Mizoram-a kohhran lian ber, Mizoram Presbyterian Kohhran hmeichhia te chuan Nikum August ni 7 khan Mizorama hmeichhiat mipat hman khawlohna chungchang bih chianga zir hovin, a tih bo theihna kawng an ngaihtuah a ni. Kan sakhaw vawn hmangin hetiang thila inthiar fihlim tura inzirtirna chu fir taka kalpui a ni. Amaherawhchu christian society-a sawi theih, Mizo society-ah hian hmeichhiat mipat hmansualna hi a hluarin, Mizoram pawhin a hmingchhiatpui ta hle nia ngaih theih a ni.
Kan pi leh pute hunlaia ngaihdân âtthlâk tak khan ţhangtharte min ûm thui hle a, tlangval ţhenkhat chuan hmeichhe kawp tam an la chapopui a ni âwm e. Heng ho hian rinawmna hlutzia hre lovin, hmeichhiat mipat hmankhawlohna ckawngah an kal bawrh bawrh a ni ber mai. Hei hi hnam mâwl kan nih lai ata tawh, Mizo zinga ngaihdân ţha lo, mi ţhenkhatin tûn thlenga an la neih tlat a ni ti ila kan sawi sual âwm love.
Khawvêl lo changkâng zêlah Mizote pawhin mual êng kan kîl pha ve ta a, thiamna kawngah pawh rual kan awt bik lutuk ta love. Amaherawhchu chutih ruala harsatna kan tawh chu, Media avanga ţhalai tam tak kawng dik lo zawh an awm ta mek zel hi a ni. Mithiamte chhut dan chuan zahmawh rawngkai website nuai 4 chuang a awm a, nitin 200 dang a pian belh bawk a, internet hmangtu za a 40 chuangin heng website te hi an tlawh a ni.
Kan khawpui tual laiah milem dukdaklo tam tak CD-a lei theihin a awm a, an zuar kual reng bawk a, mobile handset lah chu ţhalai tam takin an nei a, a hman khawloh nasat theih dan tur chu kan hre thei mai awm e. Music leh fashion-te pawh hi hmeichhiat mipat hmankhawlohna hmanraw ţangkai bera ngaih a ni ta zêl a. Hmeichhia leh hmeichhia emaw, mipa leh mipa emaw, mahni anpui nena nupa anga awmduhna te, mahni nihna lo zawka khawsak châkna te pawh hi media, music leh fashion te hian a thlen thei nia ngai an awm a ni. Tun laia music leh fashion lar tak pakhat, ‘Emo’ pawh hian belh chian a dâwl lo nia ngai an tam tawh a ni. Mizo te hi uar lam nei hluai ţhin kan nih avang hian, Emo fashion te pawh hi dâp chhuata tla hawlh thawih thawih pahin kan chîng chho ve leh zêl a ni ta ber.
Mizoram Police Crime Conference, Nikum kum tawp lama Aizawla neihah kum hmasa aiin nikumah pawngsual case a tam a ni. Sex hman khawlohna hian huang a zauh tial tial emaw tihmai tur a ni a, pawngsual hriat theih chinah naupang kum tlinglo pawng sual a la tam ber leh nghal a ni.Kumin June thla thlenga pawngsual case 37 chhinchhiahah 24 chu kumtlinglo pawngsual case a ni. Kum 2006-2007 chhung khan kohhran lianber Presbyterian chuan hmeichhiat mipat hman khawloh vanga a member thunun zât chu Sang 9 leh 92 a tling a, kohhran dang te thunun nen belhkhâwm ta ila Sing 2 dâwn lai an tling thei ngei ang. Kohhranin a thunun kher loha lo khawsa te nên chuan an tam dan tur chu chhût ngam pawh a ni lo hial ang. Heng zingah hian kohhran leh khawtlânga inhmang leh hruaitute an bang hauh lo a ni.
