, 2008 at 10:44 am
Hui ha, Mizo neih tur hmu zo velo tan hian eng tin nge ni ta ang? chhungte lah chuan mahni tawng a, eng a? pui theih loh chu ti deuh tlat bawk si! he hehehehe
Report this comment
February 11th, 2008 at 12:15 pm
Ka hmuh ve danah chuan mizo nula in ST ni lo a neih a, an fate an lo bright viua a, ST qouta an ron dil leh si hian kan thinglung a tina deuhin ka hria. Sap nei ho hi chuan hetiang quota hi a dil ngai lova chuvang chuan sap nei ho hi chu kan huphurh hran lo.
Mizo hmeichhia vai changkang nei a, mizoramah pawh awmlo a, an fate te pawh changkang tak tak ka hre nual a, hetiang ho hi chu society hian an kher lutuk in ka hre lo.
Kan Tribal quota hi a lom, minti thinkthu chhia a, minti tanglo em em tu chu. Economic base hian tise a that ka ring ST zinga ah pawh
Chuti lo chu Zorastrianism zuitu te ang deuh hian, mahni chi leh chi chauh kan inneih chuan, kan tlem tulh tulh a nga, kan intelligent lo tulh tulh a nga “free sex night” inthlahpung tura neih ve te a la ngai mai ang tih a hlauh awm…he..he
Report this comment
February 11th, 2008 at 12:46 pm
A chhan ka hre tam lo. Keimahah chuan ‘HNAM PHATSANNA’ a ni tih hi a ni mai.
Mizo Hmeichhiain Sap emaw, Vai emaw, Tuikuk emaw a neihin an fate kha Mizo an ni tawh lo. Eng ang pawhin tang 70 mah se an ni thei chuang lo. Chuvangin Mizo hmeichhe pakhatin hnam dang a neihin Mizo kan kiam zel tihna (Mizo mipa nei se chuan Mizo bawk an thlah ang)
@hltau : mahni chi leh chi chauh kan inneih avanga kan tlemna tur a awm chuang em ni?? Kan inthlahpung ve reng ang. Hnam dang kan neih zel hian Mizo gene kha a dal telh telh a, Mizo a tlem tial tial zawk long maw??
Chu bakah Mizo ve ve kan inneih avanga kan intelligent loh tulh tulhna tur a awm lo bawk. Mizote hi kan intelligent ve tulh tulh tawh a, hnam dang kan neih pawlh loh avanga kan ‘mawl’ na chhan tur a awm lo. Tran chhan tlak a ni lovang.
Report this comment
February 11th, 2008 at 12:53 pm
Hnam dang pasal neih vang ai chuan
* lekha kan zir that peih lo vang
* kan thatchhiat vang
* tum rukna kan neih loh vang
* ruihtheih thil hman nasat vang
* eirukna
* mahni chhungkua pawh enkawl tha hman lova thil danga in hmang tam
lutuk
te vang hian han hman chu a boral zawk ang.
Report this comment
February 11th, 2008 at 4:01 pm
Sawi belh tur ava vang tawh ve.
Huisssssssssss
Ngaihdan a tam,pawm dan a tam
Inneih na hi Pathian ruat ti ve tlat
Report this comment
February 11th, 2008 at 4:23 pm
”never judge anyone till you walk a mile in their shoes” tih hi ka chang vawn a nia. Bible in ‘Do not jugde others’ ( matt 7) a lo tih leh bawk si. Chuvang chuan ka sawi ve lo mai ang. Bible thu hi misual ah hian ka quote nasa hlom hle a, ka verse rawn tarlan pawh hi zawm tel ta ila, kan hahdam phian long maw??
Hnam boralna chu tlem chuan a kawk tih hi chu a dik ka ti. Mahse Bena rawn tarlan te khian hnam chu min ti boral chak zawk ang.
Report this comment
February 11th, 2008 at 4:25 pm
all time hottest topic to our ‘mizo pa’
is ‘hnamdang’ means ‘vai’ only ? most of d people here sound like that !
Ka hmuh ve danah chuan mizo nula in ST ni lo a neih a, an fate an lo bright viua a, ST qouta an ron dil leh si hian kan thinglung a tina deuhin ka hria. Sap nei ho hi chuan hetiang quota hi a dil ngai lova chuvang chuan sap nei ho hi chu kan huphurh hran lo.
