Mizo tih chi bing kawh bik a nei hran lova,Zo hnahthlak chi peng hrang hrangte khaikhawmna a ni. Zo hnahthlak tawng hrang hrang hmang eg:- Mara, Lai, Thado, Kuki, Hmar etc. te hian inpawh lehzuala unau a kan inpawmtlan theih hi a tul a ni.
Hemi atana thawh hlawk tak tur chu ‘tawng’ hi a ni. Duhlian tawng, Lusei tawng tia sawi Mizo tawng kan tih awlsam mai hian a huapzau ber a, hei hi kan hman tlan leh pawm tlan theih zawngin enrich zel ta ila. Mizo tawnga fiah chiahlo leh English/Hindi kan hman telte thlakin zo hnahthlak tawng hrang hrangte hian ti hausa ta ila, a tha angem?
Mizoram chhung chhim hmar chhak leh thlanga hman dan in anglo te hi in nuihzat mai lovin tawng ti hausatu ah kan hmang thei angem? Eg:- Kawlthei-kawiam etc. Ngaihdan han thawh teh ule.
Similar Posts:
- Ka veizawng
- ‘ZOLUANKAWR’ Pu P.L.Liandinga’n a tlangzarh
- Mizo tawng vs English
- Thil Pakhat Chauh
- Tute nge Mizo?
October 8th, 2007 at 2:45 am
Ka ngaihtuah na a lang thin honest/frank takin kan sawi lang ve ang e, tun lo haw lo se. Mizo, ram hrang hrang a awm enge maw zat te hian in suihkhawm leh zai i rel ang u an ti thin. In suih khawm an tih hian ram pakhat ah i awm khawm leh ang u an tih na em ni aw, ka ti fo mai. Mi tu emaw midang rilru hneh thei tak ( Hitler ang deuh) te an awm a, UN lam nen ( UN lam ka hrelo, ka rilru ngaihtuahna mai a ni e) a dawr thiam tak leh Independent Nation kan nih thin te chiangtaka pho lang thei an awm a nih loh chuan , ram hran pathum chu khawi ram te mahin min sih thlawn sak phal dawn lo reng reng. Mahse, Zo hnahthlak chhung a hnam hrang hrang te hi unau hmelhai a awm tawh loh na tur ber pakhat chu Duhlian tawng common language a kan neih tlan angai a ni. Hemi tur chuan Mizoram a mi ten kan chipui ngei Burma a awm te Nghapih/Mizo 2 tih ang hi kan bansan angai a ni. Burma a Mizo te pawn…thlangtla ho hi Mizo ho/Mar emaw min ti tawh bik lo se…Zo hnahthlak hnam zawng zawng hi Mizo tih hian a khawm vek tih hre tawh se….unau kan nih zia chu hre reng chungin kan hai lui tawh lo tur. Tun generation hian kan fate theuh hi hrilh an ngai, kan mawhphruhna a ni…Nu leh pa ten kan ti ti hi naupang ten an ngaithla kar tih hriat a, khawiram a mi te pawh Zo hnahthlak te hmusit tawngin kan tawng loh chuan kan fate chuan an len hun chuan,” ka u ka nau,” an inti tawh ang. Kum kalta rei vak lovah khan Lai (Pawi) Burma a cheng te khian Duhlian tawng hi common language a neih a tha tih an rel..mahse, a zuzi leh zo tlat..a chhan pakhat ka rin chu Mizoram mipui te hian Nghapih/Mizo2 kan tih a reh tlat lova..”min hmusit tute tawng enge vangin nge kan hman ang,” tih te pawh a piang thei a ni ( ka ngaihtuahna a nih hi). Tin, an ni hi lehlam ah chuan ka chhuang khawp mai, an hnam tawng an la hmang thei tlat. Mizoram a mi te hian kan hnam tawng hmang thei kan awm meuh pawn ka ring love…ie: Ralte, Hmar, Paite, Thado,Lai etc te hian.
