Mipui Tangrual Pawl tum ber chu ram rorelnaah tun aia tha (Change) siam a, Democracy sorkar dik (Good Governance) Mizorama tundin a ni. Chanchinbu hmanga ram siamthat te, Pressure Group hmanga ram rorelna khalh ngil te, Law Court-ah zualkova ram siamthat tum te chu a harsa hle tih a takin kan hre vek tawh a.
Ram siam thatna hmun dik chu rorelna inchhung a ni tih kan pawm. Mipuite hnena auhlaah pawh, ” Ram rorelna kan neih mek hi a siamthat (Repair) tlak pawh a ni lo a, luhchilh (Replace) a ngai ta a ni.” kan ti thin.Tihdik ngai lai kan hria a, a tihdik dan pawh kan hria. Tihdik hna chu thawh thuai anih loh chuan siamthat harsa khawpin a chhe hman ang tih kan hlau takzet a, hma pawh kan la ta reng a ni.
Ram rorelna keimahni bila luhchhuak tur chuan kan la inpeih hman lo a ni. Chutih laiin, UDA leh MPCC ten thawhpui atan min rawn sawm ve ve a. Phurpui viau lo mah ila, tlem tala “Tun aia tha” kalphung siamna tura chunglam remruat anih takah tiin an palaite lo dawngsawng turte kan insiam ta hial a. Uluk taka vawi thum kan kawm ve ve hnuin UDA chuan sorkar tha siam nana kan thuthlungte min pawmpui theih loh avangin kan inthen ta mai a.
MPCC chuan kan thuthlungte min pawmpui vek thieh bakah kan beisei aia tam seat min chuh tir an duh a. Thawhho rau rau chuan thawhhona tichiangtuah seat engemaw zat luah ve chu tha zawk turah kan ngai ve bawk a. MTP in seat 6 chang turin kan inrem a. Kan din ve rau rau chuan pawl thar leh te zawk kan la nih avangin kan tlangnelna bial luah ngaiin kan inhria a. Mahse, chung bial chu an mi pawimawhte din nana an hualte a lo nih ve si avangin harsatna siam sak ai chuan sorkar tha siam tum nia an lan tho avangin kian vek mai kan thlang ta zawk a ni.
Tun aia tha zawk (Change) hi rorelna huang chhung atanga siam tan tur anih hre mah ila, kan la inpeih lo deuh a ni. Kan thuthlung pawmtu Congress nen hian bial insem zawngin thawkho lo mah ila, sorkar tha siam nana kan policy leh manifesto te, corruption do nana kan duan val Upa Council te kha an tihpuitlin dawn phawt chuan a reltu va nih ve kher hi tul kan ti lo. Beiseina sang tak nena lo enzui hi tawk kan ti.Keimahni aiin kan thuthlung a hlu zawk tih hi kan dinna a ni. Kan thuthlung hi bansan kan tum lo. Eng sorkar pawh lo ding leh se, rorelna tha a thlen hma chuan thawh chhuanzawm zel kan tum a ni.
Sorkar tha (Good Governance) siam tura MTP hmalakna thlawptu mipui tam takin Candidate kan nei dawn ta lo tih inhriat ruala vote thlak loh hial duh khawpa inhnual tur hi kan hre lawk a. Inngaihdamna kan dil rualin in bial theuh Candidate zinga mi dik leh tha bera inhriat ngei kha lo vote leh rih theuh turin kan ngen a che u. Kan ram leh hnam dam nan i thawkho zel ang u.
Source : MTP Resolution.
Similar Posts:
- MTP chuan Congress an thlang ta
- MLA kan ning hma
- Thalai Movement Leh Kei
- MTP te thuchhuah:- Party te ngaihdan
- 2013-ah Sorkar tha
(Y)
October 21st, 2008 at 2:15 am
MTP a ka beiseina fu ber Dr.Lallungmuana, (Pachhunga College) a inhnukdawk daih tih ka hre chauh a. Mizopa zinga ka mi ngaihsan pawl tak dik leh huaisen nia ka hriat Bualhranga a lo inhnukdawk leh daih tawh bawk a. YMM leh Youth 4 Mizoram an inhnukdawk tham ka lo hre leh ta bawk a. MTP hi mi thenkhatten politic tha lo tak hri thehna hmanrua mai em ni? tih te pawh rilruah a lo lut a.
Engpawhnise, Good Governance hi a pawimawh em em. Mahse, an sawifiahna erawh a dik tluangtlin chiah em? tih erawh ngaihtuah tham a tling ang. Mizoramah hian sawrkar aiin mipui emaw Tlawmngai Pawl emaw Zirlai Pawl emaw an thu zawkna a tam em em. Kohhran thlengin. Hei hian zalenna hi chin lem nei lovin kan siam tawh zawk a ni thei ang em? tih pawh ngaihtuah zui a hun ang.
