Kan tet lai khan Churachandpur( keini chuan Lamka, kan ti mai a) district chhung Manipur state ah thingtlang khua tereuh te a kan cheng a, kan khua ah chuan motor pawh a lokal khat khawp mai. Motor Jeep a lo kal a piang in kan khua chhung a naupang om zawng zawng Jeep/motor en tur chuan kan chhuak vek thin.
Thil thar deuh hlek lo thlen hian kan hmuh ngai loh anih chuan naupang ho hian ka lawm thei em em mai ani. Mikhual te hi hmuhnawm kan ti thei khop mai. Kan lawm leh kan hmuh chak em em chu sipai silai keng leh an uniform nen a lo kal te hi hmuh nawm kan ti em em a, petrolling hian an lo kal thin a, ka alwm thei thin khawp mai. Naupang ho hi kan va leng thin a, an silai te an inbiak pawhna phone te hi ropui kan ti thei hle ani.
Kan inbul ah khan sorkar in hospital tur a an sak tumah hluah loh, thok tu leh doctor te om loh na pakhat a om a, (thoktu nurse leh doctor ho chu Imphal leh Lamka vel ah an cheng thung, thok lovin hloh an la reng mai ani) tah chuan sipai ho an riak thin a, petrolling an lokal zan khat hnih vel a chang in kar khat vel a riah hnu ah, hospital hnuai ah chuan meizial bung biri, cigratte bung kan va chhar thin a, kan lawm thei khop mai.
Sipai ho an haw hnu hian eng e maw ti tak hian lunglen na kan nei ve thin ani. Sipai petrolling lokal hlan kan nghak hlel thei khop mai. Indian army hrim hrim hi kan khua hian kan ngai sang a, Assam regiment a lut tlangval then khat suty an lo haw vai tawng Hindi an hmang te hi kan ngaisang thei teh mai ania. Nula an duh duh an len chhuah pui thei leh nghal. Sipai lubok pakhat khua a suty a lo haw hi chuan Lal an ni ringawt mai.
Hun a lo liam chho zel a, kan tleirawl/rawlthar chho tih ah sipai silai keng hrim hrim huatna ka nei ta riau mai ani. Khoi ah pawh kal ila silai keng an lo pung chho zel a, sorkar sipai ai mah in hman sipai hmuh tur an lo tam zawk ta ani. Voi khat chu kan khua a meitei hel PLA ho silai keng mi 50 vel an lo kal a, an rawn in camp a, keini naupang silai keng lawm hrim hrim hian an bul hnai ah kan va kal a, ani lah chuan min lo hau hrep a, sipai nisi eng a ti gne uniform tial an hak loh aw ka ti rilru a, a hnu a kan hriat chhuah hnu in hel an lo nih vang alo nia, kan sipai lawmna a tawp tlat mai ani.
Ram buai em em ang ni si lo he ti tak a silai keng an tam hi mak ka ti thei khawp mai. An hnawksak thei ropui si. Voi khat chu Churachanpur/lamka a zin kan chak em em a, khopui ah kal ngai hek lo, Bus ah kan han chuang a, phur tak in kan kal a, motor pawh la hmu ngai si lo kha, kan han kal thla ta vung vung a, Singngat leh Lamka inkar kawng te hi nuam kan ti khop mai a, bus ah pawh hian a chung a, bungrua an dah na ah kan chuang a, hlim em em in Lamka hmu tur in ka zin anih kha.
Khua pakhat kan thleng a, silai keng sipai uniform tial ha lo mi 20 vel in min lo ti ding a, in vai in chhuk rawh u kan check dawn an ti a, kei ni a chung a chuang kan nih a vang khan chhuk pawh ka tum lova ka ngawi mai mai, M-16 silai Rambo movie leh war movie a kan hmuh thin ang hi ka hma ah hian min load khum a, i chhuk loh chuan ka kap dawn che min ti a, ka chhuk rang a sin aw. Kha ta tang kha chuan heng sipai ho hi va hnim hnai chi an ni lo tih ka hre chiang kher mai.
Mi pathum bus atang in an pawt chhuak a, thing fak in mi zawng zawng hmuh ah an commander pa tereuhte khan a vaw hrep a, an bungbut tir a, an hnung ah leh an mawng tam ah hian na deuh deuh hian a vaw hrep a, mipui hma a kha ti tak a han in vuak kher chu aw,,,.. ka ti rilru a, an sual ka ti khawp mai.
Voi khat pawh kan khua ah kan in bul lawk ah khan community hall sak zawh hlim a chhuat rora a dah la zawh fel loh a om a, silai keng pawl mi 10 vel an lo kal a, kan thenawm pa an pawt chhuak a, an vaw hrep a, an vuak ri leh an tah ri hi tu pawh hmeichhia leh naupang pawn kan hre thei vek a, an sual ka ti khop mai. Thil an ti sual a, an hrem duh an nih pawn tumah hriat phak lohvah ti se… kan rilru min ti hah thei khawp mai.
