Hmanni chu ka thiannu nen kan titi a, ani chuan ‘Mizo mipa hmun danga lehkha zir/engemaw dang zira in luah, pg leh hostel-a awm ho (abikin nupui la nei lem lo te) hi engatinge an invawnfai loh em em le?’ tiin min zawt nawlh mai a. Ka ngaihtuah vung vung a, ka nui suk ringawt a.
In thenkhat chu an inchhung luh veleh rim danglam tak a rawn chhuak a, a rimtui lem lo hle ani awm e. Tin, thawmhnaw kar khat chuang chiah, suk dawna rimchhiat lutuk avanga chiah tha leh te pawh an awm fo tih min hrilh ta zel a. Chubakah chuan thawmhnaw bal tawh tak, rimchhe bawk si, suk peih loh avanga body spray/perfume kap a, ha leh mai an tam thu a la sawi belh ta deuh deuh.
Chutiang deuh chuan nula lam pawh inchhung chet leh engmah thiam nei lo, inzir tum chuang si lo an tam thu min hrilh leh a. Rawngbawl thiam loh chu sawiloh thingpui lum pawh an thiam lo ani awm e. Heng nula ho hian inzir tum lem loin, inah ka ti ngai lo a tiin midang an en liam mai mai thin niin min hrilh bawk a.
Ka ngaihtuahnaah chuan mahni inah chhungte’n an awl hneh hle anih dawn chu ka tita a.Chutih rualin kan induat dan hi a felhlel deuh emawni chu aw tih min ngaihtuah tir ta rum rum a. Nu leh pate’n fate engkima kan awl hi induat dan dik ani thei em le? Nu leh pa leh fate mawhphurhna in sawi tlang teh ang.
hairehai 
July 9th, 2008 at 9:41 am
Khawvel hi Pathian in bal theiin a siam a, a bal thei thei chu a bal ang, mahse tihfai tur, tihfaiah pawh a tawk chauhva tihfai tur, bal thei tawh lo tur ang hrima over lutuka tihfai loh tur.
Chutiang bawkin he khawvel thil hi chhe thei deuh vek an ni, mihring ngei pawh hi kan la tawih ral ang, thil chhe thei a chhiat palha tawrh over a ngai lo. Chhe thei a nia, a chhe ta a ni. A tawk der. A chhe tur dan theih erawh a tha.
Uih pawh hi khawvela lo awm ve sa a ni e.g ek, vawih etc, uih thenkhat hi mihring siam chawp a ni nghe nghe.. e.g bekang, nghaum/thu etc. Tin, tal hoh leh taksa vawn fai loh vanga uih e.g mawza uih lutuk te pawh a awm ve tho, pawnah dah mai tur. Pawna mawza uih kha inchhung atanga a rim hre thei awm fahrana ner ner khan khawvel a tihnawm phah lo. btw, mawza ka bun uih ve ngai lo, ka chet thianghlim vang pawh ni lovin, ka ke a thlan ve loh vang aniang, mirage in a hria ang, a chhan ni awm chu.
Comment ho kan chhiar zai zaiin Fai, fai lutuk lo leh bal hming pu si lo kar vel hi mi normal awm dan a ni em aw.. ka ti, kei misual kezungpui tin lut hian.
Report this comment