Misual dot com hi ka tlawhna alo rei ve ta hle a, mi puitling tak tak te, mi lehkhathiam tak tak te, mi taima leh ngaihsanawm tak tak te in awm hi nuam ka ti ani. Hetianga mahni ngaihdan te kan share ho thin hi nuam ka tih zawng tak ani a, kei phei chuan thian dang kawm ka awmna nen a in remloh avangin misual ho hi ka thian kawm ber te in ni a chuvangin ka ngaihdan te min rawn hniala nel taka min kawm theih nan ka private life eng eng emaw rawn post hi tha ka ti a, chuvangin ka rawn post ani e. 🙂
Mi rethei: Kei chu mi rethei fa mai kania ka tih hian chapo vanga ka sawi ah lo ngaih miahloh tur ania. hehe, ka nihna ka sawi ve mai ani. Ka zahpui lemlo bawk, vawikhat pawh St.Paul’s kan luhlai in NU/Pa te hnathawh ziahtur ania kanu hnathawh (4 grade ) kha zak miahlo in ka ziak ve mai.
Kha ka thil ziahna lehkha kha engtin emaw anlo in pass kuala kan raw( kan clas pum chuan an chhiar kim kherlo ang) ah an pass kuala kan raw zawng zawngin an chiar vekin ka ring, mahse ka nihna ani a ka zahpui lemlo, kanu, lehkha pawh thiamlo khan ka pa boral vangin hna hnuaihnung tak thawkin pasal dang pawh ngaihtuah lovin min enkawl chho kha ka inchhuang hle zawk ani. MAHSE khatih laia ka chhass bem khan min duhloh phah in ka hria. 😀 ( ka zeiloh vang bakah) tunah Doctor a zir zo tawh lehnghal mawle.hihihi mahse ani aiin kala Ropui dawn. aaleh!!!. ka bem lai chuan ka LAI ve thei rap mawle. Amah kha changkang ngaisang chi alo ni bawk nen, a lak ahchuan ka hlulo khawpmai. 😀
Hmuhsitna: Hetiang reng renga seilian kanih avang hian mi hmuhsitna tehi ka tuar hnem khawpa (aizawl veng changkanglo a awm tih takah), kan veng ka sawi mualpho ah minlo ngaihsak lo ula (kan veng mai nilo Mizoram hi ka hmangaiha chuvangin ka theih ang anga promote hi kala tum zawk ani), vawikhat pheichu ka u hmeichhia hian chhass a nei ve a, a bialpa nu unaunu chuan minlo sawi chhe vak maia, ” khutiang hmeithai fa leh rethei, ngaihzawn tlak pawh anni lo..etc etc.. te minlo tivel, khami tum kha chuan ka thinrim ve ngang maia, an hriat leh ngei turin ka u chhass bulah ” kan nu leh pa te generation chu a zo dawna kan hun alo intan dawn, fapa pakhat anneia, keipawh fapa mal ka awmve a chuvangin nakinah anla hriat ang, kei fapa mal ka awm ve a, tum ka nei ve a, tun atanga kum 10 ah tunge chhungkaw chawiding zawk kanla hria ang” kati ve hial ani. (chutih lai chuan high sikul kala kal-a, hei tunah kum 10 chu a ral tawha engmah pheichu kala ni laww.. 😀 )
Chutiang aizawnga kal a tlawmngaihna chu, ka makpa te chhungin min hmusit berkher hi tuar a har kati (ka makpa pakhat zawk erawh hi chu mizo zingah hian mipa fel ber pawl anih ka ring, keipawn ka zah! A hmuhlai pawn zial ka zu ngamlo) Ka u te zinga pakhat hian thingtlang mi pasalah a neia, kanu chuan khawpuia an awmve theihna tiin kan huanah IN sa rawhu ati a, chumi chu advantage a la in ka makpa leh a chhungte ho chuan, ” chu a phalna chu ziak ngeia dah turin anlo nawr thlu a” kanu (lehkhathiamlo khan) in ” ‘ka fapa rawn ve phawt ang’ atih pawhin, ‘nakinah keimahnin kan hrilh mai ang, etc, etc..’ ” tiin anlo hmin ani. He thu hi ka makpa leh a pa in ka room ah lo kalin aw khur dur dur in min hrilh a (min zahin min hlau ve thei khawpmai ). kei chuan engmah dang ka sawi theilo, ” ka nu in atih chu ka hnial theilova, mahse Court hma ah chuan tawngkam ringawta thil tih hian awmzia a neilo, kanu boral hunah chuan he ram hi ka ta tur ani a, ka thu ani, (hehi ka tlawmngaihna chhan ber ani) mahse a peka ten lawmthu pawh sawi lova a petu intiam zawk ngai hi khawvela ka thil hriat hmasak ber ani..” tih chiah ka sawi thei.. ka room an chhuahsan hnu ah keimahin ka trap zawih zawih. He thil tluka ka tlawmngaihna hi khawvelah ka tawn leh theih ka ringlo. Ka nu hi ka dem lova a fate a hmangaih vanga a thiltih nasat zia hi ka chhuang in ka ngaisang em em zawk ani. Hman deuh khan ka u hnenah “i pasal hi i then hlen thei dawn anih chuan then la, ka in zir chhuah hunah nuamsa takin ka chawm ang che..” ka tia a then ta reng ani. (chuvangin nupui hi neilomah ila pawi tihna ka nei lemlo. hihihi!!! ka englo hi hman lohin a kir leh dawn tihna anih chu 😀 )
Hetiang vel hi kania, chuvangin ka ngaihdan te inlo agree loh chuan na tak tak pawhin minlo hnial in min ti ula engah mah ka ngailo, min hmusit tute mah hlawkpui nan ka hmang ania, ( taka tak!!)
Chhungte: Chhungte chungchang hi chu sawi thuilo mai ila, mahse ka thil tawn atanga ka zir chhuah tak chu, thisena kan chhungte aiin ka thiantha te hian min hmangaih zawk!!, chuvangin keipawhin kan chhungte tamtak hi chu engahmah ka ngailo. Dinhmun chhia a han tran lai hi chuan alo mak thei khawpmai. Kan chhung khat hnai atanga mithi puan pawh kan dawn loh laiin ka thiante atang te, kan veng nu, a thi tur ka dawm hlum, atang te chuan puan kan dawng thung. Ka pa hi fapa mal tho ani a, ka pu te atanga chhungkaw ziding leh inpui luahtu kanni, (vawikhat pawh ka pi pakhatin kanu hnenah NUPUI neihtir vat vat ru, chitilo chu kan thlah kan mang dawn!! alo ti. hahahaaa…) Mahse kan chhungte inneih ah pawh thenkhat chuan min hrilh en ah pawh an en lo (man ei loh chu thu hran!!) Mahse kan vengah chuan naupang tak chungin NUTRA (nuta) man te min eitir thung.
Hetiang khawpa mi hnuaihnung nih hi chuan, thisena kan chhungte ai hi chuan veng chhunga thenawm hnai te hian kan lakah that an chhuah peih zawk ani.
Ka sawi tak ang khian keichu, tlawmngai tura pawh a chapo natur neilo, inchhuang tur pawha vullai neilo ka ni a, in duh duhin minlo hnial kual vel teh u. Chu chu ka tan chuan puitlin in zirna leh knowledge zauna ani, Beco’z It’s My Way!!! And My Way is the Hard Way. A sei tawh emnai duhtawk rih ang min hmuhsit tak tak hma in. 🙂