Sex hman dikloh pawizia zirtirtu bera ngaih, kohhran rawngbawltute ti mualpho fo tu chu Sex hman diklohna hi a ni fan mai. Hetiang hi kan dinhmun a nih avangin Sex hman diklohna hi tih tak zeta zir chiana hma lakna tur mumal tak duan a ngai ta a ni. K.S langsâr ni lo, a rûka KS an tam tih a ni. Hei vang hi a ni pakhat ngei ang, natna hlauhawm ber, AIDS pawhin kan bu zawl a luah ţan ta reng mai. Aizawl khawpuiah ringawt pawh KS 700 chuang an awm niin a zir chiangtute chuan an sawi. Recharge Coupon leh Top Up atana inphalrai duh mai pawh engemawzat awmin an sawi tawh a ni.
Kan society hi politics tha lo, ruihtheihthil leh hmeichhiat mipat hman diklohna hian min khawih mêk a ni ber a, kil khat aţanga siam rem mai theih a ni lova, pâwl pakhat ţan lâk vakna pawh a sâwt hlei thei meuh lovang. YMA chuan ruihhlo do turin kumpuan a kalpui a, poitics dik minzirtir turin MPF a ding a, Sex hman khawlohna hluar ti reh tur hian tunge lo thawk chhuak dâwn ? Chhungkua, khawtlang, tlâwmngaipawl leh kohhran te’n kan dinhmun hi mualphopui ngama ţan an lâk a ţûl a ni.
Pawngsual chungchangah hian MHIP lam hian hma an la thin a, a ţha viau mai, amaherawhchu pawngsualtu mipa lam hi hetiang kawnga fimkhur tura inzirtirna hi a tam lo a ni. Pawngsualna kawnga pawikhawihtu ber mipa-te hi an phu tâwka hrem chu a ţul a ni, amaherawhchu pawngsual duhna, sual laka fihlim tura mipate inzirtir hi thil pawimawh ber pakhat chu ni a, helama inzitirna hi mipa zingah nei tam tâwk ila, pawngsual case engemawzat hi chu a pumpelh theih ngei a rinawm.
.
Similar Posts:
- Teen Box : Mizo Aw 15 Dec
- Drama leh Film tha siam chungchangah inzirtirna nei
- Enge Kan Dam Chhan
- Sex hian min awp bet ta mai em?
- Police arrest two in Delhi gangrape, 1 surrenders
a tha khawp mai
January 4th, 2009 at 12:29 am
Mipat/hmeichhiatna a hun hmaa hman hi Pathian ngaihin sual lian tak a ni. Tunlai mi tam takin a hun hmaa sex hman hi kan ngai zam ta mah mah in ka hria. Sual pawh nia kan ngaih tawh loh lai hian kan Lalpa hi a lo thinur viau maithei a ni.
Report this comment
January 4th, 2009 at 12:42 am
Pheikhawk pawh lei hmain kan bun chhin thrin a lawm mawle..lolzss
Report this comment
January 4th, 2009 at 12:49 am
kan la tuar don chauhin ka ring. KS ( Prostitution) hi legalize ila pawngsual chu a atlem dehin ka ring.
mahse ngaihtuah teh, zu khap ah kan la buai ania, khoi lama legalize.
Amsterdam ah te chuan marijuana poh an legalize piap sin le.. tuman an hmangsual lo re2. heheh
Report this comment
January 4th, 2009 at 12:55 am
Pathian ngaihah chuan inneih hmaa sex hman hi sual lian berte zinga mi chu a ni ngei mai.Chhungkua atanga zirtirna uluk taka kalpui a,kan fate an tet lai atanga kan inhrilh a pawimawh khawpin a lang.Hei hi a effective berin ka ring.Kohhran rawngbawltute an han chesual keuh thin hi chu ka haw ngawt mai.Keini beramte hi chu tlemin lo tal pawl deuh pawh ni ila..te han ti vel ila.
