‘Politics’ han tih hian a awmzia kan hriat dan hi a in ang lo hle mai a. Mizo hovin Politics kan tih leh Lehkhabu in Politics a tih hi chu a lo dang daih mai a. Keini chuan Politics tih tawh chuan a chhe zawngin kan thlir a, kan political system kal dik loh avangin Politics leh a kaihhnawih zawng zawng chu kan hmu bawlhhlawh a, hlemhletna, duhamna leh eirukna khurah kan ngai a. Ni e a dik alawm, kan hmuh phak politics ve zawng khiti mai khi a la ni si.
Greek tawng chuan Politics chu ‘State’ tihna a ni a, state chuan eizawnna, ram huam chin, thiltihtheihna leh mipuite a nei tel ani. Eiruknate, hlemhletnate leh mahni inhaivurna tih nen chuan a dang khawp mai. Kan lo hmangsual mai zawk a ni.
Hei keini Mizo ho pawh Politics ah kan sang chhovin Central lamah hma kan sawn ve sawt ta hle mai. Mizopa dik tak mai Kulikawn, Aizawl a piang, kan Mizo pa ngei mai Pu HT Sangliana chu Congress in Centralah an la lut der mai. India ram chanchinbu larber in an website hindu.com ah an lo tar kuau mai, a ngaihsan awm mai ni lovin hei hian Mizoten thil kan tih theih ve tawhzia a rawn ti lang a. Mizo te tana sulsutu ropui tak a nih pawh ka ring a ni. Reivak lohah US President thlantlin thar Barack Obama in breakfast eipui tura khawvel ram hrang hrang atanga thlanchhuah mi 160 zingah a tel bawk a, heti hian chanchinbuah a lo ziak kuau mai.”Former SuperCop and Member of Parliament (MP), Shri HT Sangliana has been invited to the White House to attend President-elect Obama Breakfast with world leaders on February 5, 2009.com.As part of induction ceremony to the President of USA, President-elect Barack Obama is organising Presidents’ Breakfast on February 5, 2009, 7:30AM and has invited 160 odd leaders from all over the world. Among the selective invitees, Pu HT Sangliana is one of the lucky persons,according to kaladan.com.” A ropui hle mai.Tunah ah hian USA ah a awm mek tawh a ni.
Hei, tunlai khawvelah chuan tharumin an in bei tawh lova, Politics, Economics te indona hmanrua ah an hmang tawh a. Ram hausa sa ten ram rethei te an thu hnuaiah an dah a, hausakna hmangin an inrun tawh a. Chuvang chuan Politics pawh hi mahni ram tana tha tur chuan mahni State chhung ngawr ngawr a khelh ni tawh lovin ‘Core’ kan ti dawn a mi, a chhungril atanga luh a ngai tawh a.
Kan kristianna hi zauh tur leh hmasawn tur chuan kan ram pawna ka feh chhuah hi a ngai tawh ani.Chutiang bawkin Politics pawh a chhungril atanga luh a ngai tawh ani. Pu HT Sangliana hi keini Mizote tan Central lamah a han zuanglut hi, hmasawnna mai bakah a bul tanna atan ni se ka duh a,Congress ticket in Bangalore-ah a din ngei a rinawm a, tin, thlan tin ngei anih pawh a rinawm ani. Central lamah lah Congress an lal leh a rinawm bawk sia. Chutiang anih chuan Pu HT Sangliana hi Central Minister te pawh a changpha mai long maw? NEC te han chang ta se, Mizoram mai bakah, North East hian kan van hlawkpui dawn em ?
Mizote hian hmasawn zel kan duh chuan Politics te, Economics ah te hian hmasawn zel turin tan ila ang u, Globalization khawvelah chuan ram a changkang telh telh a, Culture ah an buai tawh lo, Culture te chu khawvel hmasawnna ang zelin a danglam a, mahse hausakna, thiltihtheihnate chu khawvel a awm chhung chuan ramin a mamawh ber a ni tlat a ni. Chuvangin hmasawn zawng zelin I kal ang u.
