Vawiin Ni 30.12.2008 tlai dar 3 khan ‘ZOLUANKAWR’, Pu C.Chawiliana ziah chu Pu P.L.Liandinga’n a tlangzarh. He lehkhabu ah hian Pu C.Chawiliana hian thupui chi hrang hrang hmanga a thu ziak chi hrang 35 a dah a, chhiar man hla tak leh Mizo thu leh hla hausakna belhchhahtu a nih ngei a rinawm.
Tlangzarhtu Pu P.L. Liandianga chuan “he lehkhabu hi a thatna emaw that lohna emaw ka sawi dawn lova, chhiar ve phawt ula ngaihdan chu in siam dawn nia. Lehkhabu reng reng hi kan chhiar hun a zirin min hneh dan leh a ngaihnawm dan a danglam thin a, chuvangin he lehkhabu hi a hun takah in chhiar dawn nia” tiin a tlangzarh a ni.
Ziaktu Thuhma
Mizo hnahthlak, ram tin leh hmun tina chengte hian kan hnam dam khawchhuahna awm chhun chu hnam inpumkhatna a ni tih hriain inpumkhatna lam hawiin ke kan pen mek a. Mizo hnahthlak hrang hrang tawng pawh hi bul thuhmun a nihzia hriain kan thu leh hla pawh ZOLUANKAWR panin a luang khawm mek niin ka hria a; chuvangin he lehkhabu hming pawh hi ‘ZOLUANKAWR’ tih ka sa a ni.
Tuna kan Mizo tawng hi Zo hnahthlak hrang hrangte tawng infin khawm, Zofate hnam khata min phuar khawmtu, Mizote min ti-Mizotu, kan hnam ro hlu Pathian min pek chu a ni. Mizo hnahthlak hrang hrangte tawng inhman tawm tur, ‘TAWNGPUI’ (Common Language) atana Pathian lo buatsaih a ni. Kan hnam ro a ni a, a humhalh leh a tih-hausak hna pawh kan kutah bawk a awm.
Thu hman dik loh leh a dik zawk inkawhmuhna te, hla thu hman dik tawk loh leh lam sual thinte sawiin a dik zawk nia ka hriat ka ziah te, mi mal thu leh hla phuah bihchianna thenkhat te, lemchan leh hla thiltihtheihzia te, Mizo nunphung (culture) lam hawi te, pi pute zer leh sang, puithuna lam leh thu rochhiah te, thusep thenkhatte zirna lama Zirtirtu, nu leh pa mawhphurhna te, Zo hnahthlak hrang hrang inpumkhat nan Mizo tawng tih ka ziahte hi ‘ZOLUANKAWR’-ah ka khung khawm burh mai a ni. – C.Chawiliana
Cover:
.
Similar Posts:
- RAM LEH HNAM HUMHALH – IV
- Mizo hnahthlak inunau nan Mizo tawng
- Tute nge Mizo?
- Zohnahthlak inpumkhatna kawnga Ralteho entawn tlakzia
- Mizote Chu Mizote Hi Kan Ni
January 2nd, 2009 at 10:34 pm
Tuiluankawrah chuan tui a luanga,Zoluankawrah chuan Zo=Mizo kan luang dem dem dawn a ni maw?! Post-a a inziak dan chiah hi a ziak dan a nih chuan tawng dik chungchang sawitu chuan punctuation a va thiam hlel deuh ve ka ti ang.
Report this comment
January 2nd, 2009 at 11:47 pm
Mizo trawng kan tih mai hmang duh lo, mahni hnam trawng chauh hmang duh (eg: hmar, paite, kuki, zomi) te ngaihdan hriat a va chak awm ve le aw!! He lehkhabu hian rah tha tak chhuah ngei teh se.
Report this comment
January 2nd, 2009 at 11:50 pm
A punctuation hman dan dik hlel lai chu han tihlan a va tha ve maw le,ka hmu thiam em em ve tlat lo,kei misual hian.