Report this comment
October 8th, 2007 at 4:58 am
H.Vangchhia,
I khatliam ve thin ngawt mai.
I luangliam zawih zawih in ka hria
Luangliam programme hawng ve mai la
l
Report this comment
October 8th, 2007 at 6:11 am
kl_sas : nia tiraw…lol . Zorun ang te a tawngkam tlawrh nei mi ni ngat phei ilang chuan hla ka phuah hnem tawh ngawt ang… Honestly, ka rin dan chuan insuihkhawm an tih fo hi chu a theih lovang. Mahse, unau kan nih zia leh in en hran loh hi chu a theih a ni. A hmun tha zawk (Mizoram ang te) a awm te hian a ram rethei zawk a awm te hi hmusit lo ila, kan in unau mai ang. Mahni chipui hmuhsit hi mawl na chikhat ah ka ngai hrim hrim.
Report this comment
October 8th, 2007 at 8:00 am
Ka vei zawng tak a ni. Mah se, thil huphurh awm tak chu a ni tih ka chiang e.
Report this comment
October 8th, 2007 at 8:40 am
ka ngaihdan chu H.Vangchhia ngaihdan ang chiah khi a ni e
Report this comment
October 8th, 2007 at 9:34 am
INsuihkhawm leh theih hi chu zo hnahthlak mipui mimir hi chuan kan duh tlang theuhin ka ring. Mahni ram ngei neih let leh duhna thinlung nghet tak tun generation a mite hian nei ila, kan tu kan fate ah chuan thinlungah mai nilo thisenah an rawn than hnan anga. Tuna thil huphur awm leh theih loh tur ang hiala kan ngaih hi kum tam a vei meuh chuan rawn thleng ve mawlh teh se.
Tunah he insuihkhawm lehna, ram bung hran 3 atanga awm tur hian thil nithei tura rin chu a harsa hrih hle mai. A chhan pakhatna chu keimah ni ngei hi unau hmel haih an sawi ang mai kan la ni tlat si a. He unau hmel haih erawh hi chu zawi zawiin a la reh mai thei turah chuan kan ngai deuh theuh a. Tichuan ram hrang hrang a mi te unau hmelhaih awm tawh lova (tawng thua inmi hranna te etc.) Israel hnam ang mai a kan inzawn chhuah hunah meuh chuan Insuihkhawm leh zai rel pawh chu thil harsa lutuk turah kan ngai tawh lo vanga Hnam ang leh ram anga thawh duhna tak tak kan neih ngat phei chuan a harsatna lam ringawt ai chuan hnam/ ram (Nation) pakhat anga din chhuah ve chu khuanu min ruat dan reng pawh a ni tih hriain khawvel mak tih khawpa tan lakna thar kan la nei thei ang.
Ka hmuh dan chuan tunah hrih hi chuan hnam ang leh ram anga kan tanlakna leh tha hnem ngaihna hi a la nep em a ni 20% ang vel chauh niin ka hria. A chhan chu a then Vai ramah, a then Kawl ramah kan awm a. Vai/kawl ram mi nimah ila an ram mi leh sa tak taka in chan hi chu harsa kan ti a nih hi. Kan in hmu Vai/kawl ram mi thei lo va. Vai chhia, kawl kerang kan ti a. Ram anga thahnem han ngai tak tak tur pawhin Vai ram tan, Kawl ram tan a ni tlat zel si a. Kan Mizo mizia hrim hrim hi a danglam ve hranpa bawk nen. Independent ram te chu han ni ve ta ngat ila chuan maw tun ai hian ram leh hnam kan hmangaihna chu a let tam takin tihhmasawn a ni dawn si a. Khawvelah hian kawng hranghrang kan lawr ve thuai mai ang. Kan rilru put hmang tam tak hi a tha zawngin leh thahnem ngaihna nasa zawkin tihpun a ni anga. Zo International Airway hmangin vansangah kan leng ve veng veng mai ang maw le.
