Kan Mizo culture a mawi ka tih pakhat chu, chhiatni, abikin thihni a kan in tanpui tawn dan leh kan inhnem tawn dan hi ani! Chung zinga pakhat chu, mitthite thlan, thalaiin kan laih sak thin hi a ni. Kan tlawmngaihna lantirna pawimawh tak pakhat ani.
Nimahse, kan khawvel changkang zelah leh, mitinte kan buai tak avangin kan culture tam tak kan chhawm nun zel theih loh tam tak alo awm ta. Chung zinga langzar tak pakhat chu,thalaiten a “huhova thlanlaih” hi ani.
Veng thenkhat ah chuan, tlanlaiten a phum/thlanvur thleng an nghak thin a. Veng thenkhat ah chuan, a lai tur bikte pawh an in ruat tan mek ani awm e. Hetiang a kan culture a thil bet nghet tak kan thlauhthla tan mek leh tunlai mila kan her rem ta zel mai hi, kan changkang tawh vang? Nge, kan tlawmngaih tak lutuk loh thup nan remchang ah, chhuan lamah kan hmang ta zawk.
Similar Posts:
- Ve Mai Mai
- Mizo Mizona Zahpui Lo Ila
- Hnam zai intihsiak
- Combined Post: Republic Day dangdai leh Vawk Phing culture
- Titi..
April 1st, 2008 at 2:03 pm
Vai leh vai lem lo pawh inhlawhna zawng an tam si a, Rs. 1000 vel mana thlan an laih duh chuan laih tir mai ila a tha ka va ti ve. Kan tlangvalte hi mithhi lu men, fatu, hnatlan, etc kalna tur an ngah si. Nula rum a lo tul nen.
Report this comment
April 1st, 2008 at 2:05 pm
Chhawm nun chhoh zel chu a duhawm viau a, mahse khawvel thang zelah hi chuan kan tih reng theih loh chin chu a awm ngei ang. Ram changkang zawkah te pawh hian an hmanlai nunah te chuan an tih ve tho a rinawm. Mahse khawvel a thang zel a, thil a inher danglam zel a, mi kan buai telh a, kan hnam nunphung tam tak hi kan thlauhthlak a tul hun a awm zel ang. Tuna mak ti taka kan sawiho hi nakin kum 20 velah chuan a mak kan ti tawh hran lovang. Krismas ruaitheh te pawh hi kan tihtawh loh hun chu ala awm ngei ang.
Report this comment
April 1st, 2008 at 2:19 pm
Tlawmngai pawl anga thlan laih hi chu a tha reng. Tlawmngai pawl an tlawmngai theia an lai anih chuan a tha mai. Thlanlaihna a titi leh fiamthu thawh paha han nuih tehi nuam deuh asin !!!
Mahse tunlai chhan ah chuan thlan lai tur hian tute mai pawh hi phur taka kal an awm tohlo. Hmingthat duh vang emaw, chhungten an tirlui emaw, midang an kal bik si chuan tia kal ta te pawh an ni ang. Mualpho hlauh avanga kal te pawh.
Ka hriat chian em em chu, thlan lai tura kal phur em em hi ka hrelo ani.
“Thlan laih a ngai leh dawna, kan kal tlem leh dawn si a, hahthlak leh dawn mang e” tih rilru an pu fur hlom asin !!!!
Duhleh hlawhfa chu Rs. 500, 1000 vel hlawh tur pawhin chhawr tel tho ila, thalai rual, a hahthlak china tlem lo chhawk ve tur 10 vel te chu kal tel ve tho se, that k ring.
ka ngaihdan mai ania.!!!!
Report this comment
April 1st, 2008 at 2:27 pm
Tun hma deuh atang khan khawtlang inrawnkhawmnaah pawh hei hi kan ngaihtuah fo tawh a, kan tih dan phung chhawm nun zel chu tha ti mah ila, mahni’n laih ve hman si loh chuan rawt huai a harsa duh lutuk.
