MLA inthlan lo awm tura pawl pathum thawhho tum, United Democratic Alliance (UDA) chuan sorkar-na an chan chuan, Chief Minister-ah Brig. T. Sailo, Dy. CM-ah Pu Lalduhoma te chu an ruat. Nimin khan Press Club-ah he declaration hi puangin, pawl pathum President theuhin hming an ziak a ni.
Similar Posts:
- United Democratic Alliance (UDA) a ding
- UDA is messiah?
- Zoramah khua a var dawn em?
- Police thih chhanah sorkar puh
- Hnam Chhantu Pawl bag
September 27th, 2008 at 12:19 pm
ThaiBoy, an eiru maw le buaithlak tak a ni. Mizo,Tuikuk.Chakma te hi SUM a sem a sem chi kan ni lo, Hna thawh zawh hnu a pek chi kan ni kan thawh that dan a zir in, Buh fai a thlawn a kan han sem chiam pawh hi tha ka ti vak lo, TAM kumhlun te hi kan tum ngawt ang tih hlauh awmtak a ni. kohhran te pawh hian hna thawh tir se la chu mi hnuah chauh chuan BUH fai te hi pe se la a ti deuh a sin.
Report this comment
September 27th, 2008 at 12:39 pm
Thlai thar hralhna te kan sawithin a; hralh thei ila man man takin kan duh vek e,mahse thlai hralh tham thar tur hian thawh nasat angai a; hnathawk tur chuan ei tur neih phawt angai mahni ei tur takngial pawh thawk chhuak zo thrathrum lo tan chuan hralh tham thar chhuah hi ahar asin, duhthusam vision thra pui pui nei mah ila rahbi a tleu laklawh tawh chuan hmalak hi ahar ngawtmai, Sawrkar thra mirethei ngaihsak an mahni thleng phak policy nei Party kan mamawh anih hi.
Report this comment
September 27th, 2008 at 12:41 pm
Rilru tluang taka ngaihtuah chet chet thin te chuan New Land Use Policy (NLUP) that loh zia chu a rahah khan kan hmu vekin a rinawm a. Khami atanga Mizote rilri a eichhiat zia leh thawhchhuah aia sem beiseina thinlung lo chhuak ta te pawh hi a ni zel a ni. Politic avanga induhsakna hmanraw tha takah thenkhatten an hmang bawk a. Hlemhletna tipunluntu tha tak a ni bawk a ni. Hetianga sum sem a pawiuia leh that lohna em em chu sawrkar Department atanga teiin sum hi an sawk khawm a, Heng sum te hi a thil bik atana an lo pawm fel diam tawh vek si a ni.
A hman lohn aturah an hmang ta chiam mai tihna a ni a. Entirnan, Planning Commission in an pawm sak diam tawh, Ariculture sum hman tur te, Forest Department sum hman tur te chu NLUP atana chhuhsak an nih avangin heng department te hian hna an thawhna sum an nei mumal ta mang lo kha a ni a.
Khawi ramah mah hian Mirethei tan sum an sem ngawt ngai lo va. Retheite dinchhuahna atan erawh sawrkarin kawng chi hrang hrang a hawng thei a ni. Entirnan; naupang zirna fees leh an thlatin ei leh in tum sak, an nu leh pa te hnathawh tur dap sak leh an eizawnna tur kawhhmuh, chumi atana training emaw zirtirna emaw a tul anga pek a ni tur a ni. Inluah man leh Electric bill, etc.. pe tla thei lo khawpa harsa an nih chuan Sawrkarin en dikin an harsat dan chu felfai takin a zirchiang hmasa tur a ni a. Tanpui an mamawh anga tanpuina pek leh an tana hna ngaihtuahpui te chu a tih tur a ni ngei ang. Mahse, a thlawna sum pek tawp zawng thil tha lo tak a ni.
Tin, dam loh nikhua awm thei a ni a, miin bill a pek theih loh chuan a thlawnin an tihsak ngawt tur a ni lo. An in enkawlna senso chu an theih tawk an in tum ang a, a bak zawng chu Sawrkarin a pek sak tur pawh a ni. Hna nei an nih chuan an hlawh atanga rulh tir leh dan thlenga ngaihtuah tur a ni. Ram changkang angin Medical Insurence policy kan hmang ve tawh te a nih ngawt loh chuan.
Report this comment
September 27th, 2008 at 12:56 pm
Samaw,Pu zorunpui. NLUP, MIP te hmatheha neite hi sum an sem ringawt loh nan engtinnge kan tih ang.Helaia lo phun lungawi tum ringawt mai hi chu ka va chep deuh ve!
Report this comment
September 27th, 2008 at 1:05 pm
Mi in Scheme fel tak anei anga; amahin aduan thiam loh pawn Sawrkar in a kai hruai ang, chu scheme tih hlawhtlin na chuan Pawisa angai, chu pawisa chu sawrkarin atum sak chuan a tlawna sem anilo production a awm theihna turin sawrkarin mimal hnenah pawisa a invest ani, alo hlawhtlin nan mipui leh sawrkar in mawhphurhna inchen an nei ,Barabi Hydel project tih puitlin kan duh chuan central sawrkar pawisa kan hman angai ang hian mimalin eizawnna set up kan tum chuan sawrkar pawisa kan mamawhve tho, chu chu a thlawna sem ani ngawtlo ramchhung economy alo thran chuan a sawrkarin nasa takin a hlawkpui dawn ani.
