Tun hnai chho hian Aizawl bikah drugs a tam leh ta hle mai. Heroin (No.4) phei chu a man a tlawm em em mai lehnghal. Drugs khawih thar an tam a, a recover thenkhat tlu leh an awm nual bawk. Ti thar (new user) zingah kum tling lo (under-age) an awm nuk mai bawk. 2007 HIV Sentinel Surveillance ah phei chuan injecting drug users zingah HIV a sang leh ta luah mai bawk (a bik takin Aizawl leh Champhai ah). Hei hian syringe inhman tawm a hluar leh tawh tih a ti lang bawk.
Ka ngaihtuah tak mai mai chu ruihhlo do kum puan neiin CYMA in SRS a han din rup mai a. Resource nei tha si lovin hma an la ta chiam mai a, engemaw kawng tak chuan a rem ve duak anih kha. Mahse SRS capacity hian a daih thei lo thlawt silova, duty lah tlawmngaih chhuah thil ani a, chu mai bakah a zuar thenkhatin duty zinga mi an lo bribe thul. Rangvamual leh drugs hluarna hmun thenkhat ah phei chuan duty leh a zuartu hote carrom-board an pen ho tih ang reng vel te pawh thawm a awm anih kha.
Excise and Narcotic Cell kan nei a, hlawh neia hnathawk an ni. Chutih laiin SRS duty te erawh chu hlawh pawh nei lovin an thawk thung si. Excise leh Narco lam hna tur hi SRS te hian an thawk ta vak mai ti ila kan ti sual tam awm love. Chuti anih chuan drugs dona kawngah hian kan ngaihtuah that a ngai ta hle lo maw?? SRS tantu kan tam, an fakawmin hah pawh an hah. Mahse drugs dona kawngah hian tha thlah chi ani der si lo. Department lam in charge hi ti chak turin CYMA hian hma la zawk ta se a chi loh maw? Engtin emaw taka tih dan tha chu a awm ngei ang. Suggestions in nei hlawm em????
Similar Posts:
- A zu tur an mansak vangin Magistrate-in Excise duty vau
- Ruihhlo hâlral
- Vairengte Check Gate
- R.V ah Kan zu an man
- Bàn hmiah hmiah rawh se!
April 11th, 2008 at 4:45 pm
@hramtea_pa
i thu rawn ziah chu a bengvar thlakin a lungchhiat thlak hle mai. sap thufingin, “Well begun is half done” a lo ti a, kan mizo upate pawhin “Sial rangin sial rang a hring a, kawi pawh a kawm a that chuan a rah pawh a tha thin” an lo ti a. Han chhut han chhut i la, a bul kan tan lai khan kan nu leh pa, kan pi leh pute khan enge an lo tih a, heti tak mai a sualna a punlun ta hi ti mai a awl ang.
amaherawhchu, chutiang chu han chhui han chhui mah i la awmzia a awm tawh lo, tun, kan tun hunlai hi a pawimawh ber a, he tun hun hi siamtha a hmang tha tur chuan keimahni hi kan pawimawh ber tih hriat a pawimawh hle. Tumah in puh lovin keimahni hian bul i tan tha leh teh ang u. “Its never too late to begin good deeds”, tih ziak a awm ve tho kha.
kan SRS te leh CYMA te pawhin hma an la nasa a, sum pawh an hmang hnemin, an thawh rah tha tlem azawng chu seng tur chu a awm teh meuh mai, mahse, kan ti teh ang…….heng kan SRS te leh YMA Branch tin atanga nitin zantin duty thei reng mai te hi, “Lekha thiam hna hmu lo” zingah pawh a pawng pawrh pawlh a tam zawk 75% hi chu an ni ngei ang. Mihring tungchho a kal, mahni hna baka chhungkaw hna thawk hman lek lo a(PEIH LO) nitin kuhva leh cigarette duh bawk si, chaw fun an lo ngai thul, a chang leh pocket money an lo duh ve bawk si, duty, duty, duty tih reng mai hian khawiah mah kan ram hi an chhuah dawn lo.
keimahni tun hunb theuh hi hmang tha i la, keimahni leh kan chhungkaw tan a hmasawnna rahbi kailawn lawn thei turin taimak chhuah i la, lekha thiam hna hmu lo lam a tui lovin mahni kutkawih Pathian in a thiamna leh talent min pek hmang hian eizawnna dap i la, Pathian leh A Kohhrante tan rinawm taka thawkin, YMA leh pawl dang dang NGO’s ah pawh Pathian ringtute tih awm rengin engkim hi ti tlang ta i la, hma kan sawn zawk ngei a rinawm!!!
Report this comment
April 11th, 2008 at 5:35 pm
Mizoram Excise and Narcotics hi ka hriat chian em em department a ni thin…han ti phawt teh ang. Drugs zuartu te lung in a tan tir tum leh theih ang tawk leh phak bak a drugs tih tlem tum hian an theih tawk chu an chhuah ve takngial tih hi kei chuan ka hai derlo mai.
