Chhiartute tana thu bengvarthlak tak chu a ni lem lo, rilru-a awm ka rawn sawi chhuak mai ani e. Chawngkhum dan tlang huat lohah. Hmeichhia hi i ngaihtuah fo ang tih chu hriat sa a ni a, mahse i ngaihtuah chik ngai em?
An rilru hi mak deuh mai ania, hriatthiam pawh harsa tak ani. Mal tihlan chak ni awm fahranin chhing fe fe a feng anga, a han thru anga, a pawnfen chuan mal chanve chunglam mah a chuh ang, mahse engmah a sawi lovang. I lo melh vaih erawh chuan , a khuh phak lo tih hre rengin a pawnfen chu a pawt a pawt leh si ang. Mal lanna tura feng chhing a ni lova, amal i hmuh theihna tura feng chhing pawh ani hek lo. Hmeichhia ani a, a feng chhing ve mai mai a ni.
“Hmeichhe finin tuikhur ral a kai lo” titu hi chu nupui hmu zo lo mangang iak ve mai mai ni tur ani,a kai khawp mai,khai mah aw..
Nu-in “Fate u, I pa hi kan tihah tehlul nen ei tur tuihnai lah kan barh thei hek lo,khawi nge zanin chu kan arpui tui lai ngei kha han talh ngawt mai teh ang u” a han ti a. An talh ta a ei a lo hun chuan “A sa tha tha kha i pa pe rawh u,keini engmah thawk chhuak ve lo chuan ei mai mai ila ni mai” a han ti hlarh hlarh a. Chutah zet chuan, pa fing fu fu, rawn tlak hmel pui puite leh officer eiru lian;pulpit tlanga vanram kailawn chanchin sawi zut zut thei pawh hian, rukru pha ang nuah nuahin “A ngailo,a eng pawh ei ila ka puar tho mai, I nu hi duhsak zawk teh u” tiin a riat nuah nuah anga a kethriah leh a nghawng ruh vel a khel nuap nuap anga,tichuan lungawi fahranin a kham nulh mai ang.
Nula nalh duh thenkhat kawr hak tawt zia hi i hmu ngai em? Nang chuan ha ve la i thaw thei mang lovang. Mahse hmeichhia zawng tawt hian a ngam lova, tawt mar tlat pawh ha sela,pass lawmnaah chuan ala mal zai ar ar thei tho zel mai.
Tlangval tha tak, pasala neih tlakte pawh hi a hre lo a ni bik lo,a hre lutuk tlat. “He tlangval hi afel khawp mai, mei pawh a zu ngai lo a zu pawh a in ngai lo pasalah atha viau ang,thriani nang nei teh ka ti” a ti theuh mai ani. Chawmhlawm speed-a tlan khu vut vut pha chin leh, showroom atanga thawmhnaw thar nei thei apiang chu a ngaisang satliah lo anga a ngaizawng hial ang. Mahse pasal neih a hun meuh chuan sorkar zem zen pha ngat,amah pawh hian a inchawm zo ani tih a hriat chian hle chu a nei thauh mai ang.
Mipa zingah thaibawi lova inngaite chu mahni inbum mai mai an ni. Hmanlai ata tawh hmeichhia chuan khawvel hi a chawk buai thei khawp mai. Helen of troy chu Greek-ho leh Trojan hovin an indo phah luai luai a( TROY tih film Brad pitt-a channa ah pawh kan hmuh kha), Aigupta lalnu Cleopatra lah Rome lal Julies Caesar-a te, Mark Anthony-a te’n an buaipui chiam chiam a nih kha. Zawlnei Elija meuh pawh Jezebeli hlauin a tlanbo tak zak zak kha.
Hetih teh hrep vang hi ani ange Siamtu pawhin khawvel Chhandamtu pianna tura mipa thlang lova HMEICHHIA a lo thlan ni.
.
(Y)
January 11th, 2009 at 6:16 am
khi pawh awmze nei lo bawks
Report this comment