Tun laiah chuan mi hmantlak deuh deuhte hi an buai deuh vek tawh a, a buai lote hi an hmantlak vak bawk si lo a. Mitthi lumen bawk, a tuka thlan laih leh nghal phei chu kan tlin tawh lo a ni ber. Kan vengah chuan a thla biin thlan lai tur kan inruat tawh mai. Mahni chanpual bikah chuan a insiamrem ve theih mai a. Hnatlang anga, a hman hman thawhchhuah tih ang chiah kha chuan inrinthulh a awm duh ta khawp mai.
Khawhar in riah pawh kan bansan ta. Lusun chhungten tlangval inriak tur an duh chuan an sawi mai a, riak tur chu an awm ve zel mai.
Report this comment
April 1st, 2008 at 2:41 pm
Kan culture a tihdan tha tak tak awm hi duh mahila kan chhawm nun reng theih lo hun a awm.Thlanlaih te pawh hi a buaithlak tawh khawp mai.heng ai chuan ‘inhemral/inrawhral’ (cremation) te pawh hi hman mai chi ani.
Tin,tunlai thalaite hi an tlawmngai tawk tawh lo bawk ani.Thlanlaihte mitthi lumen te pawh,YMA member tih tur ah te an ngai tan ta.Heng hi chu YMA tih vang lam nilovin,kan mizo tlawmngaihna avang liau liauva kantih tur ani.
Report this comment
April 1st, 2008 at 3:15 pm
Thil tha hi tha leh hlu ni a kan la hriat chhung leh a that lohna nia kan hriatin a buk hneh loh chhung chu a tha a ni mai.Ka thlir danah chuan ram changkang zawkte kan thlir a,an tihdan kan hmu a,kan phak leh phak loh ngaihtuah lem lovin ‘tunlaiah chuan kan buai/changkang tawh a,chuti khati..’ tih kan ching.Kan tradition/culture and practice kalsan turin kan changkang tawh chiah em?tih hi chhut tham a awm.Veng khatah hian thlan lai hman lo tur khawpa buai leh buaive tho thlan lai thei tur awmte research neih phawt a tul zawk lo maw!Kan zozia hlu tak takte hi paih ai chuan preserve a tha zel zawk ang.Tuna kan inenkawl dan hi vanduai chhungte tan chuan a hlu asin.
Report this comment
April 1st, 2008 at 3:27 pm
kei chu mizo thalai te hi kan la tlawmngai reng ka ti a. mahse hmanlaia kan pipu te an nun leh hun tawnga an tihdan ang thlap kha chu beisei tur a ni tawh lo zawk. Hun inher zelah a danglam zel a ni, mahse a kalhmang leh tha tur erawh ngaihtuah vat vat turah ka ngai. Mizo te zia ah tlawmngaihna hi a bet tlat a, hman tangkai dan te, dinhmun leh huntawng nena inmil deuh tura her rem thiam a pawimawh, tin, tlawmngaihna hi hrilhfiahna tha nei lovin kum 100 chuan a kal ta. Tunlai chhanah engtinnge kan khawtlang, sakhuanna nen kan hrilhfiah dawn. Kan mithiam ten research tha tak nei thei se a va chakawm tawh em! Zualko pawh ke-a kal ngai lovin telephone-in kan kaltir a, kan bungbel leh bike te, motor te kan teltir a, heng zawng zawng te hi tlawmngaihna chikhat chu a ni ve bawk. kan tlawmngai lo nilovin kan bangbo ta lutuk hi tlawmngai lo angin kan lang ta zawk thin niin ka hria. Zirtir theih leh kaihhruai theihin kan la awm reng. Thlanlaih tho tho tur anih chuan khawtlanga la tanho dan ngaihtuah chu tha rih chuan ka hria a. mahse hmun thenkhatah chuan laih kher ngai lo tur zawngin semen (concrete) nen an zut mai a. Chungte anih chuan a timi an awm mai a ni. Culture hi a inthlak zel a, a danglam zel a nih tih hi rin ngam erawh a pawimawh, pawm hmiah tur a ni. chuvang chuan kawngtha zawk zawn vat vat zel hi thangthar ten kan tih tur a ni e
Report this comment
April 1st, 2008 at 4:15 pm
Kei chu Mizo takin, tlangval rual te val upa in ho se, han laih ho dil dial hian rilru ngaihtuah na thui tak min neih tir fo. Mahse, ka helh deuh thin chu mike in tlangval tlawmngai te thlanlai tura in koh chhuah ngai hi a ni hairehai…tlawmngai koh chhuah ngai lai tak mai kha ka helh tlats….tlawmngai chu koh ngai lovin an kal thin si a…te ka ti mai mai a.