Report this comment
September 27th, 2008 at 1:17 pm
Inthlan hun tur pawh tihchian a nih hmaa Chief Minister, Dy. Chief Minister tur tih vel lo buaipui chu a va ho ve. An hruaitu thlan chhuah te khi anmahni bial tur pawh la hriat loh, an tling dawn em tih pawh la hriat loh. “Keipawh inthlan zawhah Governor fapa ka ni dawn”, tih nen a danglamna ka hre lo…ho lutuk.
Report this comment
September 27th, 2008 at 1:21 pm
Entirnan; Chhungkaw pakhat chuan scheme fel takin an duang a, an tih tur chu a hlawkna leh hlawk lohna thlengin an hre fai vek a. Chumi atan chuanproject an siam a, chumi project tan chuan sawrkar sum an puk thei a, rul thei dinhmuna an din hun hunah an rul leh tur pawh a ni a. Amaherawhchu keinin NLUP kan tih hi chu kan pekna te hmandan kan hre zui lo va, a hman dan tur kan bithliah lek lo. A thlawnin hei hi in lo tintun nun nan lo hmang rawh u, tih ringawt zawng a zia lo deuh a ni. Thenkhatin Bike an lei, thenkhatin Type recorder, thenkhatin TV etc.. intodelh nana hman chu khawi lam, nitin sum mamawh hman tur tizualtu mai a nih kha.
Report this comment
September 27th, 2008 at 1:25 pm
Pu Zorunpui UDA hi sawrkar tase mirethei din chhuahna atan scheme an nei reng em? enge mipuite hi min zawrhve le?
Report this comment
September 27th, 2008 at 1:28 pm
@jaan, a ho em mawle.. November thla khi a ni tawh mai a. USA ah te chuan Democratic party khat chhunga mi ngei Obama leh Mrs. Clinton te pawn US President candidate zawk tur nih inchuhin thla 3 lai a nih daih tawh kha, an ni pawh November bawka inthlang tur an ni. Kum tir atang khan an ni chuan debate neiin boruak an siam daih tawh a nih kha..
Report this comment
September 27th, 2008 at 1:32 pm
@jaan:kan sawi angai alawm rilru in hawngin paty policyte hi bihchian a hun tawh.
Report this comment
September 27th, 2008 at 1:34 pm
@ThaiBoy, Six Basic Needs tih chhungah khian a awm lawm ni.. Ei leh bara intodelh tih chhungah khian rethei tan dinchhuahna tur kawng dap chhuah te pawh a tel ngei turah ngai ila, ei leh in ber kan intodelh chuan mipui mimirah rethei chumchiap lutuk a awm theih loh ang. Chu ei leh bara intodelhna pawimawh ber chu mithiamten zirchiangin project an duang turah ngai ila, Kuthnathawktu Pawl ten an chanvo dik tak an lo chan a, hmasawnna sum leh pai te a hmanna tur dik taka hman a lo nih chuan, mirethei dinchhuahna kawng chu amahin a lo inhawng lo thei lovang.
Report this comment
September 27th, 2008 at 1:43 pm
@Zorunpui; ka lawm e;Mizoram a miretheite din hmun leh an ngaihdan documentary film ka siam mek a; a rem chuan (misual).com hian kala rawn post ange.
Report this comment
September 27th, 2008 at 1:56 pm
@zorunpuia, kan ram leh USA te chu khaikhin chi a niin i hria a mi??? Pi Clinton leh Pu Obama te chuan khawvela mi thil tithei ber nih tumin an inkhing a. UDA khi han en teh tualto party te tak te te pathum inzawmkhawm mai an nih khi. Thil mak a thleng a nih loh chuan MNF leh Congress aiin seat an lak tam theihna tur kawng a awm thlawt lo a ni. Lo thlir reng rawh UDA-in Mizoramah sawrkarna an siam a nih chuan keipawh Delhi-ah Governor ka ni ang.
Report this comment
September 27th, 2008 at 2:03 pm
Thil pakhat han sawi leh mai mai i la, kan khua ah chuan tun sorkar hian vawk a vulh tir a, vawkte a lei sak a chuan vawk in a sak sak bawk a chuan a vawk vulh tute chen na in a sak sak bawk a, vawk chaw te, eletrict leh tui te a theih ang ang in a supply bawk a, mahse vawk chu an vulh hlawh tling chuang miah lo, then khat an zing a mi te chuan ZU an zuar daih buai thlak tak a ni. MIZO mipui te hi siam that kan ngai a ni. Misual.com a mithiam te hian in thiamna hmang leh experieance atang te in Kan ram that na tur hi han thawh chur chur te u khai.
Report this comment
September 27th, 2008 at 2:03 pm
@thaiboy, policy nei thalo party an awm lo. An policy/manisfesto te chu a tha lutuk vek. Mahse, mipuite zingah a thawh that loh chuan awmzia a awm chuanglo. India ram ang, mahni party mi leh sa te politician hoin an vulh hliau hliauna hmunah hi chuan “POLICY DOES NOT MATTER, BUT STRENGTH OF THE PARTY MATTERS MOST”.
