Mizo nulate chuan an ngaihzawngte ngei pasal atana neih an duh a, inngaizawng lova tuahrem chawp – arrange marriage an duh lo. Mipa zingah erawh inngaizawng lova inneih duh an awm a, an tlem hle thung.Hmeichhiate hian pasal zawn kawngah mizia an ngai pawimawh a, mahse, mizia ringawt ngai pawimawhtu aiin hmel, mizia leh nihna leh hausaknate enkawp an tam zawk.Mipa lamah chuan nupui pasal atana mizia ngai pawimawh an tam ber.
Mizoram a kartin chanchinbu rintlak leh darhzau tak Zozam Weekly chuan tunhnai khan thalai – kum 18 leh kum 24 inkar mi 200 zingah survey a nei a, chutah chuan mipa 100 leh hmeichhia 100-in kawppui atana an duhzawng leh nupui pasal neih dan atana an duh dan te an sawi a ni.Hmeichhia 100%-in love marriage an duh a, mipa 99.5%-in love marriage an duh ve bawk.Mipa pakhat, tuahrem chawpa nupui neih duh chuan nupui zawn a huphurh thu sawiin, experience nei tawh a nu leh pa te’n an duhzawng thlang tawp mai se a duh thu a sawi. Nupui pasal zawn kawngah mizia an ngai pawimawh viau a, hmel leh nihna leh hausakna te aiin mizia hi an ngai pawimawh zawk a ni. Mizo nulate hi nihna leh hausakna um viauah thenkhat chuan an ngaithin a, lirthei neite pawh ‘luck’ viaua ngaih an ni thin. Zozam Weekly-in a zirchiannaah erawh chutiang a ni lo tlat mai a, amaherawhchu, he zirchiannaa kawmte hian ngaihzawng atana an duh ni lovin nupui pasal atana an duh an sawi a, ngaihzawng atana an duh chu sawi se a dan a dang mai thei.
February 18th, 2009 at 1:28 pm
Kan nula ho chu rinaiin an rilru a lo puitling anih chu
Chhungten an tihpui emaw thianten an tihpui ( introduce ) in ngaizawng em em lova in nei ang hi chi hi arrange marriage an tive tho em ? Hetiang hi ka hre nual.
Love Marriage nge Like – marriage a in nei hi kan tam zawk ang a ? HMANGAIHNA chu inneihhnu-ah a hriat tak tak chauh ka ring.
Report this comment
February 18th, 2009 at 1:43 pm
arrange marriage kan ni tlat mai le, rahsi veng val tawh lo hi
Report this comment
February 18th, 2009 at 1:56 pm
nih na leh status chu keini hmeichhia tan a poimoh alom…think about it.. pasal bawngsa talh thin kan neih chuan satalh nupui kan ni mai don a… Pasal te staus ang ang kha kan nih na ni nghal a lom..a hmaa eng anga lo changkang/hausa poh ni mah ila…
Report this comment
February 18th, 2009 at 1:56 pm
^bawng talh… ^status
Report this comment
February 18th, 2009 at 2:04 pm
“Hmangaihna” Lalhmingliana Saiawi ziah emaw ni ta kha le.. Hman deuh chuan High School Mizotawng zirlai buah pawh a chuan tawh kha.. Kha thu chhiar khan Hmangaihna kan teh dan a in ang lo tih a chiang hle a. ‘Engvang pawhin lo innei ta ila, damchhung a daih chuan, a tha mai’ tih lam zawngin conclusion a siam tain ka hria.
A dik riau a.. Hmangaihna kan tih mai hian, engemaw vang a ni deuh zel a ni. Hmel vang te, Sum vang te, Kan ngainat zawng tak an nih vang te leh mi lar an nih vang te, engemaw vang tal hi a ni duh khawp. Chhan awm miah lova, va duh ngawih ngawih a, hmangaihna lo piang tawp ang hi chu a awm meuh lo turah ka ngai. Tin, khawngaihna-a bul tan phawt a, hmangaih zui ta pawh a awm theih bawk.
Hmangaihna dik hi eng ber nge ni ta? tih zawhna hi chhan ngaihna awm lo a ni hial awm e. Mi hrang hrangah a thawh dan a dang zel si a.
