Pa pakhat ram vak haw lam hi lui kama thing luangah hian a thu chawl a. Rei vak lo a thut hnu chuan a thutna chu che tlat hian a hria a. A hnu deuhvah chuan mit ang deuh rawn khap zauh hi hmuin a inhre leh a. A’n enchian nak chuan chu a thutna, thingluang emaw a tih chu Awle lo zuk ni rengin! Hlau em emin a tlanchhe ta a.
Hei hi tak tak a nih leh nih loh ka hre lo. Thil pawimawh lutuk erawh min ngaihtuah tir. Chawlh mamawh lo mihring tumah kan awm lo. Hna kan thawh chuan hah hun a lo awm a, chawlh a ngai thin. Rilru hahdam te, hlim te, muang taka chawlh theih te hi mihring mamawh tawp a ni. Chu chu mitinin kan thlahlel a, kan zawng a, chawlh hahdam beiseiin kan thawk rim thin. Mahse, mi tam takin chawlhna leh innghahna tlak nia kan ngaih hi a him lo em em. A thente phei chu a tawpa min tichhia a, lungngaihna min thlentu tur mai an ni.
Mihringin sual avanga Eden huan chawlhna famkim a hloh atang khan chawlhna zawngin a hmanhlel nghal a. Thenkhatin sum leh paiah chawlhna kan zawng a, kan hmu chuang lo. Khawvel thil chi hrang hrangah rin tur kan zawng a, biak tur kan dap a, innghahna tur kan zawng a, hahchawlhna kan hmu chuang lo va. Mahni kan han inen a, kan inring zo bawk si lo. Kan mutna a dup nuam tulh tulh a, kan mut a tui lo tulh tulh a; kan ei leh in a tuihnai tulh tulh a, kan chaw ei a tui lo tulh tulh a; sum leh pai kan ngah tulh tulh a, thinlungin tlakchham a ngah tulh tulh si! Kan pawn lam mihring hi siam tharin a awm zel a, kan chhung lam mihring erawh a awng rawp tulh tulh si a nih hi!
Hetianga nun hahchawl lo hi kan Bible chuan “thawk rim leh phurrit phur” a ti. Chung mite hnenah chuan Lal Isuan, “…ka hnenah lo kal u la, keiman ka chawlh tir ang che u,” a ti a ni. Kan mamawh te nei niah inngaiin, khawvelah hian hlimin, lawmin, han lungawi viau thin mah i la, a tawpkhawkah chuan he chawlhna tho hi kan mamawh a ni leh thin. Augustine-a pawhin, “Our hearts are restless until they find rest in you,” a lo ti a nih kha. Isua hi chawlhna dik leh famkim chu a ni e.
September 28th, 2008 at 2:28 am
Hotupa nge nge ziak tha ngei mai. A timi leh a raua chengten in han tih hian a boruak a dang viau zel mai.. kan hotupa weekend hmanga reh vang vang “myself” chhiar atan ka it hle mai. Mumbai lamah hah takin a han kal a, chawlh a mamawh viau pawh a ni thei e..
Ni e, hringnun hi han ngaihtuah vang vang hi chuan naupang inkhualtelem kan ang viau thin a. Kan damlai hunte hi kan chhut ila, chhia leh tha hria a, mi ningkhawng kan lo hriat thiam ve phak chinah phei hi chuan kan vanglai kan lo hmang pel thuak tawh reng mai hi a lo ni.
Mi an ve nan leh rual pawl nan tiin thiamna zawngin kan hun tam zawk zirna runah kan hmang liam a, chumi hnuah hna te thawkin kan han intuak leh a, nupui/pasal neia inhrang kan han chan meuh hi chuan kan zuai thla lam chu a lo ni ta der mai. Engtik hunah hian nge kan hlim ve ang a? engtikah hian nge kan chawlh hahdam ve mai mai tawh ang? tih te pawh hi ngaihtuah loh theih loh a ni fo. Mihring mihrinna atang chuan hringnun hi engmah lo mai a lo ni..tih pawh awlsam tak a ni.
Mahse, kan hmachhawn tur pumpelh theih loh hringnun lamtluang hi kan hmabak chu a ni miau si a nih hi. Hmabak hlen zo leh engkim mai a eng zawnga thlir thiammi te hi khawvela mi vannei ber an lo ni thin.. Kan vanduaina te, kan retheihna te, kan hrisel lohna te, kan hmel that tawk lohna te thleng mai hian lungawi loh pui dawn chiah ila, keini aia vanduai zawk, keini aia rethei zawk, keini aia hrisel lo zawk leh keini aia hmelchhe zawk hi khawvelah an lo tam em em. Engkim mai hi kan thlirdan a zirin a lungchhiat thlakin a vanneih thlak theih viau dawn mai. Lal Isuan, thawk rim leh phurrit phur te dinhmun hi a hrechiang hle niin alang a. An tana chawlh hahdamna pek a tiam hi a ropui hle a ni.
Report this comment
September 28th, 2008 at 2:34 am
Amen!!
Report this comment
September 28th, 2008 at 10:06 am
Hotupa Zorunpuia chu comment tha hle mai, ka tawmpui e.
elcee–dam em? I cute reuh hle mai.
Report this comment
September 28th, 2008 at 12:36 pm
@adelfos i ti lawmawm e,Pathian thu hi kan in remind fo loh chuan hriatreng/zawmreng hi a harsa bawk sia.
@Zorun i rawn sawi famkim lehzual a lawmawm e,Biak In lam kal ve lo te tan hetiang chhiar te hi a hlu zual.
Report this comment
September 28th, 2008 at 12:53 pm
Hotu te nge nge, in kam chhuak in beng a fah thin teh e.
Tha hle mai.
@amanda chu inkhawm i skip ve khauh a ni maw
nizan i inkhawm ve lo mi? nge in sector lamah inkhawm a awm lo 
Report this comment
September 28th, 2008 at 12:59 pm
@Kanidar tlai lam ah kan inkhawm ang chu,nizan kan sector lam inkhawm a awm lo aniang engmah hriattirna ka dawng ve lo tlat mai
Report this comment
September 28th, 2008 at 1:07 pm
Nizan chuan sector inkhawm chu a awm a ni awm e
min lo tawngtai sak ve dawn nia, tunlai kan hna a buai thei lutuk a, hei tunah pawh ka chhuah a ngai leh tep tawh 
Report this comment
September 28th, 2008 at 1:38 pm
Pu adelfos …amen!!
Report this comment
September 29th, 2008 at 2:38 pm
Khawvela kan cham chhunga kan hriatreng tur thu pawimawh tak a ni. A tha hel mai.
Report this comment
July 27th, 2011 at 1:43 pm
ÄÅÌÎÍÒÀÆ ÇÄÀÍÈÉ ÖÅÍÛ…
minny…
Report this comment