Report this comment
January 3rd, 2009 at 12:00 am
Hmar etc. hian kan tawng Mizo Tawng hi chawisan zir rawh se.Mahni hnam bil tawng lo tihlar tum ve phet hian min tipumkhatin ka ring ve lem lo.Zoluankawr ziaktupa ngaihdan hi k tawmpui khwp mai.
Report this comment
January 3rd, 2009 at 12:42 am
Dik chiah,a thente phei chuan Mizo kan nilo te an ti leh nghal…!!!!Tawng a hran nuaih chuan impumkhat chu har tak tur ani…
Report this comment
January 3rd, 2009 at 6:41 am
INhnial in tan leh dawn a ang. Tawngkam mawi chauh hmang ila. He thu hi kan debate hrep tawh.
Report this comment
January 3rd, 2009 at 6:54 am
N e. Tawngkam fimkhur ila a tha khawp mai. Ngaihdan an sawi a nih pawhin generalize vak lo ila. Kan ngaihdan mai anih thu hi sawitel thin bawk Tin dialect speaker te hi duhlian (mizo tawng) anhmanloh vanga Mizo ni lova puh ngawt hi a dik ber em tihte hi ngaihtuah chian a tha. Mizo identity hi engnge ni tih hi ngaihtuah chian a tul khawp mai. Eng hian nge mizo min nihtir ber?
Report this comment
January 3rd, 2009 at 7:00 am
A ziaktu hian tui hi zofateah tehkhinin, tuiluankawr chu ‘Zoluankawr’ a ti a, hmun hran hrana tuite chu he kawrah hian an luang a, tumah insawisello leh inhmelmakna awm miah lovin, hlim takin an tum lam panin an luang dem dem ani, nang ‘Tlawng tui’ i ni, nang ‘Tiau tui’ i ni, an inti lo. Keini zofate intite hi he ZOLUANKAWRAH hian ‘bik bik’ awm lovin kan luang ve thei angem le?
Report this comment
January 3rd, 2009 at 7:02 am
wonderboy… ka blessing ka pe e:D
Report this comment
January 3rd, 2009 at 7:47 am
@Dinthara, GPRS ka hman avangin punctuation diklo han tihlan vek chu a buaithlak riau mai. Suffix hman dik loh a awm nual, coma dah huna dah loh a awm bawk.’zer leh sang’ hi txping mistake-ah ka ngaih mai loh chuan a awmzia ka hre lo. Engpawhnise, lehkhabu tha tak a nih dawn hi, duhsakna ka hlan e.Nei lo chung pawh a lei ngei chu a va ngaih hmel ve!
Report this comment
January 3rd, 2009 at 8:11 am
He lehkhabu hi ka chhiar chak khawp mai. Kan mamawh khawpin ka hria.
Thudang alai chuan mizo identity hi kan buaipui a tul viau lo maw? Identity tih lemah mizo kan nih phawt chuan kan bat leh tih ngei ngei tur nia ngaihte hi clarify ila a that ka ring. Tunlai thangthar naupang zawkte hi Mizo society/Mizoram pawna seilian an tam tawlh tawlh a, mizo nih awmzia pawh hi a confusing tawlh talwh dawn a va ang ve le. Mizo tawhphawtin kan tihtur leh riltu put dan tur tlangpui tal hi duan fel or sawichian a tha viau lo maw? E.g- Mizo nih chuan tlawmngaih tur, aia upa zah thiam, mahni mzio uite zahthiam, taima, huaisen, mi tanpui, etc etc Kan hnam zia hi thagtharte hriathiam zawnga sawi thar a tulin ka hria.
Report this comment
January 3rd, 2009 at 9:47 am
va chhiar chakawm hluah hlauh ve
Report this comment
January 3rd, 2009 at 10:37 am
‘zer leh sang’ lai hi a post tu-in ka type sual a ni e. He lehkhabu hi chhiar vek thei ila, tichuan kan ngaihdan te, sawi sel ngai lai te sawi sel ila….
