A tuarna avangin hnam tinin damna kan chang. Hliam a tuar avangin kan hliam damna alo thleng a, a lungngaihna avangin kan tan hlimna kawl alo eng ta.
Damna kim kan chan theih nan thawhlehna ni ropui tak chuan rawn nemnghetin, Chu thawhlehna chuan a famkimlo te tifamkimin, Sual leh a hnathawhte chu a titlawm ta.
Hmuhsit leh diriam hlawhtu, mifel suala an chhiar tak kha, Kross lera i sualna avanga A Pa Pathianin a kalsan tak, I Lal kha, thlanthimin a chelh hlen ruallohin, ropui takin a tho leh ta.
Thawhlehna ropui chuan itan leh ka tan zalenna kawng arawn hawng a, Dam chhung Bawih atangte tan chhuahna thu a puang ta.
Vut aiah pangparthi hruite, lungngaih aiah hlimna hriakte.
Khawvel rorelna a zawnga thutlukna siam rang ber mai, Rom Sawrkarin Juda mipuite thuzawma kros lera a khaikan tak kha, an tana rorel leh turin hnehna thuam famkim nen a tho leh ta.
“Thlan atangin a tho ta,
Ropuiin a hmelma a hneh zo;
Kumkhuain mithianghlim nen ro an rel ang,
Atho ta, a tho ta,
Fak ru Isua a tho ta” .
Similar Posts:
- NAZARETH ISUA KRAWS-A AN KHENBEH KHA A THO LEH TA (Easter Sunday Sermon)
- “Kalvari Tlang/ Darthlalang Tlang”
- TAWNGTAINA
- Halleluiah! A Tho Leh Ta!
- Tho la, ding ta che
. hairehai
April 4th, 2010 at 6:29 am
Amen
April 4th, 2010 at 6:40 am
Easter chibai vek u le
April 4th, 2010 at 7:05 am
Thihna hneha tho leh kan Lalpa chu fakin awm rawh se.
April 4th, 2010 at 7:24 am
A pa Pathianin han tih kher chu kan UPC unau te tan chuan a ulh awm hle mai, khatih lai khan an ngaihdan zul zuiin pathian kan lo neilo reng anih dawn kha! Ni2 chhung khovelah pathian a awmlo!
‘Fapa chu Pa dinglamah a thu a’ tih te poh kha mahni leh mahni dinglama thut tum tralh chu tawlh nilen a awl mang e! Hairehai Pu HV a te hovin soi ve teh se.
April 4th, 2010 at 7:25 am
Chibai vek ule. Nizan zinglam chu kumthar zan ang maiin zai a ri chuah chuah maiin ka hria a, lung a leng lek lek mai. Mut thawh pawh a hun ta e.
April 4th, 2010 at 7:33 am
Rugga, tha mai ang
April 4th, 2010 at 7:46 am
A hnehna ni lawm satliah mai loin. A hnehna tawmpui chungin aw.
Easter chibai ule.
April 4th, 2010 at 8:13 am
Misual zawng zawng Easter chibai vek u aw.
Krista A tho leh ta ,Halleluiah!
April 4th, 2010 at 8:15 am
A thawhlehna tawmpuiin hlim takin Thawhlehna Ni hi i hmang ang u.
April 4th, 2010 at 8:22 am
Voin chu inkhawm vek ang aw, tuman computr leh mbile khoih lovah.. inkhawm chhung chu.
April 4th, 2010 at 8:24 am
Bamboo, ka hna atangin min ban anga sin
April 4th, 2010 at 8:30 am
A Thawhlehna niah hian mi(sual) zawng zawng te i tho ve ang u. Kan tana a Thawhlehna lawm nan chibai vek u le.
April 4th, 2010 at 8:47 am
HALLELUIAH AMEN!!!…..a va han ropui m.LALPA CHU FAKIN AWM RAWH SE!!
TIN NGAITEH U, KEI KUMHUAIN, KHAWVEL TAWP THLENG PAWHIN, IN HNENAH KA AWM ZEL ANG…..
April 4th, 2010 at 9:24 am
India rama khawpui pakhata in chhawng sang tak atangin mi pakhat chuan kawngpui hnawh khat mup mup mipui a chhuk thlir a. Chungho chu Buddhist-ho an ni. Engnge an tih?
In chhawng sang tak atanga thlir thlatu kha Christian Missionary a ni thung a. Mipui chuti zozai innek buai luai luaitena an buaipui chu a hre si lo.
A kiangah mi vengva tak han zawh chian mai tur a lo awm remchang a, chu pa chuan, “Buddha ruh them pakhat an hmuhchhuah thar ngaisangin kawng an zawhpui a nih khu,” tiin a hrilh ta a.
Missionary pa chu a kun nghaih a, a rilruin a tawngtai ta a, “Aw Lalpa, I Fapa ruhro kan nei ve lo hi a va lawmawm bik tak em!” a ti thlawt a ni.