Kan hmuh tawh hi chuan emg mah min ti lo mahse ti dek in kan awm thin. Za len lo a sin aw. Vawikhat pawh ka school bang silai keng pawl ho zing a mi pakhat hian min lo cho a, a fiamthu emaw ka ti a, ka nui a, mipa inih chuan tang rawh, min ti a ka hmai ah min rawn hnek a, ka thil tih sual loh ngaihdam ka dil a min ngaidam lo zui min hrek hrep ringawt a, a sual ka ti khawp mai. He ram ah hi chuan justice a omlo khop mai. Right pawh kan nei ta lo anih hi. Kan chep a, mipui hi kan ralti reng mai ani.
India ram a om ni si, Democracy leh constitution tha ber ni a sawi ram a om ni si hian mi tam tak hi chuan liberty kan nei lova, freedom of expression of thoughts, speech, ti a fundamental rights a kan zir te chu khoi ah, om lo ang ani mai. Indo ralbuai khovel hrait a nei si lo hian, a ral muang lo em em hi chu pawi tak a ni.
Thil mak ka tih em em pakhat leh chu, America (US of A) hi khovel a hmelma nghah ber ni si, a ram chhung ral muang em em te hi mak thei ka ti khop mai. Hmelma ngah ber nisi hian sipai hmuh tur a om miah lo te hi an van nei khawp mai. Silai zorhna ah kal ila a om treuh mai.. mahse tumah a duh apiang in an lei thei lova an lei theih pawn, mi vau nan leh hel ho hman ang a pawisa dil nan a hmang a om vak lo te hi a mak thei khop mai.
Misual pawn right, criminal justice te hi an nei thei tlat mai ani. Police in min man ta se, ka lawyer ka call dawn tih chuan police pawn an man thei ngawt lo. Kawng lai a police pakhat petrolling a kal te hi, manipur vel nise chuan an silai leh an thawmhnaw an lak sak vek ang tih te ka ngaih tuah mai mai a. America ram hi chu a nawm em em na pakhat freedom tha tak nei si hian, law hnuai ah mi zawng zawng an om vek a, a nuam khop mai.
Law abiding citizens an ni a, chu chu kan ram te nen a in thlau ka ti khop mai. Emergency respond a tha si. Voi khat pawh kan thenawm ka neighborhood ah nupa in hau in sual, an pa hian chemte nen a vaulai mi pakhat in a hmu a, 911 emergency a call a, minute 3 vel tih ah police leh swat team ten kan neihborhood chu perimeter an set a, road an khar a, SWAT team ho hian ambulance leh Jail motor hmang in mi insual te nupa chu an la chhuak a, an respond tha kan ti khop mai.
Kawng lai ah accident om se, khoi lai ah pawh 911 call in la police car chu minute 1 vel ah an lo thelng zung zung mai. Kan ram ah ve thung chuan sipai silai keng tam em em si hian buaina emaw mi that tum hmu in ko ila tumah min chhanchhuak tur an lo kal kher lovang. Sipai tam na apiang a ralmuang kher lova, tlemna a piang a hlauhawm kher lo, tih hi ka hmu chhuak. Law enforcement hi kan ram leh mi ram chu a in thlau khop mai.
Similar Posts:
- US chhung sipai hmuna inkahna rapthlak ber
- Young guitarist
- B’lore tlangval vanduai
- Ramar nupa
- Software news site
October 23rd, 2008 at 4:43 pm
Kan ram te chu mi phakar, mahni hmasial, Kristian anga tak a titi a mahni pawn kan thusawi zawm chuang silo ho awmkhawmna kha a ni tlat alawm. Tumah kan in ring tak tak lova, No Smoking chu, mei zu rawh tihna angah kan ngai a, ziah pawh mawilo tak, chil chhak suh tih te kha chil an chhakhum a, motor khalh tu ten mihring kawng cross an dim heklo.. an lirthei taksa a changzawk tih hre ranin, a mihring pui te kha motor akhalh vangin kawng ah a tlantir lawp lawp a…kalkawng motor in an in chuh bawk a. Hetiang ho te te pawh kan pumpelh/siamthat kan tum si loh chuan…a chhuk zawng hlir a kal a ni mai…future chu
Report this comment
October 23rd, 2008 at 6:28 pm
A van hrehawm hmel em em in khua chu. Kan tet laia sipai ka hmuh ve chhun chu inthlanpui dawna kan hmuh hi ani deuh mai, mizoram nge nge alo peaceful e! In han sawi tak tak chuan mizoram chu alo vannei zawk fe anih dawn hi, rambuai tawp hnu ah chuan. Australia ah phei chuan sipai ka hmu ngailo reng reng. Australia Day vela an parade pawn veteran ho leh an chhung te ho Putar/pitar/naupang ho wheelchair te nen an rawn in nawr chhuak thin!
