1st. Thursday: Nizan khan Zoramthanga (34) Aizawl Dinthar Veng chu an kawmchhak concrete building chung zawla halpuah halna atangin a tawlh liam palh a, a hnuai step-ah tla tlain a hmunah ka pawh chhawn lovin a boral nghal a, vawiin khan an veng thlanmualah vui liam nghal a ni.
2nd. Friday: Vawiin khan Kohhran tamtakte’n kumthar lawman ruai an nawn leh hlawm.
3rd. Saturday: Vawiin kha kumthara Inrinni hmasa ber a nih angin chakkhai lama bazar kal an tam hle a, kum danga hetiang hun aiin bazar-ah mihring an tam a ni. Chawhmeh bazar leh secondhand thawmhnaw thing an tam leh hle a, dawrkaite dangte erawh chuan inhralh a la harsa deuh niin an sawi. Taxi leh City Bus pawh dan pangngai angin a tlan leh tawh a, Traffic Police-te pawh ngawrh takin an duty leh tawh a ni. Bank leh Dak In Puite pawh dawr theiha hawn an ni leh tawh a, mahse Inrinni a nih avangin chawhma chauh an hawng a, hemi vang hian ATM atanga pawisa la chhuak an tam hle a, sei tak intlar ngai khawpin an tam a ni.
4th. Sunday: Vawiin khan Mizorama Chhandamna Sipai Pawlte chuan kumin chhunga Corps Council member tur leh SAY hruaitu turte bakah kum thum chhung atana Pastoral care Council member turte an tifel a, nikuma Bible class kai kimte lawmman an sem bawk.
5th. Monday: Cabinet Minister 5, Pu JH Rothuama, Pu Lalsawta, Pu H. Rohluna, Pu Lalrinliana Sailo leh Pu Zodintluanga-te’n vawiin atang khan New Capital Complex-a Civil Secretariat Building thara an pisa an luah tan ta.
6th. Tuesday: Vawiin khan Synod Office leh Synod Department hrang hrang Office-te chu kum thar atan hawn tan anni leh ta.
7th. Wednesday: Senior IAS Officer, Pu Vanhela Pachuau chu vawiin atang khan Mizoram Chief Secretary a ni ta a, Chief Secretary hmasa, Pu Haukhum Hauzel a thlak a ni.
8th. Thursday: New Delhi-a Mizoram House thar, sorkar mi pawimawhte thlenna atana sak tur lungphum chu vawiin khan CM, Pu Lal Thanhawla’n a phum.
9th. Friday: Orissa Legislative Assembly Research Sub-Committee member, MLA 4 leh Committee Officer 1-te chuan vawiin khan Mizoram Assembly House an tlawh a, Assembly Speaker Pu R. Romawia leh Assembly Secretary Pu Ngurthanzuala-te an kawm a ni.
10th. Saturday: Aizawl District SSA-in zirlai naupangte tana a thlawna lehkhabu a sem tur chu tukin khan Parliamentary Secretary Pu Chawngtinthanga’n Vanapa Hall kawt atangin a vai liam.
11th. Sunday: Vawiin kha Mizoram-a Chanchin tha thlentu Rev. J.H. Lorrain (Pu Buanga) leh Rev. F.W. Savidge (Sap Upa) te Aizawl rawn thlen kum 115-na a ni a, Mizoram-a Kohhran hrang hrang-te’n he ni pual hian hun an hmang ani.
12th. Monday: Vawiin khan Mizo Zirlai Pawl hruaitute chuan School Education leh Higher & Technical Education Minister, Pu Lalsawta chu a Pisaah an hmua; Education siamthatna tura Commission din a nih thuaina turin rawtna an thlen.
13th. Tuesday: B. Lalhmingpuia, kum 43 mi ruang chu vawiin khan Tuithiang venga a chenna In-ah hmuh a ni. A lua hmun thuma hliam nasa tak tak leh a kuta hliam awmte atangin chempuia sah niin a lang a, a bangahte pawh a thi per hmuh tur a awm a ni. A ruang atanga a lan danin he pawi khawihna hi Thawhtanni vela thleng kha niin a hriat a, a chenna In inkalh reng avanga ngaihthalote’n an hawn hnuah B.Lalhmingpuia ruang hi he In chhungah hian hmuh a ni a, vawiin khan Aizawl Civil Hospital-ah post-mortem a nih hnuah vui nghal a ni. Police-te chuan he inthahna thlengah hian tualthah thubuai ziak lutin a titu an zawng nghal a ni. Amah hi PAMRA President B Zorampara nau a ni.
