By Dr. Lalhriatzuala Pachuau
Zoram dungtluanah thalai rual (YMM, Y4M, Thalai Ramvei Pawl, Ramchhan Thalai Pawl etc.) ten “rorelna dik (good governance) kan duh” tiin thawm an nei luih luih reng a, kuthnathawktute’n (ZKP) chak takin “party sorkar ni lo, mipui huapzo rorelna ‘mipui sorkar’ kan duh” tiin kawng hial an zawh a, Kohhran leh tlawmngai pawlte tangrualin (MPF) inthlanna felfai leh rorelna dik a awm theih na’n party ruihchilhna tihbo tumin pulpit tlang thlengin theihtawpin hma an la bawk a, mahse political party-te insingsa vel thlir chuan party tihchak tuma hma an lakna thawm te, anmahni infakna leh an insawithiamna thawm te, midang dik lo zawka an puhna leh an sawichhiatna thawmte hlir hriat tur a awm si. Mizo theuh theuh hlawm lianpui pahnihah kan inthen ta a, rorelna dik duh leh duh lo innawrna a thleng ta a ni mai lawm ni?
Thil dangah pawh Mizo vs Mizo hi a va lian ta em! Corruption do pawl, PRISM leh SOSA etc. ten tha leh tui tam tak sengin corruption an do a, Mizo ve tho thenkhat chuan corruption dotute chu tuisoa leihahte an lo la vau rawl nen. Mizorama pawl lian pui pui – YMA, MZP, JACIT, MSU etc. te’n hnam dangin sumdawnna leh thil danga min chimral hlauin theihtawpin hma an la a, Mizo ve thoin pawisa hmuh na’n vai sumdawnnate kan sumdawnna an lo ti a, an chhawr loh tur pui vaite an lo sponsor a, pasalahte an lo nei lawp lawp bawk. ‘Vaiin kan ram boruak an hip man leh tui an in man donation an pe ve tur a ni’ ti pawl an awm a, donation khawn lah chu thenkhatin an sawisel ang luih luih a.
Chanchinbu lamin sorkar thiltih dik loh leh sorkar department-te kal dan dik lo thahnemngai takin, khalh ngil tumin an tarlang thin a, mahse politician-te leh sorkar officer liante chuan an thiamthu nasa takin an sawi thung a. Ziak mite’n lehkhabu meuha an ziah pawh TV interview-ahte an sawi mam fai pak a, he hnam hian eng tak hi hmabak ni maw? Ngaihtuah lawk thiam a har e.
Pulpit leh vantlang inkhawmah party ruihchilh tawh lo tura kan inzirtir mup mup laiin political party langsarte chu an party theuha mi sengluh tam lamah an la inel emaw tihtur a ni a, ‘thalaite zawk in chak tawh a, in kutah ram hi kan dah tawh ang a, keini kan chawl tawh ang e’ tih chu hlate khua, kan political party-te inhampuar dan en hi chuan thalaite authawm hi an bengkhawn loh tih a chiang thawkhatin ka hria. Ka tapchhak zawl atang hian thu-a innawr mai hi kan tawpna a ni lo palh ang tihte pawh a hlauhawm ta rum rum e.
Kuthnathawktute mangangin mipui sorkar duhin hma an la a, rorel lai party chuan an rorelnain mipui a huapzo ber thu an sawi khum a. Thalaite’n hmasawnna chak zawk duhin ke an pen a, Supply Minister chuan hmasawnna chak duhna chu Mizote rilru dik tawh lo niin a puh let a. Mipui tam takin zirna tha, India ramah pawh zahpuiawm lo an duh tawh a, zirtirtute pawhin theihtawp an chhuah a, mahse Education Minister chuan kalphung (system) tha zawk kawhhmuh tum chuang loin zirtirtute a kokhawm a, quality education neih dan tur a hrilh a, an party tlin leh a tul thu a hrilh chu ‘quality education’ a tih chu a ni awm e.
Chanchinbute’n Mizoram Police-te leh Excise-te’n silai an man thu an chhuah chuai chuai laiin Home Minister chuan ‘Mizoramah hel an awm lo’ a ti a, chanchinbu lamin Aizawl-a Edenthar-ah hel an training tih thawm a awm thu an sawi a, mipuiin an sawi sup sup a, mipui hnemtu ber sorkar erawh chu a ngawi hmak thung.