Report this comment
January 3rd, 2009 at 11:35 am
Zoluankawr chuan tawng mai bakah identity thil a khawih thui hmel riau mai. L Keivom Zoram Khawvel 4 (?) identity kha kan rin rawlpui ber chu a la ni si a. Zohnahthlak dang unau ho lah hian identity hi an thupui ber a ni a. Mizorama awm tam tak pawh an ngaihdan hian a hneh tan hmel viau. Ram tereuhte hi Hmar bial, Paihte bial, Pawi bial, LUsei bial bial etc… in kan in then phung mai ang tih chu a hlauhawm khawp mai. Zoram hi chu luankhawmna tur a ni.
Report this comment
January 3rd, 2009 at 4:44 pm
Chakma leh Bru ho bial pawh….
Report this comment
January 3rd, 2009 at 7:05 pm
Kan office-ah chuan Hmar 2 lek pawh inbia se, midang awm khawmna ah pawh, hmar trawng an hmang kher zel, chu chuan inpumkhatna a titha lo deuh chuan ka hria.
Hmar kan ni emaw, paite kan ni emaw, Ralte, Sailo, Pachuau..etc eng hnam pawh ni ila, zo hnahthlak kan nih phawt chuan MIZO nihna ah hian lungawi ila, trawng pui bera kan neih ‘mizo tawng’ hi hmang uar ila, hnam lian takah insiam ila tichuan kan lo ropui zual zel anga, he khawvel ram zauvah hian survive -na chance pawh kan ngah deuh ang. hnam tlemte hnam ropui leh ding chhuak an awm ngai lo.
Report this comment
January 3rd, 2009 at 7:23 pm
@ triplestar, a dik ka ti khawp mai.Zoluankawrah chuan lungrualtakin luang za ila,…fimtakin i luang tlang teh ang u khai…a nu deuh leh dum deuh te pawhin a fim te kan zawm ve theih hi a pawimawh in ka hria..ka ngaihdan mai mai..
Report this comment
January 3rd, 2009 at 7:47 pm
Dik chiah, hnam hnam ti a kan inthliar chuan kan tlem si a kan threnawm hnam te hian min chim ral mai ang, inthren darh tham hlawl hi kan awm lo a sin. Kan ram zim te pawh kan la luah khah theih hma in ‘Family Planning’ kan tia kan la han inhrek tlem lehnghal te hi chu ka ngaihtuah chhuah chang hi chuan ka thinrim urh thrin. Family Planning kan kalpui dan hi eng nge in ngaih dan ‘misual dot comer’ ho hian
Report this comment
January 3rd, 2009 at 7:58 pm
PL Liandinga zawkkhi hmanah khan a lehkhabu ziak emawni vangin Chanchinbu ah hming ti lang gnam si lovin an bei vak tawh in ka hria.
Report this comment
January 3rd, 2009 at 8:10 pm
writer ho hi chuan beih hi an tawk fo, ‘mipui an thuhmun fo thei lo’ tih kha alo dik a ni e
Report this comment
January 3rd, 2009 at 8:28 pm
Zofate hmunkhat a luanza ho kan duh tak2 chuan hnamah chiang ila, Mizo tawng peng hrang2 te pawh respect i la, Mizo tawng tawng fiahlote pawh nuizat lo ila, unaute hmusit hi sim ila chutichuan Mizo nih duhlo leh Mizo nih chaklote pawn Mizo nih an lo duh a nga, Mizo nih an lo chak tawh nge ka ring.
In ti Mizo em2 si hian Mizo hi tute nge tih hre lo hi kan tam hle a, hnam, chi & kuang te hi hrehrang ila. Tawngkam mawi leh tha zawk hi hmang thei hram2 i la, chi bing inlakhran & invawrsan tumna te hi bansan i la tun ai hian Mizo-ah hian hlim takin kan luang za ho thei ngei ang.
Report this comment
January 3rd, 2009 at 8:39 pm
MIzo ka ni ti duh lo leh mizo te buaina min thlen fotute hi chu mizo a seng luh kher pawh hi trul ka ti lo..ve tlat mai a. Mizo nih nuam ti ho zawng hi MIZO ah hian hlim leh lawm takin awm tlang dial dial ila thra mai lo maw, thil tha enge maw tih a mahni hnam bil chawi lar a buaina enge maw tawh hlek a chhan beisei vanga intimizo leh hle si te hi an awm thrin em kha(h)..