Report this comment
September 27th, 2008 at 2:13 pm
@jaan: a beidawn thlak anih hi,Mi state thran dante kan hmuve thrin sia; rual awh ana ani kan budget hi mi hring nuai riat chuang awr chauh enkawlna atan chuan atawk ve thawkhat asin mawle.
Report this comment
September 27th, 2008 at 2:20 pm
@Thaiboy, a dik chiah kan ram kalphung hi chu a beidawn thlak a ni. Kan ram hruaitu ten hmasawnna tura ruahmanna an siam te, sawrkar laipui atanga sum kan hmuh te ngaihtuahin tun ai hi chuan changkang hle tur kan ni. Ruahmanna tha tak pawh siam mah se, a tihhlawhtlinna lam hi a chhe thin em a ni.
Report this comment
September 27th, 2008 at 2:27 pm
@jaan, Tangrual Pawl (UDA) an ni a, CM tur hriat chu a hun tawh viau lo maw? November hi inthlanpui chu a ni tawh a, USA kha chu entirna chikhatah chauh lo dah ila.. tunah September thla kan hmang zo dawn chu a ni a. Mipui zawhna ber leh hriat duh ber a nih tlat avangin an tichian thuai hi an thawhho zelna tana tih tur pawimawh hmasa ber pakhat a ni ve tlat.
An mahni tarlan ang hian an lo sawrkar chuan…tih hi a ni a. Tunah hian tute mahin kan sawrkar ngei ang, an ti thei lo. Kan lo sawrkar chuan emaw kan lo sawrkar leh chuan.. tih emaw vek a ni rih.
An pawl mi leh sa ka ni lo va, Congress leh MNF ah hian hmasawnna hmuh tur a tlem em a, pawl dang han sawrkar se kan ziaawm pui zawk ang e, tihna mai a ni. Delhi Governor fapa ni lovin Delhi Governor nih tum ta zawk la, i ni tak tak thei bawk ang, tum chuan kawng a awm e. Fapa ni tur chuan i pian nawn leh emaw a ngai te a ni ang a, thil theih loh tlukah ngai ta ila..
Congress leh MNF policy duan sa leh chumi kawnga an hmalak dan tur te pawh hi an puan a hun tawh a, mipui pawhin chu chu kan zir a hun tawh hle mai. Mahse, online lamah hmuh tur a la awm si lo hi a buaithlak ber a ni. UDA hian thawm an nei na ber ta zawk em ni? tih theih turin chanchinbu phek a luah a, chu chu keinin kan lo hmuh ve theih chhun chu a ni rih mai awm e.
Report this comment
September 27th, 2008 at 2:39 pm
Eng party pawh lo sawrkar dawn se, Pu Hawla CM a ni emaw, Pu Zorama CM a ni emaw.. tun ang hunah chuan “Kan Sawrkar chuan, chu mi kha mi chu kan sawrkar thil tih tur hmasa ber leh ngaih pawimawh ber a ni ang” etc.. te.. Ka lo CM chuan chu mi kha mi chu ka tih hmasak ber tur a ni ang.. etc.. te hi a rik nuaih nuaih a hun tawh. Chuti a nih loh chuan Zoram tan hian vision emaw tih tur tum lawk sa emaw an nei lem lo tihna pawh a ni thei. Chutianga a tlachawp taka Zoram hruaitu neih chu kan ngam dawn em ni?
Tin, mipui te pawhin party ruihchilhna thinlung bansan a, chumi an thil tih tum bul pui ber chu kan ram leh hnam tana chhenfak awm leh belh tlak a ni em? hei aia pawimawh leh tha zawk hi a awm lawm ni? tu party te hian nge chu chu nei? etc.. te pawh hriat a hun tawh a. Tin, an thutiam ang ngeia an lo sawrkar chuan, an tih hlawhtlin ngei pawh mipui laka an bat a ni tih an hria ang a. Thi leh Thau pawlhin chu mi kawngah chuan theihtawp an chhuah pawh a rinawm a. Chhuah tur pawhin mipuiin kan nawr thei a, tinlaiah video leh ziakin chanchinbu phekah te, tv ah te a in delhkilh thlipthlep tawh avangin mipui bumtu sawrkar neih chu tu party mah hian an duhin a rinawm loh.
Report this comment
September 27th, 2008 at 2:55 pm
Thingtlang lonei mi ten kum tluanin hna an thawk a, kum tawpah kum khat ei em poh an thar zo tawh lo ani a, kan tlangram lo neih dan hi chuan.Dam loh nikhua chang phei chuan rethei tak an ni.An din hmun te alo that a, lei rem an lo rah ve theihna tur atan a sawrkarin SUM an pe thei anih chuan a tha thlawtin ka hrria. NLUP hmang tangkai vawiina sangha dil, serthlum huan, bawng vulh etc te chuan vawiin hian kumtin cheng nuai chuang an thawk chhuak asin.Thingtlang ah zin ve ulang , bul tan sak an ngaih zia in hre ve mai ang.