‘As long as the World exist Wealth is Power and Power is Everything’
Similar Posts:
- Lok Sabha Inthlan Result
- Kulikawn pa HT Sangliana ka hmu ve ta!
- With God on my side I can do it: HT Sangliana
- National Prayer Breakfast (US)
- Mizo MP Candidate Election 2009
February 5th, 2009 at 1:48 pm
Comment hluai kan tum deuhva mahse ka peih leh lo
Mi dangin han comment phawt sela hnial chakawm deuh an awm leh ka comment ve mai ang. Pu H.T. Sangliana erawh mi pakhat zawng a tling chiang a ni.
Report this comment
February 5th, 2009 at 2:02 pm
A tha khawp mai. Han Comment zel teh u`n………..
Report this comment
February 5th, 2009 at 2:07 pm
Babute (a hming ringawt pawh in ning hlui tawh lo maw) te ho vang alawm. Pu H.T.Sangliana te ang awm fur sela chuan Zolitics a ni bik nang.
Report this comment
February 5th, 2009 at 2:13 pm
@micky, bei tha khawp mai, rawn post zel rawh. Thudik tan ngam mi chu chawisan in an awm zel ang. Pu HT Sangliana khi kan Zoram Politcians ho hian entawnah hmang se a tha ngawt ang.
Report this comment
February 5th, 2009 at 2:24 pm
keichu “Politics” nilo in “poly-tricks” tiin ka lo hriaa ..
Report this comment
February 5th, 2009 at 2:59 pm
politics is a dirty game….but somebody’s gotta play it
Report this comment
February 5th, 2009 at 3:15 pm
Mizo te hian politics kan hmelhriat dan hi mi nawlpui hi chuan Party nen hian kan chawhfin deuh roh ni hian alang. Party hamthat nan, party puite induhsakna remchang kan melh tlat thin. Ram ropuia hruaitu langsar te ‘politics’ nen hian a inang lo tlat zel. India Independent hlima Pu Nehru-a’n India kaihhruai a tum dan te, American Revolution 1776 a an hruaitu G. Washington-a President ni tate rilru leh sukthlek te ang kha a ropui, politics tak tak a ni.
Keini chu kan sorkar chuan – kan khaw zirtirtupa hi chu ka transfer ang tih te, wheat vai/ K. oil agent nih ka tum ang tih vel te te kan tuipui chho a, a lian deuhah supply/contract etc. heng vel hi kan buaipui tawk a ni kan politic-ah chuan.
‘Change’ te hi kan tuipui ve viau a, kan hruaitute pawhin an lam ve faih faih thin, a pawimawh ber chu rilru lam ‘change’ hmasak phawt hi a ni.
Politics a fuh loh chuan ram a hausa thei thin lo, politics fuh lohna rama mimal lo hausak kha a zahthlak hle zawk a ni.
Report this comment
February 5th, 2009 at 3:17 pm
Politics is not a dirty game, it is zolitic who play is dirty/messyy – lozzzzz
Report this comment
February 5th, 2009 at 3:27 pm
Patriot! Mi pakhat vek alawm kan nih. Nang pawh kha mi pakhat chu tling tak i ni.
Pu Sangliana hian an sawm chhan a hrelo tak tak a nih chuan a va mak dawn ve. Tin he breakfast hi thil thar a ni hranpa lo a hming hi “The National Prayer Breakfast” tih a ni bawk, 1953 atang khan kumtin neih a ni thin a. Hetah hian chiang deuhin
https://en.wikipedia.org/wiki/N....._Breakfast
https://www.novinite.com/view_news.php?id=100839
Report this comment
February 5th, 2009 at 4:39 pm
Micky ziah tawifel tha hle mai!