Report this comment
January 3rd, 2009 at 9:00 pm
ZULUANKAWR ti a chhiar ka tum phet chu maw le… A bu chhung thu chhiar ve a chakawm khawp mai.
Report this comment
January 3rd, 2009 at 11:12 pm
“Cheraw Kan” lam thung sawi daih teh ang….hre zawk in awm ka ring!!
Ram hrang2 a awm kan awm nual a….. ram dang ah (particularly Asia) hian Cheraw Kan hi an lam a nei ve in hria em le!!!
2008 Miss Universe Vietnam a anneih ah khan…. Cheraw Kan kha an ti lang a, mak ka ti khan!!! wow!! khei chu kan hnam lam kan ti sia…… tu te nge helam hi “Hnam Lam” ah lo nei hmasa zawk ang le!!! Vietnamese ho hian kan lam an hmu a….an lo copy ve a ni thei ang em!!!! nge kan pipute hian Vietnamese ho an lo copy zawk!!!
Hria/hmu in awm chuan lo sawi teh u!!!
Sorry topic dang deih ka rawn sawi a!!!
Report this comment
January 3rd, 2009 at 11:35 pm
Mizo chu mizo nih duh chin zawng chauh hi an niin ka hre mai mai.Hnam dang hlak pawh mizo nih duh tlat chu mizo tho an ni e.Zohnahthlak zingah mizo tiha la lungawi lo nih duh lem lo chu mizo ah kan chhiar thei ngawt lovang.mahse mizo tihah lungawi lo mahse kan unau nihna,zohnahthlak unau,leh thlahtubul,chhinlung chhuak kan nihna erawh a bo chuang lo.
Report this comment
January 3rd, 2009 at 11:37 pm
Drake hei hi chhiar chhin teh,a pui maithei che asin;
https://www.lengzem.info/index......;Itemid=53
Report this comment
January 4th, 2009 at 12:04 am
Zoluankawr chu chhiar a va chakawm ve!!
@Drake Chinese hovin Taipei ah an kan ka hmu tawh e,mahse an ni chu hmeichhia leh mipa in cheraw hi an kan a, an ka mau dah dan leh an kan dan erawh chu a dang khawp mai, anni chu an kan rang em em a,keini kan dan aiin a mawi ka ti zawk, an traditional dress nen an lam ve tho.
taia-pa nia Mizo chu mizo nih duh chin zawng hi mizo kan ni mai
Report this comment
January 4th, 2009 at 12:33 am
Chhiar ve ngei tur a nih chu.
Report this comment
January 4th, 2009 at 1:30 am
Cheraw ang deuh chu assamese tribe 1 pawn an nei, an hnam hming ka theihnghilh daih chu le!!
Report this comment
January 4th, 2009 at 1:34 am
Phillipines ho khian cheraw ang deuh chiah hi an nei ve. An kan dan erawh chu a dang deuh. Mipain an kan ve.
Report this comment
January 4th, 2009 at 7:00 am
mau nei ho chuan an kan deuh vek anih ber chu maw? Thai ho pawh khian an kan, mipa pawn an kan ve.
Report this comment
January 4th, 2009 at 8:40 am
@drake, nikum khan Asian food & culture festival Wellington-ah kan nei a, keiniin Lai cheraw(Mizo cheraw nen tlemin a dang deuh) in kan lam a, Philipine-in an nei bawk a, Thai ho an nei bawk a, Cambodian hoin an nei bawk a, Vienamese-in an nei bawk kan kan/lam dan erawh a in ang lo vek.
Chulo pawh Malaysia Saba ho hian an nei ve bawk a, China a tribe thenkhatin an nei bawk a, Aferica tribe chikhat pawn hmawlh nen an kan/lam chi an nei ve bawk. Youtube-ah hian “bamboo dance” tih khan zawng la a awm deuh vek.