Tu ber nge i thlan dawn? tih chhanna erawh chu, RISK.. tih hian a huap zo ber. Nupui pasal neih hi eng ang pawhin ulukin duh tui ila, risk la kan ni tho tho. Hmalam hun kan sawi lawk thei lo ang chiah hian, kan nupa nun tur pawh engemaw chen beisei dan chu nei mah ila, kan la tawn loh thil a nih miau avangin hriat thar tur a tam em em si a. Risk lak fuh leh fuh loh kar chu hla tak tur a ni.. Dam lai pialral leh dam lai hrem hmun …. a ni mai..
Sei ta mah mah em aw…
Report this comment
February 18th, 2009 at 2:25 pm
Hmangaihna hi kan ngaisang lutuk e maw ni? A hrilhfiahna tak tak (short definition) a awm mang bawk si lo. A buaithlak. Kan hmangaih tih leh ka duh zawng tak a ni tih hi keimhaah chuan a thuhmun reng mai. Nupui pasal neih hi chu kum 10 inngaizawngte tan pawh risk a ni e an ti, a dik ang.
Thil engkim chhut vek a, dinhmun, sum leh pai, nihna, chhungkua etc.. tumah a inteh tlin zawh theih tak tak loh. Pathianin inkawp tura min siam a nih avangin a hunah chuan a thleng ve mai bawk a ni.
Nulat/Tlangval laia inngaizawng serious tak, an han innei ta cheng a, in then leh ta mai te an awm laiin; nu leh pa pawhin an duhpui tawn lem loh, han inru lawp lawp a inngeih leh tak si te pawh ka hre tho mai.
Kan thianpa pakhat chuan a ngaihzawng pawh ni chiah lo, mahse an lo laklawh tawh avanga innei ta mai an nih thu a sawi a, an innei zuia an inngeih phian tho mai. Risk a ni e, risk.
Report this comment
February 18th, 2009 at 2:41 pm
Kei chu in sawiremsak lam ai chaun mahni duhthusam ngei hi ka la duh fan a, keima thlan ngei loh chu ka duh leuuuuuuuu……
Report this comment
February 18th, 2009 at 2:55 pm
“Hmangaihna” Lalhmingliana Saiawi ziah emawni kha keipawh ka chhiar tawh a, a dik hmel khop mai. Hmangaihna tih pawh hian a phenah hian chhan eng engemo alo nei ve zel mai.
Chhan dang awmlo deuh ber chu mahni inhmangaihna hi a ni deuh mai lo mo? Chu pawh a hlawkpui tu tur keimahni kan nih vang tho
Report this comment
February 18th, 2009 at 2:56 pm
Thil hi Sillyboy sawi ang hian a mak thei khawp mai. Bial zaipawl suprano an nih vang ngawtin nupui atan an tha ngei ngei bik chuang lo. Nula hur herh ve tak, a nu leh paten Pastor pakhat an nawrseh deuh avanga nei pawh ka hria. Kum 8 lai a ni ta, Pastor nupui fel tak a ni ve zel tho. Thawhrimna, rinawmna, tlawmngaihna, inpekna, inngaihsakna-te hi han belh khawm ila HMANGAIHNA a lo chhuak mai a ni.
Report this comment
February 18th, 2009 at 3:02 pm
kan hmangaih deuh te chu hmel tha em em lem lo mahse sexualy pawhin attractive kan tia, , kan khawngaih bawk a, kan ngaisang bawk a, an bula awm te nuam kan ti a(riua) hi a awm tlat a. chu chu hmangaihna ani mai in ka hria. Eng anga milian, hausa pawh hetiang feeling a awmloh chuan engtihna mah an ni chuang lo.
Report this comment
February 18th, 2009 at 3:06 pm
tha tak an lo arrange te chuan a pawi mi
Report this comment
February 18th, 2009 at 3:07 pm
@geminiboyz, I duh ang tak chuan i duh zawng tak, mahse i chhungte approve theih tur ang chi mihring i zawng ang chu mawle.