14th. Wednesday: Aizawl City Bus, MZ 01 C 9981, North Lungleng-a Pu Lalramchhana khalh chu vawiin khan Chaltlang MST Workshop bulah a brake fail vangin a let a, vanneihthlak takin thi leh hliam na an awm lo hlauh.
15th. Thursday: National Aids Control Programme-a hotu lu ber, Pi K.Sujata Rao chu vawiin khan Mizoramah a lo zin.
16th. Friday: Kum 2007-a Tuipang BDO Office atanga sum, cheng nuai tam tak bo nia sawi chhuitu Mizoram Police, Anti-Corruption Branch chuan vawiin khan Aizawla Special Judge Court-ah an thil chhuina leh thil dik lo hmuh dan ziah lanna, charge Sheet an thehlut.
17th. Saturday: A kaihhruai MNF member paliin an thlawpna an hnuhdawh avangin Mara Autonomous District Council Chief Executive Member, Pu M.Laikaw chu vawiin khan a bang.
18th. Sunday: Vawiin khan Mizoram chhung leh pâwna Presbyterian Pastor Bial hrang hrangah Pastor leh Probationary Pastor lak luhna programme hman a ni a, Pastor 29, an bial chhuahsan a, bial thar vawng tur an awm a, Pastor 19, nemngheh thar an awm bawk a, Pro. Pastor pakhat thawk lai awmna hmun siam rem a ni a, Pro. Pastor-a lak thar mi 20 te dah ngheh an ni bawk a, Masihi Sangati Pastor thar tur mi 5 an awm bawk a ni.
19th. Monday: Chief Minister hlui Pu Zoramthanga chuan vawiin khan Aizawl Press Club-ah chanchinthar lakhawmtute kawmin, “January ni 5-a Aizawl tualchhung chanchinbu pakhat, Evening Post-in Rev. Chanchinmawia thihdan chungchang a chhuizui a tarlannaah MNF sawrkar-a Minister 3 inrawlh ang leh, Rural Development Department pawisa pawh Rs. Nuai 770 lai hmang anga a tarlan chu thudiklo leh chhui chian ngai nia a hriat avangin Evening Post Editor pawh insawifiah turin, Legal Notice pek a ni,” a ti a, “Mizoram Police Special Investigation Team te chhuifiahtir a nih hnu-ah chhui zui zel turin CBI kutah MNF sawrkarin a pe tawh a, an chhuina Report hi a rang thei ang bera pe turin tuna Mizoram sawrkar hian CBI an nawr a ngai a ni,” a ti bawk.
20th. Tuesday: Mizorama District 6-ah Village Council 556 thlanna, February ni 24-ah neih a nih tur thu vawiin khan Mizoram State Election Commission chuan thuchhuah siamin a tarlang.
21st. Wednesday: Chief Minister Pu Lal Thanhawla chuan vawiin khan a bial Serchhip a tlawh. Assembly Term thara a bial tlawh vawikhatna a nih avangin ropui takin bial mipuite’n an lo hmuak a ni.
22nd. Thursday: Mizoram sorkar Ukil, Gauhati High Court Mizoram Bench-a Additional Advocate General leh Public Prosecutor ni bawk, Pu Nelson Sailo chu vawiin khan sorkar inthlaka tihdan phung hman chhoh mek angin a bang. A banna hi vawiin khan Law Secretary hnenah a thehlut a, a copy hi Law Minister hnenah a pe bawk a ni.
23rd. Friday: Mizoram Presbyterian hnuaia Pastor Bial hrang hranga Kristian Thalai Pawl (KTP) Bial Conference chu zanin atang khan tan a ni a, Chawlhni zan thleng a awh ang.Zanin khan Bial hrang hrangte chuan inlawmna leh report ngaihthlak inkhawm an nei a hlawm a ni. CKTP Leader Rev. C Lalsangliana chuan Khawbung bialah Conference hi a hmanpui a ni.
24th. Saturday: Vawiin chhun khan Saiha-a ECM kohhran mipa pawl hnatlannaa thawkchhuak, kum 68 mi, Pu LT Pahu chu thingin a delh avangin kâ pawh chhâwn lohin a thi.