Rev. Chanchinmawia rapthlak takin a thi a, a thawhna Presbyterian Kohhran leh mipui tam zawkin mahni inthat a nih an rin loh laiin sorkar berin mahni inthatah a puh thlu hmiah a, ama thuin chhuizui pawh a tum tawh lo. Kohhran vs sorkar-te pawh a thleng ta ni ber e. An vaiin Mizo vek an ni si.
Thalaite’n khawvel tukverhah dahchhuah ve tawh an duh a, an ram hruaitupa Chief Minister-in Switzerland of the East-a an ram siam a tum lai chuan lawmin kut an beng a. Mahse tunah chuan changkang turin kum sang khat a ngaih thu a hrilh leh daih a, a Minister-te’n an lo thlawp bawk a. India ram independence hnua India ram state dangte changkan chakzia leh hmasawn chakzia pawh hmu pha ve vek thalai rualte leh an ram hruaitute ‘idea’ leh ‘vision’ inhruipawh hi a na takzet tawh a ni. Political Party lama experience nei tawh, mi challang chin tawh tam takte chuan rorelna dik duha lo penchhuak thalaite hi fuihpawrh theih, tute’n emaw an fuihpawrhah lek an la ngai niin a lang a, thalaite lahin an ram hruaitu tam zawkte chu thlirin, ‘mene mene tekel, upharsin’ an ti a, an tehtling zo tawh si lo. A buaithlak teh nuai asin.
MPF lamin party ruihchilh lo tur leh rilru neutral tura mipui an hrilh laia party tihchak tuma hma la an awm teuh tho mai hi kan rama inhruipawhna lian ber, ‘Mizo vs Mizo’ ka tihchhan lian ber pakhat a ni a, engtin chuan kan awm zel dawn chu ni maw?
Engpawhnise, UPA sorkar bukin a awm a, kan Lok Sabha MP Pu Vanlalzawma chu an party hruaitute’n tan lam nei lo turin an ti a, tan lam nei ngam loin MNF chu a awm ta a, chanchinbu leh TV lama tan lam a neih loh avanga sawiselna nasa tak hi kan hre theuh ang a, kan ramah pawh hetiang tehnuaih boruak kan tawn mek lai hian tanlam nei ngam lo chuan sawisel an hlawh chho zel dawn niin a lang. Mizo kan ni a, kan lum chuan kan lum law law tur a ni a, hun lokal zel turah pawh tan lam kan nei chiang bang tur a ni. Tin, Mizo vs Mizo hi a bo theih na’n tupawhin kan awmna hmun theuhah hma i la ang u.
Similar Posts:
- Thalai Movement Leh Kei
- Thalai rualte’n Mizoram kan siamtha thei
- “Mipui sorkar dik tak” din turin in hawng hle
- MTP thlawpna Y4M-in hnukdawk
- MIPUI TANGRUAL PAWL Press Release
Lairil a fan ngawih ngawih e. Ni e...
Mite...
July 27th, 2008 at 6:52 am
i rawn sawi tum ber chu Political party pakhat chuah, kohhran pakhat chauh, thalai pawl pakhat chauh, tlawmngaipawl pakhat chauh awm se, mizo te hian engkimah one voice chauh nei ila tih anih ber hi maw?
A chhanna chu Communism ani mai lawm.
Report this comment
July 27th, 2008 at 7:15 am
MNF sorkarin kan state dinhmun a tihchhiat mial mial a, mipui ngaihdan leh vei zawng ngai pawimawh map lovin. Chuti anih chuan Mizo vs.Mizo chu loh theih loh. Kan opposition party te lah hi an ‘polite’ lutuk a. Kan sorkar kal sual lai mek her ngil tur hian damdawi kha tak a ngai dawn a. Chuvangin Mizo vs. Mizo struggle chu a la intan dawn chauh ani.
