A thiannu chuan a ruk te hian a beng bulah chuan a rawn hrilh ru sa sa a, an kuta an inpek zauh chu chutih lai huna lo hmutu tan chuan hriatthiam loh rual a ni lo. A bing nghal vek a, a khaw hmuhte chu a tawi ta rum rum hian a hria…
“Mi hmuh loh lai khan ak nghal rawh…” tih thawm ri sat chu a bul hnaia lo awm vete tan chuan thlemna dawl zawh rual loh a ni, lo va mitmei ve hram an tum a.
Hmeichhe kut atanga a thil dawn mawlh chu a thiante chuan an ngaihven a, Class an tan thleng pawhin an la sawi sep sep a. Chu thil petu thiannu lah chu an Class hmeichhe hmeltha bera an sawi a la ni zui!
In haw hlan a nghakhlel a, a phu zek zek a ni ber mai, an zirtirtuin Phawngpui tlang chanchin a sawi mawlh mawlh pawh chu a ngaihtuah lo, a iptea awm chu a ni a ngaihtuah ni…
“A tha lamin nge min chhan ang aw…” tiin a suangtuahna khawvelah a cheng. Chu love letter chu a chhiar nawn a, a’n chhiar leh thin. A ring ngam lo, chu chhanna chuan an inkar chu hrui angin a rawn phuar nghet a, a ro hlu ber love letter chu nitin vawi khat tal a chhiar thin. Hmangaih biahthu an inhlan tawnna a ni miau a.
Kum 2000 chho a ni a, Aizawl khawpui chuan changkan lam a pan, internet chatting uar lutuk vang lai a ni a, mite chuan chatting chu chhass zawn nan an hmang. Mahse thil fuh ber a ni thei si lo…
Telephone chu hmangaihte biak pawhna tangkai si, buaithlak si a ni.
‘A chhungte’n an lo pick-up leh ang em? Phone ngun min ti ang em? Ka chhungte awm loh laia ka biak loh chuan a buai leh vek dawn si…’ tlangval pakhat chu a phone bulah chuan a lo inngaihtuah nasa mai a.
A hmeichhe lam lah chuti bawk, ‘tuna min rawn phone leh chuan ka chhe vek a ni mai, apa pawhin kan in be fo hi a ngaithei lo, phone bulah a thu tlat zel’ tiin a lo mangang ve mek bawk.
PCO-a kal ngawt lah a dik thei si lo, chhungkaw kim laia chhass te phone han laka han CK duh phei chuan a buaithlak tual tual a ni mai, phone lah chu chhungkaw ta a ni a, a privacy lo ropui bawk si a ni.
Kum a lo inher zel a, kum 2005 chho a’n nih meuh chuan Mobile Phone thawm a ri chho a, 2008 a lo thlen meuh chuan chhungtinah mobile kan keng ta fer fur mai. Chhass te pawh zanlai dar 12 thleng thlengin silent-ah dahin kan sms ta zung zung mai a ni. IT lama thanna hian hmangaihte leh hmangaihtute tan kawng a rawn hawng a, Romeo & Juliet hun lai ang ngawt chuan thil a harsa tawh lo, kan Juliet-i te kha kan iptea kan ah pil thet theih khan duh hun hunah hmangaih biahthu kan thawn zeuh zeuh tawh mai a, a lem te a la thawn theuh zui. Nakin zelah chuan kan Mobile-a sakhmel inhmu ve ve te pawhin kan la in be ve reuh hlawm ang, thangtharte kan vannei mang tak e. Lianchhiarte hun lai nen te kha chuan tehkhin ngaihna pawh zuk awm tawh hek suh.
May 6th, 2008 at 3:17 pm
E, chutiang ten mobile phone hi an lo hmang thin elaw. Hman ve tawh tur anih chu. Inno lutuk hi chu a buaithlak deuh a ni.
Report this comment
May 6th, 2008 at 4:12 pm
come on, father! a hmuchhuaktu i nih kha…i insawithei lo em mai!!:))
Report this comment
May 6th, 2008 at 4:47 pm
mahse kan ti teh ang..hmanlai a an inngaihzawn dan kha a sweet hmel ka ti zawk asin, tunlai ang in bem thor2 hi an chin ve ka ring lo…tin, love letter kutziah ngei mai kha a hlu ka la ti ber tho tho…….sms leh mail tih vel ai chuan a real ka tih mai bakah a straigh from the heart bik deuh lo maw….i kut a pen hum ngat a ziah leh chhut mai mai hi chu a in ang thei lo hrim hrim
Report this comment
May 6th, 2008 at 7:16 pm
kei chu khang hunlai kha chuan piang ta ila…. meihawl vel hian ka ziah thin ka ring love letter chu.
ka ziak peih kher lo maithei. Exam naa letter to editor tih ziah pawh nin tawh nak alaia… letter dang lo ziah chu a.
Report this comment