Inawpna DAN felfai tak kan zam a hnu leh kan zawm a hnu good governance chu a ni mai lawm ni? Sawrkar thupek leh Sawrkar DAN zawm lo va, mahse veng chhung leh mahni NGO emaw, Kohhran emaw ngaihdan dah chungnung zawk tlatna ramah chuan good governance hi thil tih hleitheih loh a nihna chen a awm thei ang. Hei ai chuan mipuite moral reform leh dan leh thupekte zawm a, sawrkar thuchhuak zah leh zawm tura infuih te hi kan duty a ni a. Dik lohna leh fel lohna kan hriat te ngaihbo pui mai lo va, sawrkar leh thuneitute finchhuah pawh hi mipuite duty ve bawk a ni.
Report this comment
October 21st, 2008 at 2:22 am
MTP Press Release hmasa ka lo chhiar tawhah chuan UDA nen chuan kalphung ang khat leh thil tum thuhmun ni mah ila, Val upa rorelna leh Seat kan duh zat kan dil te min pawmpui theih loh avangin Seat kan dil zat min pe thei COngress kan thawhpui dawn ta a ni.. etc.. kha niin ka hria a. A copy ka la kawl nghe nghe em aw..
Report this comment
October 21st, 2008 at 8:10 am
Tling dawn chuan loh chuan in hnuhdawh daih mai kha a fuh hmel, vote 200 lek an hmu mualpho ang tih a hlauh awm a lawm maw le. Chuan MTP chu a tira an rawn in sawi vung nen, Congress in a absorb zo ta vek anih chu le!
Report this comment
October 21st, 2008 at 8:19 am
Zorunpuia chu thil i hre advance hret. MTP atangin Dr H.Lallungmuana leh Pu Bualhrangate an inhnukdawk tihte i rawn puang a. Anni pahnih hi MTP body-ah an tel lo a, MTP-a tel MDM-ah erawh an tel a, MDM atangin an inhnukdawk em tih lo zawt leh teh. MTP Press Release ni awm tak, a copy pawh kawl ni awma i insawi khi i hriat sual palh(luih) a nih loh chuan, khitiang press release khi MTP-in an la siam lo e. Khawvel chhiar theih tura zarpharh atan hi chuan thu rintlak deuh zar chhuah i ching ang u. Chuti lo chuan zorunpuia hming kan hmuh apiang dawt tel turah kan ngai palh ang e.
Report this comment
October 21st, 2008 at 8:27 am
Congress hian sorgar na an chang tawh mai ang te ka ti!!!.. An luh belh zel bawksia. MTP te pawh chu an la in ringtawk lo tih a chiang a tia an ti ta maipawh hi an tan chance ttha zawk a awm nge a hmalam ah. UDA te hi chu ka ring chiah lo nan an seat chuh tum rin ai in a tam hle mai.
Ti ve zelteh se!!!!.. Ti hian thlir i la, a tling zawk zawk te lawmpui i la , chak lo zawk te tuarhpui bawk i la ani mai a lawm ni a ral a ttang chuan.. …
Report this comment
October 21st, 2008 at 10:22 am
@tualsiala, ka rinthu a ni lo va, YMM-a ka thian rinawm tak min hrilh a ni. A ni phei chuan MTP leh COngress thawhhona kawngah Vanglaini neitu Pu K.Sapa kan dem hle, a ti bawk. Tin, Lalnunpuia Khiangte tih hming atangin MTP-in thutlukna siam fel tihna thupui hmngin Congress nena an thawhho chhan leh kalhmang tur tarlanna a ni a. TLemte lo tarlang ila:
“UDA-te nen chuan kan policy inang viau mahse Val Upa Council-te min pawmpui ve lo va,” tia sawiin, “MPCC-te pawh kan duh dan leh ngaihdante hriattir ila, ni hnih khat vel nghak ila, an duh chuan kan thawk anga tih a ni mai,”
Heng te hi a ni. Tin, Dr.Lallungmuana leh Bualhranga pawh an bang tawh tih pawh hi a dik niin a lang a, an bang lo i ti thei chiah em?
Report this comment
October 21st, 2008 at 10:25 am
Good Governance lehlin dan chuan duhthu a sam chiah lo a nih hi maw le Tawia Pachuau.
Zoram hian MTP tih ang reng hi kan mamawh lem lovin ka hria. Party thar hi kan mamawh ber niin ka hre lo. Mi tha thlanchhuah ngam hi kan mamawh. Eng party mi leh sa pawh ni raw sek sek, mi dik leh rinngam anih phawt chuan kan vote mai dawn a ni lawm ni ?