Report this comment
February 18th, 2009 at 3:28 pm
“Khuanu ruat loh di maw ka lo tawn
Ana ngei e, tu hriat si loh hian”
Tih hla hi kan tawng ve mai ang tih ava hlauh awm ve awww.
Pathian hnenah kan thinlung duh zawng tak chu kan dil tur ani.
Pathianin rem min tih pui chuan min pe mai ang. Ka thil tawn hi vawikhat chu ka la rawn ziak ve ang.. mak in ti mei thei ani..LOL
Report this comment
February 18th, 2009 at 3:30 pm
Thu dik:
“…ngaihzawng atana an duh chu sawi se a dan a dang mai thei…”
Report this comment
February 18th, 2009 at 3:38 pm
Kawppui tur hi chu ‘an lo awm ve tawp mai, kan va zawn vak emaw, kan va phi ruai emaw pawh hi a ni lo’ an tia lawm. A dik ang. Rei tak inngaizawng, khawtlang pawhin kan hriatpui vek tawh, innei ta si lo an tam tawh em mai. Chutih laiin, thla hnih thum leka innei ta mai pawh an tam bawk. Pathian thu thu a lo nih ber awm hi maw..
Hmeichhia bikah chuan, ze nghet an neih loh tlangpui avangin an pasalte life ang hi an ni zui ve mai thei. Nula fel tak Kohhran mi takte pawh engemaw vanga zu zuar nupui an nih hlauh chuan, a thli zei zei an ni leh thei tho. Tin, nula lepler tak pawh Pastor nupui a nih tak miau chuan nu tha leh fel takah a chhuak leh mai. Mak tak a ni…!!
Report this comment
February 18th, 2009 at 3:40 pm
Hei hi chu zawnglai leh zawnlai ho tan khek ila comment ve vak lo mai ang….
Report this comment
February 18th, 2009 at 4:13 pm
a risky reuh in ka hria
Report this comment
February 18th, 2009 at 4:24 pm
Sawrkar hnathawk sang neih pawn, mipui chan ai eiru tu nupui/pasal, contractor nih pawn, Mizoram changkan zawk na tur ti thuanawp tupa, hleihluak taka hlep melh tu nupui/pasal ni leh mai lawm ni. Ka nau Rintea te nupa hi an hmuhnawm, an khawsa zia ah hian an in hmangaih tawn tih hi a lang khawp in ka hria. Pathian tihna thinlung a chhungkaw din an ni bawk nen. There might be ups and downs but true love survives.
Report this comment
February 18th, 2009 at 4:26 pm
Ka lo study ve thin em em te an nih vanga han thailang mai ka nia, a negative zawnga lak loh hram ah kan ti ang chu.
Report this comment
February 18th, 2009 at 4:52 pm
@Hmeltha tak ngaihzawng ka nei tawh a, mahse a mawl ru riau a, ka ban thuai a.
@Ka tumloh deuhin mi hausa ve fa fanu ka ngaizawng a, buaithlak khawp mai, a daih rei lo.
@Fel tak mai, kohhran ah pawh inhmang tak kan nei leh a, mi fel lohna lai a hre thei zut zut lutuk a, a bulah ka awm rei peih leh lova.
@Hmeltha vak lo, nu tak mai, mi zah der nilova zah tak tak thin ka nei a, ka tawn tawh ah chuan ala hmelchhe ber (chhe over erawh a nilo), inneih te pawh kan tum hial, mahse a nu leh pa an hmin thei tlat lo, tlawm ka ngai lutuk a, ka then leh.
@Fa nei tawh a duh reng vang nilova Pasal then, hmel tha pangngai tak mai, inngaitlawm leh mi dang zai ngai tak mai. Mi reng reng hi a duhsak vek emawni tih tur nen kan han intawng leh a. Sawselna tur a vang khawp mai, mahse…
BUAITHLAK VE DEUH A NI… An lo nei lo thin hi ka hrethiam uar uar…
Report this comment
February 18th, 2009 at 5:06 pm
Report this comment
February 18th, 2009 at 5:39 pm
huiiiiiii haaaa… hemi topic zet zong hahthlak dawn mang e.