Mizo in thlan kan laih hian, kan Mizo pui thi ta kha kan tih sak theih hnuhnung ber kan lantir te pawh a ni. Khawtlang a mi hnawk lo chu, an chhungkua a mi an thih pawn thlan lai tu an ngah ngei ngei…hei hi in zahna, in chawimawi na pakhat a ni a, ropui deuh a ni. A thatna tamtak a awm ngei ang…sawi duah lo mai ila….chin reng tlak a ni tih ka han sawi ve duh a ni e.
Report this comment
April 1st, 2008 at 4:31 pm
Heti zawng hian inzawt ta ila. Company pakhat dik taka hlawkna lak tum hian an tlangval rawihte thlanlai tura an thawhna hmun an kalsan fo an remti ang em ? Sorkar hnathawk nise an office lamah anmahni hmuh tuma lokal an awm thei a, college student nise exam result tha tur chuan thlanlaih fo a tihchi si lo.
Report this comment
April 1st, 2008 at 5:20 pm
tunlai khawvel thang zel in a ken tel ah ka ngai.. chhun ah thalai “pangai” tan chuan hun awl a tlem telh2. Vladamir a ngaih dan hi ka tawmpui khop mai.. kan mizo tradition leh ‘kan pi leh pu te tih dan’ tih ringot hi chu a tih reng theih dawn loh.. zawlbuk te poh a tul hunah chuan a tawp mai kha maw….
Report this comment
April 1st, 2008 at 5:30 pm
Hmanah chuan zawlbukah te an riah khawm dul thin kha, bialnu te nene a Kurl-On matress dupa in kuah chil chial chu sawi loh, nupui nei thar pawn nupui te nen riah dun aichuan zawlbukah fa an neih hma chuan an riak thin anih kha. Hmasawnna in a ken tel ah ngai ila a hahdam thlak zawk ange. Barrack Obama tih dan takah “Change we can believe in” ani mai long mo?
Report this comment
April 1st, 2008 at 5:31 pm
YMA thlanlaih chu zing dar 6 ah tan a ni tlangpui. Office kal tur chu a hun ah an haw mai…harsat na a awm maih lo. Nitin vengchhung ah mitthi nei an awm ngai vak pawn ka hre love…lehkha zir ti buai tur khawp in. Lehkha zir lam chu Presbyterian, thalai inkhawm, hla zir ilo fahran tam lutuk hian a tih buai ka ring daih zawk.
Report this comment
April 1st, 2008 at 5:40 pm
Thlan laih zing dar 6 a tan? a dik lo deuh. Dar 12 hmaa thi chu an men lo a, vui nghal tur an ni. Tuemaw dar 11 ah lo thi se, thlan an lai nghal thin.
Khawvel thang chho zelah hnathawh vek a tul tawh a, thlanlaih te hi a buaithlak tawh thin.
Report this comment
April 1st, 2008 at 5:54 pm
Tum chuan buaithlak love a…Nia, kan helh deuh vanga anih kha ka ziah buai nuai ni…chawhma a mi an thih pawn ruang kil tur a office atanga haw/haw lo pawh an tam tawk….thlanlai tur pawh….thatchhiat vang ah mai ka ngai e. vairampura inti awm ho rilru chhuak lek va ni suh.
