Krismas Changkang Tak dan zia hi…

December 24th, 2008 9:24 am by Raldawna

Tunlai krismas a changkang ta hle mai. Kan naupan lai kha chuan (ti ve khanglang ila) Krismas tukah dawhthlak kan han dawh a. A hma nia kan lei tho kha. Mas putar a awm kan ring em em tho! Ran talh naah kan kal a, a saphing mipa naupang hovin rah hrual hrep hnuah kan hampuar pawp a, kan pet zui mai. Vur kan dawh thul, a tam mai. Naupang chat pawh ka hmu ngai tawh mang lo. Krismas naupangin innocent taka kan hman thin kha a reh ta deuhin ka hria. Krismas kha anih ang angin kan lawm mai a. Tunlai chuan a dan a dang ta (ka sawisel pawh ni chuang lovin). Isaac Asimov chuan ‘hun rangkachak hi a awm hranpa chuang lova, ka hun kal ta theuh kha hun rangkachakah kan ngai mai a ni e’ a tia. Tak tak ni maw…

Delhi Mizo ho pawhin vawiini hian vawk kan talh ve dawn tlat mai. A mas ve hmel khawp mai kum dang ang lo takin.

7 Responses to “Krismas Changkang Tak dan zia hi…”

1
mirage_isme Says:
December 24th, 2008 at 11:24 am
Raldawn, khawi ah vawk chu an talh dawn, kei pawh Delhi ah tho ka awm a, ka lo kal ve teh ang…i phal chuan !!

Report this comment
2
father_sphinx Says:
December 24th, 2008 at 4:34 pm
vawiinah kan talh tawh (ka en ve alawm).. . Raldawna camera khian thla ka laksak hnem ltk. A peih leh rawn post leh rawh se… naktukah ruai theh dawn. mwahahaha

Report this comment
3
chhana Says:
December 25th, 2008 at 2:09 am
In vawk buaipui lai pic hi ka save tawh. Krismass vawksa ei tui u Delhi leh hi lo amite pawh.

Report this comment
4
chawnghilh Says:
December 25th, 2008 at 5:26 am
Vawk hmul kha in rawh tawp mai em ni? Pu V. Roshiama ten vawk hmul an lei duh thu an la tarlang ngai em? Ka thil hriat hi a MUSEUM thei ve raih raih khawp mai!

Shillong lama zirlai kan nih lai chuan vawk talh nikhuaah ka intithu thei khawp a. A kawchhung kan phawrh hnuin tuisovin vawk kan han leih te te a; saiip puan tuisova chiah huhin kan han tuam leh chiah a. Minute 15 hnu velah a hmul kan pawt kawlh vek a. Vawk hmul hi SHOE BRUSH hmanrua atan khatih lai kha chuan an duh viau thin a. Meichherin kan han hliau ta cherh cherh a; a uk tha thek thawk ta maw tihin, lungthapin kan han nawt a le, a khawk duak duak mai a. Vawk kan puah thianghlim thei hle. A thianghlim bawk a niang, a vun kan hip a. Kan ei mai. Coconut nen a inang khawp mai.

A kethiah chhum pawrh hi a tui duh khawp. DAWH-KHLEIH an tih kha a lu sawngbawl vel kha ni tain ka hria; tui ti taka kan han ei thinte kha a lo hlimawm awm mang e. Vawk-bawl, a buhfai hi thenfai hrep ai chuan paih mai a hlawk zawk.

Report this comment
5
triplestar Says:
January 2nd, 2009 at 8:53 am
‘Krismas Changkang tak dan zia hi’ …’Changkang’ tih lai tak hi, he centence- ah hi chuan ‘Changkan’ (modification of changkang) tih ni ta se a thu kal a marin mizotawng kal hmang pawh a ni deuh law’ng maw. e.g Krismas changkan tak dan zia hi..thanks

Report this comment
6
Raldawna Says:
January 3rd, 2009 at 11:27 am
A ni tho mai. Ka lo ngaihtuah lem lova ziah lai khan. Zo tawnga hetiang thu te te hi ngaihthah a awl khawp mai. Tin, Chhim leh Hmar, Khawchhak leh Khawthlang hi kan tawng kauchheh a lo dang bawk nen…

Report this comment
7
Kimas Says:
January 3rd, 2009 at 12:07 pm
Krismas kan hmandan hi chu a dang chho zeldawn niin a lang a. he dang zel hi engtinge a tha zawnga a than chhoh ang tih hi creative taka kan ngaihtuah tel a tha viauvin ka ring. Mi hnam tihdan lachhawng kual vel ringawt leh mingo ho tihdan apiang changkang leh tha zawka ngai kan nih chuan kan hnam hi kan ngaihtuahawm ngawt ang. krismas hi mizo ve taka hman dan te hi ngaihtah chhuak thei ila, khawvelah pawh contribution kan nei zawkin ka ring.

Report this comment