Ram hruaitute leh ni lem lo te pawhin an sawi thin chu kan khawvela hi ‘Thalaite Khawvel’ a ni tih hi a ni, keini thalaite pawh hian chu chu kan changchawi a, he khawvel hi kan khawvelah kan ngai nghet hle. Mahse, thalaite khawvel hi a ni chiah em? Tunge thalaite chu?
Mizoramah ngei pawh hian kan ram hruaitute chuan thalai khawvela a nih thu min hrilh thin a, amaherawchu thalaite hi chu kan khawvela chuan eng dinhmunah nge kan din le? kan ram hruaitu te hi thalaite hian kan khamkhawp em? thalaite ten eng ang hmalakna nge an neih a, an hmalakna chu an puitlin em? Heng zawhna ringawt ngaihtuah pawh hian kan zoram khawvel hi chu thalaite khawvel a ni lo a tih ngam hial awm e.
Thalaite hian nu leh pa thu hi kan zawm tur a ni meuh mai, amaherawchu chhia leh tha erawh kan thliar thiam ve a hun ta. Sap ho chuan an fate hi kum 18 an lo tling chuan puitlingah an ngai tawh a, anmahni-a intungnung thei turah an ngai hmiah thei, chutiang em chu he Mizo hnamah hi chuan la kalpui thei lo mah ila thalai inti te hi kan inchhut a ngai khawp ang.
Tunah pawh inthlanpui kan hmachhawn leh dawn ta. Kan nu leh pa te hawi zawng party-ah vote kan thlak ve ngawt dawn nge, kawng min kawhhmuh thei tura kan ngaih te kan thlang dawn. Thalai inti te hian mi tha thlang tur hian ngaihtuahna kan seng ngai em? Mi tha hre turin eng chen nge ke kan pen ve tawh le. Mi tha thlantlin i duh a, mahse, engtin nge mi tha chu i hriat ang, chutiang zawnga ngaihtuahna la seng ngai lo thalai rual hi engzat tak awm ang i maw. Hetiang zawnga ngaihtuahna kan sen si loh chuan kan khawvel hi thalaite khawvel a ni thei lo, thalaite chu kan chep telh telh dawn a ni.
Lammual-ah ‘Khelmual tha, khemual tha’ tih a phur chang changa au vak vak kha a ni lo, thalaite kan chep tih a, mahni platform insiamchawpa thusawi vak vak pawh a ni chuang lo. Kan duhzawng min puitlinpui thei tur, kan vision min tihlawhtlinsak thei tur, kan ‘dream’ a min chentir thei tur mihring kan thlanchhuah thiam a ngai zawk a ni. Chumi tur chuan thalai tin te kan tan a ngai.
Similar Posts:
- Thalaite khawvel vs ram siamthatna lam
- Mizo thalaite kan chep lo, kan thawl mah mah!
- YMM hi engnge a nih?
- Thalaite Khawvel
- Thalai for Mizoram
September 19th, 2008 at 11:34 am
Zu no khat khilai leh gypsy polling booth a phur thleng thei tu vote mai duh an la tam ang ka ring.
Report this comment
September 19th, 2008 at 12:30 pm
MNF leh Congress hovin tawngkam thiam tak tak khan an bum leh ang che u a, i vote elh dual dual mai ang. Nih lho vek chuan risk tlem laka UDC in vote tlin hlauh erawh chuan chance in la nei.
Report this comment
September 19th, 2008 at 1:17 pm
Ram siam that kan duh a, kan kalphung hlui kan enin kan lung a awi zo tawh lo a, hmasawnna pawnlang tak ni lo, hmasawnna nghialnghet tak sut kuak kan duh, kan ramah Power tha leh Eizawnna nghialnghet neih ve kan duh, mahse, thalaite zingah ngei pawh ngaihtuahna ril tak hmanga awmze neia ram kalsiam thlirtu chu mi tlemte chauh kan ni lawi si. Kan lungkham zawk chu Party ruilhchilhna leh Mimal sawichhiatna hi a ni rih hmel viau. Hei hi kan ze tha lo tak a ni tawh a. A pawi khawp mai.
