Khawnge kan mau chang puah leh phawng teh ang. kei ve teh mai hian eng hi ka su awng dawn lo tih in hre mah ila. Misual User leh thiante zar ah mahni ngaihdan kan sawi khum leh teh ang che u.
Thupui atan a ka hman “Nang Malsawmna Ni Ang Che” tih tawp tawngkam a tang hian ka rilru ah leh ka thil tawn a tang a, ka hmuh leh hriat puan chhuah nan kan hmang teh ang. Kan tleirawl tirh hian kan thiannu hian harsatna namen lo a tawk a. Anu leh ka thiannu leh A u mipa nen hian an awm a. a U chuan zu a rui thinin inchhung ah buaina a siamchhuak fo a, ka thiannu chuan a zirna chhunzawm a duh avangin a nu in sum a pungin a puk tawp a.
An sum puk chu thla tin a rulh a ngai ve bawk si. Tlai khat chu ka thiannu chu mangang em em hian alo kal a. An sum puk a pung pawh pek tur an neih loh thu leh an in hial chan an ngaih dawn thu an sawi chu!! Kei ve mai hian han puih ngaihna ka hre silo. Ama thiante an phone kual a, an puih theih loh thu an lo sawi zel si. An duh vang a, sum leh pai pawh kha ba an ni lo harsat dan a in chen lo em ani.
Tawngkam ringawt a, Nang Malsawmna Ni Ang Che han tih ringawt hi thil awl ai lo tak niin ka hria, Minister fate tan chuan midang tana malsawmna ni tur chuan midang puih theihna turin sum an pe thei, Mihausa fa tan chuan mifel nih pawh hlawh a awl ang.Mahse mi tam zawk ah chuan mifel nih duh mah ila, inchhung khurin a tlin miau loh chuan mifel nih leh hawihhawm nih hlawh pawh a har.chuvang chuan kan Zoram ah hi chuan rethei te kan te tual tual a, Hausa te an hausa tual tual a.”Nang Malsawmna Ni Ang Che” tawngkam mai ni lo in, a taka ram a, tawn a chakawm hle mai
Similar Posts:
- …tual tual…
- Nang Malsawmna Ni Ang Che
- Ani thei angem?!!
- Occupy Wall Street
- Zoram hian tunge a mamawh?
March 31st, 2008 at 2:18 pm
Nia, ngaihdan tha tak i rawn au chuah pui a atha hle mai. “Nang malsawmna ni ang che”tih thu a hi a fuh viau in ka hria a. Mihausa leh rethei a thliar hrang lovin ka hria ka ngaihdan chuan. Mi rethei ber pawn “Malsawmna” a ni thei teh reng mai. Mihausa fa hlei hlei hi “mi tan a malsawmna” nih an harsat zawkin ka hria, a tlangpuiin an ui kawm deuh thlangpui. Thingtlang ah vawikhat chu karkhat riakin ka zin ve a, chuta ka thil tawn “mi tan a Malsawmna an va ni tak em” min tih tir vawng vawng a chu hei hi ani. Chaw kan han ei a, chaw hmeh ah sakhi sarep tlem azawng kan hmeh chun kha kan in deih silova, sa hmeh lova ei ka tum mai a,an tlangval te pahnih (kum 13, 15) te chu tlawmngai takin chawei dawh kan tang in an tho hmak a, chaw leh chi chauh ringin an in hnawhpuar(tawngkam nilovin a tak-ram an va chan tir tak em) ………… an thawh hma a thawh ka tum pawn, min nam bet a………… a ngai lo ti in puar deuhin ei rawh min la ti hram . khata ka rilru a lo lang lian em em a chu “Mi tan a malsawmna an va ni tak em” tih hi ani. Mihausa fa te zawh hi inenfiah an ngai zawk.Atlangpui in kuhva/meizial in theh kawng ah pawh ………. uangthuang deuh a “bawih-a a zo chaih chiah ” tih kan hrat tan khawp!!!! an aia mipawi mawh,hlauh leh zah ah te chuan “hei ka nei alawm” an ti leh lawi si. Aizawl ah ka awm e inti ho hian in enlet kan mamawh zawk!