Mizo hmeichhia vai changkang nei a, mizoramah pawh awmlo a, an fate te pawh changkang tak tak ka hre nual a, hetiang ho hi chu society hian an kher lutuk in ka hre lo.
hltau Says:
February 11th, 2008 at 12:15 pm
this is quite true
Report this comment
February 11th, 2008 at 5:20 pm
Burbura: Japan i awmpui amaw…mak thei chiang. Ka ziah kha chhiar chiang la, hnamdang Mizo tan neih loh hnampum tan a tha zawk tih chu i hriat theih ka beisei.
Japanese te chu duh te chuan kan nei ve thei theuh ang chu…phak tawk tawk..keipawn ka hmu ve (hman ah lol) …Mizo a nih loh avangin ka neilo. Chiang takin ka hrilhfiah a, Kan hnam kan tlem zia leh ka hmangaih tak tak hma a in lakhran a that zawk ka rin thu ka hrilh… kan in tha then tawp…ka nupui neih, ka fa neih pawn lawmpuina min la rawn thawn… thiantha tak kan ni ta a nih chu.
Report this comment
February 11th, 2008 at 5:27 pm
Mizo Mipa hnamdang nei ka hriat te
Pu Lalmanzuala (IAS) a nupui hmasa thi tawh, a fate nu. Dr Mawitea, Dr Mathana, Dr Jimmy, Er Ruata, ( anupui pakhatna leh pahnihna), Pu Zohminga, MBA Bangalore, pastor pakhat Korean nei an awm bok a, khasi nula nei hi an awm nual bawkin ka hria, Er Ngheta. Ka hre tlem khop mai. !!! hriat nei dang in om em..??
Report this comment
February 11th, 2008 at 6:43 pm
Globalization hian min han chim tak tak anga Shiv Sena ang vel emaw Taliban ang vel emaw pohin bei mah ila KAN DANG ZO chuang lovang. A thiamlo chu tunge MIZO MIPA kan ni. Neihtlak lohah kan MINU te kan chhuah treuh. Tlema in ti CHK lah kan nei duh bawk silo HNAM dang an neih mai nak lovah. Chu a chhapah hnathawk peihlo vak mai mai mipa Pasal atana tlak hlol lo in kuh tul bawk. Thikthu chhe hlawm si, a tawpah Minu hmatheh leh mai mai. “Kan Minister or … Secretary or Director ah min transfer etc etc min sawisak rawh ti a” Minu hmatheh mai mai ho pasal tawmkailo in tam em mai Rui chhe thei bawk si
Report this comment
February 11th, 2008 at 8:56 pm
Mizo mipa hnathawk peihlo chhungte sum ringa vak mai mai ho hi kan hmeichhe tam zawkin an ngaihsan chhung chu kan changkang thei donlo anih hi!!
Report this comment
February 11th, 2008 at 9:00 pm
Mizoram – Hmeichhia
Bangalore – Minu
Delhi – Larki
New York – Woman………
Report this comment
February 11th, 2008 at 9:16 pm
Mizo mipa nu leh sum a nupui nei ngam an awm chhung chuan kan chhangkang lovang.
“Mizo mipa hnathawk peihlo chhungte sum ringa vak mai mai ho hi kan hmeichhe tam zawkin an ngaihsan chhung chu kan changkang thei donlo anih hi!!”
– hetiang hi chhuanlam a tling lo. Chhungkaw sum neih sawi suah suah hlawm a niang chu
Report this comment
February 11th, 2008 at 9:16 pm
@H VAngchhia, Japan nena chen dun chu a mak viau a mi? Tunah pawh hian building khatah chuan kan la awm ho reng a sin. I rawn comment te pawh ka lo chhiar a, a tha khawp mai.
Keipawhin hnam dang neih hi a tha tia ka sawimawina pakhat mah i hmu lo vang. Amaherawh chu, kan hmeichhiate pawhin hnam dang neih an duh loh phahna khawpa hnam tan thil tha lo a nihna chu fiah taka kan sawi theih hi thil tha niin ka hria, tawngpawng huat bur ringawt lo vin.
Hnam chimralna a ni kan ti a, heti zawng hian kan hmeichhe thenkhatte hian an ngai ve lem lo pawh a ni thei. Tin engtiang chiahin nge hnam chiralna a nih?
