Kristian Thalai Pawl (KTP) General Conference vawi 52-na, Bilkhawthlira nghah chu Feb. 28 zan atang khan tan a ni ta.
Inlawmna Inkhawm hi Central KTP Leader Rev. K. Lalrinmawian a kaihruai a, Synod Moderator Rev. Dr. H. Vanlalauvan thuchah a sawi a, Synod Secretary Upa C. Lalmuankiman KTP Kum Puan 2008 a hawng bawk. Kristian Thalai Pawl hian kum 2008 hian Kum Puan atan “Kristian Nun – Nghehna” tih an hmang dawn a, Branch tinin an bawhzui nghal theih nan Kum Puan Kaihhruaina an sem chhuak nghal bawk.
Inkhawm banah hian Synod Moderator-in Mizoram Synod Choir Cassettee/CD Album thar “A chhe lai siamthatu” tih leh Inkhawmpui Organising Committee buatsaih KTP General Conference Souvenir 2008 chu a tlangzarh a. Synod Choir album-ah hian hla 13 a awm a, Hla Pui 1 leh Sap Hla 1 dah tel a ni a, a dang zawng chu tun lai Thalaite hla a ni hlawm. Album hming atan hian kumina KTP Inkhawmpui Thupui “A chhe lai siamthatu” tih chu hman nghal a ni a. A Album Cover-a a album hming inziak chu Kristian Thalai Pawl dintute zinga mi Pu Vanlalkunga, Zarkawt kutziak nemkai a ni.
Similar Posts:
- KTP General Conference 2010 video leh thlalak tlem
- YMA General Conf ah hmeichhe tan kekawr hak rem ti lo
- YMA General Conference Vawi 62-na
- KTP conference laia sex hmang lo turin ngen
- Synod Choir Taiwan kal tur thlahna
March 1st, 2008 at 5:27 am
u-tpa teh vung chu!
KTp conference ah hian ka kal ve vawi 1 chu,champhai ah! anuam ka tih pawh ka hre lo,mihring an tam lutuk.a huau huau mah mah in ka hria!Pathian thu ai mah chuan!nuam ti tur a kal an tam hmel, te ka ti mai mai!
Report this comment
March 1st, 2008 at 6:39 am
Tam kum a nia, kei chu ka lo zak deuh a. Conference kalna bus fare, eiin man, accomodation etc. atan hian cheng nuai tam fe chu kan seng ngei ang.
Thingtlang lamah chuan chung senso piah lamah thlalai hnathawk ten ni 5 vel hna an thawk lo pah a, uihawm deuh asin.
Report this comment
March 1st, 2008 at 11:33 am
Inkhawmpuinaa kal hi a kala te rilru put dan azirin an hlawkpuiin an hlawkpui lem lo thei. Khawvel taka kalte chuan tisa taka hlawkna hawpui te pawh an awm mai thei bawk. Hetih karah hian thlarau lam hlawkna chhar thar tam tak an awm bawk thin.
Thalaite sualna te hi uar takin kan sawi vak vak a, Presbyterian, Baptist, UPC a ni emaw, hetiang khawmpui nikhuaah hian Baal hmaa thingthi ngai lo thalai rual la tam zia hi a lang chhuak thinin ka hria.
Mautam tih vanga thil tha tih tur tam tak tih thulh kher a tul lo. Mautam vei inti tak takte hian enge an tih chiah. An chaw ei ai vawi khat pawh pe phal lo an nih nual ka ring. A nih leh Mautam vangin phai lama kan zirlaite hi chah chhuak vek ila, he laiah mahni ram ngeiah a hautak lo zawngin zir ve mai se.
Hmeichhe pakhatin Lal Isua ke bula tel rimtui a sawhkeh pawh khan Farisaite chuan, ‘mirethei tanpui nan hmang zawk se’, an lo ti ve tho asin!!!!
Ka ngaihdan tlang takin ka han phuh chhuak ve a nih hi (insit tak chungin)
Report this comment
March 1st, 2008 at 2:24 pm
@bonnie sawi hi ka thlawp e!
Report this comment
March 1st, 2008 at 2:36 pm
Zu leh Sex chuan hmun a chang lo tur ah han ngai phawt ila….
Report this comment
March 1st, 2008 at 10:19 pm
Lung an van tileng ve aww..! Tel ve hman ta lova a..Hlawk takin hmang ang che u:)
Mahse, thil pakhat kan ngaituah atan a tha ka tih mai mai chu,hetiang ang khawmpui lian senso hautak tak hi neih reng chi a ni em aw?Kan senso leh kan hlawkpuina hi a in phu chiah em aw?
Tin,a hrim hrim thuah,Mizo Kristian te hian Khawmpui hi kan uar lutuk em?Kan inpawlhkawm/ inpawlhlim na aia hian,a taka kan thawh,kan insenso na lam te hi tam zual zel se ka ti ve mai mai thin..:)
Report this comment
March 1st, 2008 at 11:04 pm
City Bus tih hi an thlak thar a ni mo…Town Bus tih kha a ni thin sia!!!
