Ka professor-in ka genogram ziak turin min ti a, kei lah thlahtute chanchin hre lo em em mai ka ni a, unau zinga mipa naupang ber hi chu kan lo nawi deuh zawng a nih dawn hi tiin ka inthiam chawp vel mai mai thin a. Misual dot commers comments bengvar thlak tak tak ka hmuh thin a tangin minpuih theih ngei ringin beiseina sang tak nen kawt ka rawn dawh chawt mai a ni. Ram dangah ka awm si a mahnia indap a har khawp mai.
Ka hriat ang tawk ka rawn tarlang a, heta ka hriat bak hi min hrilh thei in awm chuan ka lawm hle ang, Entirnan Thangzachhinga (Vanapa) fate hming, Ralduha nupui hming leh an fate hming… chutiang zelin a kum nen lam in tar lan theih phei chuan ka lawm hle ang.
Kei hi Lalauva fapa naupang ber Lalawmpuia (puibawiha) ka ni a. Diagram-a a hnuai ber hi ka family a ni a, fanu 2 ka nei a, pakhatin min boral san tawh.
Puibawiha’s Genogram
Thangzachhinga (Vanapa) (1797-1888 vel) + Chhawnthangi
Vanchiauva, Ralduha
Ralduha > Chhuahzova > Lalauva > Lalawmpuia (keimah).
A diagram khi a liana en duh tan HETAH
February 20th, 2009 at 10:41 am
Puih theih che a va chakawm ve, Good Luck.
Thlahtu ropui deuh neih ve loh chu tiang nikhua hian a hlawk phian, Bulmanga atanga tanin Zungmawka, Zahleii tih vel khan phuah chho ila, a tawp lamah pu te hming…. awlsam duh phian asin
Report this comment
February 20th, 2009 at 11:10 am
keichu ka pu 19 na thleng in ka hria
ka pu (ka pa pa) zarah
Report this comment
February 20th, 2009 at 11:32 am
In thlahtute zingah khi chuan Thangzachhinga chiah khi ka hriat a ni e, puih theihna che ka nei tlem khawp mai
Dr.Laltluanglian te hian an pui thei che ang em ka hre lo, a ni te hi thil hi a chhui peih a…
Tu man an rawn hriatpui tak2 tawh chuang lovang che, thui deuhin phuah chawp vak mai rawh tichuan pa fing, thlahtute hre thui thei i ni mai, lawmman pawh i dawng maithei a sin
Report this comment
February 20th, 2009 at 12:03 pm
Vanchiuava thlahte hi Dr Biakmawia, C Vuluaia te unau hi an niin ka hria, zawt teh, an nei maithei a ni.
Report this comment
February 20th, 2009 at 12:08 pm
Ka pu hming pawh hre tha thei lo nia….puih ngaihna awm lo tlats:-(
Report this comment
February 20th, 2009 at 12:18 pm
He topic chu kan zingah chuan Pu.Chawngchilh leh Zorunpui’n an pui thei ber ang che miril an nia an rawn tlak khawp ang, keini ang KFC member ho han chai chi a ni lo tlat.
Report this comment
February 20th, 2009 at 12:56 pm
duh duh phuah chop la hnamdang ho chuan an hre don chuang hleinem. i pu somhnih na thleng hria poh nila documentation i nei thei don chuang lo a… hah buai vak duh suh lolz.. kan hnam changkang lemlo ltk hi chu…. records kan nei chhe top…kan ancestors te hming ziah na vel kha ui in a savun a dolh daih ami kha ?? lolzzz
Report this comment
February 20th, 2009 at 12:59 pm
Vanapa (Thangzachhinga) fate:
1. Vanchiauva (Vana)
2. Lianchungnunga (Fapa a nei lo)
3. Ralduha
Vana (Vanchiauva) fate:
1. Hranghleia
2. Chawngpuithangi (Chawnperi)
Hranghleia fate:
1. Zumura
2. Pastor Aikila (N:E:C:I. Mission-a thawk, fa a nei lo.
Zamura fate:
1. Mamtuka (L), N. E Khawdungsei
2. Engliana, Ngopa khua, a la dam.
Mamtuka fate:
1. Thasiama, Aizawl
2. Lalthanchhunga, Aizawl
3. Hmingchungnunga, N.E Khawdungsei
4. Tv. Lalhmingsanga..
Heng te hi kan hriat chin te chu a ni e..