25th. Sunday:Ni 23rd Zirtawpni atanga tan KTP Bial Conference chu a tiak ta.
26th. Monday: Ram chhung hmun dang rualin vawiin khan Republic Day Champha vawi 59-na chu Mizoram-ah pawh phur tak leh ropui taka lawm a ni. A lawmna inkhawm lian ber, Aizawl Lammuala tukina neihah Governor, Lt. Gen. MM Lakhera chuan hnam puanzar pawt pharhin Parade a endik. Hemi hnu hian Parade contingent 27-te hnam puanzar Chibai buk a chhang let bawk a ni. Mipuite hnena thuchah, Mizo tawnga tawite sawiin Larsap chuan Republic Day lo thlengah mipuite duhsakna a hlan.
27th. Tuesday: Thla thar ni 2-a New Delhi-a neih tur, NREGA Mela-a Serchhip District atanga tel turte’n vawiin khan Serchhip an chhuahsan ta. He Mela-ah hian Mizoram pum atangin mi 50 bawr vel an tel dawn a ni.
28th. Wednesday: Vawiin chawhma dar 10:30 vel khan Bilkhawthlir Kawnvenga Pu R.Thanthuama in (Assam Type) chu gas puak avangin a kanga; bungrua engmah chuh hman lohin a kangral vek. Thi leh hliam erawh an awmlo.
29th. Thursday: Vawiin khan Police Headquarters-a Arya Mess-ah kum 2007-08 chhunga ral kuta thi IR Bn. police thi mi 14 chhungkhat hnai berte hnenah Home Minister Pu R. Lalzirliana chuan zangnadawmna pawisafai thahnem tham tak a hlan.
30th. Friday: Vawiin khan Health Minister Pu Lalrinliana Sailo chuan State Health Minister meeting, Ashoka Hotel, New Delhi a neih ah telin thu a sawi. He hun hi Union Health Minister Dr.Ramadoss in a ho a ni.
31st. Saturday: Mission Foundation Movement chuan kum hlui-a an hnena Missionary Training zote pualin vawiin khan Graduation Day an hmang a, tuna training zote hi hlawm 7-na an ni. Bawngkawn Hmar Veng Kohhran Hall-a he ni an hman hi Chief Minister Pu Lal Thanhawla’n hmanpuiin training zote hi Certificate a hlan a ni.
Similar Posts:
- Mizoram sorkar leiba – “Vaibelchhe 3,611”
- August 2008 Mizoram Diary
- Cabinet in district thar siam remti lo
- October 2008 Mizoram Diary
- January 2010, Mizoram Diary
February 5th, 2009 at 9:36 am
11th Sunday: Vawiin kha Mizoram-a Chanchin tha thlentu Rev. J.H. Lorrain (Pu Buanga) leh Rev. F.W. Savidge (Sap Upa) te Aizawl rawn thlen kum 115-na a ni a, Mizoram-a Kohhran hrang hrang-te’n he ni pual hian hun an hmang a ni.
He he! Zoram Vartian by Lalhruaitluanga Ralte lehkhabu ziak kha an chhiar lo em ni? Phek 202-naah khan, “Pu Buanga chhinchhiahna atangin Aizawl an luh hi January ni 16, 1894 tih a hirat chian theih ta a ni,” tiin foot note rinawm tak Pu Buanga Log Book ngei atanga rawn la chhuak a nih kha!
Lo hman than tawh laklawh kha A DIK LO tih hre reng chungin an hamng ngam em ni? Reformation hi chu Sorkar mai ni lo; Kohhran pawh hian a harsat hle a nih dawn hi. Kum AD 2002 January 11 lah khan McDonald Hill-ah Revd Chuauthuama ‘Mizoram Presbyterian Kohhran 2002 Nilai leh Beihrual Thupui’ an hal vel tawh bawk kha!
Engtikah nge Synod Press Manager-in thudik zawk a rawn tarlan ve hian hun leh hmun a rawn luah ve theih tak ang le? A dik apiang pawm zawk turin Lalhruaitluanga Ralte hi ka SUPPORT FULL thak e.
Report this comment
February 5th, 2009 at 10:22 am
31st zanlai dar 12:00 ah khian, lal-pi-balckmagicwoman i leh lal-pu-balckmagicwoman-a te chu an in — engngemawni–
tih i telh lova 
Report this comment
February 5th, 2009 at 11:48 am
December 2008 Diary ava ang chiah love?? Decenber ni 2 ah kumthar nawnna ruai an theh tak tak amaw???
