Tunlai China lirnghing chungchang kan hre theuh anga, thawhtan (12th May) tlai dar 2:28pm ami aia na lo deuh zawkin ala nghing deuh reng a. Sunday zinglam thleng khan ala nghing ani. Xi’an, Shaanxi Province (kan awmna) hmunah chuan thawhtana Sichuan Province a Wenchuan city(epicentre)ami na ber (8 on richter scale – latest official record) leh a tuk zing dar 4:00 am ami bak chuan a rawn thleng phak lova.
Mahse nizan dar 9:00pm vel khan a zan 19th or a tuk 20th ah a nghin leh tur thu sorkarin mipui a hriattir a. Kan awmna khua ho pawh sorkar lam atangin sms leh Tv hmangin hriattir kan niin a rawn thlen phak tur thu kan dawng ani. Hemi ka ziahlai hian 20th 3:00 am ani a, ala nghing rihlo chu ani phawt a. Vawiin chu ni a rei dawn hle mai 🙁 Tumah mulo tur leh mi zawng zawng pawna awm theuh tura hriattir kan ni. Eng hunah chiah nge a nghin leh hun tur hriat ani lova, mipui an chiaiin an hlau em ema, pawn khawvawt takah hun an hmang mek.
Venhima kan awm theih nan in mi tawngtaipuina ka han ngen a che u.