Report this comment
March 31st, 2008 at 2:20 pm
He thu hi Bible ah kan hmu a,Abrahama hnena Pathian sawi a ni.Abrahama kha midangte tan malsawmna ni turin sum pek a ni chuang hlei nem.Virgine,hausa leh rethei inkar a zau i tih hi chu ka pawm khop mai mahse midangte tan malsawmna ni tur hian hausak kher loh pawhin a nih theih tho asin.A case a zirin malsawmna kan nih dan tur pawh a dang thei ang.Thlamuanna leh a theih dan tur kawng dappuite pawh a theih a lawm.
Report this comment
March 31st, 2008 at 2:41 pm
virgine gal,i tithra thei thruai thruai…mimal ang chuan midang han tranpui hi sumin a tlin bikloh changte a awmthei, mahse thianho intelkhawma sum tlema zawng thohkhawm chuan midang tan hnemhnanna tham alo tling ve thei thin sia…tunkum christmas kha zoramah ka hmang ve a, lawmawm ka tih em em chu christmas laia midang tranpui tu thian pol tangrual( eg. azl thunder) ang kha ani. Kristian kan nih anga a kan tih awmtak ani reng ani. Tunlaia kan CS nupui hmalakna a mautam tuarte tanpuina an siam te hi a lawmawm khawpmai. Kan theihtok ah midangtan malsawmna ni turin misual ho hi trang tlang teh ang u…. nang i omna hmunah, kei ka hmunah
Report this comment
March 31st, 2008 at 3:27 pm
Isaka khan a fapa Jakoba hnenah khan, Ka fapa rim hi Lalpa malsawm ram rim ang a ni,” a ti a. Sum leh pai leh tha thawh zawnga mite tanpui hi kan tih zel tur a ni. Chutih rual chuan chutiang ti thei ve lo te leh ti thei te pawhin kan tihtur pawimawh tak chu kan awmna hmun apianga ‘Lalpa malsawm ram rim’ nam tir kha a ni a.
Thinlung hi dik se, midangte tana hnawksaka awmloh ringawtah hian duhtawk lo i la, Midangte tana kan tih theih tha ber leh sang ber tihsak duhna thinlung hi pu theuh thei i la. Chuta tang chuan mite tana malsawmna nih theihna nun chu a lo chhuak ngei ang. Kan Bible hian ‘peace lovers’ ni turin min ti lo va, ‘peace makers’ ni turin min ti a. ‘Mi dangte hmangaih’ tihte pawh hi chhung ril lama rilru no che vel a ni sathliah lo va, hmangaihna tak chu a takin che chhuak thin. “Midang tana malsawmna lo ni turin keini pawh kan tuar a tul ngei ang…” tih a nih kha.
Report this comment
March 31st, 2008 at 3:46 pm
amen… dawn ava ti sei ve le… ken theih/phak tawk theuh a hian Nang malsawmna ni ang che ti thei theuh ila…
Report this comment
March 31st, 2008 at 8:01 pm
virgine_gal chu nick phu lovin ziak tha thei dup dup hle mai. Kan nitin nunah hian thil te tak te te, ho ni a kan ngaih mahse midang tan a malsawmna kan lo nih reng theihna hi thil tam tak a awm. Hemi chance hi kan thatchhiat vang te leh kan chik tawk loh vang te in kan hloh fo mai..Hawh u, misual mai mah ni ila tan i han la thar teh ang u.
Report this comment
April 1st, 2008 at 12:06 am
Lak aiin pek in lukhawng a nei zawk.
Sem sem dam dam ei bil thi thi
Mite tana malsawmna nih theih dan tam tak a awm a,A tak ngei/thiltih a malsawmna nih theih dan i zawng zel ang u.
virgine_gal,ziak ngaihnawm e
Report this comment
April 1st, 2008 at 1:36 am
Pathianin Abrahama hnena a thuthlun a ni. Mizoram Pradesh Congress Committee leh Mizoram Upa Pawlte’n motto-ah an hmang. Mimal tin motto ni vek thei se, a duhawm hle mai.
Report this comment
April 1st, 2008 at 1:52 am
hmmm
Report this comment
April 1st, 2008 at 1:10 pm
sekibuhchhuak i ti lawmawm e…kei ve teh mai ka thil post in ngaihdan hrang hrang comment in pek thin avangin ka lawm e
Report this comment