Report this comment
February 5th, 2009 at 11:51 am
Keipawh December 2 khi lo sawi ka tum lai tak. Sa rawp deuh Kohhran an nih duh hmel
Report this comment
February 5th, 2009 at 12:45 pm
December ni lovin January ni om zok tak a ni
Report this comment
February 5th, 2009 at 3:41 pm
lalviking!! hets hets hets. nang zet hi chuan min va han zuam tak e awwww! keini te chu zan dar 12:00 kan nghak ve kher ngai hlei nem. Nang anga zanlai a chass te bedroom a zawhte ang threm² a lawn luh ngai ang situation ah kan awm ve leu!! *cheeky and smug grin*
Report this comment
February 5th, 2009 at 3:41 pm
Bengvarthlak khawp zel mai. Thil chik peih mi thian misual-a in lo awm thin hi. Diary pawh ziak kumtluan peih thin lo kei ang tan hi chuan in hlu e. Han chhiar mai pawh khian January 2009 tih a chiang a, famfim lohna khawvelah kan la awm tih ti chiangtu a ni e. Thanks, Chhana..
Report this comment
February 5th, 2009 at 3:43 pm
Chhana hi chu i ti thra ngawt mai. I fel thlip thelp hmel. Eng hna pawh thawk la ( or eng pawh zir la), thra tak leh taima tak duties hlen mi i ni ngei ang.
Report this comment
February 5th, 2009 at 3:48 pm
BMW!! Ehem!! Iva thluak ve, senior tawh lamah hi chuan, a theih dan dan hian kawng hi dap a ngai ve reng a ni.
Report this comment
February 5th, 2009 at 4:25 pm
bmw chu kan va hrechiang deuh ve
Sawi kher loh pawha hriat mai category ah khan a awm tlat tawh a 
Report this comment
February 5th, 2009 at 4:29 pm
@chhurlian, a ruk chhuan thluak ve deuh ka nia sin!!
Report this comment
February 5th, 2009 at 4:30 pm
e khai kanidar, i off-topic dawn tlats. chhanan a hau ang che! ( tih jeih mai tur)
Report this comment
February 5th, 2009 at 4:33 pm
hmnnn, bmw, thla engzat nge a liam tak aw, misual ah kan va in tawng khat ve le… off topic te chu kan englo then ve na a nia..
@chhana chu bei thra thin khawp mai. Maipawl pu kher lo pawn kan beng a lo var phah ve zel a nia..
Report this comment
February 5th, 2009 at 4:36 pm
lal-pi-blackmagicwoman
ka rawn puan ta mai che anih kha, ka thiam loh a ni e 
Khi nang pawn min puan ve thova, kan in –Dro– 
Report this comment
February 5th, 2009 at 4:43 pm
kanidar, nia nang leh i fan club members te hi ka in tawng khawm khat khawp mai. Hei KFC tshirt sen lar vawk ka order pawh ka ha mek e!! Irre leh amanda hi khawnge maw ang awm le. Luliana hi a vang khawp bawk.
Report this comment
February 5th, 2009 at 4:55 pm
Offside king KANIDAR te ang hi chu …… ahhhh rel leh lo mai ang,, lo phur leh surh surh om em mai… Pi BMW-i chu va reh deuh veeeeee
Report this comment
February 5th, 2009 at 5:01 pm
ConXX, hei i KFC tshirt design nalh lutuk kha ka ha mek e!
Report this comment
February 5th, 2009 at 5:04 pm
Heih! Off topic su!!
Pu Hawltea khian lung phûm lo in coconut a sawh keh a ni lom ni!
Report this comment
February 5th, 2009 at 5:16 pm
December 31 zan Wonderboy a chatthla tih an va ziak tel ve miah lo…
Report this comment
February 5th, 2009 at 5:22 pm
Nia chahthlak miau loh chuan ziah tur âwm awm lo tak… akekeke
Report this comment
February 5th, 2009 at 8:32 pm
Tukin zing dar 5 vel khan Pu Lalthanzama IFS (ret) chu cancer natna hun rei tak a tawrh hnu in a chenna in Electric vengah a boral, amah hi chhang siamna lartak Zote beckary neitupa a ni a,mizo zinga IFS hmasa ber a ni bawk tih misual te ka rawn share ve mai mai che u a ni e.