Report this comment
September 27th, 2008 at 2:59 pm
Democracy ramah chuan sorkar tha leh tha lo tehna chu mipui hma a an in zawrhna ” Election Manifesto ” an tih hlawhtlin leh hlawhtlin loh hi ani. Kan sawrkar tawh zawng zawngah khan tu sawrkarin nge an sawrkar chhungin an manifesto ti hlawhtling thin tih te hi en let a va hun ta em.
Report this comment
September 27th, 2008 at 3:17 pm
MNF an chak chuan CM tur chu Pu Zoramthanga, Congress anih chuan Pu Hawla a chiang nghal mai .UDA ah erawh tangrual an nih avangin tunge CM niang? tih hriat phawt hi a tul tlat a ni.Tunah hian chumi chu an sorkar anga chumi chu an sorkar dawn lo hrim hrim tih hi huai taka sawi theih a ni lo.Kei chuan mi dik leh policy tha ber kalpuitu nia ka hriat Pu Thena hi chance pek leh chu a tha lawm ni ka ti.Ka ngaih pawimawh em em Power & communication hi Pu Thena hian tihlawhtling thei ber turah ka ngai tlat a ni. Congress in kum 13, MNF in kum 10 an ruling lai khan power & electricity ah engnge an tih? Keini aia kum 20 vela hnufual thin Arunachal te hi tunah kawlphetha lamah engnge an dinhmun kan hria,an state ah Chakma ho an ngelngheh theih loh laiin kan ramah Autonomous Dist. Council kan pe. Kan sorkar chuan CADC kan thiat ang ti pawr hle tute khan kum 10 chhung hian an thiat em? Teuh lo mai!! Aw, ka ram riangte,tho la ding ta che. A ngur nun ngai lovin engtikah tak tual leng ve i maw!?
Report this comment
September 27th, 2008 at 3:30 pm
NLUP chungchanga a landan chuan tuna NLUP hlawhtlinpui nia sawi 80% vel hi eizawnna ngelnghet lo tan a kalpui mekte an ni hlawm a ni awm e. Sum sem policy sawimawi kan la tam hle hi chu a lungchhiatthlak mang e. MNF hi an hmalak tawhnaa an thawh chaknaah chuan an fakawm ka ti thlawt.Congress hian an ne pawh an ek pha lo.Amaherawhchu an zingah hian zawhte upata upa ringawt kep ngai hote hi an kian a ngai tawh. Congress ah pawh hmana mi, tangkawng manna khawl chahchhuah tumte,qualification atana Pu Hawla uibuk ni ringawtte kha an kian a hun tawh khawp mai.
Report this comment
September 27th, 2008 at 4:02 pm
A dik hle mai miril pu Muantea, Pawisa fai sem kan la fak mawi thei hi chu kan ropui lo em mai. Ka fapa la puitling lo tak chu cheng nuai khat ka pe tawp a, intodelh nan lo hmang rawh, ka ti thla rawk a, chu cheng nuai khat chu a hman zawh hma chuan a intodelh ve khawp mai. A hmang zo va, nuai khat dang ka lo pe leh zel a ang hi a ni a. Amaha intodelh a, eizawnna nghet a lo neih theih nana ruahmanna felfai tak ka neih pui a, chumi kawnga remhriatna a lo neih theih nana thiamna pek hmasak chu ka tih tur ni awm zawk tak a ni a. Mahse chu mi ai chuan Nuai khat hian lo intodelh la, ka thu awih takin lo awm thin ang che, ka tihna ang vel a nih ber chu.
Eizawnna nghet leh rintlak mipui mimirin kan lo neih theih zawkna tur a nih phawt chuan kan policy pawh kan thlak danglam dawt ngam tur a ni a. A lo thlawna sum in pek mai mai te hi moral eichhe tu hlauhawm ber a ni a. Chu aia pawimawh zawk leh tha zawk chu, finna leh thiamna an lo neih theih nana ruahmana siam pui leh zirtirna pek a, an eizawnna a lo ngheh zawk nana tanpui leh enkawlpui chu sawrkar tih tur ni awm tak a ni.
Report this comment
September 27th, 2008 at 4:17 pm
Alo thlawn sum min pek hi central hian simve se chu kan hawi lawl lawl mai ang, misual. com a comment phak chin hi chuan pawisa sem in mamawh vaklo mai thei, mahse thingtlangah rethei bakberh chhanchhuah ngai tam zia hi ngaih tuah angai; chungho chuan din chhuah nan a hmathar lakve an duh tawh. Tlawnglui khuahzawh lam an nghak peih tawh lo mai thei ani.Chung ho bul tanve na tur sum kanlo theh chhuahve theih chuan a lawmawmah kalo ngai mai a.
Report this comment
September 27th, 2008 at 4:30 pm
Heng te pawh hi kan khawlohna zel tur a ni a. Central atanga sum a thlawna dawng nia kan inhriat tlatna hi kan moral tichhetu a ni. Central chawm hlawm ni lo va, Central sum tel lo va intodelh hi kan zir tur a ni. A thlawna sum hmu thei nia kan inhriat tlatna hi a pawi ber chu a ni a. Hmanlai zawngin Vai buh an ei kan hre lo va, an awmna theuhah ei leh in an intodelh thei a, a tuna hnua central tello va nung thei lo leh thawk chhuak thei lo a inhriat tlat mai chu a mak deuh a ni.