Report this comment
April 1st, 2008 at 6:39 pm
Hun nei lo chung chunga kan hun hlu takte “Thlan laih nan” kan hmang te hi thil hlu ani. Hun nei em em tan “HUN HLU A AWM LO” -solomon
Report this comment
April 1st, 2008 at 6:50 pm
solomon : amen a dik lutuk…hmanlo chung chung a hun in pe chawp a mi kan puih hi a ni, “TLAWMNGAIHNA” chu.
Report this comment
April 1st, 2008 at 7:16 pm
a dik khawp mai, kan hun hlu tak kan pek hian a hlu khawp mai. mahse kan ti teng… kan vengah chuan zingkarah laih a ni tawh lova, chaw eikhamah laih a ni tawh si a, kei ni office kalna hla (sikulpuikawn atanga zemabawk) kal tan chuan zingah rawngbawl hma a ngai a, dar 8 ah te chhuah a ngai bawk si, a buaithlak a sin. kan controlling offier lah hi a sual ve zek a, kar tin a duh hun2 ah surprise a nei thin a, lehkha mawi dawn kan hlau ve bawk si. thlan hi ka lai khat ta khawp mai. office holiday leh weekend ah te chuan mahni personal/private thil pawimawh tihte kan lo duh ve tum hrang leh bawk si, YMA hian chhiatni fund a khawn tho va, tam deuh hlek pek mai hi ka tan chuan a awlsam zawk.
Report this comment
April 1st, 2008 at 7:37 pm
Hmanlaia an tlawmngaih dan, hun leh hmun ang kha tunlai angah chuan a ni thlip thlep thei tawh lo tih chu kan chiang tlang a. Khaw te tak te tea inhlawm hranga, eizawnna pawh inang pet pet a nih hunlaia khawtlang inrelbawlna ang kha tunah chuan a applicable tawh lo tih pawh kan hria. Amaherawh chu tlawmngaihna ‘spirit’ erawh engtiklai maha danglam ve chi a ni lo. Tlawmngaihna hi thinlungah a awm a, a hun leh hmun a zirin a takin a che chhuak thin.
Khawpuiah chuan veng khatah pawh mi kan lo thahnem tham ta hle a. Chhiatni thatni pawh a awm indawt zut ta mai. Heng thil zawng zawnga active taka che zat zat thei tur chuan mi tlawngawl tak nih chu a ngai phawt ang le. Hunbi neia hnathawk chi te pawh kan lo pung tual tual a, tamtak tan chuan darkar khat hi a hlu em em tawh. In hriatthiamna chin thui tak kan neih chu a ngai ang. Chutih rual chuan thenawm khawveng kan inngaihsak tawn tel telna te, kan mite chhiatni thatnia kan intanpuitawn liam liam thinnate hnualsuat khawpa kan changkang a, kan lo buai ta a nih chuan kan tlawmngaih dan hi en chian deuh chu a ngai tihna a nih ka ring.
Report this comment
April 1st, 2008 at 7:56 pm
hetiang a khawtlang kan in buaipui tel tel hi mizo nih ti nuam tu ber pakhat chu ani ve alawm. Mahse hun inher zel ah her dang lam ve hret hret ngai thil chu a awm ani chek anga, kan her thiam viau chu angai ang!!
Mipa sam zuah luih tir tum na te pawh a hlawh tling lo chu an tih kha maw le!!
Mahse, zan a mithi lumen tlaivar chuan zing a thlan laih leh chu har tak ani.