Report this comment
February 20th, 2009 at 1:03 pm
Ralduha thlah kal zel hi source ka nei tlat lo. Ka pute dam lai chuan Vanpa tu leh fate nen hian an in tichhung viau thin a ni awm e.
Report this comment
February 20th, 2009 at 2:45 pm
Adama atang khan an chhui la, ziah tur chu i tlachham vak lovang
Report this comment
February 20th, 2009 at 2:50 pm
Thangzachhinga hi eng hnam nge a nih reng reng le?
Report this comment
February 20th, 2009 at 2:57 pm
Chawng khum dan tlang huat loh tih tawngkam lo chhuahna bul kan sawi tawh khan ka hria. He tawngkam hi Vanapa’n a nupui lal Ina zu in ve thin chu a mawi lo a ti deuh a, a lo sim theih nan leikapui atanga a chhuak tur chu a thianpa lo chan tirin tihdan tur a hrilh ru a “Chawng khum dan tlang huat loh” tih pahin a pawnfen chu a lo hlih sak a, a zak em em a, a thin a rim bawk a, an pa pasaltha Vanapa hnenah a zualko a, a ni lah chuan huatpui a hnekin, a hlim zawngin eng emaw a sawi tel lo maw? tiin a zawt a, a nupui chuan sawi tel e, “Chawng khum dan tlang huat loh” a ti e, a tia. Vanapa chuan, ekhai, chu zawng huat thiang lo a nih chu.. a tih san et a. Vanapa hi Chawngthu a ni a. Chu mi chawia he tawngkam hi hmang a ni awm e. Amah a lo zaidam em avangin “Chawngthu zaidam” tih tawngkam te pawh hi an lo hman phah ta a ni..
Report this comment
February 20th, 2009 at 3:03 pm
A interesting top, ka genogram ka han buaipui ve teh ang !!! Chhurbura ah hian kan tawp ang tih chu a hlauhawm !
Report this comment
February 20th, 2009 at 3:27 pm
Kei chu Samdala
Report this comment
February 20th, 2009 at 4:52 pm
In rawn comment-na a lawmawm rual rualin a nuih zat thlak hle bawk.
Ka zirpuipa pawhin phuahchawp mai rawh, keipawh ka phuahchawp a ti a.
In rawn sawi ang hian phuahchawp ve mai a ngaih hmel a nih hi.
Report this comment
February 20th, 2009 at 4:58 pm
Vanapa, Thangzachhinga chu Chawngthu hrikpui lian a lo ni reng a ni maw…. Mizo te hi mahni chipui lo hi sawichhiat kan lo van peih awm thin tak hmanlai atang tawh hian ka ti…Khitiang mai mai atang ngawt pawh khian.
Chhangte uikawm, Ralte leh Pautu tawng duh/tawngthei, Sailo lulian, Paite sumdawng etc ang te hi.. tullo ka ti chiang alawm
Report this comment
February 20th, 2009 at 5:00 pm
Vanapa hi Ralte emaw katia!!! Ani nange?
Report this comment
February 20th, 2009 at 5:09 pm
Thaiboy, i rial rei hle mai, i buai deuh aniang maw… i dam tih hei ka hria a alawmawm reng reng e.
Report this comment
February 20th, 2009 at 5:18 pm
Pu HV; ka dam alawm; ka Broad Band connection buai leh kan hna tul lai a in nang thung a,ka reh lo thei lo ani.
Report this comment
February 20th, 2009 at 5:27 pm
@Zorunpuia,
I rawn comment-a ka lawm e. An pian kum leh thih khum leh an nupui/pasal te hming te i hre thei mial em le? A dik chiah chu hriat a har deuh a nih pawhin a vel tal pawhnise a lawmawm ngawt ang.
Chuan, Zumura thlahte hi chu ka hre chiang thawkhat a. Aizawla ka awm lai pawhin unau pianghmun ang chiahin kan inpawh a.
I rawn sawi hmaih Zumura fapa naupang ber Pu Chawnglianchhinga hi Aizawl Mission vengthlangah a nupui nen an khawsa a, fa an nei lo. Kei hi an fa ang chiahin min en a, an hnenah hian kum 12 dawn ka lo khawsa a. Ka pianthar hnu hian rawngbawlna avangin kan awm tlang thei ta lova, rilru erawh a kal thui deuh khawp mai. Aizawl pawh zin ve leh theih a chakawm ta hle a ni.
Thangzachhinga fapa tlum ber Ralduha chanchin leh Chhuahzova chanchin hi hriat theih ka chak ber chu a ni a.