Excise narcotic cell/squad te hi mutmu pawh tuah tha thei lova duty an tam lutuk. Aizawl town (city tih tut hi a zo veh veh tlat, Washington DC khawsa te ngei pawn…my town emaw an ti mai :P) chhung mai a ni hleinem, a lo kalkawng thleng in asin an beih ni. An operation neih dan zawng zawng hi mipui hnen ah theh darh se, drugs tawlh tu te an bengvar a ni dawn asin. Man pawh an man hnem tawh teh ania. SRS leh YMA te, dan chhung ni si lova duty te hi i encourage lo teh ang u. Tin, in disencourage ai chuan in encourage hian hna thawh that a awl zawk tih hriat pawh a tha ngai e.
Drugs chu a tam vawr lai a awm a, a boruak a reh ve leh mai thin…excise ho pawh an tang nasa tih ka hria…an hotu te nen in be reng kan ni e.
Report this comment
April 11th, 2008 at 5:43 pm
kan Bible in entinne a tih kha, kan ngaihtuah chhuak kim mai thei lova, MAHNI MIT A KHANCHHUK HMU THEI SI LOVA MI MIT A THIL TEREUHTE TANG HMU THEI VIAU SI tih ang deuh hi kan ni e a tam zawk 98% SRS leh YMA duty ho te hi chu!!!!
Report this comment
April 11th, 2008 at 6:06 pm
Excise and Narco lam chu kei pawhin ka hre thova, an hna hi a hautak khop mai. Chutih karah felfai lo an lo awm ve leh thin si a. Ka han sawi tum chu SRS lam hian hmahruai an tum tlat thin a, a concerned deptt lam hian an hnung an dawl mah mah emaw tih tur ani.
Chu lai tak chu effective zawk hian engtia network tir chi nge ni ang tih lam ani ka han sawi tum chu!
Report this comment
April 11th, 2008 at 6:13 pm
Ruihhlo Do kawngah hian Mizo mipui hi duh aiin kan trang rual tawk lo niin ka hria. Theih tawp a dotute pawh do ve loten kan lo sawisel vak vak a, pawl thenkhat in eng ‘rights’ emaw chhuan lamin an lo sawi sel bawk si a, thahnem ngai taka hmalak hi a phur awm tlat loh a lawm. Mizo mipui tranrualna tur awm chhun (ruihhlo do) ah pawh kan tran rual theih loh chuan Mizoram future chu bright lo tak a ni.
Report this comment
April 11th, 2008 at 6:24 pm
I thu rawn tar chu a thiltha tak a ni. SRS te leh police, excise te tangruala tihdan zawn hi a pawimawh niin ka hmu. Dan leh thuneihna neitu te kaltlanga SRS hian hma a lak thiam a tul dawn a nih chu. Chuti lo chuan police leh excise ngaihdan anih loh chuan hmalak a harsa thei ang. Tin, ram puma Ruihhlo do kuma puan thuah kohhran leh sorkar pawhin a hriatpui hle a tul a. SRS tlawmngaihna ringawta innghat a nih chuan an tan pawh thil tam tak harsatna a awm ve thei ang. Hun kal tawh thlirkirin mithiam hemi kawnga research beihtu a hran awm se, mimal leh pawl ho thawh tlan theihna kawng haichhuah dan dapa mipui rilru ah he hmalakna hi an zahthiam theih nan thawhhona a tul. khaw tin vengtinah ngaihdan leh tih dan tur khawnkhawm thin ni se
Report this comment
April 11th, 2008 at 7:35 pm
H Vangchhia drugs hi hmalakna tello in khawiah mah a mahin a reh leh mai thin lo, a hmangtu te a ei rawp vek hma chuan a hluar tial tial ang, chutih hunah chuan mizo tamtakin an thih phah (meka) tawh ang. Hmalakna nasa tak nen leh death penalty nena an bei chung pawn khawi ramah mah an hmet mit hlei thei lo anih hi. Suggestion pawh ka nei hran lo mahse tlawmngaipawl te hmalak na chu ka thlawp khawp mai (mithenkhat mi kuthlak vak vak leh power trip nana lo hmang thin te tiam lovin)
Report this comment
April 11th, 2008 at 7:41 pm
SRS tih a ngai kher hleinem…a tua pawh hian public arrest a theih alawm…zu rui pawh an man theih…(lawyer min hrilh dan). Chuvangin, a tua pawh hian ka fa e thenawm fa e ti lo hian, damdawi ti emaw, zuar emaw chu man chawt a narcotic lam hnen a pek mai tur.