Thlan lai tu te pawh angai bawk hi an ni leh mai thin a, inchhawk tlan chu a ngai in a hriat khawp mai!
mahni veng chhung ah pawh hian, kuang siam te mai mai pawh a tlangpui thu in a ngai bawk hi an hah leh thin a, veng chhung mistiri bungrua nei te bawk kan ti buai leh a, heng te pawh hi in chhawk tlan dan chu awm thei se a tha viau angem aw tih theih ani. YMA hming in mistiri bungrua enge maw chawimawi nan a in present ngawt bak ah hian ………
chu mai lovah, mithi lumen pui tu nei ngah leh ngah lo, thlan lai tu tam leh tam loh etc vel ah hian chhungkhat ah tu emaw ber in hmang rual an awm chuan khawtlang ah a inhman that leh that loh hian kawng ro a su fu in kan hre ve em?
kan tlak ta duah a; pu zorun…
Report this comment
April 1st, 2008 at 8:16 pm
Thil tihdan phung thlak hi tlawmngaihna tihbonaah pawh ka ngai chiah lo. Kan tleirawl tirh te chuan mitthi lumennah kan tlaivar a, zingah zualkovin kan tlan a, thlan kan lai leh thin.
A hnu deuhah chuan zualkova intirh aiin YMA hruaitu tute emaw hnenah zualko list kan inhlan chhawng a, an area-a mi chu an lo hrilh chhawng ve leh mai a. Chu pawh chu kan bansan leh tawh a, telephone-in kan zualko ta ber a. Khawpui chhungah chuan Local TV-ah zualko tarlan a ni a, Radio hmang tein kan zualko bawk a.
Thil hi rei lote chhungin danglam deuh tawh a nia sin! Hetia kan tih theih lai reng hian zualko la intir talh talh ila thil finthlak ber a ni ang em? Mitthi chhung ten telephone an lo nei remchang lo va, an thenawmte phone te an hmang a, mobile phone neiin, ‘ka ta hi hmang rawh u’, te an ti a, chu chu tun lai tlawmngaihna chi a ni leh daih tawh.
Report this comment
April 1st, 2008 at 10:24 pm
Eng nga ti nge thlanlaih kher kan ti teh ang..Thlanmual hmun tur pawh kan in daih tawh lo tep ani lawm ni veng then khat ah chuan. Vikings sawi ang khian in Cremate mai ila!!!! thanlai tur in zawn a ngai dawn hlei nem
Report this comment
April 2nd, 2008 at 12:10 am
Zawhna rapthlak ang reng tak….,Misual ho hi thi ta ila TU NGE KAN THLAN LAI TURA KAN DUH?
Report this comment
April 2nd, 2008 at 12:25 am
Mizo movie star zawng zawng ten ka kuang zawn se…ka thlan erawh kan veng thalai in….chuan, ka pu kiang hnai ah min zalh ta se ….duhthu sam a ni e..
Report this comment
April 2nd, 2008 at 12:25 am
Chhuanlam emaw chiahlo deuh a awm chin hi chuan thil fel zan lo a awm thin……thufing
Report this comment
April 2nd, 2008 at 12:26 am
rk-a : i awl then thei a nih chu… office ban ah in lam ah buai hle mai rawh le:)
Report this comment
April 2nd, 2008 at 2:19 am
Thlan laih hi kan tlawmngaihna lantirna pawimawh tak a ni. Chhawm nun zel tlak pawh a ni. A hman lo chu lo hman lo mai rawh se. Laih tawh loh tih lam pang hi zawng i sawi i sawi teh suh ang u khai. Hnam bo zia a ni ngai.
Report this comment
April 2nd, 2008 at 3:57 am
Ka hmuh chin ah, “thlanleih” hi kan la hlut hlawm hle a, a bik in thingtlang lam ah phei chuan kan Zo nunmawi an la vawng hneh em em ani. Vengkhat a trang in Thlanlai tu tur tlangval chhuak zo lo kan awm anih chuan, veng dang pawn tlawmngai tak in an in pui thin ang in in pui tawn hi kan zonunmawi kentel “tlawmngaihna ani tlat”. He kan Culture Duh awmtak hi chu thlahthlam loh a trha ber in ka hria. Vawn nun theih chhung vawn nun tum i la, Hnamdang te pawn a va mek e. An la tihtur in kan hnam kan ram zahna pakhat leh ngeihhlut na pakhat a la ni chho nge ang.
