«
»

YMA Day leh Fathers’ Day

June 15th, 2008 2:15 pm by VaiVa

Vawiin ni hi YMA Day a ni tih sms ka dawn atangin ka hre ve chauh a. Father’s Day a lo ni bawk tih chanchinbuah ka chhiar bawk a. A va han inhmeh teh reng em! Tlawmngaihna chhawm nung hram hram a, PA nihna chelh chunga, Zoram kum hei leh chen min kaihhruai tawhnate i han ennawn teh ang.

Kohhran leh sakhua hian Mizote hi min kaihruai thui hle a. Kan nunah hian a bet tlat a. Kan tawnhriat a tam a. A do pawl/sawisel pawl kan pung nasa tawh hle mai a. Athatna hmuhhmaih ching kan nih vangin a thatlohna lai sawi chu nuam kan ti tlangpui a. Kan sawisel leh hmain hengte hi i enfiah hmasa ang u. YMA-ah chuan member kan nih theuh avangin keimahni kan insawisel tihna a nia. Mahni theuhah han inchhut teh ang.

1. Mite tanpui tur hian kan ke kan pen chhuak ve tawh em? Zu zuar zawng leh nawhchizuar zawng pet chhuak i la, branch dangin lo buaipui ve tawh rawh se tia rel tu zingah kan tel ve tawh em?
2. Kan branch budget tuak nan contract hlawk deuh umin a hnuah picníc nan hmang then íla kan ti ngai em?
3. JAC emaw SRS ang emaw a duty naah theih baka inluling pawlah kan tel em?
4. Zuin ve reng tho si khan ruihtheih donaah kut leh ke kan lek rang em?
5. Kan letter head te hi sipai zu dil chhuah nan kan hmang ve tawh em?
6. Committee na ah ‘ani chu a che thei deuh a’ tiin rethei zawkte hmuh kanin, a hausa zawk leh kut tling lo va sum lalut te kan support ngai em?
7. Sawrkar hi mimal hamthatnan kan bel tawh em? Eirupa kha a zar i zo ve tlat chuan i ti chhe ngam lo vang.
8. Thenawm burma sumdawng emaw i inluahpa kha Mizo a nih zia proof phet i tum tawh em?
9. Vairamah i awm a, kan Mizo hnam zia i rawn hnual suat ngawt em? Ka incheina leh ka awmdanah hian sawisel ngai a awm lo tiin YMA Day-ah vai sareê i inbel ngawt em?
10. YMA hian ka nundan phung duhang min nuntir thei lo, ti a i la an chuan YMA nilo in nangmah kha inenfiah la, yma active member ni nghal rawh.
A thatlohna hi hmuiphun nilo in au chhuahpui la. I awmna branch-ah khan siamthat hna tan nghal rawh. YMA dam reng rawh se!

Similar Posts:

Recent Posts:

This entry was posted on Sunday, June 15th, 2008 at 2:15 pm and is filed under More than words. You can follow any responses to this entry through the RSS 2.0 feed. You can leave a response, or trackback from your own site.

16 Responses to “YMA Day leh Fathers’ Day”

  1. 1
    chhana Says:
    October 2nd, 2010 at 4:28 pm

    Tlai khawhnuah first te’ng. (khawngaih mark)
    Vairamah i awm a, kan Mizo hnam zia i rawn hnual suat ngawt em?
    Nia, hnualsuat chiah lo mah ila; sit chu a awl duh khawp mai.
    I ziak tha khawp mai.

    Report this comment

  2. 2
    Asteric Says:
    August 4th, 2011 at 11:48 pm

    hahaha… a nih hi..’hemi ni hian tumahin an online lo a nih dawn hi’ ti dawn ila hemi post dawt chiah leh hma chiah ah hian comment a awm ṭeuh lawi bawk sia, a lo riang tak hle mai a :-D ;-(
    Kum 1 ral zel ah pakhat zelin comment tur tih ang maiin ka hmaa comment nen chuan ka comment year chu dang leh bawk a ;)

    Report this comment

  3. 3
    VaiVa Says:
    August 5th, 2011 at 12:00 am

    Comment hmasa ber kum khat hnuah… a dawt leh a kum leh ah :D Post riangvai tak a nih hi :D

    Report this comment

  4. 4
    bk Says:
    August 5th, 2011 at 12:04 am

    Haha… Pu Vaiva i va han ziak tha teh lul em! He tih lai hian i ziak tha tih an hre lo a nih dawn hi…..!!
    4th hram e….

    Report this comment

  5. 5
    troxx Says:
    August 5th, 2011 at 12:07 am

    century hram teh ang uuuu :-D

    Report this comment

  6. 6
    ChhanaPa Says:
    August 7th, 2011 at 2:24 pm

    Nia.

    Report this comment

  7. 7
    VaiVa Says:
    June 15th, 2012 at 2:41 pm

    Mi(sual).com a ka first post (Y) Kum khat danah comment zeuh zeuh tur. YMA Day hman nuam vek u le ;-)

    Report this comment

  8. 8
    Dr Mahminga Sailo Says:
    June 15th, 2012 at 2:53 pm

    He post chu a that that nen, comment a va’n tlem ve… ;-)
    Mitin kan inenfiah a, simthat ngai kan insimthat zel hi a tul reng a ni… (Y)

    YMA Day a ni bawk a, YMA takin office nileng mai ang aw.. :-D

    Report this comment

  9. 9
    sisen Says:
    June 15th, 2012 at 2:58 pm

    Happy yma day, tlaiah ruai theh keuh ang

    Report this comment

  10. 10
    VaiVa Says:
    June 15th, 2012 at 3:26 pm

    Vawi khat post ve na ah kum khat chuang teh meuh comment tu a hmu zo lo a, post dang submit leh chu inthlahrun awm duh tak a ni :P Mahse, ka lo sual ve laklawh tawh si a, hei post sawmruk chuang ka lo vawmbei ve reng tawh mai (Y)

    Report this comment

  11. 11
    ninja Says:
    June 15th, 2012 at 6:06 pm

    Kan 1st hman loh chu le!

    Report this comment

  12. 12
    VaiVa Says:
    June 15th, 2013 at 1:40 am

    Kum tin comment a la hmu ve ziah a nia aw :P mi(sual).com a ka post hmasa ber (Y) YMA Day chibai vek u le!

    Report this comment

  13. 13
    YMA Day (78-na) Chibai vek u le! | mi(sual).com Says:
    June 15th, 2013 at 6:01 am

    […] Kum 2008 YMA Day kha mi(sual).com a ka post ( YMA Day leh Father’s Day ) hmasak ber ni a ni a. Kum hnih chhung teh meuh mai comment tu a hmu zo lo a, zam awm duh ve deuh […]

    Report this comment

  14. 14
    TuaiSialA Says:
    June 15th, 2013 at 8:47 pm

    Ka’n comment-sak hram teh ang che :P

    Report this comment

  15. 15
    chhana Says:
    June 16th, 2013 at 3:31 am

    Eng thu nge ka chian tawh loh avangin ka hawng leh a, rin aiin a lo tha. Ka inhmuchhuak uar mai.
    Nimin lam YMA Day hlim takin kan hmang a, a nuamin a hlimawm. Mit a tlai hle naa, thusawi ngaihthlak tur awm lo erawh kan branch-ah chuan hrilhhaithlak tak a ni.

    Report this comment

  16. 16
    Sangpuiipa Says:
    June 17th, 2013 at 9:22 am

    Comment hnutchhiah ve reng reng ang.

    Report this comment

Leave a Reply

You must be logged in to post a comment.