Para dangah kan dah ang e..chhiar ninawm loh nan….Mahse, hetiang ti tur chuan, in hre theuh kan ni a ti duh/ngam kan vang khawp ang…mi huat leh rel hlauh vangin…( Mizo dawih zia leh ram hmangaih loh zia ti lang tu a ni) Chuvang chuan, YMA in emaw public meeting ko sela, kal duhlo chuan an thurel kha pawm angah an ngai tur a ni ti bawk se…tah chuan chhung tin te kha sign tir vek se…Like,” kan chhungkua a mi in ruih hlo a ti emaw a zuar emaw a nih chuan public/civilian arrest pawh lo tawk se, a man tu te ka mawhpuh lovang” tih emaw ni seng chuan a tha viau ang.
Report this comment
April 11th, 2008 at 7:47 pm
Aryan: a boruak a reh leh mai ka tih khan, a mahin a reh mai ka tilo….chhan awm lovin a reh reng hleinem… common sense nei tan chuan hriat ve mai tur alawm. Chhan let pawh ngailo tur hi an sawi zut zut ngailo
Report this comment
April 11th, 2008 at 7:52 pm
Mizo culture leh rilru put hmang en chuan Pawl/group chak tak hmang a do hi a tangkai in ka ring. H.Vangchhia te awmna,american individualistic society leh mizo communitarian society hi chu a in ang lo lutuk a, chuvangin rinchhan tlak pawl (pressure group) awm hi a tul tlat.
Report this comment
April 11th, 2008 at 8:13 pm
YMA ah he idea hi a theh luh/tuh luh chi lawm ni?
Report this comment
April 11th, 2008 at 9:06 pm
Theh luh chi mai thei, ka hre lo le.
Report this comment
April 11th, 2008 at 9:19 pm
@ Vangchhia e.
Report this comment
April 11th, 2008 at 9:43 pm
Sawi leh sawi hnu…Drugs zuar tute leh a supply tu te baka Mizoram hmelhma na awm dawn chuang ami?! chuvangin heng drugs zuartu/supply tu te hi kan thalai nakin a kan ram future tur te nun ti khawlo tute an nih avangin khaihlum ila a tha ang, in ngaihdam hian awmzia a nei thei tawhlo anih hi!!
Report this comment
April 11th, 2008 at 10:20 pm
Ruih hlo chu kan do tur a ni.Do rem erawh kan in beisei tur a ni lo.A tihtlem chu kan thei.Kan ti tawp thei lo.
In saiw loh lam deuh hlek.Ruih hlo do chungchang ah pawh hian,Chhungkua kan pawimawh.Chhungkaw pakhat ah chuan,SRS member ruhtak mai,ruihhlo ti te,zuar te ho em em tuleh man thin an awm a.Chumi inchhung ah tho chuan drug addict an awm bawk a.Buaithlak khawp mai!
Tuna tlawmngai pawl ten kan do ang reng hian kan do reng thei dawn lo.SRS member te hi a then chu Offis hnathawk te an ni,an hna thulh a an duty chang a tam.Hei hi atha ber lo.Hna nei lo an nih pawn,hetiang a inti tlawmngaia sual do reng hi a ‘chatuan’ lova,a tlo dawn chuang lo.
Chuvang chuan,hemi lam chhangtu,Department hi tihchak nise,dik tak leh tha tak a a kal theih nan.hmalak ni bawk se.
Report this comment
April 11th, 2008 at 10:27 pm
Mahni chhungkua theuh hi in enkawl thei ilang chuan…. a tawk deuh thaw der mai tur….Europe te USA te angin thalai mahni a indang an awm vak lo bawk nen…nu leh pa te cho ngam ho hi tuk daih an ngai a ni. Pathian thu sawi dup dup a mahni chhungkua ngaihsak silo ho te hi ka hua…
Report this comment
April 11th, 2008 at 10:33 pm
DRUG!!!!! a huat thla la awm a ni !a zuar a te hi khai hlum mai poh poi ka ti lo thin a chang chuan.Mahni hmangaih te in a ngawl an vei chuan rilru hi a na duh ngaih2 a sin.A bik tak in heroin,a with-drawl syndrome an han nei phei chu maw a RAPTHLAK Pathian kan lam chul a tawngtai sak bak lo chu tih ngaihna kan hre lo,srs te excise te hi an fak awm kei ni ang tan chuan,hei ai chuan hma la chak leh zual zawk se ka ti hle mai,sawichhe thei din hmun ah poh ding in keimah tak phei hi chu ka in hre lo.In rawn rawt na hi a va tha teh lul em!!!!!
Report this comment
April 12th, 2008 at 10:57 pm
Sapui chhaihkawlh a ang riau in ka hria..A do kawngah na tak maiin thawm an han nei huk a, an daih rei leh tak tak si lova, a rawn inhrosa let leh ta vel a ang hle mai..SRS hian an bansan leh daih si chuan excise leh narcotics lam tan a luhai thlak duh viau ang.
Report this comment