Report this comment
April 2nd, 2008 at 7:33 am
Hun nei lo chung chunga thlanlaih nan hun i pek theih chuan hun i NEI tihna a ni. Thlanmual kal lam leh haw lam nen chuan a ni lo berah dar kar 3 tal spare a tul thin.
Ni e, mithi an awmin tlangval (junior an tam thin) rual ho thlanmualah an chhuk a, thlan khura luh an inchuh thin hi chu a mawi a ni. Mahse thalai rual tamtakin an hnathawh lai an kal san a, awmnikham a tul thin hi siamthat a tha.
Report this comment
April 2nd, 2008 at 7:35 am
ka theory kha zawm mai rawh u …… kan bo lo tlang ber ang! “Hun hlu tak chu hun kan neih loh lai tak a “Hun kan pek hi ani a” Hun nei em em tan erawh “Hun hlu a awm lo thung”!! Phut luih tlat beisei tan “Tlawmngaihna a awm lo” Phut luih beisei na awm miah lo karah chauh “Tlawmngaihna apiang thei” Mi a hman loh na na na chuan a HMAN LOH NA kha pawmsak ani!(A rilru ah a tlawmngaihna a , a taksa erawh in a hman lo ani mai) A tlawmngaih loh vang ani lo!! kan roh hlu “TLAWMNGAIHNA” kan chawm nung tur ani!
Report this comment
April 2nd, 2008 at 7:51 am
mizo tlawmngaihna kan tih ve chhén hi chu in-tih-fel tum na tawngkam mai mai ni in ka hria, society a duty kan neih kan ti mai zawk ani lo maw
Report this comment
April 2nd, 2008 at 7:55 am
Mahse nula/tlangval fel kan intehna hi thlanlaina, hnatlang, kohhran thil tih a lang tam/tlem a ni chawk si a, hman lo mah la, i kal a tul ve tlat. Attendance te kan la tlat tawh si a. “Tlawmngiah” vang pawh ni hran lovin “A Tul” vanga kal kan tam ngawt ang.
Aizawl City Bus-a tlangval tlawmngai tak, aia upa leh hmeichhia te seat kian thin kha Delhi City bus-ah vai putar/pitar leh hmeichhia te seat a kian ngai em?
Mahni venga nula tlawmngai, inkhawm taimai em em kha, Bangalore ah a taima chhunzawm em?
Report this comment
April 2nd, 2008 at 8:23 am
Dtc a te route pangai deuh ah phei chuan seat chan a har eeee.!!!
Report this comment
April 2nd, 2008 at 8:26 am
eee ih Zero !!! del vela inkhawm peihlo ho hi mizoram a an haw changhian an regular leh phian thin a sin!!! mak ve deuh mai a nia..
Report this comment
April 2nd, 2008 at 11:09 am
kei chu inhal hi a tha ka ti…’vap’ vui vel kan Synod Pastor te pawn an hreh tawh lo bawk a..hehe..suicide pawh hal tawh ber chuan an vui thiang leh tawh mai lo maw….christian lo pawh kan vui theih chuan…
Report this comment
April 2nd, 2008 at 11:14 am
Kei pawn ka chhungte ka hrilh tawh. Cremation will be the end. I also will donate organs to the needy.
Report this comment
April 2nd, 2008 at 5:06 pm
@Vladamir… Vap diamond a siam tir i consider tawh em? Burial ai’n a environmental friendly zawk bak ah, chhung ten an awrh / beh thei che anga.