Report this comment
January 4th, 2009 at 1:01 am
Lily_Parmawite… Amsterdam ah pawh Marijuana hi an ti illegal deuhthaw tawh alawm… a rei tawh mai… club thenkhat permit neiah chauh zuk phal ani tawh… tin Prostitution hi ti legalize ta ila, drugs a hluar nasa awm, tin chhungkaw harsa tak tuna kut hnathawk mek tleirawl te hi kap hnathawkin an vak pheleng lo ang maw… Mizo hi chu kan la tlem si a… thil tih legal tur leh tih illegal tur kan hriat angai mihring leh ram a zirin… weed hi a thalo ania… bus ruih a tlawm a a hrisel mah ka ring
Report this comment
January 4th, 2009 at 1:05 am
sex hi hmansual theih anih ka ringloa nawhchizuar kan nih ngawt loh chuan… inneih hmaa hmang chu anmahni thiamloh ai mah in an nu leh pa te’n an enkawl danah felhlel a awm ani mai… Pastor fanu pawh ni mah ila nuam ka ti chuang chuang chuang chuang.. tih ang vel kha ani… fate sex hmangsual neih ai chuan insiam hmiah tur…
Report this comment
January 4th, 2009 at 1:07 am
Taia pa@Nia, i nupui tur khan a rawn zawngchhuak chea, i lo test mawlh mawlh mai zawng a nih kha. a hun hmain in awm duna, sualah pawh in ngai mang silo. In ADONAY kha a lawmlo teh tur a nia aw.
Report this comment
January 4th, 2009 at 1:54 am
hahha chhana leh a va dik awm pawp pawp ve aw hehehe fimkhur hi a ngai a ni ti raw chhana
Report this comment
January 4th, 2009 at 1:56 am
chhana leh; tikhan ka mimal nihna kha min min lo chhui char char mai teh.kei pawn ka hrechiang tawh teh mai che ania.Mahse ka sawi ve lo ang che a ho emai.i zak lutuk ang i nuihzatthlak tawp.ka hrechiang che tih entirna thil pakhat chauh ka sawi ve ang S.P khua i ni e.ha ha.mahse mimaml thil chu ka sawi ve tawh lo ang.nang chuan i duh tawkin min lo sawi mai mai rawh.Ka thil sawi zawng zawng ah hian dawt mai mai ka telh ve ngai lo vang.
Report this comment
January 4th, 2009 at 2:28 am
taia-pa sawi ve ta pawp pawp mai la aw, i van hlau em em ve maw le, kan hre ve duh tho a lawm, S.P chu eng maw
isphir a mi 
Report this comment
January 4th, 2009 at 3:34 am
Saiphai, Saipum, Sihphir, Saiphir, Saipher, Saipur, Saphai….lo chhunzawm tawh mai rawh u..
Report this comment
January 4th, 2009 at 1:24 pm
Sex hi Pathian hian hman chu a phal a,kan innei emaw nei lo emaw kan hmangaihtak te nen a hlim taka hman chu a sual ka ring chiah lo..Hman khawloh hi a thalo,pathian pawikhawihna ani..Amaherawh chu hmankhawloh han tih hian eng chen nge a huam erawh kan enchian deuh angai..kan Mizo society chimlim lutuk ngaihdan hi pathian ngaihdan a ka pawm hmak lo deuh..:-)..ka ngaihdan mai mai..ka zau lutuk em aw ka hre lo.
Report this comment
January 4th, 2009 at 4:27 pm
hmmm…..
Report this comment
January 4th, 2009 at 4:47 pm
beemyself_s : Sex hi Pathian hian hman chu a phal a,kan innei emaw nei lo emaw kan hmangaihtak te nen a hlim taka hman chu a sual ka ring chiah lo
<<—-ring mai la!!! ilo hman vanga inthiam loh tur ni hlei nem….hehehe kidding
Report this comment
January 4th, 2009 at 5:28 pm
A tul anih chuan Intih hmiah hmiah mai tur. A nuam si a, in control ngawt theih pawh ani lo. INTHLAHRUN A NGAI LO. TIH MAI MAI TUR.
Report this comment
January 4th, 2009 at 5:57 pm
Mizo sex tape tam tawh zia hi!Thianpa pakhatin min rawn thawn nual a,a ‘Up’ sa pawh ‘Down’ thla leh ruai zel mawle!Changkanna tha lo tak a niin ka hre ve khanglang a.
Report this comment
January 4th, 2009 at 7:33 pm
caribou!! & beemyself_s
Sex chungchang hi chu nu leh pa ten kan fa te chiangtaka kan hrilhfiah hi kan mawhphurhna a ni, a nihna diktak leh a pawitheih zia te, fimkhur tak a hman tur a nih zia leh Pathian thu thleng a hrilh tur.
