mi(sual).com

1, Sunday: Mizoram Baptist Kohhran leh Overseas Missionary Felloship International (OMF) chuan vawiin khan Republic Veng, Town Baptist Church-ah rawngbawlna tihzauhna tur thuthlung an siam.

2,Monday: Vawiin cabinet meeting chuan tun dinhmunah district thar siam an remtih hrih loh thu an sawi.

3,Tuesday; Sorkar-in district thar pek an remtih loh avangin Hnahthial mipui an thinrim hlea, vawiin lamah ban-te huaihawtin motor-te an hal hial mai.

4,Wednesday: Excise & Narcotic department mi, Vairengte check gate-a duty-te chuan tukin khawvar dawn khan 407 truck pakhat atangin sap zu, contessa rum, um puitling 504 an man.

5,Thursday: hnahthial khaw mipui lungawi lova kawng dangchat ho chuan an chawlhsan rih.

6, Friday: Tv Lalramhmuaka S/o Lalsangmawia, Sentlang chu damdawi a ruih buai avangin a inawkhlum.

7, Saturday: Aizawl-Champhai kawnga tuivawl lei, 13th May zinga buhfai phur motor-in a zawh chim chu siamthat hna thawh nghal a niin zawh tep a ni ta.

8, Sunday: Nizan atanga tan Pavalai Revival Meet chu a tiak ta.

9,Monday: MNF-MCP Co-ordination chu vawiin khan an Chairman, RD Minister, Pu H. Vanlalauva Pisaah an thukhawm.

10, Tuesday: Mizoram State Vector Borne Dieseas Control Soceity chuan Mizorama sikserh natna tam dan leh vei an tam dan chuk zawkin an enfiah mek.

11, Wednesday: Mizoram sorkar hnuaia Group ‘A’ Entry Grade Officer-te chuan an hlawh chungchangah an level puite an phak lo nia an hriat chungchangah sorkar-a an ngenna a hlawhtling lo nia an hriat avangin vawiin khan an nuara; he nawrhna hian Zirtawpni thleng a awh ang.

12, Thursday: Diklo taka mihring inhruaina (Human Trafficking) chungchang zirna chu vawiin khan Quest House-ah Impolse for Peace and Development, Mizoram, Impolse, NGO hrang hrang leh UNIFEM huaihawtin neih ani.

13, Friday: Tukin zing dar 7:00 khan Green Mizoram hmalaknain thingphun beihpui puala inkhawm New Capital Complex-ah hman a nia, Chief Minister Pu Zoramthanga’n a hmanpui.

14, Saturday: UPA Chairperson, Pi Sonia Gandhi chuan vawiin khan lehlangin Mizoram a rawn tlawha, mautam tawrh nasatna khua chhim lam khaw engemaw zat leh Marpara khuate a tlawh.

15, Sunday: Rualbanlote ni a nia, Presbyterian Kohhran chuan hemi pual hian inkhawm tumkhat an hmang.

16, Monday: Nimin kha chawlhni a nih avangin vawiin khan YMA Day lawmna Zoram hmun hrang hrangah hman a ni.

17, Tuesday: Youth Movement for Mizoram (YMN) chuan Millennium Center ep, Dawrpui venga an office thar ‘Zawlbuk’ tia vuah chu vawiin chawhnu khan an hawng ta.

18, Wednesday: Central YMA hruaitute’n ruahmanna an lo siam tawh angin vawiin khan Sub-Headquarter thar heng: Champhai, Mamit, Kolasib leh Serchhipahte hawn thar a ni. Tihian Sub-Headquarter awmsa Lunglei nen Sub-Headquarter panga a awm ta a ni.

19, Thursday: Pu Lalhmingliana Rajya Sabha MP nilai chu MP Election lo awm turah chuhtu an awm loh avangin tlinga puan a ni.

20, Friday: Tourism Department huaihawta Anthurium Festival vawithumna chu Reiek Tourist Resort-ah Home Minister Pu Tawnluia’n a hawng.

21, Saturday: Lungleia computer lam thil leh mobile handset zawrhna lian tak, HR System, Chanmari phei, Children Park bula mi chu tukin zing khawvar hma khan misualin an rawk.

22, Sunday: Zoram Driver’s Union (Lunglei Sub-Headquarter leh Hnahthial)te chuan hnahthial khawchhungah driver-te him tawk lovin an inhria.

23, Monday: Vawiin hi International Olympic din champhaphak ni a nia, he ni pual hian khawvel pumpuiah Olympic Day Run buatsaih a nih angin Aizawlah pawh chhim leh hmar atanga tlan khawmin Lammualah hunserh tawite hman a ni.

24, Tuesday: Vawiin chawhma dar 11:30 khan Lunglei Gov’t. College chuan Graduation Day an hmanga, hetah hian zirlai ti tha zual mi 11 hnenah ‘Student Achivement Award ‘leh pawisa fai an hlan.

25, Wednesday: Zofate hmun hrang hranga awm darh tawhte insuihkhawm lehna veitu leh chumi atana a theihna zawng zawng sengtu Capt. LZ Sailo (84) chu tukin zing dar 8:10 khan lungna avangin Aizawl Hospital Research Center, Mission Vengah a thi.

26, Thursday: Vawiin khan Mizoram pumah Gauhati High Court- in ILP chungchang Interim Order siama ILP neilote man lo tur leh thawn haw lo tura an tih duhloh zia entirna ‘Protest Day’ hman a nia, mipui thlawp a hlawh hle.

27, Friday: School Education department hnuaia zirtirtu contract-a thawk, an hnaa dahngheh ngiata nuar mekte chuan vawiin Cabinet Meeting thuchhuak chu CM Office bulhnaiah an ngaichang. Hetah hian police-te nen nasa vak lovin an innawr buai.

28, Saturday: Vawiin khan truck pakhat MZ 05- 0202 chuan Mizoram buhfai tur Ramnagar FCI atanga a rawn phurh chu bags engemawzat Sahidpur thingtlang khaw pakhatah chheprelh an tum lai manchhuah a ni.

29, Sunday: Tun sorkar term hnih chhung hian zirtirtu 5467 lak a ni tawha, P/S hindi Teacher mi 500 lakna tur pawisa hmuh a nih tawh bawk bakah M/S leh P/S 2000 zet sak a ni tawh bawk.

30, Monday: Vawiin hi Mizo National Front (MNF) leh Sorkar Laipui Inremna Ni a nih angin Mizoram pumah hman a ni a. Mizoram sorkar-in chawlh a lo puan tawh thin angin, pisa leh zirna In zawng zawng te chu khar vek a ni. Hei bakah hian Kohhran hrang hrang office -te pawh chawlh vek a ni bawk.

Similar Posts:

• September 2008 Mizoram Diary
• August 2008 Mizoram Diary
• July 2008 Mizoram Diary
• June 2009, Mizoram Diary
• October 2008 Mizoram Diary

Recent Posts:

• mi(sual).com hi!
• KA MITTUI A TLA!
• ȚAHNA NUNHLUI
• March 2017, Mizo(ram) Diary
• NUN THÂMRAL

This entry was posted on Wednesday, July 9th, 2008 at 8:58 am and is filed under Whatever. You can follow any responses to this entry through the RSS 2.0 feed. You can leave a response, or trackback from your own site.