Ka han sawi tawh angin eizawnna ngialnghet tak kan lo neih theih nan a bul tanna pawimawh ber heng Power te, Inkalpawhna tha te, Insumdawn tawnna tha zawk te hi ngaihtuah thuai thuai ila, a bilh a thawh that phawt chuan kan intodelh thuai ang. Hmasawnna leh intodelh kan tumdan hi a LER atanga kan tan chuan beidawnna ruama min hnuk luttu mai a ni dawn a. A bul atangin a ruhrel fel taka kan siam nghet phawt chuan zawi zawiin kan ding chhuak ngei ngei ang. Chu chu ram changkang zawk te hruaitu hmasa tihdan a ni a. Songapore khawpui leh eizawnna an han ngaihtuahdan te hi a bul thut a fuh tlat a. Hreawmna te tawrhna te, retheihna te hi a hmasak phawt loh chuan changkanna hi direct ngawt theih a ni lo va.
Report this comment
September 27th, 2008 at 4:52 pm
Thinglang mi hi direct in an changkang ngawt theilo a, an chang kanve na tur ruahmanna kan siampui dawn alawm.Retheih lutuk chuan power in awmzia aneilo, insum dawn tawn phei chu hla tak ani.(a leina leh hralh tur neih miau loh chuan) mirethei kan ngaihsak avang hian ram ruhrel (infrastructure) ngaihthah tur ani chuanglo, India Economy hi nasa takin a thrang mirethei dawm kan nan Policy leh scheme tam tak a awm mek;chumi tih hlawhtlin nan chuan pawisa angai. chuvang chuan Sawrkar scheme hnuai a pawisa kan dawn thin hi a thlawn tizawng a in zirtir lovin anihna hmangtur zawngin in zirtir ila hma kan sawn phah ngei ka beisei.
Report this comment
September 27th, 2008 at 5:36 pm
@ThaiBoy, i rwan ti tha thin e. Thingtlang mi chu Nuai khat theuh sem la? enge an tih ang? Mirethei te chu Nuai 2 theuh sem la, engtinge pawisa an tihpun ang a, engtinge eizawnna an lo neih ang? an tih tur ngaihtuah pui hmasa si lo va, sum pek ngat chu, an hmang zo ang a? i pe zel dawn tihna em ni?
Kan nu leh paten lehkha kan zir nan thlatin min chawm a, kan lo zirchhuak a, mahnia thawhchhuah tum lo va, inchawm tir zel kan tum chuan an thiam tawk finna nei tura lehkha min zirtirna chuan awmzia a nei lo tihna a ni.
MIrethei leh Thingtlang mi te hian an mamawh ber chu Ei leh Ina intodelh a ni. Sum an mamawh hmasa ber lo. Ei leh Ina an lo intodelh a, an huan leh thlai, etc.. te atanga sum an siam chhuah theih chu a pawimawh ber a, chu chu an tu leh fa lo awm zel turte tana rochun zel theih leh tangkai tur a ni. Chumi tur chuan ruahmanna fel ngaihtuah pui leh chumi atana Sawrkarin tanpui dan kawng dap chu a tih tur a ni ang. Amaherawhchu, pawisa fai pek rikngawt a, a hmanna tur leh a tihpunna tur ngaihtuah pui leh si loh chuan pawisa an neih laiin an intodelh ang a, an hmang zo ang a, a dang an mamawh zel ang.
Power kan neih that loh chuan hmasawna a awm thei lo. MIrethei tan a pawi hlei hlei. Power man to tak takin an lei ve thei lo.
Inkalpawhna a pawimawh, hei hi thingtlang lam tan a pawimawh lehzual. Inkalpawhna a that loh chuan hmasawnna a khuangrual thei lo va, thingtlang mi leh khawpui mi inkar a zau tial tial a. Hmanlai chuan Lunglei leh Aizawl inkalpawhna a tha lo va, kan dialect thlengin a danglam nasa a nih kha. Tunah pawh hian inkalpawhna mumal awm lovin awm chiah ila, inlakhranna a hring thuai ang. Thingtlang mi ten chakkhai dap nana an hman ber Khawpui hi reilo te chhunga an thlen zung zung phawt chuan Khawpui nun an tem thuai ang a, aizawla awm chu an khuaah pawh a awm ve thuai zel ang.
Chutianga Power leh inkalpawhna a lo inkhuangrual chuan Thingtlang mi leh Khawpuimi tih a awm rei tawh lovang a. Ang khat vekin kan awm tawh ang. State dangte hmasawnna kan sawi chawk. Pawisa fai an sem vang em ni? ni lo ve. Power an nei tha a, Current duh tawka hman tur an neih avangin an ramah thil siam chhuahna khawl lian pui pui te, Zirna tha tak tak te an din theih phah a. Chu chuan an rama hna nei lo leh thawh tur hre lo ten hna an lo neih phah a, pawisa an thawkchhuak mai a ni. Chu chu hmasawnna dik tak pawh a ni.
Kan ramah thawh tur atam a, inhlawh fakna a that viau chuan tun aiin kan thalaiten hna an thawk tam ang a, nikhatah mipui mimirin darkar 9 tal hna kan thawh ve meuh chuan kan nunphung a danglam dawrh ang. Hnathawh tamna ram apiang an changkang tih kan hria e.