Mawii chuan vai pasal a nei a, amah chu mizo a la reng tho, mizo hnam a kiam phah lo. Fate chungchangah nise mizo hmeichhiaten Hnam an chawi ve lova chuvangin mawhphurtu an ni lo.
Nute tan chuan fa tha tak neih a, nakinah anmahni enkawl leta dah nuam thei tur fa an neih a thupui. Chuvangin kan hmeichhiate hian thui tak an ngaihtuah zawk a, ani hi nei ila fa te pawh an ngaihtuah awm lovang tih rilru te hi an pu ve khiau va.
Zei book-ah khan tar lang chiah lo mah se, Mizo nula chhe lo tak mai, i tawngkam thiam zawng zawng nena i kherh hnu pawha aw ka a la pawh duh loh che pawhin, “E.. nang hi kan hnam damna i ni a sin, mizo hnam hi kan la tlem si a, kan hnam avang tal pawh hian ka sawmna che hi khawngaihin han ngaihtuah chiang teh” ti la, a ngaihtuah rauh rauh mai ang..
Hmeichhia hnam dang nei chu ti kha ti, tih hrep hrep hian mi a siam tha lem lo ni in a lang. Mizo hnam chimrala a awm kan duh loh chuan a mawhphurtute chu Hnam nihna kengtu Mipa te hi kan ni.
Report this comment
February 11th, 2008 at 11:25 pm
Japan nen i ti kher a…sorry no offence intended..Japanese tur ah ka ngai a…
Report this comment
February 12th, 2008 at 12:06 am
A duh chuan nei se, a duhlo chuan neilo mai rawh se.Neisuh han tih ngot chi pawh anilo,an lo duh tlat chuan inrukte ani leh nuk zel.Pasal(hnam dang nilo)nei tawh ho hian an nulatlai an ngai zawk mah thin,Hnam dang pasal nei phei chuan aletin an ngai hian ka ring.Inneih hi alo nuam lo aniang….chuvang chuan Inneihlo mai tur…Nupui/pasal neih hian nuam reng tura ngaih hi adiklo..Chhechhama innei anuam ah pawh a hrehawmah pawh tih anih tawh kha…..Pasal neih dawn pawn Hnam dang chu neihloh hram nise ka ti..A hrehom bik hian ka ring….
Report this comment
February 12th, 2008 at 1:32 am
@ H Vangchhia, you are right, “japanese” tih tur ni e, ka kut hian a lo ti “nese” lo a nih hi, sorry lutuk.
Hnam dang neih remti miah lo zingah hian heti lama mahni fanute pawh hrilh ngai lo leh zirtir ngai lo pa hi an tam viauin ka ring. Ngaihzawn pawh in ngaizawng tur a ni lo tiin zirtir sela a sawt viauin ka ring.
Report this comment
February 17th, 2008 at 10:02 pm
Ka tih zel dan a ni…ka thiannu chhungte pawh hian an fate an enkawl na lam a an sawi thin pakhat niin ka hria…a tha khawp dawn in ka hria…In lama kan hrilh (tet lai atangin) a ngai a ni. Mahse, Vairampur a seilian/ Mizo inti ck laklawh Mizoram pawn a inti awmrei te ngaihdan chu a ni theuh kher lo thei…an ti/zirtir ve duh te a nih ngai chuan fak tlak an ni tawp thung ang….ka chhuang ngawt ang
Report this comment
February 17th, 2008 at 11:46 pm
Hnam dang neih chungchangah hian keini mizo zingah chuan zaa sawmkua vel hi chu nu le pa mawh niin ka hria. Ram dang, hnam dang zinga awm nula tlangval mahni mite ngei lo chu neih tum thak lo tam tak an awm laiin nu leh pa then khat hnam dang makpa nei intih theih nan taka hmang an awm ve bawk nia.
Report this comment
February 18th, 2008 at 1:01 am
Sap leh Naga fa aia Vai fa kan huatna chhan hi chu an phakar vang ani mai.
Lo chhut chiang ve teh u, vai fa ho hi chu an selfish in an phakar tlangpui ang.
Report this comment
February 18th, 2008 at 1:03 am
Hnamdang mipa hovin Mizo nula hi India ramah an cheap ber anti!!
Report this comment
February 18th, 2008 at 1:40 am
Fanute hnamdang (Vai) pasal nei tura kan duhpui lohna chhan kan sawi ta nual a, sakhuana leh fate hmakhua vang ngawt pawhin kan duhpui loh chhan chu sawi tam ngai lovin a pawimawh hle a ni.