Tun kan dinhmunah chuan harsa tak angin ala lang hrih a ni. Mahse tun kan dinhmun chauh thlira nakin hun atana kan beiseina turpawh thlir thei lo va kan awm hi thangthar lo awm zel turte tan kan hmai a uang lo viau mai thei a ni. He khawvel changkang chak tak leh inthlak thlenga inling let thut thutna hmuna cheng kan nih ang bawk hian, kan hnam zirnakawnga la naupang tak mahse thangduang ve tak hian, a bik takin tun generation a mite hian hmalam thui tak kan thlir a pawimawh hle a ni. Kan thlir phak chin ang zelin hma pawh kan sawn zel dawn si a.
Tawk phawt tehse Kl_sas hian i farliam zawih zawih min rawn ti ve palh hlauh dah ange.
Report this comment
October 8th, 2007 at 10:21 am
“.Insuihkhawm”. Kan Duhtlanga kan lung kan la in hmuhfiah saktawn thei meuh rih lo a zawi zawi in kan la in hmuhfiaksak tawn nge ang. Rampakhat ang a Dinluah chu a tu a te pawn kan duh threuh anih a beisei awm viau lai in thilkhrih khantak chu a ni dawn a zoram mipuite ram Buaia lutnawn lehtur in tuman mizoram a awmten an duh dawn tawh loh tih hi a chiangsa renga. Chutih rualin chhaklam awmte tan chuan Chance tamtak a awma Independent tur in khelh ta ngat ngatse lo hmuta pawh nise, thlanglam nen chuan ramro relna pakhat ah Ding theitur in India Central sorgar beileh chiam ngai dawna tiang te te khan kan kar a la tiping theitlata. Tianglo zawng pawn inkalpawh na thratak kan neiha chhak leh thlang a chengten insumdawn pawhtawn na thratak leh mumaltak kan neih theih nge na tur in trawngpakhat Duhlian trawng kan hman tlantheihna tur in thlanglam thralai rual mifing tak tak ten tran in khawh chu ngaitak ani.
Eh, kan MNF sorgar in Pal siam a tum pawh chuti ni dawnse chuan zoram mipui in kan do thiam a ngai leh dawnsi a hmala tu kan va ma mawh leh dawnsi ve?
Report this comment
October 8th, 2007 at 10:46 am
Zohnahthlak te insuihkhawn turin mizo tawng hi a pawimawh..mahse kan titeh ang..a hmasaberin mizo tawng hmangho keini pawh hian kan unau te tawng leh an awmna ah hian kan vatlaktlum ve pawh a ngaiin ka hria.Mizo tawng hmang keini hovin a hmasa a kan in unau zia kan lantir chuan kan unau te pawhin lawm takin min lo pawm ve a nga chu tah chiah chuan kan inbiak pawh nan mizo tawng hi kan hmangtlang thei ang…mizo tawnghi zohnahthlak te in biak pawh nan a rem chang ber tih hi chu tupawhin an hei bik lo.
Unau hmelheih ti vel hi chu tunlaiah a awm tawh lo unau kan nihzia kan unau te pawhin an hre vek mahse Mizo tawng hmangho hian kan unau te hi mizo tawnghmang ru mizo society ah(tawngkam ka hmansual chuan min lo hri thiam dawn ania) lo bet vek ru kan tia,kan unau te rilru leh ngaihtuahna hrethiam tum lovin kan duhdan chawuh kandah lal tir vangin kan in suihkhawm thei lo a nih hi.Tun hma mizo tawng hmangin kan lo hmusit thin kha an theihngilh bik si lo va,kan unau te rilru nat na kan tihreh hmasak a ngai a ni chu mi hnuah kan insuih khawm thei chawuh ang.