Report this comment
February 5th, 2009 at 4:41 pm
Pu HT.Sangliana hi a Police tan lai chuan an ngaisang lutuk a, Pathian biakin an be lo chauh nia mawle! A sawi uar phei chuan thlawk thei hialin an sawi zu nia! Physically & Mentally-ah a lo turu kawp em a lo ni. Spiritually lam phei chu ka hre tam lo a…
Report this comment
February 5th, 2009 at 4:43 pm
nia H. T .Sangliana chanchin hi an sawi nasa khawp mai, a chanchin chhiar tur kimchhang deuh ka van duh tak, hria in awm lo maw ?
Report this comment
February 5th, 2009 at 5:00 pm
@Viking, a buin an siam kha.. A rei deuh hlek tawh a, lei tur hi awm tawh lo ni mai thei. Ka nei ran mai a…
Report this comment
February 5th, 2009 at 5:12 pm
@lal-viking, A film pawh an siam kha, amandate-in a nei khrim2 ang.
Nia, Pu H.T-a hian NEC hi chang thei se a tha ngawt tak ang.
Report this comment
February 5th, 2009 at 6:04 pm
‘Zo’ tih hi thil tha lam sawi nan engtikah nge kan hman ang aw??
Report this comment
February 5th, 2009 at 7:20 pm
Thiante u, in va reh ve… mi thianghlim lawr thleng ta mi?
Report this comment
February 5th, 2009 at 7:31 pm
Politics = means
Fiamthu a nia!
poly = many,
tics = creepy crawlers, blood suckers (insect)
Politicians = blood sucking people
Report this comment
February 5th, 2009 at 8:03 pm
Politician ho an “joke” na pakhat:
India ram Punjab state lamah Politician ho mi 40 vel bus pakhat in an kala, accident an tawk a, kawng sira thingkung an bus chuan in a su a, politicain a thren an thi a, a thren chu hliam liantak an tuar a. Accident-na hmun kianga Punjabi farmer pakhat chuan an vai maiin a lo phum (burried) ta mai a.
Police ho in chu farmer chu an zawt a, “ka pu an vaiin an thi emni, i phum vek a” an ti a, farmer chuan “a thren chuan ka la dam/nung e an ti a, an rum vak avak a, mahse, in hriat ang in politician ho thu sawi hi chu a rin awm lo lutuk a, ka phum vek a nih kha” a ti. LOL…..
British Prime Minister Winstan Churchill pawh khan “Politician chu thil lo awm tur a taka chang tur ang mai a sawi thiam, a sawi anga a lo nih loh huna phatna sawi thiam tak hi” a ni e, a tia lawm…
Report this comment
February 5th, 2009 at 8:09 pm
RDAC, ka ngaihtuah chhuah ni awm tak a ni
Report this comment
February 5th, 2009 at 8:32 pm
Zolitics…Kan hruaitu hmasa te atangin kan rilru a dik tawhlo niin ka hmu.Ram hmangaih vang ni lova mahni inhaivur ringawt kan ngaihtuah,Pu Vanlawma lehkhabu ka ram leh kei kha lo chhiar ve teh u,in lo la chhiar loh hlauh chuan.
Report this comment
February 5th, 2009 at 9:00 pm
@ Dinthara : ‘Zolitics…Kan hruaitu hmasa te atangin kan rilru a dik tawhlo niin ka hmu’ Dik ka ti ltk !!
Kan rama politiks a lo luh dan leh kan kalpui dan han chhui kir khan ram ropui han inthlen zia reng kan ni hleinem. Mizo Union in Lal ban piolitik an khel a, seihlei pawh thlak duh nain kan tran a, Kum za chuang hmangaih taka mahni khua leh tui te lo enkawl tawh tu te chu paih thlak an ni a, khaw tam takah chuan a nasa thei ang berin an diriam zui a, lal ngai lovin ram enkawlna an han changa an paih thlak takte aia thya a hruai dan an hre chuang hlei lova, an mahni inhai vur nan an hmang a, tun thleng hian a tih dan tur emaw kan ti ta tlat a nih hi.
