Lawm chunga Lalpa rawngbawl

December 15th, 2016 11:45 am by Sangpuiipa

Sam 100-na hi nun kawng hruaina tha tak niin ka hre thin. Ringtu, Pathian rawngbawltu te hian kan nun enfiah nana hman fo tlak niin ka hria.

Lawm chunga Lalpa rawngbawl hi thil harsa ve tak a ni. Mihring nun hi chhut ila, kan lawm hun aiin kan lawmloh hun hi a tam zawk angem aw tih tur khawp in kan lawmlo nasa thin. Lawmna tur kan hmuh nasat poh leh lawm lohna tur a tam mai ni te hian a lang.

A enga pawh nise lawm hi zir theih a ni a. Lalpa rawng bawl tur phei chuan lawm lo chunga rawngbawl hi Pathian pawhin a duh ber a ni lemlo ang. Bible a kan hmuh ang hian Lawm chungin Lalpa rawng kan bawl tur a ni ang. Lawmlo chunga rawng kan bawl hian kan rawngbawlpui te mai bakah keimahni ngei pawh hian hrehawm kan ti thin chu a nih hi maw.

Sawrkar hnathawk kan ni emaw, mahni hna thawk kan ni emaw, kan hnathawhna hmun apiang hi kan rawngbawlna hmun tur a ni a. Missionary a chhuah kher hi Lalpa rawngbawlna a nilo ang hian, kan awmna hmun apiang hi Lalpa rawng kan bawlna hmun tur chu a ni mai. Eng hna pawh thawk ila, lawm chunga kan thawh reng theih chuan kan hna kha nuam kan tiin kan thawhpuite bakah min dawrtu te pawhin nuam an ti ngei ang.

Similar Posts:

Recent Posts:

2 Responses to “Lawm chunga Lalpa rawngbawl”

  1. 1
    Pakak Says:

    lungawi zel chin hi a thra…

    Report this comment

  2. 2
    ahooma_ Says:

    Lawm zel ang

    Report this comment

Leave a Reply

You must be logged in to post a comment.