Report this comment
October 21st, 2008 at 10:27 am
Congress emaw, UDA emaw MNF emaw sawrkar pawh ni se, Thil tha ti se, a tha em em vek ang. Amaherawhchu Congress leh MNF hian TUM neiin ram hruai an tum a nih chuan an MANIFESTO te hi zir theihin an va chhawp chhuak har em? an nei lo em ni zawk? a tlachawp leh tum nei lem lovin em ni Ram enkawl leh an tum? ralkhat atang chuan an MANIFESTO lo zirchian kan chakin kan duh em em. Rintlak leh thil nithei tur a ni chiah em? etc.. te pawh sawiho atana pawimawh tak a ni. Mahse, hmuh tur reng reng a awm si lo. A hria leh a nei in awm chuan han post teh u khai.
Report this comment
October 21st, 2008 at 10:36 am
Nuihzat thak thin hle mai, Pu Hawla, PIL hmang a khing tu Pu Bualhrang an congress an thawh pui leh thei mai a, chuan an ban san leh vel a mak thei riau mai a, heheheehheehehh
Report this comment
October 21st, 2008 at 10:52 am
he mizoram tan a Lal nih tum hi chu an tam lutuk..
he mizoram tan a Hruaitu tha nih tum erawh hi chu an awm mang lo anih hi…
Report this comment
October 21st, 2008 at 12:19 pm
MIPUI TANGRUAL PAWL (MTP) tih hi a dik lo, a hming phuah anih dawn hian an ngaihtuah chiang lo hle mai. MITHENKHAT TANGRUAL PAWL ti zawk se a dik zawk lo mo…. Mizo Mizpui zawng2 min huap tir veka, kan Support vek si lova.
Mipui tam zawkin an support party ah hian awm ve hle2 sela a tha mai lom mi, Lal châka Pawl thar din chhen leh zuan lawr chhen policy hi mipui hian kan hrethiam tawh. Politics boruak tha lo an vei anih chuan luhchilh sela siamtha turin tan la mai se a tha mai lom mi…
Report this comment
October 21st, 2008 at 2:30 pm
Tukin Zonetah chuan:
Mipui Tangrual Pawl (MTP) chuan Mizoram Assembly inthlanna lo awm turah Seat chuh an tum lova, amaherawhchu Zoram siam that tumtu pawl lian tak ni-a din zui zel an tum. He thu hi MTP Chairman, Pu K. Sapdanga chuan vawiin khan Aizawl Press Club-ah thuthar thehdarhtute a hrilh a, Zoram siam thatna tura an thuthlung pawmtu MPCC nen bial insem zawngin thawkho lo mah sela sorkar tha siam nan an policy leh manifesto-te, corruption dona tura val upa council an duante tih puitlin a nih dawn phawt chuan a reltu-a tang ve kher lovin beiseina sang tak nen lo thlirzui chu an tum ta zawk niin a sawi a, Party huang chhunga luta Mizoram dinhmun tun aia tha zawk a siam chu thil tul a ni tih an hre nachungin an la inpeih hman loh avangin inthlanna a chuh ve chu an tum ta lo niin a sawi a, etc..
Hei hi enge a awmzia? An duhdan a thu maia pawmpui chu MNF pawhin an thei ang chu? Seat 6 pek tawp kha alawm har an tih ber chu.. Seat chuh an tum leh si lohna chhan hi enge a awmzia? an tum ramah an hruai lut tihna em ni zawk?
A thiam leh hria te khan han sawifiah ula..
Report this comment
October 21st, 2008 at 2:37 pm
Anni bak pawh hming phuah fimkhur lo an tam. Mizoram Olympic, Supermodel, et al
Report this comment
October 21st, 2008 at 3:00 pm
Duh tak zorunpuia, ka tih reng kha. mi cc, mi sawi chhawn hi chu sawi chhawn sual palh awl deuh a nia, fimkhur deuh a tha. Pu K.Sapa Lehkhabu sen ziaktu leh Congress hi zawng a inhmeh thei mawlh lo. an hawikir hma hi a tha. Thuthlung pawmpui, inpeih hman lo etc. tih vel hi chu chhuanlam mawihnai mai mai a nih hmel, awmze hranpa a neih ka ring lo. Bum an nih hmaa Pu Sapaho an inveng hman hi ka lawmpui. MLA/Minister nih aia an thuthlung an ngaisang hi, hei lo liam.
Report this comment
October 21st, 2008 at 3:04 pm
Ka hriatthiam loh zawka chu Seat chuh an tum leh tak loh avangin Congress an thlawpna an titawp tihna anih hmel loh a, Congress chhungah awm ve in a hrana seat chuh ve kher tul an ti ta lo, an thuthlung congress in an pawmpui theih avangin.. tihna a ni zawk lovang maw?