Politics khel fuh kan tih te chu ram leh hnam tana ro tling chher chhuak tute ni lovin politic an khelh atranga lo hausa thar ta thut te hi an ni zawk ta, an taksa leh rilru in a tawrh khawpin ram an vei lo a ni tih hriatna chu MLA emaw minister emaw an han nih hnu rei vak lovah an thau hmak zel mai hi
chu mai ala ni lo, thlan tlin an nih hnu hian an hriselna a tha lo thar ta thut emaw tih turin phai lama incheckup turin an zin tlut tlut deuh ziah bawk 
Khawvela politician ropui bera ka hriat chu Mosia kha a nia, a ni kha chuan mipui sang tam tak kha ramtiam a hruai thleng thei a ni.
Ka’n tih ve tak duah chu a…
Report this comment
February 5th, 2009 at 10:17 pm
Nizana ama car lei thar hmanga chesuala boral zui nghal, ka thianpa duhtak K.Lalnunmawia (Tenuna) hmingin ka han comment ve e. Politics in Mizoram sometime means “Chhelitics”.
Report this comment
February 5th, 2009 at 10:23 pm
Mosian Commission a dawn kha HRUAI CHHUAH a ni chauh lawm —Ram Tiam hruai thleng ni ta ngat se … Mosia leh Messia an intluk ang asin!
Chuvangin, Krista Isua a ropui lehzualna em em pawh … a thihnain sual lak ata min hruai chhuak a; a thawhlehnain TIAM RAMHLUN-ah min hruai lut —chu chu zekhelhnain Mosia leh Joshua tang kawp dun kha a ngaih phah ta reng a nih kha!
Politics kalphung pawh hi Politikos atanga rawn zi-mar chho —awmna ram khualehtui insorkarna kawnghmang fela thilduan zawng a ni phawt a; engemaw chen zawng kan ti lo bik lo! Mittlung taka hlenchhuah hi a lo har ngang a nih hi! History thlir kual puat puatin —Empire pawh kum 300 vel awh theiah i dah tlangpui teh ang; kum 100 hmasaber hi chu intuituah nan tak taka beihpuithlak; kum 100 dang leh chu remna leh muanna atana khawsak nawm nan deuh; kum 100 hnuhnung ber erawh chu ngaihsam-ngaihthatna nena inhtlahdaha rawih lam pan nan! Tichuan, Empire thar dang rawn chetchhuahna remchang a lo inhawng leh chawk thin angah i ngai teh ang!
HT Sangliana pawh a vanglai thaa la inhmang thei a ni; Zomi-te tana mi namai lo leh uihawm ni satliah ngawt lova —mi tangkai leh hruaitu dik a nih zui ka duhsak e … Mizoram FASTING break-tu pawimawh a nihzui zel theih nan Obama’s BREAKFAST chuan chakna tharin rawn thuam chak zui zel rawh se.
Report this comment
February 5th, 2009 at 11:18 pm
Agree with you Borat!! Nia LVK i duh tak2 chuan a chanchin an ziahna (Dr.Lalrinawmi Ralte leh a pasal) leh a film Kannada/Hindi film an siam kha ka lo thawn ang che, i postal add lo sawi la
Report this comment
February 6th, 2009 at 12:28 am
Lo reply vek chakawm hle mai,ka hna ah ka buai deuh a duh angin hun ka nei lo a,,…..nway
Thahnem ngaia min lo comment sak tute leh support chungah lawmthu ka sawi e,min lo criticised sak leh feedback tute chungah pawh ka lawm tho…mahni hnampuite ngaihsan na chang hriat hi a tha khop mai..hei vairamah te kan awm a,a rual awhthlak zia kan hria a,helai hmuna hetiang ang chhuan tur mihring kan nei hi kan vannei a ni.
Politics definition te chu hria kan lo tam hi….a dik alawm keimahni hmuh dan atang zelin….America ah chuan Politics hi thianghlim a nia,helaia Politics nen chuan inang lo hle a ni,chuvangin kan politiciante awmdan zel hi mipuiin kan hmuhdan chu a ni si…..