Report this comment
July 27th, 2008 at 7:20 am
Aryan i sawi dik… tun ah mai khan China leh a mipui te chanchin TV ah ak en zo chiah a… Mizo vs Mizo tih ziak tu ngaihtuah dan ang deuh hi a ni ber in ka hria..Communist China khi. Mahse, an thu thlipna ah chuan, “hetiang ang hi kan thleng lovang (changkan na…economics etc)) kum 30 chhung lek hian…communist sawrkar na chu ni lose,” tiin an billionaire pakhat chuan a sawi thung… American fighter pilot retired…now contractor/architech?! (not sure) pawn chutiang tho chuan a sawi… he program ah chian. Mipui in an idea an mahni hamthat nan an seng thiang lova, mahse, an idea tha te chu sawrkar ah an sawi thin a, chung chuan ram a ti tha a ni..mahni hlawk na chauh ni lovin..an ti ve tlat
Report this comment
July 27th, 2008 at 9:10 am
Pawl din mai hi kan sam em em a, thiltha tak tak aim and objective pawh kan nei,kan thil tumte tihlawhtling tur a tha thawh hi kan chak lemlo; kan hruiatu pa Babutea hi atih atih aia sawi nuamti chi ani; hei hi kan chhun zo tawh emaw ch u aw kati thin. Comment pakhatah ka sawi tawh kan sawi nawn leh lawk teh ang : Hmanni deuh (ahun ka hre chiah talo) Vanglaini chanchinbuah Baffacos sum diklo taka industry lem hmanga latute an hming hmerhin Ruatfelanu in a rawn tarlang a; chung a arawn tarlan te chuan kanla love pawh an ti lo; an ngawi maia; Mizoram Corruption ka hua tia iak iak ho pawh an ngawi mai; kan ngawi tlang ringawt mai ani;tuman case an file lo a, Kohhran lam atangin thunun an tawklo a;YMA ensan an tawk bawklo. He tiangvel hi kan nihphung ani. Kan goal: NGO atang a intihlara Politics khelh. Chuvangin kan ram a Political party te hi insiam tha tur leh khalh ngil turin tanla ang u; member an ngah ber a thil an ti theiber sia; anni hi khalhngil ila kan ram hian kawngngil a zawh rangber ang.
Report this comment
July 27th, 2008 at 11:25 am
Heta inhnial reng maite pawh hi Mizo vs. Mizo vek kan nia lawm le….
Report this comment
July 27th, 2008 at 11:38 am
Entir nan Dultea Worldpress, DIPR, Lawrkhawm etc etc te pawh hi Mizo Vs Mizo chu an ni mai lawm..:))
Report this comment
July 27th, 2008 at 1:45 pm
ThaiBoy, Ruatfela Nu thu ziah an tuipui loh chuan NGO ho hi rin tlak vak an awm lo tihna a va ni mai awm ve ? Kei pawn ka lo ‘notice’ thin asin. Tih tak tak pawl din chu an tam lo.
Report this comment
July 27th, 2008 at 1:59 pm
“tan lam nei ngam lo” … vote thlak loh kha tan lam neih lohna a ni leu, vote thlak loh kha UPA support na (indirect – in) an tih an tih tawh hnuah… buaithlak thin.. I MP hunah tan lam nei ngam chuan vote i thlak dawn nia.
Report this comment
July 27th, 2008 at 2:18 pm
Communism/Marxism te kan sawisel a Democracy hi enge a that bikna, Democracy hi lemchanna khawvel ani zawk mai lo mo!
Report this comment
July 27th, 2008 at 2:21 pm
Mizoram hian “Transparent Govermnent” kan mamawh ,thil inthup tam lutuk hi a ninawm!
Report this comment
July 27th, 2008 at 8:41 pm
zrm-a: please read comment no. 3
Report this comment
July 27th, 2008 at 8:52 pm
Khawvel ram changkang ten an tih ang hian, credit system? hian kal ve ila ka ti ngawt mai. Ba rul tha te chauh in motor tha an lei thei ang a, in tha an nei thei bawk ang a..a nih loh chuan CASH DOWN/ PAYED OFF angai nghal dawn a. Tin, an pawisa thawhchhuah kha sawrkar in a hre vek dawn a… an thawhchhuah aia tam pawisa an neih chuan automatic in central sawrkar in a chhui mai dawn a ni. CBI kan sawi tuah hum tawh lovang. Mi thawhchhuah tlemte nei pawn, a ba neih chhun chhun a rulh that chuan, car thar etc awlsam takin a lei zung zung thei anga, mi hausa a kan ngaih te ba rul thalo te erawh chu an tla duai duai mai dawn si a. Heng ang system, USA a an hman mek ang hi introduce ve theih se ka van ti tak em. Mi dik te chauh an ding chhuak tlangpui ngei ang. Eiru kan tih ho te hi jail ah an lut zung zung tawh mai dawn a ni.
