Vawiin(31.5.2008) khan Serchhip Press Club-ah Youth Movement for Mizoram(YMM) chu din a nita a, he hun rawn hmanpui hian Aizawl atangin YMM hruaitute bakah MDM Treasurer Pu K.Chawnthuama’n a rawn hmanpui.
YMM, Serchhip hawn a nih thu hi Tv.B.Lalchhanzova, YMM, Aizawl Spokesman chuan puangin Adhoc hruaitu atan heng Chairman Pu Kapliana Pachuau(Vice President SDYC), Vice-Chairman Tv.Thlamuanpuia, Secretary PuLalmawmpuia Renthlei(Fin.Secy.SDYC), Asst.Secy JS.Lalsiammawia(i/c Secretary, SDYC), Treasurer V.Lalfakzuala(i/c Secretary, SDYC) leh Fin.Secy. Hmingthansiama(Exe. Comtt. member, SDYC) annih thu a puang.
Chanchinbumite zawhna chhangin YMM Serchhip Chairman Pu Kapliana Pachuau chuan SDYC executive Comtt. meeting-in eng Political party mah thlawp rihloh an tih avang leh SDYC chhungkaw zingah Sawrkar hnathawk engemawzat an awm avangin MTP an thlawp zui theih loh avangin YMM, Serchhip chu din a nita tih a sawi a, ” Kan in thlifim ta a ni” a ti.
Hetianga YMM, Serchhip a din takah hian SDYC hi a kehchhia tihna a nilova, SDYC pangngai tak ala awm zel dawn a, hemi chungchangah hian Pu Lalremruata Ralte President MJA, Serchhip District chuan Serchhip a Thalai Pawl pahnih ding chungchangah a ngaihdan sawiin YMM leh SDYC hruaitu nihkawp chu thil tha nia a hriatloh thu leh One Man One Post tih hmang thei sela a duhthu YMM Serchhip hawnnaah hian a tarlang.
Similar Posts:
- SDYC ten hruaitu thar thlang
- Cricket Assn of Mizoram hruaitu tharte
- SDYC ten MTP an thlawpna an hnukdawk?
- Serchhip Media ten NREGS a VMC an nihna atangin banna an thehlut
- BMA hruaitu thlan tharte
June 1st, 2008 at 12:33 pm
Sorkar leh kohhran (Baptist kohhran tiam lovin) thil tih anih chuan engkim mai hi Aizawl atanga intan vek ani a. He pawl leh Kut Hnathawk Pawl (Saituala piang) hi an lawmawm hranpa riau. Aizawlah chauh thil pawimawh a thleng lo, tih an han prove ringawt pawh hi a tha.
Report this comment
June 1st, 2008 at 3:42 pm
SDYC nge YMM survive zawk ang le? te ka lo ti ve mai mai.One Man One Post hi a dik chiah. V.Putin, i ti dik,MTP pawh Lunglei din a ni.Serchhip hian YMM tih an hmang ve leh zel hi tha ka ti lo.YMM Serchhip Br anih hmel tlat.
Report this comment
June 1st, 2008 at 3:54 pm
Aizawla din anih loh chhung chuan…
Report this comment
June 1st, 2008 at 7:33 pm
a tha e, serchhip khawtlang tan mai ni lo in, ram pum huap a, hmasawnna thlentu a nih ngei ka beisei
Report this comment
June 1st, 2008 at 10:05 pm
Youth Movement for Mizoram hmmm, hetiang te chu YMA hian ahuam zo vek in kalo hre mai a….YMA hi, tunlai YMA hi a thil tum a kalpel nasa hle in ka hria…amaherawh chu, ka ngaih ve dan chuan….hetiang pawl chi hrang hrang din belh duah ai chuan, kan neih sa hi siamtha mai zawk ila….YMA member nilo kan awm chuang mang bawk si lova…YMA titau ang mai hian YMA zulzui pawl kan dun thar ta fo mai hi a dik berin kei chuan ka hrelo. Nge, sawrkar tanpuina dil nan a that dawn avang te a din belh kan ni zawk….a ho ti hawt hawt tak ka ni.
Tun lo haw lo se…ka ngaihdan/rindan chuan, hetiang pawl din thin tu te hi, mahni thu duh tak, thuneihna chang thei mai silo, tawngthei ve tak…lal/nihna neih chak an nih duh hmel ka ti.
Report this comment
June 2nd, 2008 at 12:06 am
H.Vangchhia: YMA hi chu a lian lutuk tawh a,hruaitu ni tura campaige thawm nen,a huap zau viau na a ruihhlo do bak an ti hlei thei tawh lo. Gov’t of YMA (?) a ni mai!
Report this comment
June 2nd, 2008 at 12:41 am
Chu2 siamthat hna mipui in thawh angai a nih chu. YMA chu mipui ta a ni a, Mizoram mipui (Mizo chu) hi YMA member vek kan ni maithei a ni. Kan organization kalsual/dik lohna nei a nih chuan kan siamtha tur a ni. Siamthat tum lova pawl thar din ngawt zel hi, kan thatchhiat zia ti lang tu, engmah sual tak tak peih lo, thil harsa anga lang su kiang peihlo, tawng chauh chak kan nih ti lang tu ah ka ngai. Mizo te hian adventure spirit timai ang, tum ruhna, beidawn lohna kan neih a ngai.
Mi tuemaw a sumdawng ve a, a hlawk vat loh chuan a chi dang ah a pakhai leh a. Hetiang vel hi kan ni…thil daih rei tur emaw, tha tur tak tak kan dawn peihlo. Mizo tamtak hian kan thil tih reng reng hi, kan ti puat puat a, puitling mang lo in kan kalsan leh a…hlawhtlin nghal loh chuan beidawnna rilru kan in tuam tir vat a…nawrh (pangchan), mi rel chhiat, chapo ve ngawt, mi nuih sawh bak hi a tha lam i ching thung tahw ila ka ti mang e.
Report this comment
June 3rd, 2008 at 2:34 pm
Thalai intelkhawmte hi kan rilru puthmang atha bik lo tih alo lang chhuak zel a, ram siam tha turin beiseina ka nei chau ta hle a ni. Serchhip a YMM han din hnan khi a va tul lo em, SDYC kha a tha viau a, aizawl a YMM ho ai pawhin hna an thok tha zok a, YMM te chuan press release siam bak hna an la thawk hauh hlei nem. SDYC te kha tang zel rawh u. YMM a tel SDYC a tel kop tum an awm chuan pet chhuak lawp rawh u.
Report this comment