Thlahtute chanchin han chhui let chuan Vanapa te pawh hi an lo la rei vak lo ve. Ka pa chu Ralduha tupa a ni mai a, la hnai kek kawk tak a ni.
Min tanpui duhtu z z chungah ka lawm a, hemi chungchanga ka tana tangkai tura in rawn sawi apiang ka lo thlir reng e.
Report this comment
February 20th, 2009 at 6:01 pm
@H. Vangchhia, han inkoh nawmnah hi kan chingin kan sim hlei thei lo a nih ber hi maw le.
Chawngthu lung chawi ang tih te, Vangchhia hnar lian, kephah hlai tih te.. etc.
Report this comment
February 20th, 2009 at 6:04 pm
Vangchhia hnar lian <———– Hahahhahahah
Sap tawng chuan Vangchhia – Halleluiah Nose
Report this comment
February 20th, 2009 at 6:06 pm
@ThaiBoy, Vanapa hi Chawngthu a ni e.
Liandova te unau hun laia Lersia (chawng hmasaa) pawh kha chawngthu a ni an ti.
Report this comment
February 20th, 2009 at 6:24 pm
In koh nawmnah na chu “Ralte hnar ping, chalthleng dangnal, fanai zang(Hnungzang) sei” tih ang chi pawh a awm kha maw.
Report this comment
February 20th, 2009 at 6:59 pm
Cons_xx i lawm fal thei tiah tiah ka ti
a tha vek e hairehai 
Report this comment
February 20th, 2009 at 7:04 pm
Kezungpui lian antih kha eng hnam nge kha aw???
Report this comment
February 20th, 2009 at 9:51 pm
Chhakchhuak hnam hi an ke zungpui a lian tlangpui, Ralte chu tawngthei ni lovin bengchheng tiin ka lo hre thin a, Chawngthu hi an phakar duh, hnamte an rilru a lian vak ngai lo
hahaha
a then khi chu ka risk
Thlahtu bul lam atangin Kezungpui lian ah kan kai ta, Pu HV pawh a ke zungpui tin a dam fel tawh bawk a, speed a tha viau turah ngai ang
Report this comment
February 20th, 2009 at 9:56 pm
ka comment a lang thei leh ta love.
Report this comment
February 20th, 2009 at 10:14 pm
hei te hi chhiar a tha ve mai mai asin. Pu-Bawiha chhui duh tak chu ani kherlo na in.
https://samaw.com/importants-ye.....istory/486
Report this comment
February 21st, 2009 at 1:17 am
@Kanidar,
“ka comment a lang thei leh ta love” i tih hi, hetah tang chuan ka lo hmu e, a lang fiah khawp mai
Kezungpui lian chanchin vel pawh i hriat viau hi le,, oh! i risk vel mai mai zawk a ni haha.
Renthlei hi an zai thiam, chawngthu hi an hmel a chhe lo, Sailo hi an tituai a nalh, hrahsel hi an taima, hualngo hi rorel lamah an sang, khawlhring hi an huaisen, kawlni an rilru a lian, bawihtlung lehkha an timi, varte pawh an zai thiam, Zahhau intih lal an thiam, Samaw- an hawihhawm oh!! ka phuah sual ta nuaih mai,, chhunzawm tur ka hre ta lo ve.
Report this comment
February 21st, 2009 at 1:27 am
keipawh a changin a lang theilo thin.
Report this comment
February 21st, 2009 at 1:29 am
“.. tai rang” tihte “..zaang haang” tihte “pachuau luruh ring” tepawh antih thin kha mawle
Report this comment
February 21st, 2009 at 1:30 am
“pachuau lulian thluak thawl”
Report this comment
February 21st, 2009 at 4:17 am
Ka topic-ah khian han sawi belh leh tur hria awm se la aw.
Tin Vanapa pian kum leh thih kum hi a ni thei awm ang ber hria kan awm em?
A thlan chungchangah khan Mizoram Art and Culture leh MYA ten an enfiah tum khan College ka kal lai a ni a, ka tel ve thei ta lo va, ka u Kima erawh a kal a. Ka Pu Vanapa thlan chungchanga sawi neuh neuh awm ta hi a pawi ka ti khawp mai.
Vanapa thlan chungchanga N.B. Sanga Chhangte ziak hi a source hmante nen en hian a chhui nasa hle tih a hriat a. Vanapa hi 1795 vela pianga 1890 hnu vel a thi a nih chuan a dam rei hle tihna a ni a, kum 95 vel chu a ni ngei dawn tihna a ni a, a mak hle mai.