Report this comment
January 4th, 2009 at 8:42 am
chepa: kumthar chibai
Report this comment
January 4th, 2009 at 8:42 am
Mizo in bamboo dance kan neilo, cheraw erawh kan kan thin
Report this comment
January 4th, 2009 at 9:23 am
H.V & misual dot commers zawng kumthar chibai u le. Tlaikhaw hnuah ka rawn ti ve talh.
Report this comment
January 4th, 2009 at 9:42 am
Chibai u le…
Report this comment
January 4th, 2009 at 1:02 pm
Dik chiah…kei chu Bamboo Dance in tihsak fo mai hi tha ka tilo tlat..hnam dang ho pawhin an lam thiam lo anih pawhin an thiam ang ang in “Cheraw”an ti ve mai tur ani..ka ngaihdan.:-)
Report this comment
January 4th, 2009 at 4:35 pm
Thank You Guys!!! chuti chu mngolian thlah chuan Cheraw Kan chu kan lo nei vek nih dawn chu!!!
Chepahakhat Mizoram ah hian “Lai” lam anti bik em, Lai ho in kan lam anti bik in ka hria??
Report this comment
January 4th, 2009 at 5:46 pm
C.Chawiliana chu a hming ka va hre ngai lo em em.Chhungte chah ve ngei tur a nih hi.’Tuna kan Mizo tawng hi Zo hnahthlak hrang hrangte tawng infin khawm, Zofate hnam khata min phuar khawmtu, Mizote min ti-Mizotu, kan hnam ro hlu Pathian min pek chu a ni.’ a dik ka va ti tak em.Mizo tawng kan hmang hi kan thil tih fuh em em a ni chiang ngawt mai.
Report this comment
January 4th, 2009 at 7:13 pm
Indonesia-ah pawh Cheraw an kan thin, an lam chiah chu ka hmu lo, mahse tourist hmunah thlalak lian pui pui an tar ka hmuh bakah an hnam lam zing a lar tak a ni tih min hrilh. mipa pawhin an kan ve.
Mahse CHERAW an ti ve kher lo
Tin, Indonesian tluk a mizo nen a (hmel) in ang hi kei chu asian zingah ka hre lo. Jakarta khawlai nula tleirawl kal suau suau ho khi mizo tawng in tawng zawt zawt se a mak vak lo vang!
Report this comment
January 5th, 2009 at 2:04 pm
Ka chhiar chak zawng tak a ni mai ka ti!! Ka lei khawp ang.
Remchang chuhin thil tlem ka’n sawi ve teh ang : Tawng chungchanga kan fimkhur dawn a nih rau rau chuan. Comma leh Fullstop kan dah dan hi ka va sawisel duh thin tak em! Ka sawisel duh dan zawk chu, typing chhiar nuam leh zir tlak kan lo uar zel theih nan , (comma) zawh leh . (Fullstop) zawh hian theihnghilh miah lovin space 1 dah thin ang u. Tichuan thuziak quality a sang sawt ang.
A dang pawh ka la ti zel ang…
Report this comment
January 5th, 2009 at 4:04 pm
Au elcee, Indonesian ho chu hna ka thawhpui nasa, kan inchenchilh nasa bawk a, hnam hrang2 an awm ve a an hmel pawh a dang deuhhlek a, an tawng pawh a inang lo ve nuah hlawm. Chuan Mizo ang ve tak2 chu an awm a, mahse Asian hnam hrang2 awm khawm se Indonesian an awm chuan a tam zawk chu ka kawk chat2 thei ang. Belhchian chuan kan lo inang lutuk vak lo. Ka hmuh zing a Mizo an hnam pum leh kan hnam pum a en a in ang ber chu Malaysia Saba ho hi Mizo an la ang ber.
Report this comment
January 6th, 2009 at 12:14 am
A hniam lam zela luang ngawt lovin, “Water seeks its own level” tih pawh ni reng ringawt lovin; Serlui atanga Tuikhuahtlang, Laipui Tlang-a PUMP CHHOH chu kan ngai a ni.