Khawvel awm chhung chuan Mizo kan ni dawn,Mizo kan nih chhung chuan Mizoram bak khi kan ram a ni dawn lo….wanna survive…Jus Love It
Report this comment
February 6th, 2009 at 12:41 am
Politics hi mizo zingah chauh pawh nilovin a chhe zawnga ngaihtuahna hi a awm ve hrim hrim mai. Amaherawhchu a lovin kan awm thei tak tak lova, thil tha lo pawh a ni lo. Hman sual theih a ni a, a kal sual chuan ram leh hnam boral hlauhna thleng thei a ni bawk. Chuvangin mi dikin an khelh chuan malsawmna kawng a ni bawk. Biblein “mi thianghlim tan chuan engkim a thianghlima, mi bawlhhlawh tan chuan engkim a thianghlim” a tih ang deuh hian a kheltu a zir a ni mai ang chu a thatna leh that lohna chu. Mizo politician zingah pawh mi dik engemaw zat an awm ngei ka ring.
Report this comment
February 6th, 2009 at 12:42 am
Oops “mi bawlhhlawh tan chuan engkim a bawlhhlawh” tih zawk tur a ni e.
Report this comment
February 6th, 2009 at 12:58 am
Nia,mi dik chu an awm ngei ang.A tlangpuiin kan mizo politiciante hi mi thra tak leh pa fel kan tih ang chi hi an ni tlangpui hlawm.Mahse lalna an han chang a,eng teh ual an ni leh thrin si lo.Tunlai tawng takin an ‘man’ lo leh tlat thrin.
Report this comment
February 6th, 2009 at 1:07 am
CM hi an pawimawh ber mai awm e. Cleverly crazy CM (ka phuahchawp) kan mamawhin ka hria. Ka tihna chhan chu phungthlu lutuk lo, Synod, MZP leh YMA mit mei veng lutuk lo, lal zui zel loh pawh huama principle nei, mi tih duh loh ti ngam, khawng tak, an nih a ngai ang.
Mangtha ule, ka meng rei fal bik riau, ni dang ang lo takin.
Report this comment
February 6th, 2009 at 1:44 am
Brigadier bang khan min han ho va; a MLA puiten a ruka nuihza siam nan, “Sipai boot kan dawng lek lek tawh ang chu,” an ti thul! Police bang, IPS lai mai khan MP, MLA-te a han ni kual pap pap a; Political hisap a thiam mawh hret ve bawk a. Mipui disciplinary hnuaia chetla ngai hauh lo han hruai tur tak tak hi chuan —sipai, police emawa hmingthat an hlawh tawhna pawhin eng ual a thlenpui bik lo a ang viau. IFS pachal-te pawhin literature lamin foreign atangin bul tan an rawn tum ve hle a; engmaha hlawhtlinnna an nei zui bawk hek lo! Keivom-te pawhin a khan an melh fuh hle a nih loh chuan a la zuan luh ngam miah loh hi!
Ba chi ang deuh tho a ni; tlakna leilung azir a ni tlat. HT Sangliana pawh Mizoram bik atan chuan awhawm hle mah se; Bangalore lama vaiho ang kan lo ni leh hauh bawk si lovang a! Ani pawhin Zoram hmangaih tur chuan a inbih chian a ngai hmasa ber ang; mi fuihpawrhna leh vehthlemna a prove chian hmasak zel a ngai hle ang. Amah ngainatu chilehkuang engzat fakau nge a neih?
A tha berah chuan Zoram a hmangaihna a dai dawn chuang lo bawk a —Zoram politics meilum ai phakin Zoram tan hma chu ngai sela, Hawla-teho nen pawh an thawk tlang thei zawk ang.
INHUPHURH hi Politician-te game langsar ber a ni tih hre chiang rawh se.
Report this comment
February 6th, 2009 at 1:57 am
Amen!