Hmanlai kan Lalte leh Upa te kha zu an in nasat em a vang khan an nun kha a sei vak lovin an sawi thin si a.
Kum 1890-a R.B. Mc Cabe leh Liankhama te inbe lai pawh Vanapa hian ral atangin tiang rinchhanin a lo thlir ve reng a ni a tih hian lung a ti leng hle mai.
Report this comment
February 21st, 2009 at 4:53 am
Vanapa hi kum 1794 vel khan a lo piang a, kum 1871 khan Champhai khaw bul Tuitoh luikam ah a thi. Tuitoh ram hi Hnahlan lal Saithuama ram a nih tak avangin “Saithuama Ram” an ti thin. Hnahlan khaw kiang te a ni.
Lalsavunga aizawlah a lal lai khan Vanapa chu tleirawl tak a la ni a, pasaltha te hnung zuiin a ram chhuak ve thin tawhin an sawi a. Lalsavunga a thih hnuah a fapa Vanhnuailiana an a pa ai a awh a, Vanapa pawh pasaltha a rawn ti chho tan a, Vanhnuailiana hunah hian Mizo pasaltha hming thang tak tak a nei nual a, chung zingah chuan Vanapa, Zampuimanga, Chawngduma, Keikawla, Darphawka, Zabiaka etc.. te hi an hunlai chuan an hming a thang thin hle a. An mahni zarah an lal Vanhnuailiana pawhin Chhak a han nawr leh a, Meitei a run bawk a, a hunlai chuan Vanhnuailiana hian Muvanlai thlawk lai hi a kap tla a, a chungah hian tumah reng an awm tawh lo niin a inngai a, hetiang hian hla a phuah a, ka chungah hian tunge leng tawh chuang le, chung muvanlai lah ka kap thla tawh si a,, a ti e, an ti thin a. Hei hian a hunlaia a ropui zia a tilang a, a pasaltha huaisente zar a zo zia a tichiang bawk a ni.
Tualte vanglai an sawi thin kha Pasaltha Vanapa te, Zampuimanga te vanglai a ni a, an lal Vanhnuailiana ropuina ber pawh a ni a. Chuvangin Tualte Vanglai chuan tih tawngkam hi a lo pian phah a ni a. Mautam a rawn thleng a, an darh zo va, a hnu feah Tualte khua hi din thar lehin Vanhnuailiana’n fapa anga a lo en Zahau lal Nikuala chu Tualte khaw lal a lo ni ve ta a ni.
Vanhnuailiana chu Champhaiah a thi a, a thih hnu hian a fapa Liankhama chuan Vanapa chu a chhawm ta zel a. Diltlangah a indanpui ta a. Hetah chuan tar chakvak tawh lo tak a ni a. Ni khat chu a ram chhuak a, a duhthusam ngeiin Tuitoh luilamah Sakeiin a lo seh hlum ta a ni. Khum zawla thih kha a hlauh ber a ni a. Mizoten pasaltha an tehna hnuhnung ber ram hnuai ngeiah a thi ta a ni.
Liankhama hi ka pu pu leh a ni a. Vanapa hi Liankhama pa rual daih a nih avangin keini tan chuan tuchhuan rukna daih a tulin ka ring. Puibawiha hian i chhui hmaihin ka ring.
Vanhnuailiana khan a duat khawpa, an tia lom.. Vawikhat chu duh a thlan tir a, “Vanapa, sangal khawng hranga awm nge i duh i thlahte thlenga khawnbawl? tiin duh a thlan tir a. Vanapa chuan a ngaihtuah vang vang a.. fahrah rethei tak atanga a tun dinhmun chu “Khua” (Pathian/khuanu) in a hual tlat avanga thleng thei a ni tih hrehrengin “Sailo in lal chhung zawng ka thlahte thlenga khawnbawl nih ka thleng e, ” tiin a thlahte pawh lal khawnbawl an neih zel theihna turin duh a thlang fel ta a ni. Veng khat lal nih aiin Khawbawl nih a thlang zawk a nih ber chu.
Vanapa nuna entawn tlak tak pakhat chu: “Keiin thlawhhma tawp berah sadai ka theu ang a, hmeithaiten dai hnai neiin lal leh upaten a laiah thlawh hma la rawh se, In pawh veng tawh berah ka sa ang a, dai ka do ang e. Lalin a lai takah in a sa ang a, upaten lum rawh se,” a ti thin.