Tin, prostitution legalize vel em em hi chu kan ram tan a la apply chi loh maithei, mahse mimal nun a lo in rawlh phet tum hi a primitive thlak, inti Pathian thuawih, biakin a active, sex hi sual em em a ngai a, dawt sawi zeuh2 leh eiruk zeuh2 te pawi ti leh lem si lo te tihawm tawk vel a nia, duh leh insum thei lo chu intih mai tur, natna lakah erawh fimkhur a tha. Hmangaih ngawih2 te nen a mutdun phei hi chu dawtsawi ai in a pawilo zawk ang ka ring kei chu
Report this comment
January 4th, 2009 at 8:24 pm
Ekhai sex hman lamah chuan in va zau hap haps hlawm ve le… pawi lo in tih hi a pawi lo chiah em aw? Mipat hmeichhiatna hman hi taksa peng dang hman nen inang rengah in ngai ta mai em ni? Kei chu ka pawm hauh lo mai le. Kan Bible ah hian innei lova zalen taka sex hman phalna(inhmangaih karah pawh) ka hmu hauh lo… Khawthlang humanist ho ngaihdan in la vel mai mai ani lo maw? In faten khatiang khan hmang se in duh chiah ang em? Tha in tih pui chiah ang em? I ngaihtuah chiang teh ang u khai…
Report this comment
January 4th, 2009 at 9:13 pm
beemyself chu ava m–l tiah tiah ve!!! hehe Sex hman chu inneih hma chuan chunglam chuan a phal ka ringlo chiang bal!
Caribou pawh chu….i sawi zawng khan kan nulate zahawmin i siam hauhlo mai!! i pho dere ani e! tiang lam chu post tam vak lo chi i nih hmel khups!!
Mihring hi ran anga in sex tawn vel mai2 tur kan ni chuan ka ring hauhlo mai!
Sex tih hian mipat hmeichhiatna or inpawl a kawk bik…
kiss, pawm tih vel a huamlo…
Zirtirna tha lemlo tak ani tih kan hriat a ngai zirtirna tha kan dawnglo anih chuan midang zirtirtu ah tal kan tan thiam a ngai ve asin!
Sex hman khawloh tih chu inneih hmaa hman hi ani mai!
A ti tawh in an zawngchhanga, ala tilo ten hriat an chak a!
They just couldn’t wait! chuan mizo te naupangtein an innei mawlh2 bawk a!
Ngaihdan post dawn te hian tlem te tal chuan ngaihtuahna hman tur! a pawi leh pawiloh, hman darthlalang in nih tak meuh kha, state pawna zir nih ve si chuan fimkhur deuh tr! Darthlalang!! Mirror!! in awmdan darthlalang!! hui ha
Report this comment
January 4th, 2009 at 10:36 pm
Sex hman khawlohna hi a hluar tulh tulh dawn. Kohhran upa Fanu inchei dan leh KS inchei dan danglam miah lohna ramah hian kan society umphak loh khawp technology a lo thleng. A tha zawnga hmang aiin a thalo zawnga hmang kan tam zawk. Nia… family a pawimawh khawp mai.
Report this comment
January 4th, 2009 at 10:53 pm
A khawilai ah chiah hian nge maw Pathian hian inneih hma a sex hman hi sual an tih chu mawle..??? A thalo tih kan thanhnan tawh avang hian kan pawm mai ani lo maw ?? Amaherawh duhdah taka hman erawh chu Pathian a phallo tih chu Bible atang in kan hmu ngei e..Hman khawloh lai tak hi ngaihtuah chian a tul ka ti.Keimah lam nilovin ka ngaihdan anih chu..!!!
Report this comment
January 4th, 2009 at 10:57 pm
caribou says:Kohhran upa Fanu inchei dan leh KS inchei dan danglam miah lohna ramah hian
hei hi chu mizoram chauh kan ni lo ve. Jessica Simpson pa pawh an biak inah youth minister a nia lawm le..a fanu te 2 hi an inchei sexy thei teu² viau. Katy perry nu leh pa pawh pastor ve ve an nia, a nin ‘ i kissed a girl’ ( gay hla lampang) tih hla a larpui a, inchei sexy viau bawk. Khawvel hi a mak tawh a ni ber e!