Ka thil tih,kei chu kan unau laiho kar ah ka khawsa a tawng ka thiam bik silo lai tawng tlem,falam tawng tlem leh mizo tawng pawlhin ka bia nawk nawk a kan in ti unau em em ri ngawt mai mole.
Report this comment
October 8th, 2007 at 1:05 pm
in ziahte ka la chhiar vek hman lo na a, tawng ka ngaihdan (duhlian tawng ka ziak thiam angangin) kan ziak loks ang e.
1. zo hnahthkakte kan duhthanna nilou in ram/state hranghrang ah ka om ani tih hi pom leh hriat hmasak a tha awm e.
2. chuchu kan pom anih chuan, hmun khat a khosa ho lo nana na chu kan ngaihdan, kan duh zawng leh kan thil endante a inang tlang vek lo ang tih chu hriatthiam leh pom a ngai leh ang.
3. india ram chhung chauh ah poh- manipur, assam, tripura, nagaland ah kan oma. kan omna theuh ah engemaw identity lo neih a ngaita a. chumi hmang chuan tun tleng in kan survive chu ani a, mahse chutiang identity hranghrang kan lo neihte chuh duhtawklohna kan nei theuha. inpumkhat a in thurual kan duhthusam theuh ani. chu chu kan survice na tur a poimoh anih avang in. chuti a kan in pumkhat dawn chuan kan hnam hming, kan tawng poh pakhat ni se tih a ni leha. chuchu kan duhthusam ni mahse, kan soi tawh angkhan, differences chu a om chhou zel ang. mizo an in ti duh lo, mizo tawng an hmang duh lo tih ang chi leh kan hming ah “a” leh “i” a tellouh avang in leh “r” kan lamthiam loh avang/kan tong pai avangin min hmusit lutuk tih ang chite hi soi tam lo i la, lehlam lehlam in siamthat tum zawk phot ila.
4. chutih rualin mizoram pawna cheng zo hnahthlakte’n india indepence hnu kum 50 bawr vel engemaw identity leh mahni tawng anga an ngaih, tette atanga inchhunga kan hman an nei theuh a. chung kan dialect te chu zo dialect vek ania, a hamngtute tan a poimoh theuha, a than chhoh kan duh theuh angin alang ani. chuchu a poi lutukna a om in ka hre lo. na kin ah kan common language, tlang hriat a ron piang anga, a dangte chu ama process in a thi mai tur poh ani mai thei ani. a thih kan phallou anih chuan kan protect a kan develop a ngai tihna ani mai a. nithei phei se chuan, mizoram hi mahni ram kan neihchhun anih avangin mizoram in kan dialect hranghrangte preserve in protect dan ngaihtuah zawk se, mizoram pawna cheng zo hnahthlak a tu pohin hei, mizoram chu kan inpui anih hi ti in ngaihtha takin an inti mizo zawk maithei ani.
5. tun dinhmuna kan dialect hranghrangte zing ah duhlian tawng hi a dinhmun a sang bera, dialect dang a tluk leh a dinhmun threat thei a om lo in ka hmu ani. a chhan chu background/foundation tha tak mizoram satte a om avang ani. kan commercial language a ni toh a, media hranghrang, print, video, films, music, tv, radio etc ah poh a dinhmun a in vorh sang chho zela, dialect dangte chu a let tamtakin a khum chho zela, a ram a zauh zel anih hi. duh leh duhlou thu nilo vin tun anga kan kal zel chuan, kan common langguage tur chu ani thotho ani. chu chu anih avangin a tawng hmang tohte’n open rilru an put a an rilru an tih zau chuan an tih sual a rin om lo. inpui zawk a inngai tan chuan chuchu a poimoh ani. in tawng hman kha kalsan ula, sacrifice ula, kan hman ang hi in hmang vek tur ani, mizo in in ti duh a nih chuan tih aiin a effective zawk anga kan in pumkhat thei hma zawk in a rinom.