Report this comment
February 6th, 2009 at 1:58 am
Kan minister thar thenkhatte ka kawm kual ve a. A hmaa ka ngamtlak ang thovin ka fiam bawrh bawrh a, pakhat chuan chanvo kan han insem fel chiah a, officer thenkhatte chuan present tha tak tak rawn kengin min rawn lawmpui a, a then chuan i car hi a hlui tawh a nih hi kan lo thlak sak ang che chu,, etc.. te an ti a. Chutiang deuh chuan kawng hrang hrangah tlak tlum tum tak leh beisei let nei tlata lawmpuina chibai han buktu an tam em em a ni. Hetiangah tak hian mi nghet chuan hun lo kal zel tur a thlir a, a dikna leh felna a humhim duh a nih chuan heng zawng zawng hi a hnar ngam tur a ni.
Officerten kan minister tharte an tlawn dan ringawt atang pawh hian mipuite rilru puthmang phei chu a chiang lehzual a. Hna chhete dil turin dan ang thlapa va dil ai chuan eng emaw hum luh kan thlang zawk fo thin. Chuvangin eirukna kan tih hi mipuite pawhin kan zir loh vang bawk a ni ve a. Kan ministerte kan hmuhdan kan kan tlawn huam huam dan ringawt pawh hi thil kalphung tur dik chu a ni lo hrim hrim a ni.
Ka hriatsual loh chuan kan minister ho khi tun thlengin chhungkuaa chawei hman lek lova mi Ina chawei reng mai an la ni hlawmin ka ring.
Officer lian ho hlei hlei khi an huaisenin an luhlul hlawm viauin ka hmu bawk a. Ministerte chu kum 5 awrh an minister a, inthlanah an tlak phei chuan an minister leh tawh ngai lo va. Engmah lo an lo ni leh mai thin a. Officerte chutiang an nih ve loh avangin a tawh pawh a khirh hle ngei ang. Hetah tak hian minister nghet leh huaisen, dik leh fel kan mamawh ta thin a ni.
Report this comment
February 6th, 2009 at 2:21 am
Nizan khan Pu.HT Sangliana nen phone in kan inbia a, a hriltlang hle a, a aw pawh a la fiah lo hle. US hruaitute chuan Kristian politics leaders te chu an ngaihven hmel khawp mai.
Report this comment
February 6th, 2009 at 2:30 am
A field hi hriat chian a ngai … Central YMA General Secretary chelh lai mek ni ta ila; NI VE TA RIAU-a inhmuhna chin nei ta ang ila; mipui rawng ka bawlsakna thutphah hung sawnin; Politics-ah zuang lut thurh ila —eng vakah mah min lo ngai ta bar si lo se! Darbenthek keh chher ri chhek chhek ang lek ka lo ni mai ang! Khawihnunin han char sa teh mah ila, darbenthek ri chher chhek chhek ang mai ka ni tih an hai tawh chuang lo vang.
Mizo mizia hi ka sawichhia ni lovin, sipai-lu-mum rawngrut mai mai pawh hi chapo ve al tak vek kan ni; kum sang tam pawh ral se MAJOR rank ni pha hauh lo turte pawh hian, hotute hnunglam leh an awm loh hlan chuan, “Major/Captain/Colonel mai mai!” ti ngam chhar chhar vek kan ni tlangpui. Kan inzahpah lo hle a; Politics-ah pawh, “Rulin ka mei rap se —chu ila,” ti veka mit-chawngkawr pu tham vek kan ni.
Mizo mipuite min dawmkang tur tak tak khian tu tawngkam thiamna mah kan mamawh belh tawh lo; hna-thawk mi, mi belhchian dawl, rinawm kan mamawh. Officer lianho, an pension thlenga insawhmuk-ho han nuai siah siah ngam tur khi Hruaitu kan mamawh vawt vawt khawp mai!
Report this comment
February 6th, 2009 at 2:39 am
Pu Chawnghilh,mi huaisen politician kan neih ka ring lo. Tlin leh ringawt aim vek an nih hlawm khi.Ka ten hlawm ngawt ania.