Report this comment
January 4th, 2009 at 10:59 pm
A dik… Pathianin mihring a siam tirh atang khan Sex hi hman atan, tam taka inthlah pun nana min pek ani. Kan hman a phal. Kan hman khawloh hi a pawi. Kan hman khawloh avangin Kohhran Phuar, Uire, KS, a awm phah.
Report this comment
January 5th, 2009 at 12:29 am
rin ai a mawl deuh2 in van tam reuh!!!! hihihi
kidding
tih tak meuh chuan sualna chu mi tin hian mahni in kan hre mai!!!! sual i tih chuan hrilh i ngai lem kher lo ang…sual a ni, tih i hre mai ang!!! Isua hnung zuitu i nih chuan!!!! zui ve lo tan ka hre lo le!!!!
Report this comment
January 5th, 2009 at 1:07 am
Ta ta tih awih loh, aih aih tih awih loh an ti!
Report this comment
January 5th, 2009 at 11:57 am
A then helamah kan mawl a,a then a saw lamah in mawl a…tiang vel mai mai hi alawm le hringnun chu….ngaihdan a tha ber a hriata awm mai hi a tha…min a tha, a thalo an tih vel a hawi mai mai lo hian
Report this comment
January 5th, 2009 at 1:25 pm
Khawvela kan awm chhung hian mihring mize hrang nei, nun dan phung hrang nei te hian ngaihdan inang tlang kan nei kumkhua dawn lova, kan ngaihdan theuhte nei chung hian hlim leh lungrual takin chen ho i tum tlang ang u. Ti zawng daih hian ka rilru an awm chu..!!
Report this comment
January 5th, 2009 at 2:56 pm
Bible lam atranga sual a nih leh nih loh tlawh chhan tur ka hre lem lova, ka hriat chhun erawh chu nula in tlangval a ngaih chuan a zahawmna a tlahniam sawt, tin, tleirawl te a tlangval an ngaih phei chuan mipa tel lova khawsa thei lovah ngaih an ni duh khawp mai.
Chak leh chak, duh leh duh chu lo ‘inenglo’ ta pawh nise eng nge kan tan a pawi vak na
mahse tlangthang lem lo se chu a tu ve ve tan pawh a thra. Ka han ti ve duah tak nanga fanu nula te nei ve ta ang ni ila chu ka fanute awm dan a tan chuan ka duhleh hauh si law:D
Report this comment
January 5th, 2009 at 3:33 pm
hetiang vel mai mai hi ni khawvel chu..:-)
Report this comment
January 5th, 2009 at 11:52 pm
Sex hi nupa karah chauh hman tur a ni.Chi tam tak thlaha awm tura duhtu Pathian hian outside marriage ah hian a phal lo tawp.Bible lamah chuan Rom,1Kor,Ephesi,Hebrai etc,ahte khan a inziak,a dang pawh a awm nual.
Report this comment
January 6th, 2009 at 12:22 am
Mizo-te fiamthu nuihpui nasat ber thin kha ZAHMAWH a ni; nuihpui aiin RUMPUI NGHER NGHER kan lo thlang ta zawk a ni mah na!
Nu pakhat pawhin an pa zin haw a lo dawnsawn dan an sawi hi i hre ve tawh em?
“Mami pa, i inbual phawt dawn nge … phawt dawn?”
Ngai daaam suh!
Report this comment
January 6th, 2009 at 12:43 am
‘…’ lai tak hi ka ngai dam lo theilo
Report this comment
January 6th, 2009 at 5:50 pm
Inneih hma sex hmang te Vanram an kai dawn loh chuan Meizial,kuhva,sahdah ti thin te pawh hi..;-)
Report this comment
January 6th, 2009 at 7:55 pm
Sual lian leh sual te hi lei mihring te hian kan thliar mai mai a ni, Pathian mit hmuah chuan a inang reng, Pastor piangthar lo leh KS piangthar lo an kalna a inang reng in ka ring. Mahse leia kan awm chhung hi chuan kan hriselna atan leh kan zahawmna humhim turin kan nun kan uluk a ngai. Nula mipa in an phurh kual an phurh kual theih chu in ngaisang ngai lovang, a zahawmna a hloh tawh a ni…..chuan ‘tih’ paw’n a ruk tein aw
Report this comment