Mizoramah hian kan Population phu loin fahrah chawmna in kan ngah hrep a. A thente khi chu mimal enkawl awm bawk mahse a tam zawk khi chu NGO leh sawrkar enkawlte an ni hlawm niin a lang. A buaithlakna laitak zawka chu fahrah enkawlna inte hian fahrah enkawl tur an neih belh zel hi a ni.
Fahrah chawmna in lar zual ka tlawh kual na lamah naupang pakhat cute zet mai hi enge a awmna chhan tia ka zawh chuan hetiang hian a thawk ten min chhang nia. Tlangval khawlai fa a ni a. A pian hma atrang tawh hian a pa in a tlan bosan a, a nu hi a rethei bek berh sia enkawl ngaihna a hre lova,”Kha in duh duh in lo ti teh u” tiin a rawn hnutchhiah ve ringawt mai a ni an ti. Hetiang ang case hi tamtak sawi belh tur an la hre zui!!!
Mizorama fa chuang/fa lak /fahrah tam lutuk khi engtinnge kan tihreh theih angle? A hun lai kha chuan ka ngaihtuah chhuak mai bik lova, mahse ramdangah te kan han awm ve hnu hian hnam dangte tih dan hi a tha ka ti hle mai. Ka thawhpui pakhat Brett hian fa pali a neih hnuah an nu lakah Divorce a file a. Kar khata a pay check hi $800 vel ni ta se, a chan taka chu $280 vel chauh zuk nia!!! Sawrkar in awtomatik-in a fa enkawl na tur Child Support kha an cut sak nghal hmiah mai a. Overtime a thawh loh phei chuan a fate tan a in seng ral deuh thak dawn tihna a nih chu.
Mizoram ah hian engvangin nge kan apply ve mai loh? Sawrkar hna thawk pawh nise, kut hna thawk pawh nise naupang kum an tlin hma chu an thawh chhuah atranga a percentage in sawrkar hian cut sak ve ang hmiang. Tlangval te pawn sawn thlak mai mai leh khawlai fa kan ngah loh phah anga. Nupa inthen an tlem phah bawk anga. Ofcourse falak/fahrah nausen khawngaihthlak tak tak te an tlem phah bawk ngei ang. Fahrah nih hreawmzia leh future a bright loh zia chu kan hre tlang vek awm si a.MHIP lama tlaktlum duh vanga rawn ziak ka ni lova, kan zavaia that tlanna tur nia ka hriat avanga ziak ka ni zawk e!!!.