Report this comment
October 8th, 2007 at 4:02 pm
galngam sawi hi ka pawm ang reng khawp mai. Mahse tawng tualleng neih chu a pawimawh khawp mai , pawimawh tak a ni. Hnam mawl zawk a kan ngaih Naga ho te khu han thlir teh u…Mahni hnam tawng la hmang thah an ni, amaherawh chu Nagaland a cheng ho khu chuan tawng tualleng an phuahchawp broken Assamese an nei a, hnam tin khu an in dawr in an in be pawp thei tlat a ni. Mizo pawh hian Mizo anga kan in thlir tlan leh zual na tur chuan thangthar te hian tawngtual leng kan neih a ngai hmasa a ni…mahni hnam bil tawng thiam tluk a hlu a awm lo mahse, tawng tualleng in pawh zual nan a ngai hmasa ( ka ngaihdan a ni e)
Report this comment
October 8th, 2007 at 9:58 pm
In ziak sei thei lutuk a, ka chhiar peih ve lo. Chhiar nuam turin para te then ve thin ula a tha ang a…
Report this comment
October 8th, 2007 at 10:59 pm
hairehai ZerO leh lmao
Report this comment
October 8th, 2007 at 11:03 pm
Paragraph emaw number dah hi zawng chhiar a nuam ngei e, hawh u, i ti hram hram ang u.
Tawngtualleng neih chu a tha, tunah chuan kan duh emaw, duh lo emaw, LUSEI TAWNG/DUHLIAN TAWNG hi kan ti MIZO TAWNG tawh a, kan tawng tualleng chu a ni mai a. MAhse, “Unity in Diversity” kan duh tak tak a nih chuan, tuna tawng la exist mek te hi chu kan preserve zawk turah keichuan ka ngai. Tawng thenkhat extinct ta, ralte tawngte hi, keizawng ka ui em mai.
Tawng hi Identity a ni taka, a pawimawh ani. Mahse, tawng pakhat propagate luatuk avanga, tawng dang kan hlam chhiah chuan a tha lo. Naga ho tih dan anga kan tih theih chuan thatna tam tak a awm a, mahse anni Nagamese chu tu tawng bik mah a ni lova, han propagate chiam turin, tawng neitu bik leh nei lo tu bik an awm loh avangin, tawng dang a hliahkhuh ve thei tlat lo. Mahse Duhlian/Lusei tawng chu, a neitu bik hman a awm a, chu chu kan hriat angin Lusei kan ni a. Chuvangchuan, Lusei tawng hi nasa taka kan propagate chuan, lusei ni lo, MIZO DIK TAK, Lai te, Mara te, Hmar te, Paihte te’n enge an ngaihdan tur ni ta ang le.
A nihna dik tak zawk-ah phei chuan, kei ka ngaihdanah chuan, Lusei tawng hian kan duh emaw, duh lo emaw, tawng dang a luahlan nasa lutuk hi, tawngdang encourage a hun tawh ka ti a. Thangthar tam tak phei chuan, (Sap tawng vel tih lohah chuan) an mahni tawng nguibanin, Lusei tawng ngawt an thiam ta. Hetia kan kal zel chuan, kan diversity-na, tawng hrang hrang te hi an thi thuai dawn. Keizawng, ka phal mawlh lo. Hawh u, thangthar te u, mahni tawng hi chu i thiam hram ang u, a zahthlak loh, a mawi ani.
Tawngtualleng neih chu a tha, tawngdang erawh hi chu i preserve hram hram ang u hmiang!!