Report this comment
February 18th, 2009 at 7:33 pm
Ram pawna awm mizo-teah hian survey la sela a dan chu a dang deuh chuan ka ring. Mizo Mipa hnamdang nupui-a nei an tlem pharh laiin, Mizo hmeichhia erawh an tam hle thung.
Report this comment
February 18th, 2009 at 8:30 pm
kanidar says: arrange marriage kan ni tlat mai le
chhungte bulah a ruk a i star, i rim ngam chiah loh, ‘saw nen ngei sawn min arrange loh vaih’ i tih hi chu arrange marriage dik tak ah kan pawm ve lo a ni aw!!
Report this comment
February 18th, 2009 at 10:14 pm
A buaithlak hetiang hi chu..hriatthiam a har..hehehe kum a tam tulh2 a..hmel leh an mizia kan duhtui tulh tulh a….Pathian tih mi a hauhsa emaw rethei emaw an lo hlu berin ka hre ta a nei tawh te tanga ka lo chhut ve mai mai na tangin…..arrange cum love hi an ching tunlai ah chuan i know a handful of em!!!
Report this comment
February 18th, 2009 at 10:23 pm
Kei chu in sawi hrang hrang khi ka ngaihtuah a, love or arrange risk a nih rau rau chuan, a hmasa berah chuan han zei phawt mai se,hmeltha bawk se, nia Pathian hi a tak tak in tih bawk se, either love or arrange ka duh ve ve mai ang ka risk fuh loh tak leh, ka hunawl apiangah ka misual thiante min tihlim turin ka kawm mai ang
Report this comment
February 18th, 2009 at 10:57 pm
He thupui chuan kan hotute pahnih pu adelfos leh pu myself a te lam a va hawi deuh ve mawle..
luck lutuk pawh hian duhthlan tur ber an hre chuang lo va, an tlangval rei thei viau tho e, an tih te pawh hi a dik leh dik loh te pawh rawn sawifiah thei se kan va ti em.. keini ho hian..:)
Report this comment
February 18th, 2009 at 11:13 pm
chhurliana chu rin ai in i lo zei hmel haw haw hle mai. Bialnu chi hrang hrang i lo nei tawh bawk a nih hmel
tunlai chu nuthlawi zunah i uai a nih hmel hle mai, pawi ti miah suh, i mil zawng a nih phawt chuan.
Report this comment
February 19th, 2009 at 3:51 am
tunlai khawvel ah mize in mil a pawimawh ber, a bak a awm lo ve
Report this comment
February 19th, 2009 at 5:07 am
Zawlbuk thingfawm-a inla ta lawp lawp tawk pawh an awm; chungho chu Biak In kawngkapui hawng ngata inneite aia daih rei ta zawkmah pawh an la awm thei!
Love-marriage, Lust-marriage, arranged-marriage, DIVORCE whatsoever … duhthlanna veka commit a ni.
Marriage hi French proverb-ah chuan “A long quarrel,” a ti. Helen Rowland-i chuan, “A souvenir of love,” a ti thung. “The chief cause of divorce,” ti tawk pawh an awm tho.
Wedding hian ni khat a awh a; a bak zawng thih thlengin marriage ni awmin a lang e. A tuemaw zawk zawk thih thlenga guarantine nei a ni a; zah dawn lo hlawm phei ila chu —kawppuite an phum zanin kawppui dang a neih theih hmel khawp mai!
Hnam danin kan insawirem a; Kohhran lawina danin kan indelhkilh a —mak chhiat tawh hun lamah erawh chuan kohhranin a tihtur a ti ngam vak tawh lo … hnam danin, Kristian nih hma anga kan khawsak danin kan nung leh tawh mai ni berin a lang.
Lawi-zan a han liam a; khua a lo var a. Mut hmu lo na na na chu nilengin a khat tawkin an han ham bai bai a … lesson a tam ta viau mai. Inngaihzawn laia an la sawi ngai loh subject engemaw zat sawi tan a lo ngai ta … business, sumlehpai, fate welfare …
Inngaihzawn lai ang ngawt a lo ni ta lo. Nungchang inthup sen a lo ni ta lo … zepui tak taka indawr tawnna a lo thleng ta.