Ram changkawng zawk te hi thuamhnaw leh hawi no vel ah chauh hian copy lovin an system tha tak te hi central sawrkar ngai lova apply ve theih awm te a awm chuan copy ve thin ila ka van ti tak em….
Report this comment
July 27th, 2008 at 9:06 pm
H.Vangchhia: I tha hnem ngaihna hi a ropui ngawtmai; ni e tihve a chakawm mahse; kan ram hi a rethei em mai a, ahmang tangkaite chu mi tlemte chauh an ni ang.Mi dik te chauh dingchhuakse Eiru kan tih ho te hi jail ah lut zung zungse kava ti tak eeem.
Report this comment
July 27th, 2008 at 9:17 pm
ThaiBoy: khai a, a nilo ah kalo post a nih hi Mizo vs Mizo tih a mi tur kha a nia, paiwlo mai e a..
Mi rethei te tan hlei hlei alawm tha tur… income tax an khawn ve tawh tho a Mizoram sawrkar pawn (a ni lawm ni) . Thlai zuar te pawn an thawh chhuah atanga tax an pe a nih ngai chuan, a theih vek alawm. Mi hausa neih ang motor te pawh an nei ve thei vek tawh mai dawn asin…. ba rul tha emaw an nih chuan, elektik bill tih ang thleng in. Ba rul tih ah khan ba amount a ni lova, mahni ba neih ang ang (ba kher a ni lo bawk) kan bill pek ngai, elektik bill te leh engpawh sawrkar leh company thil pawisa chawi ngaihna kan pek that khan credit kan score zel mai dawn a ni. Hetiang system ah chuan mi hausa anga lang te pawh hi, nikhat chhung lek tak tak ah an hniam ber thei (homeless) mi dik rilru hlimna, mi pawisa ti chingpen ho rilru hah hluah hluah na system a ni si a.
USA anga an tih ang chiah hian tih ve theih hrih lo mahse, tlem te tal a introduce dan chu a awm hrim hrim ang… helai pawh democratic country tho a nia… Mizoram angah chuan hetiang system ang a nih loh chuan communism a ni mai… eiruk ti bo thei tur ber chu…. Kriatianna te hi… thuamhnaw ah kan hmang tawh tlat… Arab ram chu nise an khaihlum fer fur tawh hlawm ang chu mawle.
Report this comment
July 27th, 2008 at 9:30 pm
H.Vangchhia:comment No 4 khi ka ngaihdan ani, i thil rawt hi atha phian ang,mihausate hi YMAl eh Kohhran pawhin an hlau lutuk; an thil tih diklo rengah pawh ngawih hi kan chuh hmiah zel,Eng tikahnge Zoram khua avar ang le?
Report this comment
July 27th, 2008 at 9:39 pm
@Pu.HV hetiang policy ngei hi alawm apply ve ka duh chu ni,eirukna tih bo kan duh tak2 chuan thil thar introduce a ngai takzet a ni,thanks for your contribution.
Report this comment
July 28th, 2008 at 12:30 am
Pu H.V hi Chief Minister atan ka vot mawlh mawlh e, tiang tur hi a nia ram hruaitu te hi, hetiang policy te hi han tum ve se chuan Mizoram chu khi tah khi tah a ni daih tawh ang chu a te ber atang a a lian ber eiruk duhna ram a nih chhung chuan ram a mawih tial tial dawn a ni mai, huiha, kawl a la eng ve em ang chu.
Report this comment
July 28th, 2008 at 12:45 am
Keichu Pu Lal Thanhawla ka vote
Report this comment
July 28th, 2008 at 12:48 am
Mizo hming ziah dan pawh a hming ziak duh lo Lalthanhawla maw…hairehai… hnamtin leh ramtin hian hming ziahdan kan nei bik theuh. Dan (law) erawh a ni kan ti thei lovang….tradition a ni. Mizo hming a Lal Thanhawla a nih chuan a awmzia chu “King/chief famous here and there,” a nih chu. hairehai…..