Report this comment
October 8th, 2007 at 11:20 pm
[quote]MAhse, “Unity in Diversity” kan duh tak tak a nih chuan, tuna tawng la exist mek te hi chu kan preserve zawk turah keichuan ka ngai. Tawng thenkhat extinct ta, ralte tawngte hi, keizawng ka ui em mai. [/quote]
unity in diversity i tih hi kan duh taktak tur ah ka ngai. a chhan chu kan culture, kan identity a ti rilin a ti hausa zawk ani. kan dialect hranghrangte hi kan culture ti hausatu a ani. entirnan, eng lam emaw (or khawi bial lam e maw) modify in a thar angin kan phuah a mizo lam ani tih ringawt ai in, a nihna angin hmang ta zawk ila.. a chanchin kan ziak/record dawn poh in chumi chumi lam ani a, chutiang hunlai atang a chumi mizo hnam lam ani a ti ta i la, a story poh a sei zawk ang a, a fuh zawk tur ah ka ngai.
tawng thu ah poh diverse dialect tamtak kan nei a, chungte chu i tih angin protect in preserve zawk ila kan ti fuh zawk in ka ring
Report this comment
October 8th, 2007 at 11:21 pm
“Paragraph emaw number dah hi zawng chhiar a nuam ngei e, hawh u, i ti hram hram ang u.”
– I agree.
mahni tan chuah ni lo. Chhiar ho, sawi ho atang comment kan hnih hmel a. Chuvang theih hram chuan para a split ni se, a thui deuh chuan.
Report this comment
October 9th, 2007 at 1:43 am
Inpawhna siam tur chuan inhriatthiamna a ngai a, ‘Communication’ a pawimawhzia mithiamten an sawi chamchi a ni. Mizo te hi a bik takin Mizoram a cheng te hi India hmarchhak state zinga Naga te, Khasi, Garo leh Jaintia te, Tripuri te, Manipur a cheng te, Assam a mi te leh Arunachali te ai hian inpumkhat zawk riauva inhriatna ka nei a (a dik lo a ngai kan awm anih chuan mumal takin min hrilh ula). Chu chu a chhan pakhat pawimawh taka ka ngaih chu keimahni atang ngeia chhuak tawng kan hman vang ni hian ka ngai bawk a ni.
Tuna Mizo tia inko ten kan tawng tualleng leh kan hman ber chu ‘duhlian’ tawng a ni ngei mai. Amaherawhchu tuna kan tawng hman ah hian Zo hnahthlak tawng dang atanga thumal hman pawh kan nei nual tawhin ka ring. Chu chu thil tha takah ka ngai a, tawng ti hausa tu pawh a ni ngeiin ka ring.
Hmun hran tlang hrana Zo Hnahthlak awm te hian keimahni tawng theuh kan paihthlak loh chu a pawimawh khawp mai. Amaherawhchu inpumkhat lehzual tur leh inpawh lehzual tur chuan kan inbiakpawh a, kan inhriatthiam theih ngei a pawimawh. Chuvangin keichuan tawng kan hman tam ber keimahni atanga chhuak ngei tawng kan thiam em em, kan Jerusalem Mizoram a kan hman ber hi kan hman thiam a, kan hriatthiam tlan a pawimawh ka ti. Chumi te, khami te tawng bik a ni e ti lovin kan pawm tlan a, kan duh tlan a, a than zel nana kan belh tlan zel hi a pawimawh ka ti in , a tulin a tul a ni tih hi ka ngaihdan a ni !Mangpha, maphase, mangtha U !
Report this comment
October 9th, 2007 at 3:58 pm
“Chu chu a chhan pakhat pawimawh taka ka ngaih chu keimahni atang ngeia chhuak tawng kan hman vang ni hian ka ngai bawk a ni”
kei, Lusei tan chuan, a dik a ni. Mahse, kan unaute, Mizoram mi ngei, Hmar, lai, mara, etc etc te tawng ni ve hek lo. mahse Mizo an ni tho si…buaithlak deuh asin.
“Amaherawhchu tuna kan tawng hman ah hian Zo hnahthlak tawng dang atanga thumal hman pawh kan nei nual tawhin ka ring”
Tawng thumal pahnih khat lek telhin, an tawng kan promote ni hek lo. Vai ho poh kan haw em em a (mitam takin), mahse an tawng thenkhat kan hmang tho va. Sap tawng kan telh teuh mai a, mahse sap tawng kan thiam tihna a ni bawk si lo.