Khawlaia sipai in parade vak vak ching leh ralthuam show vak ching ho Russia te, North Korea te, India ram te hi chuan security an tlakchham vang zawk ni awm tak ani.
Report this comment
October 23rd, 2008 at 7:04 pm
Manipur hi a lo hrehawm awm mang e. Nimin TOI in a chhuah dan ah kha chuan an fate an state a lehkha zira an awm pawh an duh tawh lova, a thei apiang chuan an in thawn chhuak a ni awm e. Khawngaihthlak hlawm ngawt mai.
In khua chu awww, hrehawm awm mang e. Tuarchhuah tih vel lah vision chauh a la nih hmel bawk si.
Report this comment
October 23rd, 2008 at 11:29 pm
A dik Wish_Bone Manipur mi hi state hrang2 ah lehkhazir leh hnathawk an tam em2,helna chi hrang2 avang in an nun a ralti a,Manipura awm ai chuan a thei hram chuan puk chawp pawhin hmun dangah an in thawnchhuak thin.
Report this comment
October 24th, 2008 at 2:20 am
Aryan chu sawi awm ang teuh fia fia ka ti
ram dang i sawiloh ho te hi chuan vanlam ah an show thung alawm..ni lawm ni… airshow a tam mawlh mawlh khawp mai hi maw
Report this comment
October 24th, 2008 at 4:01 am
Airshow pawh helamah chuan an uar chuang lo, fighter thlawk ri pawh kan hre ve zeuh zeuh ani. Mipui hmuh a military prowess show vel hi tul an ti hranlo aniang.
Report this comment
October 24th, 2008 at 4:09 am
Kan awmna ah pawh fighter thlok ri chu kan hre ve reng thin, chuan thlawhna pangai ani leh hehehe
Bangalore vel a airshow an tih ang hi chu an ti ve lo khop mai… US of A ah hian an ral thuam mi hmuh in an dah vak lo ani ang..ram dang ah te an dah ani ang heheehe
Report this comment
October 24th, 2008 at 5:05 am
e khai..ccpur ngei mai khi ni..ka lungdum tu chu…kan veng Thingkangphai ngat phei khi chu nuam chiang…silai keng ho te mai2 chu…..!! hlauh vak tur an ni lo…an zurui pawr viau leh…an hotute hnenah report vat mai tur. mahse silai keng tam lutk khian nun a ti hahthlak!!… one thing ccpur kan van neih na em em chu Police commando an om ve lo khi….awm se chuan civil ho khian kan va tuar nasa don em!! an mawl si….. 97 buai lai te kha..min ti hre chhuak zawk mai a…!! huiham..
Report this comment
October 24th, 2008 at 5:07 am
@picktwelve: Singngat leh Lamka inkar kawng te hi nuam kan ti khop mai a, bus ah pawh hian a chung a, bungrua an dah na ah kan chuang a, hlim em em in Lamka hmu tur in ka zin anih kha…… Vel Kum(zezaw bus) tih vel min ti hre chhuak zawk mai….an bawr laih2 thei chiang a lawm…ti raw? bus chung ah chuang kha chu nuam kan ti tlang ani.
Report this comment
October 24th, 2008 at 5:24 am
Ka pa Sangzuala (Laisaizawks) Ku, Muanga te chhung kha an dam tlang ang chu maw… ka hmuh lohna a van rei tawh tak em…
Report this comment
October 24th, 2008 at 6:36 am
Awzzman: EE khai a lung i ti leng khop mai zezaw han sawi tak ah chuan… zezaw kawng chho phei chu nuam khop mai..voi khat pawh bus a tlu vel mawle….. bus chung ngei a chuan hi a lo nuam anih hi… aizawl ang ah te hian ti ve se an zawng chhang ang mole..heheehe
Report this comment
October 24th, 2008 at 12:21 pm
Ram buai hi a rapthlak a, mizoram buai lai tak tak hre phak te chuan ram hi a buai leh ang tih an hlau a, mahse kan politician ten dim lo taka maia ram an chin leh chuan, rambuai hrephak tawh lo thalai ho hian silai an pu a nga, kan buai leh ang tih hi kei chuan ka hlau zek zek.mahni ramah pawh awm ngam loin, kan tlan chhe darh leh a nga, tlem nak a laiin kan pherh vek mai ang.
Report this comment
October 24th, 2008 at 5:55 pm
AWZZMAN: “Vel Kum” Bus chu lung va ti leng duh ve…. Singat Bus hi an han bor thei mai mai khopa(h)! Bus chungah hian thing fak leh meihawl an chherchhuan ur a chumi chungah chuan passenger an han chhuang leh mai thin hi chu kawng koiah te hian an awn ruai ruai zel mai mole… DEN mai mai…. mahse a chhuang thang ho chuan engah mah ang ngai lo reng reng nia mole….