Report this comment
April 3rd, 2008 at 2:02 am
Vairampur a awm rei deuh vang emaw, intih changkan tum/anga in hriat vang in tlawmngaihna sawichhiat/sawi nep tur a ni lovang. Hnamdang tawng ah reng reng one word in tuman an neih ve loh a nih hi. Mizo kan in chhuan na thin a ni, tunlai hi chuan kan pawlh dal ta mai pawh a…
Zer0:I hman loh chuan kal lo mai rawh. Duty emaw mandatory thil a nilo, hman lo inti te tan… Tlawmngai te tan chauh a ni e.
Report this comment
April 3rd, 2008 at 7:54 am
Rawlthar chhuah lai vela thlanlaih laia nuam ber chu
1. Luh inchuha in buan kha, thlan kotlang a pe hun zel
2. Nula thlanlai thingpui rawn pek in duh loh der vel kha, Val Upa in kan hming lam meuhva thingpui in ve tawh rawh se an tih tluka chawimawina sang kha ka la dawng ngai lo!!!
Report this comment
April 3rd, 2008 at 4:23 pm
Engpawh nise, Sekibuhchhuak, tuna comment awm chin chin leh a photo khi NGO magazine pakhat a tihchhuah turin ka copy thla tawp mai a. Tu pawi mah ka sawi em lovang chu maw! In phal ka ring. Contact ngaihna che u ka hre si lova, ka copy mai. Min phalsak ni mai rawh se aw! Thalai aw angin tihchhuah a ni chuanglo anga, a nihdan ngai ngaiin, Enge i ngaih ve dan? tiin tihchhuah tur atan ka la mai. Thanks guys~
Report this comment
April 3rd, 2008 at 5:43 pm
Mitthi lumena ka tlaivar chuan thlan ka lai lo mai a, ka tlaivar loh chuan tu tirh hranpa ngai lovin thlan lai turin ka kal mai, kan vengah chuan zing kara laih a la ni bawk a. A kawp chuan ka tlin lo.
Mak ka tih deuh chu thlan lai tura kal ve si, lai lova a kotlanga thu pawimawh lo zet zet sawia dak zuah zuah an awm leh tlat thin. Thlan ka laih hnuhnun ber (2002 daih toh kha) tum pawhin bal miah lova ho leh kha ka hmu nual asin!
Sawi tawh angin a huhova thlan laih theih loh hun a la awm chek ang, chung hunah chuan loh theih lohna avangin kan lai lo mai ang. Mahse, tunah rih chuan i la lai hram hram ang u, a laitu tur an la awm chhung hi chuan.
Report this comment
April 3rd, 2008 at 7:49 pm
@X_MAN_19 :E,phal tehreng e.Lo chhuah rawh khai.A source ah misual dot .com ti la
Eng NGO Megazine nge tih chu hriatve van chakawm mai mai? NGO a pui hi atam tawh ah! 
Comment tha tak tak petute,Thank to u all
Report this comment
April 3rd, 2008 at 7:53 pm
In in rem siam a ni chuan, very good. Otherwise,
===
For print reproduction, please contact the contributor by leaving a comment or. You may also contact us using the contact form and we will try to contact the author on your behalf.
====
https://misual.life/terms-of-use/
We had some complaints in the past from our users.
Report this comment
April 3rd, 2008 at 8:00 pm
Ben,ka lo aw ngawt chu pawi lemlo maw.Terms-of-use lam ka lo ngaihtuah thleng pha lova.Sorry!
Report this comment
April 3rd, 2008 at 8:06 pm
No problem. nangmah (a ziaktu )berin i aw chuan
A ziaktu phalna kha kan ngaih pawimawh ber a nia. Terms of use kan han phawrha na chhan chu kan vai tana hriat ah.
Report this comment
April 3rd, 2008 at 8:13 pm
Okay..Mingbai le
Xie xie/Thanks
Report this comment
April 19th, 2008 at 8:34 pm
A tih theih reng don loh mahse tunah chuan a la theih khop mai, la tih rih hram hram a tha tun atanga kum 10 vel chhung chu
Report this comment
May 12th, 2008 at 10:34 am
Vanglaini website ah R.Thangkanglove ziak ak hmu a, tha ka ti riau. Lo chhiar ve teh u.