Report this comment
October 10th, 2007 at 1:34 am
‘Lusei-Duhlian’ tawng chu tuin nge maw lo propagate le? Tu tih luih leh nawr luih vang nilovin Mizoramah chuan kan tawng tualleng ber chu a ni si a. Arunachal ah chuan Arunachali dialect ni miah lo Hindi leh Assamese te hnam hrang hrangin inbiapawhnan an hmang a, Nagaland ah Naga tribe zing ami te tawng ni miah lo ‘Assamese’ , ‘Bengali’ etc chawhchawrawi ‘Nagamese’ an hmang a, Tripura – Bengali ram ni lo, Bengali hovin an hnehchhuh tawhah an ‘official language’ chu ‘ Bengali’ a ni. Kan ramah hian tuna kan tawng tualleng ber hi hmang za ta lo ila eng tawng nge kan hman tak ang le? Ram dang hnamdang tawng kan hawh ve mai dawn em ni? A theih ka ring lova, ka duh hek lo ! Tuna kan hman lai hi duh lovin Zo hnahthlak tawng dang hmang dawn ta ila a eng ber nge kan thlan ang a kan hman tak ang le, kan zir tha leh vek mai dawn em ni?
Kan tawng hman laiah hian tawng thumal tlem te te nilovin tam tham tak kan hmang tawh ngei ka ring a, tin in ang sa pawh Zo hnahtlak te tawng zingah hian a tam mai!
Hmar khua Sakawrdai ah chuan an tawng tualleng ber chu Hmar a ni, Aizawl ami Hmar tawng thiam lo he khua a a kal chuan Aizawl a hman thin tawng khan mi a be thei a, an inhrethiam tlang. Sakawrdai ah chuan Hmar tawng a thi chuang hauh lo. Saiha ah ka zinin Mara tawng ka thiam lo, mahse ka thil sawi an hrethiam kan inbe thei, Mara tawng a thi hauh lo. Mimbung khua chuan Manipur leh Burma a si a, Mizoram chhung ami a ni; he khua a cheng te hi Paihte an ni ber a, an tawng tualleng ber pawh Paihte tawng a ni. Ka zin tawh a, Paihte tawng ka thiam lo, amerawhchu he khua ah hian Aizawl a ka hman thin tho tawng chuan a cheng mi tam ber te chu ka be thei tlat si ! Ka thlen in pitar nen pawh duhtawkin kan inbe thei, tar zang kul tawh tak a ni nghe nghe a. Heng kan tarlan tak khua te hi entirnan kan hmang a ni a, heng khua te hi Lusei khua an ni hauh lo, hnam bil awm bitna a ni a, hnam bil tawng an tawng tualleng ber te a ni. Mahse Mizoram pumpui a kan tawng tualleng ber hmangin mi kan inbe thei a, kan inhrethiam a ni.
Mizo hnahthlak dang dang tawng te hi a la thi hauh lo, hmang leh thiam an la tam. Manipur te, Tripura te leh Burma lama kan unaute pawhin an la thiam khawp mai. YZTP Sweet December Concert ah pawh khan a chiang khawpin ka hria ! Mizoram a Mizo te ai mahin heng kan tarlan ram a cheng Zo hnahthlak te lakkhawm hian thahnem zawk hialin ka ring, kan tum ren run pawh ngai lovin Zo dialect hrang hrang te hi chu hman a la ni zel ang!