Sawi zel ang..:)
Report this comment
September 27th, 2008 at 6:17 pm
Pu chairman, he thupui pawimawh taka kan pute pahnih Thaiboy leh zorunpuia te thusawi hi a bengvarthlak hlein ka hria. Miretheite hnena pawisa sem leh sem loh chungchanga an ngaihdan hi eng emaw chenah ka tawmpui ve ve hle.
Pu zorunpuia sawi ang hian awmze nei lo va a thlawna sum inpek vak vak ringawt chu min ti piangsualtu mai a ni ang tih hi ka ngaihdan a ni ve a. Chutih rual chuan Pu Thaiboy sawi ang hian ruahmanna leh kaihhruaina mumal tak nei chunga mamawhtute bul tanna/chawikanna tur ngaihtuahsak hi a tulna a awm ve bawk thinin ka hria.
Engpawhnise, sawrkar hi mipuite duhzawng leh mamawh apiang ihe lova pe mawp mawp tura beisei chi a ni lo va, tlin pawh a tlin hek lo vang. Hna kan thawk ang a, intodelh turin kan bei ang a, chumi tihlawhtling tura min puih leh min kaihhruai erawh sawrkar mawhphurhna a ni thui hle. Mipui leh sawrkar hian chu kan mawhphurhna ve ve chu kan hai ta deuh va. Chu chu a pawi lai tak chu niin a lang.
Report this comment
September 27th, 2008 at 8:03 pm
Ngaih nawm tan hle mai, a tha vek mai e. Pawisa sem hi chu kei chu ka suport loh lam ani, Nia Mizoram thingtlang mi te hi an rethei em em,in an khaw ngaih thlak hle a ni, kum tin lo an nei a an kham khop pawh an thawk chhuak zo mang lo ani, a dik chiah, a chhan chu kan agriculture system hi a dik lo a ni, Agriculture dept hian sum tam tak a seng tawh a, subsidy pawh in , Tui pump na khawl eng nge maw zat a pe bawk a chuan generator te pawh a pe bawk tin chu mai ni loin tractor te chi te pawh a pe ni chu mai a ni lo Tui kawng te pawh a siam sak bawk a, SUM fai pawn a tanpui nual ka ring thil dan gpawh a tam mai thei. Mahse in todelh lam kan la pan chuang miah lo mai hi a mang ang thlak a ni. chu vang chuan kan agriculture system hi kan thlak angai reng a ni. chu mi tur chuan sorkar tha kan mamawh em em ringawt mai a ni. A ngaihna hria SORKAR. chuan thingtlang lam Unau te pawh an rethei reng lo ang nga , DAWN rilru ringawt te pawh a bo theih deuh ka ring.tun sorkar ah pawh hian Silpouline dawn ringawt a EI zawng te pawh an awm an tih chu maw le.
Report this comment
September 27th, 2008 at 8:15 pm
Hotupa adelfos sawi ang khi a ni mai.
a ngaihnawm khawp mai ni e, kan lo var ve uarh uarh e
Report this comment
September 27th, 2008 at 10:58 pm
Kei chuan mirethei hnen a sum sem hi tha ka ti khawp mai,mirethei te thleng phak policy ah ka ngai ve tlat.sawrkar hian sem lo mahse state in su m kan dawn zawng zawng chu a hmang ral zel tho dawn,ahmang zel bawk,a hmanna erawh kan hmu tlem khawp.khawi ah nge kan state sum zozaite a kal ral,mihausa sa te hnenah bawk.In sawi ang khian thingtlanga mirethei khian intundinna turin enganga plan tha pawh nei se sum a neih si loh chuan atan tih theih a awm lo.Loan la tur pawn tih puitu tha neih angai,mirethei tan lak ngaihna a awm lo.Cheng nuaih khat hi kei chuan ka mamawh lo,mahse kan mihausa ten duhtawka an ei kan state sawrkar sum hi pawisa sem hmanga mirethei te hnen a luh ve angai ani.aAn sem loh pawn rethei din hmun angai tho.cChuvangin kan ram sawrkar zara miretheiin tape ,tv,bike etc an lo neih theih na a nih chuan sawrkar an chhawr ve theihna awm chhun ah ka ngai.
Ka thil sawi hi ka duhthusam a ni hauh lo,kanram khi dikna rorelna ram ni se thil tih chi ani lo.mahse khitinuai anih tawh avangin sumsem mai hi mirethei ten sawrkar an chhawr ve theihna kawng awmchhun ani tawh e ka ti ani
Report this comment
September 28th, 2008 at 11:11 am
sangha man sa pek reng ai chuan, a manna tur len pek kha a tha zawk lawm ni?… te ka tia
Report this comment
September 28th, 2008 at 2:18 pm
Ka topic tui zong tak in lo Debate a, ka tel ve lo leh nghal. a va zia lo ve.
@Thaiboy : Six Basic needs ai chuan NLUP chuan rethei te a chhanchhuah i ring deuh zok nge, kan six basic needs tih hi Central sorkar hmalakna ah hian a tel thokhat toh in i hre deuh. Tin, ka ngaihdan ah chuan NLUP chauh hi Congress hian tih an tum ni pawhin kahre lo. Amah Pu hawla tih dan takah, “hei te chu Economic Policy poh a ni lo, Rethei chhanchhuana atana scheme a ni”.