Tholeh Krista Isua kan lo nei bik hi, sakhaw dang aia nihlawh chungchuang kan ni e. Krista kha kaihthawh a ni satliah mai lo va, Puithiam Lalber atan Pa Pathian chuan a ruat zui a, van hmuna kaltlang vek tawh Puithiam Lalber kan neih chianzia kha Apostol tuemaw ber khan AD 68-ah te khan ziak diama chhiar tur min lo hnutchhiah hman vek zu nia! (Hebrai 6-10).
Puithiam Lalber, thisen keng ngei ngeia Biakbuk Hmun Thianghlim bera zahngaihna thutphah kha thisen va theh khum ngei kha Pa Pathianin a va thehtu Puithiam Lalber a lo pawm a, thisen pawh a lo pawm tel ang khan —kan aiawh Tholeh Krista, kan Chatuan Puithiam Lalber Tholeh Isua chu Pa-in a lo accept a, Ama (Isua) thisen ngei hringfate min leina thisen pawh a lo accept a … kan aiawh accept a nih leh min leina thisen accept a nih khan Ringtute hi Pa Pathianin Krista zarah min ACCEPT a ni tih hi ka rawn share duh che u a ni!
Min ACCEPT, min REJECT lo! Lalpa chu fakin awm rawh se!
Thuthlung Hlui-ah chuan thih hlauhthawnawmin Puithiam Lalberin tengeng pal ri tleng tleng chungin rawng a va bawl thin, tengeng ri mipuiin an hriatin an ngaih a tha hram hram. “in bated breath” tak takin mipuiin an lo chang thin!
Thuthlung Thara kan Puithiam Lalber erawh chuan thihna a hneh fel diam hnuin Puithiam Lalber rawngbawlna tluantling min neihsak thung!
Thisen chhuak (blood shed) bakah thisen theh (blood sprinkled) hi Thuthlung hmasa leh Thuthlung Tharin min hrilh hriat chiantir a tum hle. Chu chu i zir thlen ve tawh ka beisei.
April 4th, 2010 at 9:44 am
The spirit of Easter is all about Hope, Love and Joyful living. Happy Easter to all of you!
April 4th, 2010 at 9:49 am
kei poh ka tho ta! 9:30 am ah khan.
April 4th, 2010 at 12:00 pm
Easter Sunday chawhma inkhawmna hmun hrang hrangah, inkhawm banah Easter thingpui-ruai theh a ni a, chawhma inkhawmah hian Biak-in tam takah Biak-in a leng lo an inkhawm ani…
https://img251.imageshack.us/im.....ter003.jpg
https://img144.imageshack.us/im.....ter009.jpg
April 4th, 2010 at 12:57 pm
Vawiin ka inkhawm chu he hla KHB 434 chang 2-na hian min va hneh em em –
Tawngtaina chhangtu Pathian i nih vangin,
I miten an mamawh an dil i pe fo;
I fate tap leh rum i lo ngaithla thin,
Thu dik tan, thil tha ti i ensan ngai lo.
Aw Lalpa chungnung ber kan fak tawk thin lo che
April 4th, 2010 at 1:23 pm
@Ruga: Nia tiraw, i sawi thiam khawp mai. Mahni leh mahni ding lama thut tum tlat mai chu kan tawlh nileng mai awm tak e a.
Chawhma ka inkhawm a, chawhnu lam chu ka chhuti ta mai.
PimPom, Pathian thu hi tunlai chu i atchilh deuh em ni aw…?
I Post lah hi a tha phian zel mai a. Good friday leh Easter ah nangmahni avangin hei misual ten a boruak kan chhim ve theih phah a.
April 4th, 2010 at 1:27 pm
Khawvel rorelna zawng zawngah hian Kan Lal Isua chungchang Rom Rorelna sangin a ngaihtuah chhung hi a reiloin, thihna khawp hial thutlukna hi an siam rang ka lo ti ve thin khawp a sin.
April 4th, 2010 at 2:39 pm
Kan veng nuho-in Easter Sunday Flower show – video in kan la ve mai mai
https://bit.ly/bdjceF
April 4th, 2010 at 3:30 pm
Thihna hneh a tho leh Pathian kan neih che avangin Lalpa kan lawm e. I thihna leh thawh lehna tawmpui tur khawp a nunna nei turin mi(sual) hi min ti chak thar ang che.
April 4th, 2010 at 6:06 pm
Comment zawng zawng khi ka’n chhiar chhuak dap a, mi(sual)te hi kan lo fel ber mai alo nih khi.
Ruga comment khian ka nuaih a tiza deuh mai pawh a..ha..ha.
April 4th, 2010 at 10:34 pm
Fak ru, Isua a tho ta…
https://www.youtube.com/watch?v=4F-KapNBgXk
April 5th, 2010 at 3:28 am
[…] A tho ta | mi(sual).com […]
April 6th, 2010 at 1:18 am
[…] A tho ta | mi(sual).com […]
April 16th, 2017 at 6:38 am
He post hi kan kaitho ve leh ange
April 18th, 2017 at 4:35 am
Chhiar nawn a manhla, comment lah a ngaihnawm hlawm. hairehai