Report this comment
September 28th, 2008 at 8:27 am
Kan dialect chi hrang hrangte hi kan duh emaw duh lo emaw kan la vuiliam tho tho dawn chuan ka hria. Chuvangin tawng dingchhuak ngei tur kan develop a ngai tihna a ni lo maw le. Tunah pawh hian kan Burma lam unaute chuan Chin hills pawnlamah chuan Kawl tawng hi common language ah an hmang mek a. Chin hlang kalkhawmnaah pawh Kawltawng tho an hmang. Chin tawng khawi ber nge hman turah an buai vang ani ber awm e. Nakin lawkah chuan Tripura a Jamatia leh Debbarma tam takin an tawng leh hnam an zahpui ang mai khuan tlangmi tawng hi an hmang zak mai lovang maw?
Report this comment
December 28th, 2008 at 1:18 pm
Hnam dang, sap/vai trawng atranga kan zo trawng tipunga tilian tur chuan an lam dan ang khera lam lovin mizo trawng nena a inmil/inhmeh dan hian lam ngam ila a thra ngawt ang(mizo trawnga thu sawinaahte chuan). Sap/vai trawnga kan trawng erawh chuan an lam anga lam chu duhthusam. Chutilo chuan kan trawng a ni thei nâng. Eg: school chu sikul. A ziah danah pawh mizo sipelin ziak hreh lo ila. Calculator pawh kalkuleitor tih mai khan thumal thar kan nei a ni mai law’m ni?
Report this comment
April 8th, 2009 at 1:21 am
Zo hnahthlak tawng zawng zawng hi ‘Zo tawng’-ah chhun luh vek dan ngaihtuah ila, a that ka ring. Zotawng Dictionary siam ni se, chutah chuan tuna Duhlian tawng hi a reference-ah hmang ila, a hrilhfiahnaah khan zo hnahthlak tawng hrang hrang kan dah ang a. Entirnan, Lalpa tih zawnah khan Bawipa(Lai), Beipa (Mara), etc. tiin Zo hnahthlak hrang hrangin Lalpa tihna atana kan tawngkam hman kha kan dah tlar ang a, Lalpa tihna tawngkam kan neih tam phah sawt dawn asin. Chanchinbu lam hian khan tawngkam hrang kha chanchinbuah hmang zauh zauh se, kan hre bel thuai ang a, tichuan, kan tawng a hausak phah sawt ang. ‘Upa’ tih tawngkam te hi Pawi tawngah chuan ‘zahawm’ tihna atan an hmang. Lal tawngtainaa ‘I hming zahawm rawh se’ tih pawh hi ‘Namin upatnak um ko se’ an ti daih. Chuti a nih chuan, Khawnbawl upa, Kohhran upa, Val upa tih te hi kum lama zawhte upata upa sawina ni lovin, a tawng bul lamah chuan mi zahawm sawina, Lal rorelpuite chu khawnbawl upa, Kohhrana roreltute chu Kohhran upa… tiin mi zahawm sawina a ni tihna a ni. Zo hnahthlak tawng hrang hrang hi Zo tawngah la lut ila chu, tawng kan thiam phah ang a, kan tawng a hausak phah dawn bawk a ni.
Report this comment
April 8th, 2009 at 1:24 am
Hmar lama ‘Kawlthei’ kan tih hi Chhim lam unaute chuan ‘Kawiam’ an ti. A lo chhuahna hi Kawl ram (Burma) niin a lang. Burmese unaute chuan ‘Goiam’ an ti. Hmanlaiin ‘G’ hi ‘K’ angin an lam thin a, chuvangin, chhim lam unaute chuan ‘Goiam’ an ti thiam lova, ‘Kawiam’ an tia, Hmar lamin an hre lova, Kawl ho thei a nih avangin ‘Kawlthei’ an ti ta mai ni awm a ni. Chhim lamin ‘Kawiam’ an tih hi a dik zawk mah asin!!!!!!
Report this comment
March 27th, 2011 at 11:38 pm
Hei hi in pumkhatna awm chhun chu ani
Report this comment
March 25th, 2016 at 2:23 am
Lusei tawng chauh kan hman chuan tawng dang kan neih te hi an ral thuai ang… a uih awm dawn e mai
Report this comment