Report this comment
March 1st, 2008 at 11:09 pm
You’ve got the point Sekibuhchhuak. Kan senso nen a inphu thlawt lo. Ka awmna (thingtlang khua 1) Branch KTP atangin member 41 an kal a, MST bus an hire a, mi pakhatin bus hire man Rs.250 theuh an thawh a. Thursday – Monday an thang bo ang a.
Mautam kum, Sawhthing chho hun lai tak a nia, chhungkua tam tak chu an buai ngawt ang. Bial conference kan hmang kumtin bawk a, YMA ah Group conference, central, MZP conference etc…. a tam bawn tawp.
Report this comment
March 2nd, 2008 at 4:23 am
Awzzman : hmang nasa turah ruat zawk la i guess fuh ka ring mah zawk e a. Tum khat ka kal tawh na expi atanga ka sawi mai ania no offence intended
Report this comment
March 2nd, 2008 at 11:45 am
KTP-ah hian kum over thak thlengin ka inhmang a, Inkhawmpuiah pawh ka kal nasa khawp mai, zu leh sex a hluar ka hre ngai miah lo. A hluarna hmun lamah ka va tel ve loh vang pawh a ni mai thei. Ei leh bar harsat thu-ah chuan Ratu-a Conference an nghah tum kha a la harsa ber mai thei. Mahse, khatah pawh khan palai ten buhfai, chini, dal leh chawhmeh dang an in keng am a, inkhawmpui tawp hnuah pawh chhungkaw tam tak chuan palaite thil ken khawm an la ring a ni.
Eng inkhawmpuiah pawh hian thalai awm tha duh lo, lirthei nei si, an chhungte hnena inkhawmpui hmang tura insawi, Inkhawmpui neihna hmun pandal pawh thleng tha peih lo, an duh anga lo khawsa ve mai thin hi chu an awm fo thin a, heng hi chu mi tlem te an ni.
Tin, KTP Inkhawmpui hi tihhautak loh nan kum tina neih thin kha, tunah chuan kum khat dana neih a ni tawh.
Heti zawng pawh hian a ngaihtuah theih bawkin ka hria. Nakin lawkah chuan sum tam tak sengin Pathian thu lam programme-ah thalaite koh khawm tum ta ila, kan koh khawm theih miah loh hun a la thleng mai thei a ni.
Report this comment
March 2nd, 2008 at 12:38 pm
@LM RALTE chu va hre hlui thrang thrang ve? Mizoram awm lohna rei tawh ni mo?
Report this comment
March 2nd, 2008 at 1:02 pm
KTP General conference hi vawi 2 chu ka tel ve tawh a! zai anuam khawp mai!! chhun zawm zel chi ani, a trul lo ti te chu an tel lo mai anga!!
hman deuh lawk a , shillong a ‘scorpion’ concert te pawh a trul lo ti chu an kal lo mai ani lawm ni??
Chutiang zel in , KTP khawmpui lian te pawh a tel duh an tel a, tel duh lo an tel lo mai! tih zawm zel tur, Pathian thu a in pawl khawm na ania , nuam deuh asin!
Report this comment
March 2nd, 2008 at 5:03 pm
Mahni awmhmun atangin lo inkhawmpui ve ila….
https://www.youtube.com/watch?v=YoBViNV-tiY
Report this comment
March 3rd, 2008 at 9:58 am
Conference t hi cu a tha ltk k t, mhce `KTP a tel v lo t tan hian KTP hian a tih tur a t tawk m` tih hi cu zawhna lian v deuh cu niin k hria. KTP, TKP etc t hi a chhunga tlangnel sa t tana siam a ang deuh toh m o… Addict emaw zungawlvei kn tih ho t tan hian hmun a awm m tih hi cu ngaihtuah v mai2 cu tha khop mai.
Report this comment
March 3rd, 2008 at 2:11 pm
@Appikuttan, kum rei lo te Lunglei ah ka va awm ve tawh a,tah chuan TKP te ka fak khawp mai,misualte thleng phak rawngbawl na an nei.an theih tawpin ruih hlo ngai te TKPah tih tlang nel tum in an bei ani.KTP erawh ka hre lo tlat.
Report this comment
March 4th, 2008 at 12:07 am
KTP Palai camp 2 rawk
https://mizoserver.net/index.ph.....8;Itemid=2
Report this comment
March 5th, 2008 at 2:44 pm
ZerO, i ngaihdan kha ka thlawp e. Conference (KTP, PYD, TKP, YMA etc.) tih vel hi a thatna chu a awm ve ang, mahse a that lohna lam hi a buk a rit zawk in ka ring. Rorel tur chin hi kal mai se a tawk viau lawmni, a hautak lo zawk bawk a nga.
Report this comment
August 28th, 2008 at 1:53 pm
KTP conference ka kal ve chin toh ah tih toh loh chi anih hi tih tur ka la tawng lo. keimahni hi Pathian tan a kan in hawn peih loh chuan engmah hi hlawk khawvel ah a awm lo.
Report this comment