Mahse, engvange kan nula/fanute hian hnam dang pasalah an neih duh talh ni? tih hi chhan a pawimawh ve bawkin ka hria. Hmeichhe tan chuan pasal chu an belh tlak, rinchhan tlak ni ngei se an duh a ni. Sum leh pai thuah pawh nise, kan Mizo valte aia an rin zawk vang a ni chek ang chu! Mizo valte hi belhchian kan dawl em? Mizo nulate hian rinchhan tlak min ti lo deuh a ni lo maw? Chutih ni suh sela hnam dang neih duhna chhan an la nei cheu a nih chuan an inhmangaih tih ngawt hian ah hmel a tihfai sak tak tak lo vang le…
Report this comment
February 18th, 2008 at 7:12 am
zrm-a : Sawi tam lo mai teh ang:)…yes it seems true:)
Report this comment
February 18th, 2008 at 10:55 am
Hnam dang neih kan duh lohna chhan then khat:
1. Kan pi pute khan hnam dang an nei lo, neih mai tur pawh an tan a vangin a harsa.
2. Kan sakhaw zirtirna: Bible kan chhiar chuan Israel mite hnam dang nei lo tura zirtirna hian nasa takin min influance ve.
3. Kan Kristianna: Kan chhehvel hnam dangte hi a tlangpui thuin sakhaw dang bia an ni a, chu chu kan kristianna hian ring lo mite nena nghawngkawl bah dun chu tiin a hmu rem thei lo.
4. Hnam feeling (hei mi tam takin a key pui berah an ngai) : Mizo hnam hi hnam upa tak leh lian tak a ni lova, kan culture leh traditionah kan la nghet em em a, hnam dang mi leh an tih dan sengluh hi chu kan rem ti lo, hnam phatsannaah hial kan ngai.
5. Khawsakna: Kan ram kan tlang hi hnam dang chiah piah nuaih nuaih kan ni lo va, chuvangin hnam dang chenpui tur chuan kan ril rem theih chiah lo.
6. Chim ral kan hlauh vang a ni bawk.
7. Kan chhehvel hnam dangte hi kan ngaisang lo hranpa ve hrim hrim.
8. Hnam dang nei, an fate hi mizo-a chhiar harsa kan ti.
9.An fate hian mizo hnam tan leh society tan thil tha tia chawimawi aiin harsatna an thlen zawk nia hriatna.
10. Mizo nunphung (zonunmawi, tlawmngaihna)-ah an dazat.
11. A tlangpui thuin hnam dang neite hi kan hmu nikhua lo.
12. Hnathawh leh hawiher: kum 2000 hma lam chuan hnam dang kara hnathawk leh ram danga awm kan la tlema, corss-culture lam hi a lang vak lo ( mizo nupui/pasal tur awm lohna hmun ram danga awm kan tam tan ta).
13. Kan hnam nun hrim hrim hi a socialism em em a, kan inhre pawh tawn em em a, inrel leh sawiselna tur pawh kan inhria. Khawtlang rel kai nih hlauh vangin. (individualism kan uar tana, chuvangin a duh chuan nei se a ni mai a lawm tih ngaihdan pawh a hluar tan).
14. Hnam dang nei tawhte atangin nupa leh chhungkaw nunah harsatna an tawk tih hriatna atangin.
15. Kan mi leh sate lakah hnam rilru atangin kan thikthu a chhiat vang.
16. Tu nu, tu pa atan mizo dik tak ngei neih kan duh vang.
Heng tar lan atang hian a then azar kan rilrem zawngte a awm ve a nih chuan hnam dang neih leh neih loh chungchangah thutlukna kan siam thei.
Report this comment
February 18th, 2008 at 11:12 pm
zrm-a Says:
February 18th, 2008 at 1:03 am
Hnamdang mipa hovin Mizo nula hi India ramah an cheap ber anti!!
Not everyone is the same….don’t generalized.
Report this comment
February 19th, 2008 at 3:35 pm
Ngaihnawm hlawm khop….Ngaihdan fumfe tak neih a har!! Hnam dang neih tihte hi chu Kan Pi Mauruangi min tih hmuh a ni a, tumahin an dem hauh loh hi…A nunkhua a nawm phah a, an lawmpui zawk vek anih hi….
A bul ber chu Hmangaihna a ni ber mai…
Report this comment