@Zorunpuia : Pu Thena chu a tha ka ti kei pawhin, mahse kei chu a rum mah mah ka ti. PC Ministry ah te khan a thu a duh bur bur thin lutuk tih te kha a ri nasa a. A minister dangten thil diklo in an ti ve leh tho si a, khang ho kha an diklohna hre lovin a chhan leh tung thin bawk sia an ti. A mah ngo ngo ah chuan mi Principle nei tak ni in ka hria a, mahse a flexible lo lutuk ka ti a, CM atan meuh chuan. Eg Rambuai thimchhah lai ber khan MNF kha Kah rem a tum tlat a nih kha. MZP te nen pawh an rilru a in hmu thei lo a nih kha. MZP khan Pu Denga tello hian Remna leh muanna a thlen an ring lova, Pu Thena kha chuan a cho tlat mai a nih kha.
NLUP : He Scheme hi a tha ka ti thlawt. A sawichhe tu tam tak te hi Aizawl Pa, Party danga hruaitu te an ni. Zokhuaa mi rethei te te te dinhmun hi an chhukpui thiam lo nge an duhsak lo zawk pawh ka hre lo
[bold]Moral a ti chhia[/bold]: Kan rama SSI (Small scale Industy) 70% vel hi KVI atanga Subscidy hmanga an tih puitlin a ni. Chu scheme ah chuan a tlangpuiin 30% of Project cost kha Sawrkar in a tum sak. Tyre Rethread tam zawk leh Steel Fabrication leh Industry neuh neuh ho hi hetiang hmanga tih deuh vek hi a ni. An maoral a chhiat phah em? Tin, tamtak hian Transpost subsidy te Power subsidy te an la dawng, kan thianpa pakhat (Tyre rethread na nei) chuan nikum chhunga Electric Bill a pek atang khan subsidy a dawng a, an business atan motor te (2nd hand) a lei hmaks. A motor leina poisa ka hria a, ka thik a nih ngawt loh chuan ka sawi chhiat sak lovang. Sawrkar that zia ka sawi ang. Hei hi NLUP nen hian enge a danglamna? Tin, Kan khua ah pawh NLUP atang bul tan tunah chuan Workshop lian tak nei a awm a sin. Congress Party a ni lo, a bulah chuan tumah in NLUP an sawi chhe ngam lo.
[bold]Hmandikoh a tam[/bold]: NLUP sem a nih hmasak khan hman dik loh a tam. Phat rual a ni lo. Tunah chuan Legislate a ni tawh dawn Congress party hruaituten an ti. Hei hi tih a nih tak tak chuan, Dan a nih tawh dawn avangin a hmang diklo te kha chu in dawng tawh lovang tih ang vel mai mai kha an ih hmel tawh loh. Dan in pawisa chawitir emaw Jail a khung emaw a nih hmel. Party Unit president ka nia ka duhduh na ah ka hmang ang, Minsiter hnenah ka zualko don ti eng ang mahse, Dan in thiamloh a chantir te chuan hrem a tawk ve tho dawn a nih hmel. A tha ka ti khawp mai.
Central Sorkarin Loan Waiver a tih te khan a sawisel tute chu party dang hruaitute an nih loh pawhin Delhi tlanga mi thiam an tih ho te an ni. Loneituten an sawi sel ve tho. Mahse an sawiselna kha enge ni “A tlem tham lutuk… hei ai a tam hi poisa dah roh se” tih a ni daih a sin. Mihring hi kan dinhmuh chauh in en kan awm thin, Rethei te chhanchhuah leh tanpui hi Pathian thu a ni in ka hria.
A DUH LO CHUAN MAHNI LEH KAN CHHUNGTE ZOKHAW LAM A MI TE PAWH LA LO TURIN I CHAH ANG U. TICHUAN A DUH TEN POISA AN DAWNG HNEM DEUH ANG.
Sawi tur a va tam ve……….
Report this comment
September 28th, 2008 at 2:48 pm
@Tawia Pachuau,
I rawn tel hman hram a, a lawmawm tho e, topic hi a lan tawh loh chuan chhunzawm zel hi a buaihtlak thin a, hei hi a buaithlakna ber pakhat niin ka hria.
Laldenga hunlai ti ila, 1973 hnu lama MNF boruak kha a chhunga awm chilh lo tan chuan hriat thiam a har viau mai a. An mahni leh an mahni inkar boruak kha a chhe em em tawh a, hotulu lam pawh vawi tam an in man khawm rup rup a, a then an thih phah bawk a. An family chhung buaina hre pha ve Pu Thena tan kha chuan Independence in sual lo, nangmahni leh nangmahni in insual mai mai a ni, han tih loh rual a ni lo va, Sawrkarna han ken ngawt pawh ngam awm loh tak a ni. A fapa Lalsangliana pawh Captain a ni a, a hrechiang ve thawkhat theiin a rinawm.