Chawia hi thu a thiam hlep hlep a, a titi ang diaka a ziak thiam a nih ngat chuan —a pui khawp ang. Ziaktu tam takte hian puithu kan tumna lamah hian kan talent pangngai kan pha lo chawk thin! Chawia thuziak rawn upload-saktuten punctuation in hmang tha vak lo nge; amah Chawia ziak dan ang ang in rawn tarlang em ni ang aw … thlir dan ka nei thiam nghal mai. Ka ngainep chuang lo ve.
Luankawr-a luang chin tawh hi chu a nu duh fu! Hnawl (silt) pawh a tam duh. Lui tui fim tak luanna LUI KUANG tal ni sela … tha deuh tur! Tha zawk turah phei chuan PIPE ni leh law law se, filter awm ngei! A tha awm vei!
PL-a pawhin a fak ngam nghal mai lo a ni maw; Sherlock takin a melh lawk a ngai ang chu! Duhsakna ka hlan e.
Report this comment
January 6th, 2009 at 4:48 am
“Tlangzarh” tih tawngkam hi Dr James Dokhuma kha chuan chuti teh luain RELEASE tih nan a hmang duh lo; Rozama Chawngthu ziak Lehkhabu a release tumin a sawi tawh a; TLANGZARH hi chu mi hriat atana itawm lo; thup ngai —mi kam tam leh insum zo loten an lo TLANGZARH tak hlauh si ang khan a sawi a, mi hmin viau.
CHERAW han tih ngawt pawh hi — BAMBOO DANCE tih nena inkungkaihna reng reng a awm lo. Lai (Pawi) unaute Magazine pakhat ka chhiar tawh a, chutah chuan Mizorama Missionary hmeichhia sapnu kha Sangau khua kal pelin, CHEURAL khuaah zanah a lut a. Chutah chuan tunlaia saptawng hmang ngiala ‘Bamboo dance’ kan tih hi an lo lampui nghawng nghawng mai a; “Eng lam (dance) nge ni ngai?” tia a zawh khan, “He khaw hming hi engnge?” tia a zawtah an lo ngai palh a; “CHEURAL” tia an chhang ta mai kha sapnu chuan, “CHERAW” tiin puam nalh takin a lam zulzui ve nghal ta mai a; chu a lamrik dan mak dangdai tak sapnu lamrik dana CHERAW (mispronounced CHEURAL) chu he mau-khawn-rik-thup-thup-lam hming atan hian an lo hmang zui ta a ang e, tiin an ziak.
Report this comment
January 6th, 2009 at 7:01 am
Tuna zofate luankawr khata kan luan khawm mai theih lohna chhan ber hi chu ramri dana kan awm avang leh tawng hrang hman thu hi niin ka hria. Tunah pawh burma lam unaute chuan an common language ah kawl tawng an hmang a, dialect ah mahni tawng theuh an hmang a. Heti anih chuan Mizo tawng (Duhlian) hmangho tan pawh tak tak a va har duh awm ve… India lama mite hian hindi hi common ah hamgn ila burma lam mite tan pawh kan har viau lawng maw?
Duhthusam hi chu kan sam zui zel ngai ang a, eng chin hi nge kan tihhlawhtlin theih ang le. Realsitic deuh taka hma kan la anih loh chuan hma sawn a har ka ring…
Report this comment
January 6th, 2009 at 9:04 am
Pi/Pu Chawngchilh hi thil i chhiar zau peih bawk a, a bengvarthlak thin e,Cheural tihna daih poh chu a lo ni maithei tak asin mawle
Report this comment
January 6th, 2009 at 4:29 pm
chawnghilh: ‘Chawia thuziak rawn upload-saktuten punctuation in hmang tha vak lo nge; amah Chawia ziak dan ang ang in rawn tarlang em ni ang aw … thlir dan ka nei thiam nghal mai. Ka ngainep chuang lo ve.”
A khawi lai hi nge ‘punctuation’ hman fuh loh i tih lai chu han sawi la, a ziaktu tih dik loh nge a upload-saktu (keima) tih dik loh kan inhrilh dawn nia.
I thu ziah chuan beng a ti var khawp mai.. chhiartute tan thu leh hla i rawn neih zel ka beisei.
Report this comment