Nupui-pasal nei hnem apiangin zir tur an ngah bik tihna a ni hran lo; an zirlaiah an fail nawn zing bik tihna a kawk mah mah. “Pangana kha lo nei tha ta hle hle ila; pariat kher kher a lo ngai hlei ne’maw le” ti tawk apui pawh kan awm sup mai thei asin! Mize inmil pawh an mizia a inmil chuan an inma sam khawp ang. Romance hun lai ang ngawt kha a ni lo tih hrethiama indawh tawnte an luck deuh a ni mai! Tluang tak leh harsatna awm lova thih thlenga nupa kawpchawi ni hi an vang pharhin a rinawm.
Petera pawh khan, “Lalpa, engkim kalsanin kan zui che a …” a’n ti chiah pawh kha zan tina nupa khumpuia mu dun zawng an ni bik lo! Pu HV-a phei chuan “Pope hmasa ber a nia … a awm khawp mai,” a ti mai thei! LOL
Hmeichhiate kha chuan, “Ka hre lo le,” an tih kha chuan PASAL atan an lo iai lovin, an lo duh tih a lang thin a. Bak hlar maia, “Nangnin nei zawk ula a ni mai alawm,” an han tih meuh tawh kha chuan … an lo duh vak lo tih a hriat thin. Vanlalsailova hla-ah chuan, Sum ngah ngah LUCK an ni deuh tawh em ni?
Awlthawn thlahlel hi kan ni lah tak a; Zoram buai hnu phei kha chuan Santali pawh kan hmeichhiaten an iai lo; fa an han nei a, “Zohmangaiha…” tiin ZO vekin hming bul an han sa a … vunngo kan hmu pha vak lo va; an rawn inlan erawh chuan hmeichhe zak thei lo deuh kha chuan fate Kalimpong-a lehkha zir theihna tur an dap zui ruai thin a nih kha. Ram dang mi duh hrim hrim kan nih lai phei kha chuan Calcutta, Delhi-ah Short-hand kan zu zir deuh ngei a —mahni ram lam aia mi rama cham hlen pawh kan awm nual. Duhtlanna veka thil ti kan ni, kan indem thei lo. A nihlawh apiang an vannei.
Tlangval pakhat pawhin, “Indopui II-na hun lai khan ka nu hi lo hirha nachang hria ni sela chuan, ka vun a varin ka sam a buang ve vau mai tur!” a ti.
Report this comment
February 19th, 2009 at 7:53 am
Chawnghilh hiiii… tawng ve tawh tak tak te paw i ang e. Ni e, nupui atan chuan HMEICHHIA ngei ani tur a ni a, tin hmeichhe tan pawh a pasal chu MIPA ngei ani tur ani. Kan zoramah neih inang inngaih zawn leh inneih (dan lovin) an uar thar hle.
Report this comment
February 19th, 2009 at 8:27 am
@Zodin Says: “.tunlai khawvel ah mize in mil a pawimawh ber, a bak a awm lo ve””. Ka pompui he lai tak hi, Liberal tak in!! LOL..
Nupui pasal a tan chuan nia mize in mil hi a lo poimawh tak meuh, chu vang ani ang Guy/lesbian ( Same Sex married!) te pawh dankalh loh in in neihthei in sorgar tamtak ten an pawm pui tawh nih.
Same Sex Married , chungchang hi University pakhat ah ka Paper Present chu an dah thra ve asin!! LOLz..
Pu H.vangchhia’n he mi trum hian thu rawn thrak tak tak mi a pe a a chungah ka lawm tak zet ani!!.
Report this comment
February 19th, 2009 at 8:28 am
GUY ( Gay) tihjok tur lolz…
Report this comment
February 19th, 2009 at 8:38 am
Pu.Chawngchilh ni e mize inmilin ang tak chu an inthen leh hma mai tak ang a, like emotional deuh lo ni ta ve ve se, an so phut ang a inthen an peih der mai ang a, mipa chu cool deuh an nih ngei chu a ngai ka ti
Report this comment
February 19th, 2009 at 10:48 am
Pu zorunpuia… nula sang tha deuh karizma dum a phurh tur te kan vanneih chuan kan la hmu ve mai thei ania..Pu adelfos pawh in…sawi thui lo mai ang ..kanidari chu a nupui hi a matiz a a phurh chhuah an ti ani lawm ni..an inneih ni pawh in a matiz pangparth(r)i an awrh tir alawm
Report this comment
February 19th, 2009 at 12:11 pm
Survey-a a landan hi pawm dan thiam a ngaih hmel.