Tin, dawt hlanghlakin Special Force dintuah puh a ni leh a, chutih laiin Laldenga nena an thuruk CID in an lo hre leh thei zel avanga Jaila an khung phah avang te khan atan chuan Laldenga chu mi khawlo tak rinawm lo leh CM tlak lohah ngiah loh theih loh a ni. A ni ang Sipai rilru leh thusawi anga awm chawt tan chuan.
Khatih hunlaia Mizo mipui rilru hmanhmawh tak leh tunlai khawvel hmasawnna la hre pha chiah lo dinhmunah chuan Pu Thena kha a advance mah mah a ni thei ang. Power pawimawh zia a sawi chiam chiam laiin thu tak hla taka lo pawm sak tu chu tlem te an ni. Kum 10 Project tur phei chu a dam rei nghah thil em mai, an tih san daih a nih kha. Chuvangin i han sawi ang chi, a thu a duh mah mah i tih hi a dik thawkhat ngei ang. Mipuiin thil tha leh pawimawh tur la hre pha vak hek lo.
Congress an han sawrkar a, Chakma District an han pe nghal ringawt te hi tha kan ti em? kan thiat thei tawh lo chu a ni lawm ni? District an neih hma leh tuna an dinhmun en chuan mihring a let 3 aiin an pung tih te hi kan hria emaw.. a pawi hle dawn mai.
Sum sem tih chungchang kha a hranin Central atanga rawn kal a nih si loh chuan khawi emaw laia Department sum hman mai niin alang a. Sum sem ringawt siin a hmandan tur leh a hmanna tur ngaihtuah pui an nih leh si loh chuan an hmang zo ang a, a aia tam an mamawh zel ang. chu chu Sum sem ngawt that lohna a ni. Chu aia pawimawh chu an mahni an intodelh theihna tura hmalak pui, chumi tura zirtirna pek leh an mamawh bul tana nana Sawrkar sum puk tir te chu Sawrkar mawhphurhna leh a tih tur a ni. Mahse, sum faia sem ngawt erawh a dan a dang hle. Khawi ramah mah sawrkarin mipui hnenah pawisa a sem ngawt ngai lo va, mahse an eizawnna tur kawngah chuan zau takin a inhawng thin.
Sawrkar tha leh dik a lo pian chuan, Kuthnathawktuten an thawh rah dik tak an seng tawh ang a, an thlai thar leh an thawhchhuahte chu sawrkarin theih tawpin a tihral dan tur leh chumi kawnga an mamawh a ruahman sak ang a. A thawk hah apiang an hausa ang a, thawk peih si lo, khawsak sang ve ringawt tan Sawrkar sum hmuh ngawt theih a ni tawh bawk lovang. Hei tak hi a pawimawh em avangin Congress leh MNF sawrkarah chuan rinna kan nei ngam ta meuh lo a nih hmel e.
Report this comment
October 3rd, 2008 at 4:31 pm
UDA-a an Deputy CM tur, ZNP President Lalduhawma chuan an party a duhsak bik tur thu a sawi si a. MPC leh ZNP hi a duhsak ve dawn tho em? An party an induhsak hnuah MPC leh ZKP an induhsak leh ang a, chumi hnuah kuthnathawktute. Mipui nawlpui leh thalaite chan tur chu hla takah a awm tawh? Tin, UDA hi ZKP kaihhruai tia puang dum dum siin ZKP hi seat pawh chang ve mang loah an tang leh si a, engnge a awmzia ni leh ta he hu? Kei chu ZKP hi kuthnathawktute damna tur kan duh an ti a, Mizoram damna tur vei phakah ka ruat lo hrim hrim.
Report this comment
October 3rd, 2008 at 4:33 pm
UDA hi MNF ai chuan tha hret turah ka ngai.
Report this comment
October 3rd, 2008 at 4:44 pm
ZKP chu MPC leh ZNP inkara thawktu Palai an ni. An mahni hian Thawhhona chungchangah chuan Pary pahnihte ai hian thu an nei zawk ang. Minister tur leh MLA ding tur te thlengin an chair na hnuaiah thutlukna siam a ni chauh ang.. tih niin ka hria.
Report this comment
October 3rd, 2008 at 4:54 pm
Hnam mawl tak tak, Amazon ramhnuaia khawsa te’n vanram an suangtuah (an neih chuan) dan leh New York khawpuia cheng mi hausa tawntaw ten an suangtuah dan a inan loh tur ang bawkin Six Basic need kan tih hi kan dinhmun a zirin a inang lo thei viau mai thei asin
Ram changkanna leh hmasawnna duh tu hian lawm an hlawh tak tak thin lo hi a pawi ber chu a ni. Election Manifesto pawh chiar lo a tam zawk hi kan ni a ngem aw, Zoram mipui hi. MNF. Conress, UDA tih kha a ni tawp mai a, enge an tum, vision an nei em? tih vel lampang kha voters tam zawk rilruah a awm pha thin lo. Kan tlin chuan contract hna, rangva inchung, kan ram compensation, puanthui khawl, vawk note leh a insakna etc vel kha kan rilru a lian ber a ni zawk lo maw? Aizawl ami ngat te pawh hi han thlir chiang ila, pary workers tam tak chuan Parking Fee khawn mai mai a ni an khelh chu…. hahthlak thin e.
Report this comment