Report this comment
February 21st, 2009 at 6:08 am
I came across a book called Genealogical Tree of the Mizos niin ka hria ta, Pu. Chawngkunga ziah (not too sure) at the Tribal Reseach Centre in Aizawl. A copy ka lei lova, pawi hle mai. I chhungte han zawh tir chhin teh, a copy an la ngah in ka hria.
Report this comment
February 21st, 2009 at 3:22 pm
@Zorunpuia & Skimi, ka lawm e.
Zorunpui, i rawn sawi ang hian keipawh mak ka ti deuh a, Vanapa te nen hian kan lo la inhnaih kek kawk lutuk a. Chhui hmaih ka nei nge maw ni dawn le! Mahse ka thil hriat chian em em pakhat chu thlah kal zel indawt dan angin ka pa leh Zumura din hmun hi a in ang chiah. Entirnan Zumura chu Vanchiauva tupa a ni a, ka pa chu Ralduha tupa a ni ve thung.
Chuvangin ka pa a dam lai khan Vanapa thlah kal zelah chuan a hnai ber a ni reng a.
Ka thil hriat pakhat leh chu ka Pu Chhuahzova hi a dam rei lova, ka pa naupangte a nih laiin a thi a, chuvangin ka pa chu Zumura inah a seilian a. Hetah hian thlah kal zel indawt danah chuan ka pa leh Zumura hi a stage in ang chiah mah se Zumura hi chu a upa fe zawk a.
Heti hian han sawi ta ila a fiah deuh mahna; Zumura chu Vanchiauva (Thangzachhinga fa upa ber) tupa a ni a. Lalauva (ka pa) chu Ralduha (Thangzachhinga fapa naupang ber) tupa a ni ve thung a.
Tichuan ka pa chu an inah seilianin Zumura fapa Mamtuka, Upa Zaenga, Chawnglianchhinga te nen unau piang hmun ang chiahin an awm ta a ni.
Hetiang a lo nih tak avang hian Mamtuka te Upa Zaenga te, Chawnglianchhinga te hi inthlah dan indawtah chuan kan stage in ang chiah mahse Ka pa Mamtuka, ka pa Enga, ka pa Chhinga tiin keini unau chuan kan ko ve ta mai a ni. Anni lahin fa ang chiahin min en bawk a.
Report this comment
February 21st, 2009 at 3:35 pm
Fapa naupang ber te hian pawimawhna an nei ve tlat niin ka hria a.
Ralduha chu fa naupang ber a ni a, A ni hian fa eng zat nge a neih ka hre lo va, fa a neih tam hmain sakeiiin a seh hlum ta mai pawh a ni thei a, ka Pu Chhuahzova chiah hi a nei pawh a ni mai thei e. Tichuan Chhuahzova chuan ka pa leh ka ni chiah hi fa a nei a. Tichuan kei hi kan unau (mipa 4 zingah) zingah mipa naupangber ka ni a, chuvangin kan thlahtute chanchin theih ang tawka chhui hi ka tih ve tur niin ka hre ta tlat mai a, chutih laiin chhungte bul hnaiah ka awm lo va, hriatna tla chham tak nen Misual.com ah hian kut ka rawn dawh ta chawt mai a, min tanpui duhtu zawng zawng te chungah ka lawm tak zet a ni.
Ka u Chawngthanmawia fapa upa zawk hi ka pa-in a hming a sa a, a pa hriat reng nan Thangchhuahzova tiin a sa a. Keipawh pathian zarah fapa te ka neih ve hlauh chuan Thangzachhinga leh Chawnglianchhinga hmin lakkawpin ka phuah ve ang.
Report this comment
February 21st, 2009 at 3:45 pm
A dik thei tho mai. I han sawi takah chuan, a chhan chu, tlangval rei a zir leh fa neih hma a zir te pawhin a ni thei a. Ka han chhut a, Lalsavunga Aizawl a lal lai daih tawh atangin Vanapa hi a lo awm tawh a. Lalsavunga fapa Vanhnuailiana’n a chhawm hnuah a thihsan a, a fapa Liankhama’n a chhawm leh a ni a. Tar lam deuha fa a neih phei chuan i han sawi ang hi a ni thei em em mai. Tin, pasaltha te khan nupui an nei hma ngai meuh lo. Chutih laiin lal te erawh roreltu tur an nih avangin lalna an chang hma ngeiin nupui an neih sak thin a. Chuvangin fa pawh an nei hma deuh ngei ngei turah ngai ila.