Report this comment
September 19th, 2008 at 1:23 pm
Thalai, thalai kan han ti a kan phur hluai a, Brig,IPS ni thei hial khawp a in zir peih kan politician te kan han sawi sel zat zat mai hi chu thalai te hian kan nep zia kan ti lang mai mai niin ka hria , hei tun ah intlan kan hnaih ta viau a kan reh ta thep mai, Ti daih i la Thalai te hi tun in thlan ah hi cuan ka effective vak dawn lo ni in a lang, tun in thlan phei chu Mizoram in thlan tawh zawng zawng a SUM sen tam ber tum a la nih ka ring, chuan thalai tam tak te hi chuan SUM minpe thei ZU min pe thei, Drug min pe thei thei a ni mai tih vel in tam tak te hi chu an phi leh ruai ang tih ka ring. Thalai te ah hian tun tum hi chuan eng teh vak kan lani lo ang, Inthlan leh ah chuan kan harh tha viau tawh mah na le. Congress in Central a tang in sum tam tawk, MNF in SUM an khawl khawm sa tam Viau ang annnnnng a ni mai. Pui tek tek ngawt ang tun tum chu.
Report this comment
September 19th, 2008 at 1:40 pm
A ni khawp mai zobawm tarlan hi. Hmanni khan UDA thiltumte ka rawn vawrhchhuak a, UDA lam awn viau anga ngaih ka ni a, a zia lo hle mai a. Comment pawh ka beisei loh lam daihin a awm hlawm a. Ka rawn tarlan duh zawk ber chu, UDA te Thiltum hi thil tak tak ni thei a ni em? Ram leh Hnam hnuk khawih pha hmasawnna a ni thei em? hei aia pawimawh project tha zawk a awm lo maw? etc.. te a ni a.
Chumiin a kaihhnawih dang leh tur chu, MNF hi sawrkar leh ta se, enge a thiltum? tun anga hmasawnna em em hmuh tur awm si lo hian a kal leh naw naw dawn nge? tum mumal tak leh project lian tham tak sual chhuah an tum?
Congress hi Sawrkar ta se, enge an thil tum? Lengpui Airport aia ropui zawk leh thang leh thar lo awm zel tur te tana chhen fakawm sual chhuah tum an nei em? chu chu kan ram mamawh hmasa ber a ni thei em? etc.. te pawh a tel thei ang a. ^
Mahse, chutiang aiin, ZKP President mimal chanchin te, Lalduhawma mimal chanchin te, etc.. velah kan buai a. An mimal nihna leh chanchin aiin ram tana an vision leh a taka an hnatawh hmuh theiha a awm kha a pawimawh zawk chu a nih hmel viau si a. Lalthanhawla leh Zoramthanga ten kum 10 ve ve Zoram an hruai tawhah hian kan lawm tawk tihna em ni zawk? chuti a nih chuan Zoram siamthatna kawngah hian iak iak tur kan ni em ni? tih te pawh rilru ah a lo lut fo thin a ni.
Report this comment
September 19th, 2008 at 4:07 pm
Kan sawi belh law law teh ang, tun ah hian inthlan kan hnaih ta hle a, a lan dan chuan UDA, MNF, CONGRESS, an in tiat tlang fu mai a, tun a a lan dan chuan mahni a sokar siam thei an awm hmel loh khawp mai. Congress in term 2, MNF in term 2 bawk, Mizo mipui tam zawk hi chu heng sorkar hna thawh ah hian ka lung awi lo ni in a lang a, Mahse Mizoram a Thalai neuh neuh te hian UDA hi an suport loh chuan sorkar pangai 2 khawi maw zawk zawk hian chance an nei tha mai thei a ni, a chhan chu SUM an ngah ve ve avang in. UDA hi lo sorkar ta se Mizo mipui tan hian tlem chu beisei na awm in ka hria a. UDA hi ka tan em em vang a ni hauh lo. ka duhsak deuh ber a ni e.
Report this comment