Report this comment
February 6th, 2009 at 5:40 am
Dinthara, an la awm em em ang, don’t you worry.
Report this comment
February 6th, 2009 at 8:02 am
@Dinthar : Officer liante corrupt-na hmetmit ngam lo i tihna em ni? Politician huaisente CHANCE pe phal lo kan lo la tam em hlawm a nih zawk khi! Tlin leh hram AIM ngamho pawh khi ‘huaisenna tho’ a ni alawm! Lo ten zel hlawm rawh, full support ka pe a che. Awi! ka chil a rial —ka luak ve dawn! Ka chalah han dawm teh!
Report this comment
February 6th, 2009 at 10:37 am
Politiks khelh hi indostpati ang vela ngai hi kan tam viau ang.
Report this comment
February 6th, 2009 at 10:35 pm
@Chawngnghilh & Dinthar
ti dik khop mai….mihuaisen chu kan mamawh takzet a lawm,kan ramah chuan sumin thil a ti thei a,chuvangin mi huaisente mi tha te pawh an tan kawng a kaw lo em em a,mipuite bum nuam tawk lekin kan finga..tha lo nia kan hriat ngawih ngawih kan thlang tling leh thin a…
in sawi dik e,tawngkam thiam kan mamawh hran lo,a taka che ngam leh thiamna nei,mi huaisen,mi dik,a bik takin sum leh paia rinawm…mahni hnam hrechiang….
@patriot,nia tiro politics te hi an dospati khelh tawh mai zawng a nih hi….sum hmangin an inkhel a ni ringawt…
Han ngaihtuah teh u,Pathian zarah keini chu Mizoram sum ngai in kan awm ltk lo a,mahse han en teh u,kan population 100 a 70 ai tam pawisa khian mi tlemte Political party te bel pha ho 100 a 0.5 pawh tling lo khian mirethei leh kut hnathawkte sumin in chhawng sang tak tak,motor tha ber ber nen…a turu ltk chhun zawm ve toh teh u….
Report this comment
February 6th, 2009 at 10:38 pm
mi huaisen bakah mi fing kan mamawh
Report this comment
February 6th, 2009 at 10:45 pm
a dik khop mai,huaisenna bakah finna a pawimawh..huai ringawt chu a fin thlak loh….mi fing takin leh thiamna nei tak,mihuaisen bawk si kan mamawh
Report this comment
February 6th, 2009 at 10:51 pm
Mipuite hian kan ram leh hnam mamawh zir chiang ngat ila chu … tuna kan Hruaitute hi ram hruaitu atana kan thlan tlin vek hlawm ka ring lo. Thlir thui —ama tana tha leh mipui leh ram tana tha tur hre chiang mihring huaisen leh fing remhria hi kan hai tawh bik hauh lo vang le. Chutiang chu kan zingah an awm chiang khawp bawk ang.
Report this comment
February 6th, 2009 at 11:17 pm
Dik ltk….ZA a ZA Christian zingah khian Pathian hian kan tan mi tha pakhat tal hi chu a dah ngei ang….bei dawng dn lo …beisei neihloh hi a hlauhawm bera,beidawn hi mi dawihzep hna ni bawk
Report this comment
February 6th, 2009 at 11:22 pm
Taka tun kan sawrkar thar chu an trang khawpmai. theihtawp chhuah ve tak tak an tum ni in alang (tuna a ka hmuh dan in)
Za a Za kristian tih chungchang ah chuan: Za a Za kristian Za Sawmkua Pathian zah lemlo tu, mahni hlawk natur atana thil diklo ti hrehlo kanni in ka hria.
Report this comment
February 6th, 2009 at 11:58 pm
Pu funny,zaa za kristian tih chungchanga i ngaihdan khi kei pawh ka hmuh dan chiah a ni ve.
Report this comment
February 7th, 2009 at 12:01 am
Dinthar: Hi5
Report this comment