Kan pute ho hi an dam rei lutuk hlawm lo va. Lalsavunga pawh kum 40 awrh a ni a, a thi a. A fanu Ropuiliani pawh mi tam tak chuan Vanhnuailiana fanu zawk emaw an ti hial a. Tin, Vanhnuailiana pawh kum 50 emaw chauh a ni a, a thi a. Liankhama pawh kum 60 emaw chauh a dam a. Liankhama fapa upa ber ka Pu Hrangchhuana (Khawdungsei lal) pawh kha kum 50 emaw lek a dam. Mahse fa erawh a ngah hle.
Heta ka chhut nawn leh hian Vanapa hian kum 40 emaw 50 velah emaw fa nei ta se, chumi a fate pawh chuan upat lam deuhah fa nei hlawm ta bawk se, Liankhama fate nen an inkawm rual vel awrh chauh thei tlat dawn a lo ni.
Entirnan, kan hotupa myself chu a thianten fanu/fapa tlangval nupui pasal nei rual an neih tawh laiin a ni erawh a la tlangval ta a, a thiante fa ho nen nupui an nei rual vel thei tlat a. Tichuan, chung ho nen fa an neih rual vel phei chuan a thianten tu an neih laiin a ni erawh chuan fa a nei ve chauh dawn tihna a lo ni a, chutiang deuh chuan chhut ta ila, a dik thlap theiin a lang e..:)
Report this comment
February 21st, 2009 at 3:52 pm
@pu zorun, i entirna hi a fuh luttuk, ka nui vun vun mai
Report this comment
February 21st, 2009 at 4:06 pm
Chhiartuten tak tak emaw an tih ang tih te pawh ka hlau thar leh deuh roh bawk a.. kan pu myself hi tlangval la naupang tha tak, virvat tha zet, in fit zek zawk tak, tlangval ngo lam, Jackie Chan aipawha Kungfu thiam hmel zawk te ti ta duah ila, a dik zawk ang a..:)
Report this comment
February 21st, 2009 at 5:33 pm
@Zorunpuia,
I rawn sawi ang sawn ka pa hian kum 40 velah nupui a nei chauh va.
Chuan Chawnglianchhinga leh Upa Engliana (Zaenga tih khi ka tihsual palh a ni) te pawh hian nupui an nei hma lo hle a ni.
Vanapa pawh hian a nei hma vak lo a nih a rinawm.
Kei hi chuan ka nei hma deuh a, kum 30 ka nihin ka nei a.
Report this comment
February 21st, 2009 at 8:45 pm
Kan pipute nun dan kha han ngaihtuah let lehin he thu hi chu keipawh a ropui ka ti thlawt a ni: “Keiin thlawhhma tawp berah sadai ka theu ang a, hmeithaiten dai hnai neiin lal leh upaten a laiah thlawh hma la rawh se, In pawh veng tawh berah ka sa ang a, dai ka do ang e. Lalin a lai takah in a sa ang a, upaten lum rawh se,” a ti thin.
Vanapa hian hmeithai te pawh a lo ngaihsak hle a ni tih a hriat thei, Lal leh upate a zahin a duhsak hle tih a lan tira, ram leh mipuite tan a huaisenna leh tlawmngaihna pawh a lang chiang hle mai maw.
Report this comment
February 22nd, 2009 at 8:59 pm
Hmeithai ngaihsak hi enge maw chenah chuan lukhawng a nei ve thei viau a sin…hre thiams ;D
Report this comment
February 22nd, 2009 at 10:13 pm
Vanapa hi thinchhe uchuak tak ni thinion an sawi; zaidam a zir hun chhung pawh a rei … a zaidam zui tga hle kha miracle a tling thlawt an ti.
In contribution a puitling hle mai. In subject thupui zir lo zawnga seilian ka lo ni hi a pawi mang e; “Pasaltha Lachit Phukan” ti vel aduangin hun hlu tam zawk ka lo hmang ral si ale!
Report this comment
February 23rd, 2009 at 9:17 am
@chawnghilh,
Pasaltha Lachit Phukan chanchin te chu min rawn share ve law law maw le.
Report this comment
February 23rd, 2009 at 10:13 am
ka chiar chuak vek a !!! ka bo in ka hriat tam phah sawt e..in taimak na zarah.
Report this comment
February 23rd, 2009 at 6:37 pm
lawmawm e.
Report this comment