Truck duh tawka an han load khat tan phei hi chu… khat tak a ni… Unload theih toh loh thin…
Zezaw phei chu lung ti leng zual, kan naupan lai chuan tofee siam nan fuu kan her thin……. Zezaw phei chu a hlui ve toh lutuka an khaw lal-in a lalna a hralh daih ni om e.. mizo khua poh ni toh lo..
Report this comment
October 24th, 2008 at 7:26 pm
picktwelve chu khawi state-ah nge i awm a? 2008 US Mizo Directory thar release a ni tawh a nia. Manipur hrim hrim hi a ralmuang lo zawng a ni e. Democracy ram-ah awm mahse, tun dinhmunah chuan Manipur ai chuan thenawm Burma lam Tamu leh Kabaw phai vel saw a ralmuang zawk zamah mai thei a ni. ccpur area saw chu nuam viau mahse a ruh no no chhuahna tur a ni ngei ang. Peaceful taka thil a la inher ka beisei.
Report this comment
October 24th, 2008 at 7:26 pm
@picktwelve – i va lo awm hla tawh re2 ve a….
Mizoram buai kan hre pha bawk si lo, Manipur-ah ka awm ve bawk si lo a, ram buai hrehawm tur ka hisap thiam ve vak lo.
Ka pi erawh chuan buai laia an buai theih zia min hrilh thin a, vawi khat chu sipai ho-in an khua an hal dawn a, an neih ang ang kha chuh tumin an buai a, ka pi chuan an thingrem lian, an roh ve em em chu hnama phurchhuah a tum a, inchhung a lut chu a hamhaih zo vek ni ngei tur a ni, “Hnam ka bat a, vawkchaw bel ka chawi chhuak ringawt e,” a ti.
Report this comment
October 24th, 2008 at 10:07 pm
riangtleii: Mizoram buaikum an tih tak hi 1966 kha a ni a, a chhan tak alang chu…India atanga indan tum a inkah tan kum kha a ni awm e. Mahse, 1986 hma zawng kha rambuai kan ni reng tho… 1986 hnu ah a mi i pian
Report this comment
October 24th, 2008 at 10:34 pm
Pu HV, 1976 hnu lam kha chuan boruak rit lutuk a awm meuh tawh hleinem, ’80-86 phei chuan remna thleng tawh ang mai a ni. Riangtleii hi buai kum khan dawrawn phurin tlanchhe zak zak tawh nise misual-ah hian a rawn lang peih tawh nang!!
Report this comment
October 24th, 2008 at 10:52 pm
USA -ah dan lo angin, tute emaw nagin pem ve mai la, duh leh nupui Burm a lam pem thlate zuk nei ve la, churachanpur chu i ngai vak lo vak lo mai thei asin.
Report this comment
October 24th, 2008 at 11:30 pm
muantea: a dik khawp mai.
crocs: tunge i sawi chhan le. Mi rilru te i ti na palh dah ang e, khatiang tawngkam kha chu hman loh duh a tha ngai e. A thu hrim ah South American, Central American te angin Mizo te hi dan lova USA lut hi an awm manglo asin. Mizo kan felna ve tak pakhat a ni awm e. Sawi loh a finthlak ber thung.
Report this comment
October 25th, 2008 at 12:25 am
Manipur hi an khawngaih thlak teh mai a nia o! Hel pawl chi hrang2 an tam si, pawl 1 awm deuh niawm a an hriat chuan pawl dang in kutthak hnawih nan tak an hmang zel bawk sia. An thlavang hauhtu atan a an dah army ho lah hian remchang chuh in mipui te chungah hleilen nan tak hmang bawk sia…myanmar of the west a ni ringawt! Tun thawhtan (21st oct) pawh khan an khupthuk (lagao) khelh kha an rilrem zawng a ni lo avangin hel pawl 1 chuan an bomb chilh a mi 11 in nunna an chan phah…
Report this comment
October 25th, 2008 at 3:18 am
crocs: min sawi chhan deuh ami le… usa ram ah hian illegal a awm ka tum lo.. chuan manipur ah kan awm toh hek lo va..min lo ngaih tuah lung ngaih pui lo mai rawh .. a lawmawm hrim hrim e, nupui ah chuan kan hmangaih tak te nen a in neih a tha zawk…i ti lo maw? hehehe
Report this comment
October 27th, 2008 at 12:40 pm
picktwelve chu hreawm i tawng nasa ve a nih chu helho vangin, buailai paihte leh kuki buai te khan a hreawm asin aw!!!!!!!!!!!
Awzzman hi ka hre sim2 ang thingkangphai a mi a nih chuan
Report this comment