Mizia aia hmel en vek kan ni lo maw ?
Hmeltha na na na chu..mizia chu siam theih a lawm tiin kawppuia thlan mai duh kan ni fur zawkin ka ring..hmel a siam theih si loh a..
Mizo hi kan dazat khawp. Survey neih vel pawh hian, mahni ngaihdan dik tak hi kan tarlang ngam lo hlawm thin. Thiante ziak ang, a survey titute ngaihsan zawng awm angin kan chhang hram hram zel a ni lek lo maw ??
Report this comment
February 19th, 2009 at 12:39 pm
Kei chu hmelchhia ka duh ti ila ka daw duai… mahse, Pathianin min pek apiang chu ka pawm ang tih hi ka sawi ngam… Experience tawh ten an sawi dan chuan, in neih hnu chuan hmel hmel ani tawh lo an tia lawm.. dik hmel fu ani…..
Report this comment
February 19th, 2009 at 3:28 pm
Risk huai leh risk dik a pawimawh em a ni. Mize inang lutuk chu an innei rei thei dawn emawni te ka lo ti ve deuh a,inang vak lo hi a adventurous zawk ka lo ring mai mai.
Thiante pasal nei tawh ho lahin nei ve vat vat rawh an lo ti lem bawk si lo.Kum a lo upat deuh phei chuan mahni inchhungah responsibility a lo tam chho ve zel bawk nen, a buaithlak ve reuh em atin ni.
Hman deuha ka duhthusam kan sawi chhuak lawks ‘Pasal neih hi hna pension ang vel hi ni se,mahni-a kan tlei zawh thlawt tawh lohah zawng tran chiah ila’ ka tia.Ka nu leh pa-in min nuih nasa khawp mai!! Tak takin Pathianin kan pasal tur a siam ve te anih chuan tuman love emaw arrange emaw pawhin min neih khalh ka ring lo. Tawp maiin a…
Report this comment
February 19th, 2009 at 3:40 pm
Amanda leh irre, pasal chu in duh hun hun ah nei rawh u. in tan a thra leh a hun dik tak chu nangmahni aiin hria an awm chuang lo. mi sawi chu enga tan mah ngaih loh tur. Chuan, in neih hunah man ka ei duh a nia aw! Until then, hei Natasha Bedingfield hla hi kan thlan sak ang che u…
Here we are again, circles never end
How do I find the perfect fit
There’s enough for everyone
But I’m still waiting in line
Who doesn’t long for someone to hold
Who knows how to love you without being told
Somebody tell me why I’m on my own
If there’s a soulmate for everyone
Report this comment
February 19th, 2009 at 4:23 pm
awi!! kan mi cool lutuk pahnih Pu.Myself leh coolsoul te chuan helam topic ah chuan buai chung chung in an lo lang nawlh alawm. nia coolsoul nang chu a chhelo reuh alwm, a awmna a hla ta deuh mai pawh a
kan Pu.Myself hi chu a la risk ngam lo mai mai a hung fur na a 
Pu.Zorun leh Pu.Aldelfos pawh hi risk an la tep toh tih thawm a awm e!1 Nia pi.Blake nangpoh i risk fuh thawkhat a, kan han risk ve pop mai ang e kan man chu i ei ngei ngei ang, ka rawn thawn ang che hahaha…
Report this comment
February 19th, 2009 at 4:37 pm
@amanda in va in hre chhiang deuh ve oo coolsoul09 nen chuan..tleirawl laia m&b chhiar nasat lutuk hi a tha maih lo…there is nothing in real life like a knight in shining armour!!hehhee
Report this comment
February 20th, 2009 at 2:54 am
Ekhai hotupa myself chu kan va inpuan deuh ve…. keipawh kawr fual dum ha chin ngatin airport-ah min thlah ve hunah chuan ka sawi huai ve ngawt tawh ang..:)
Report this comment