Report this comment
October 21st, 2008 at 3:35 pm
Han inrinsiak te hi a nuam ve tho e. An thu ah khian “Kan thuthlung pawmtu Congress nen hian bial insem zawngin thawkho lo mah ila, sorkar tha siam nana kan policy leh manifesto te, corruption do nana kan duan val Upa Council te kha an tihpuitlin dawn phawt chuan a reltu va nih ve kher hi tul kan ti lo. Beiseina sang tak nena lo enzui hi tawk kan ti.Keimahni aiin kan thuthlung a hlu zawk tih hi kan dinna a ni.” tih a awm nain, beiseina sang tak an nei tak tak lo a ni ang.
Report this comment
October 21st, 2008 at 4:24 pm
A tirah chuan MTP hian UDA hi an policy pawh an thlawp deuh zawk a, thawhpui an tum a, mhs an duh ang zat seat leh constituency an hmuh theih tak loh avangin congress an be leh ta a ni. MTP chekkawiho ‘YMM’ pawh an thu a rual thei lova, an committee pawh an boruak a sang khawp mai. Congress thawhpui duh lo an awm ve teuh a, hruaitu thenkhat thawhpui duh tlem an awm a ni awm e.
Report this comment
October 21st, 2008 at 4:44 pm
MTP Inhnuhdawh Chhan Nia Lang Chu….
submitted by angry_youth
Ka thian pakhat YMM a tel ve sawi ka hriat dan chuan YMM member zingah MTP a tel duh lo bakah thawhpui nei duh lo hrim hrim an awm nual thu a sawi a. An Vice Chairman pakhat zawk phei chu ZNP General Secretary fapa ani awm e, amah hian YMM tih phel a tum niawmin a sawi a, MTP in Cong thoh pui an tum ang deuhva a lan avang khan he thu ka dawn hi awihawm ka ti ta riau mai a. MTP hian eng ang kawng chiahin nge Cong nen an indawr phei chu ka hre lova, mahse an inhnuhdawh chhan hi a ril viau anih hmel. Cong ho thusawi ka hriat dan chuan MTP nena an inbiak lai hian YMM member lungawi lo thenkhat chuan thawhho thu an puan veleh YMM lam inhnuhdawh an tum thu te an lo hrilh lawk ani awm e…. kan lo beisei ruk ve deuh pawh hi eng teh ual an ni leh tawh dawn ta lo chu anih hmel a! Vote thlak dawn ta ila tu hi nge maw ka vote tak ang le?? Oldies ho hi chuan min hip thlawt bawk si lo!!
Report this comment
October 21st, 2008 at 4:53 pm
MTP….Pu K Sapdanga ka ngaihsanna a tlahniam rawih tawh! Congress ho mizia leh Pu Hawla mizia hre sa vekin engtinnge thawhpui an han tum hmasak reng reng??? An policy leh manifesto te chu an pawmpui em em ang chu…mahse an tihlawhtling dawn tihna ani leu!!! Mawl lutuk! Tuna an inhnuh dawh lehna chhan an han sawi pawh hi ka awih miah lo…chhan dang engemaw a awm a ni zawk! Engpawhnise, ka ngaihdan chuan MTP hi chu an inti dere zo tawh hrim hrim…eng ang pawhin in sawi mam mah se ..at the end of the day, they are like anybody else…just power-hungry!!
Report this comment
October 21st, 2008 at 5:13 pm
Pu M. Lalmanzuala pawh an bial (Chaltlang) ah MLA a dina tum ve tho va, tumah thawhpuia tum lem lo! Independent-in a ding dawn a ni awm e. A ‘confi’ ve tlat a sin. Patlingin an Ngam a nih chuan risk lak thuai mai tur. Tlin leh tlin loh chu thuhran.
Report this comment
October 21st, 2008 at 11:31 pm
Ka sawi fo tawh angin. Kan than a kin hmain global village in min nang ching a, kan nunzia leh ram kalsiam kan sawh ngheh hmain Media leh thil hrang hrangin kan thlirna tukverh a rawn hawng a. Mahse, a bul(Root) erawh a nghet lo hle mai si. Khawvel thiamna kan hmelhriat rualin chhungkuaah TV, Computer, etc.. current mamawh chi hlir mai kan hman a lo ngai ta a, mahse kan ramah POWER a la chhe hle si.
Kan hrawk leh a no va, a tui tha tha ei kan duh, mahse kan sum lakluh nen a inmil si lo. Khawvel ram changkang zawka khawsate chezia leh incheina te kan hmu a, entawn kan duh, mahse kan nitin sum lakluh leh nunphungin a la pha bawk si lo.
Engtia tih chi nge ni..Hruaitu tha leh vision nei tak ten Zoram hi han hrual tak tak se, kan zia deuh mahna.
Report this comment