Report this comment
February 5th, 2009 at 8:37 pm
RIP – Pu Thana
Report this comment
February 5th, 2009 at 9:04 pm
Dec 31 zan te chuan wondera te chu chahthlak chu khawi lam, zan a rei tulh tulh a, a ngaih a tha lo tulh tulh, a nui leh suk thin bawk nen
Report this comment
February 5th, 2009 at 9:46 pm
Beckary hi a tui bik asin! Thianpa Sangtea pawh kha a ngaihawm hle mai! A thu bum mai a; mechanism lamah lah khan a namai lo … hriat loh ahleih pawh kha a nei lo …Zote Beckary! Beggary, Blacksmithy … a tui lo sawt vel! Mizoram DAIRY ni phei phei se … a tui zawk daih ang! LOL
Return If-U Please!
Report this comment
February 5th, 2009 at 9:59 pm
Kan naupan laia U Sangtea lian kan tih theih zia kha awww, a cousin Mapuia (a ke a bal thei a sin aw
) te nufa pawh kha an lian teh e ;D
Report this comment
February 5th, 2009 at 11:03 pm
Chhana Dec diary i ziah rau rau te chuan,urlawk zan @kanidar hman dan tlangpui hi ziahlan ve ngei chi asin ,@bmw keipawh KFC fan club tih lian tawka ziak T-shirt sen @ConstantineXX in a design ngei mai kha ka ha e
Chuan January thla diary ni zawk lo maw chhana i ziak khi
Report this comment
February 6th, 2009 at 8:13 am
@Aryan : January 2009 Diary i rawn hun chhuah leh hunah February-a thilthleng hlir i rawn tarlang leh dawn em? Thla 13 neih kum atan i zarah kan hmang anga a ni mai alawm! Juda-ho Adar Sheni neih kum dungthulin!
Report this comment
February 6th, 2009 at 9:22 am
@amanda-e, keini urlawk hman dan te chu kohhran record buah a awm thlap ang chu
haha… tarlan a ngei nem… mahse 31st zan khan wonder an chak tawkin Dinthar vaitlang ah tu emaw ni (sam sei, zai thiam) a phur a nia auh.. (ka chhe zawt zawt em? ) 
Report this comment
February 6th, 2009 at 10:33 am
December 2008 chu hetah hian a awm tawh a, January ah ka thlak ta e. Publish lai in kan lo fimkhur tawk lo deuh pawh aniang e.
https://misual.life/2009/01/.....ram-diary/
Report this comment
February 6th, 2009 at 3:29 pm
Chhana chu ti tha hle mai,ka fakna em em che chu i X-mas hman na hmun Israel atrang pawn Mizoram diary i la ziak thei hi,a hmun ngeia awm ai pawn i ti tha e.(Israela i cham chhung a kanin hmu lo erawh apawi lungrun.Hearthrow:D airport atrang chuan mi i thlawh dawn tak,i ngaihawm dawn hle mai.Kan mikhual neih dang te ang lo takin nang chuan Israel-a mizo te chu min han sawichhe vak duh mai lawng maw?
Report this comment
February 6th, 2009 at 3:40 pm
taia-pa chu enge maw hriat nei i va ang deuh ve
Report this comment
February 6th, 2009 at 11:19 pm
Chhana Varte chu i ti tha khawp mai a
Report this comment
February 6th, 2009 at 11:28 pm
taia-pa: Insawichhiat tihvel hi lak serious tlak pawh ani amawnle. mi minsawidan avang hian inti hrehawm duh lo ila, mi min ngaihdan hi care bawklo ila tha kati mai. SURVIVAL OF THE FITTEST anih hi.
Report this comment
February 6th, 2009 at 11:29 pm
@funny, zanin chu i va ‘but nice’ tel lo ve a. mood a fuh vak lo ni maw?
Report this comment
February 6th, 2009 at 11:33 pm
BMW funny_but_nice tih khan ka comment theilo thin a, enge awmzia pawh ka hrelo. account dang ka siam ringot alawm, funny tih hi. min hre thova pawilo kati mai.
thian kawmtur nei velo ta chuan misual hi ka addict deuh tlat tawhmai. ka thian kawm ve theih awmchhun in ni e.
Report this comment