Report this comment
July 28th, 2008 at 12:49 am
A chief, who is famous here and there, to be precise…
Report this comment
July 28th, 2008 at 12:54 am
mak ve ngawt mai grammer ah khan kan zir thian sia hehe noun a ni lo a niang
Report this comment
July 28th, 2008 at 12:57 am
Lalthanhawla hi noun a nia, Lal Thanhawla erawh Mizo ziah dan ah chuan Lal kha noun aniang a, Thanhawla kha a hranpa a noun a ni leh bawk ang. to be precise
Report this comment
July 28th, 2008 at 1:10 am
November thla ah Assembly Election kan neih chuan tun hnaia kan State sawrkarna chelh toh tute Congress leh MNF te mipuiin an performance atrangin kan buk ang chu. Ram tan nge an mahni Party bil tan leh an chhungkhat laina tan chauh hna an lo thawk reng em tih hi. Kan la buk tling anih chuan an thil tih tawh leh tih leh zel tur kan pompui tihna a ni thei mai em?
nge an CM candidate te hi thlak se kan ring ngam deuh sawt ang em?? Thlak lo duh ta se tu’n nga thlak ta ang le an Party thu chu a ni ngei anga Ram tana Rintlak Hruaitu tling tur an la nei em an Reserve ah hian ???
Report this comment
July 28th, 2008 at 1:17 am
islander: CM candidate thlak i tih khan, USA anga an tih ang hi apply theih nise ka ti bawk. Party president apiang mai hi an CM ngawt chuan midang tan awmzia a nei tampui lo lutuk ka ti. USA angah chuan, an mahni party bil ah khan an in thlang phawt a… khata tling kha khami term atan an party hotu a ni mai.
Report this comment
July 28th, 2008 at 1:21 am
Coming elctionah hian thil ropuitak beisei tur kan neilo.Lalthanhawla leh Zoramthanga kan buk dawn a ang.
Report this comment
July 28th, 2008 at 2:04 am
tu tak tling ang maw le a tu ve ve pawh tling se a ngai tho kan awh dawn a nih hmel a mi thar hi chu kan mamawh in ka hria ram siksawi tha tur chuan ka ngaih ve dan mai mai a ni e.
Report this comment
July 28th, 2008 at 12:24 pm
Thil inti hre deu,mi thil sawi aping a hre ber leh avei ber om a lo sawi ve ziah te ai chuan, a hriat ang2 mi dang te hmasawn nan leh kan ram a sualna alo reh thei nan a ahrait chhun2 a nun a hmang a, ataksa chetzia a lanchhuah tir nghal zel mi hi kan mamoh xok takxet ani… RAM HI KA CHAUH A VEI ATOK LO..MISUAL.COM A LO VEI VE M2 MAI PO HI ATOK LO, PEN CHHUAH ANGAI TA ANIH HI, KAN VEI THALO KAN TIH KAN SAWISEL TI THA TUR HIAN…
Report this comment
July 28th, 2008 at 12:35 pm
hei chu grik philosopher , Plato an ‘philosopher king’ awm mai se la tih ngaihdan a vawrh chhuah te nen pawh hringun tawlailir a chuang tlang awm anih hi maw le !!ei zawnna/mimal chawr chhuahna te a in ang lo zung tawh sia, chutiang zel in mamawh te pawh a in ang lo zung tawh si a, tunhma anga lo neih a eizawng tlang vek ang kha kan ni tawh si lova..chuvang in ‘interest group’ an tih ang te hi chu chi hrang hrang mizo zing ah pawh ala piang chhuak zel in a rinawm zawk te ka lo ti ve mai mai a…!!
Report this comment
July 28th, 2008 at 2:06 pm
Kan MP chungchang sawi a reh theilo, vote thlak loh pawh support a nih tho chuan, kei chu vote thlak law law ka duh zawk. Pary ruih chilh kan sawi a, thil diklo ni a ka hriat pawh kan party duh dan a nih chuan kan tih zel chuan, chu chu a ni mai dawn lom ni. Hmasawnna, changkanna leh ram thilte hi Party anga thlir chuan a dik thei ngai lo ang.
Report this comment