Thlan laih ka hua
- R. Thangkanglova
He thu hi kum 1974 vel khan chanchinbuah ka chhuah a, mipuiin an helh hle. He pa hi Mizo a ni nange? Mizo tlawmngaihna tihbo a tum em ni? min ti a.
He thu vek hi Meichher chanchinbuah 1984 vel khan an chhuah leh a, chu chuan dotu ka nei tlem hret a. Tunah erawh chuan sawi khawmna apiangah lamtang ka ngah ta zawk fo.
Khawvelah mihring vaibelchhe tam kan awm a, 2/3 hi chu inphum mi kan ni. Mahse tu hnam mah kei ni ang luai luaia thlan buaipui hi an awm ve lo. Kan at bik em em vang a nih loh chuan fin em em bik vang a ni lo thei lo. Bik em em vang a ni lo thei lo.
Rawtna: Vengtinin thlanmual enkawltu (chowkider) tur mi 1 or 2 neih tur, chu chuan thlan 2/3 englai pawhin naupang thlan tur nen a nei tur a ni. Thlan 1 man hi PWD Scheduled rate a chhutin Rs.500/- vel a ni. Enkawltu chuan a lai ang a, a phum zawhah a hnawh leh ang. Thlan laih sa hi fel taka chhin hulna neih tur, leivung luang hla tur danna thingphel 8 vel, thirtiang 8, suahdur 2, bawngtuthlawh 2, lungral 2, tuboh lian leh thirhem neih tur, thlan chu a ko tlang hniam lai ber a tehin a thuk zawng ft. 4 aiin a thuk tur a ni lo.
Assam type building nuparek chhung 2 inbun tawk neih a tha, emaw inluah tur man kan pe tur a ni. An dammawh hritlanah hlawhfa an la mai tur a ni.
An hlawh tur chu thalaiin thlatin Rs. 30/-, Rs.50/- kan thawh ang. Chumi atan chuan kan inhlawhfa emaw engemaw tiin pawisa kan siam theuh tur a ni. Hei hi duh loh hun, inrin-lawk loh lai a thlan laih aiin a awl.
Mitthi chu in lama kan vui fel hnuah thlanmual enkawltute hian motor-in emaw an la ang a an phum mai tur a ni.
Motor rawih ngai lo thlanmual nei chu an thalai/ lainain emaw thlan kan zawn thleng ang.
Mitthi hi an thih hma leh phum hma, an thih tlaia phum tlai tih hi a tul lo. Zing karah pawh phum theih a ni a, khual amite nghah tul leh engemaw vangin kan phum tlai thei bawk.
Mitthi vui chhung a rei tur a ni lo. Biak Ina invui nawn phei chu tih hauh loh tur.
Kan tunlai nun leh thlan laih hum hum hi a inrem tawh hlawl lo. A inrem tawh loh dan hi sawi fe tham a awm.
Veng thenkhat tih dana thlan lai tura tlangval a inchhawka ruat aiin he rawtna hi a tha zawk. Hnamdang thlan laih dan ho hi thlithlai teh u.
Thlanmual bungrua bo leh chhiat thu chu chowkider mawh a ni.
Report this comment
May 12th, 2008 at 11:51 am
he kan thlan inlaihsak culture tluk a hlu hi a awm dawn em ni?? kei chu in hal tih vel hi ka hlau lo, ka ten ve hrim2…. he culture hi mizo dik tak thisen a luan chhung chuan a ral lo ang tih ka sawi ngam e………..
Report this comment
May 12th, 2008 at 11:53 am
engkimah hnam dang style kan ti zel a, kan mizo style pawh hi a tha ve tok tih hriat tur………
Report this comment