Tuirial Airfield ah kan lo ngak ve thrap a. Culcutta ah kan han trum ve chu, thloh na lian dang thla hnuai ah kan kal zet zet mai thin kha nia. Lo van lawsam thin tak em han park kual vel te pawh.
Sandman a te nen kan han chhung thla thin kha nia. Flight an cancel chuan Silchar kan han pan ngal vang vang thin a. School lut tlai hlau khan kan buai thin sia.
Similar Posts:
- father_sphinx and Sandman in Delhi
- Tunlai khawvel
- Lengpui Airport – Kan neih chhun
- Lengpui Airport Flight cancel reng mai hi …
- Thlawhna cancel + Airport MI
March 10th, 2009 at 1:49 am
Kan chuan ve thin lai te chuan AC pawh a awm ngailo
March 10th, 2009 at 1:54 am
buai thlak ber kha chu a tir ber a thu an han voih deuh kha chuan a hnung ber a thu thleng in kan tuar thin sia
March 10th, 2009 at 2:24 am
hehe, a hmunah kala hmu re re hleinem vayudut hi, a lem ami ang khi maw alo nih chiah
March 10th, 2009 at 2:34 am
Hehe…Lung i ti leng hle mai a. I thil rawn thawh chhuah pui chu. I lo zah ve ngot ni. Khatih hunlai a kan ram a lo lut ve thei om chhun, ram chhung miten a kan lo intihtheih pui ve ber kha nia. Chutiang a i lo zahpui ve ngot ni. I tri sual der nih chu a. Zia lo hle mai
March 10th, 2009 at 4:34 am
mi 17 kan leng in ka hria nge 21 amoni.. a dikloh chuan Aryan ten ron soifiah roh se… thlifim in a len koi der2 lo chauh alom le “vaidut” hi chu… vai tam deuh om khom hi “vaidut” an ti
March 10th, 2009 at 6:02 am
18-seated ni tlat thin khan ka hria; a chhuat carpet te kha a inphah phui lo thin a; chhum hi a rawn lut chiai chiai thin. “A khawl a chhia,” ti khan Pilot-te khan nula rim duh vangin chhuanlam an siam thiam ve thin khawp mai. Tuirial Airstrip-a thlawhna nghah kha a lum thei thin khawp a, ni tlak dawn tepa Chhas-te an han thlawk liam, Zawlkhawpui chung zawna thlawhna light sen a det lep lep ral rak thleng kan han thlir thinte kha … a lo romantic ve thei khawp mai! Chhas vairama lehkha zir neih chu khua a har duh vuang vuang a ni.
November 1, 1983 kha Vayudoot Service Hawnna Inkhawm neih ni a ni.
Minister Lalhmingthanga khan mawi takin Vayudoot Service kaihhnawih Hla a phuah a; Lalsangzuali Sailovin mawi takin a sa a nih kha. A thu pawh —
Tlang sang khamrang chawivel kan Zoram nuam,
Zolentu leh trhal romei an kaina;
I sakhming trha khuavel a than nan e,
Lamtluang thar kan sial e thangvan sangah.
Rialtui phaikuam a zawl zauva’n,
Thangvan phurhhlan khawlpui lo lawi ni hian;
Rihsang liam hnu pi pu zaleng zawngten,
Hringlangtlanga’n thlir ve hian ka ring mang e.
ChungThloh-mu leh murva leng kan ngai lo,
Senmei laitha khawl liana her luaiin;
Tlang tin mual tin kan chuan thla khawng lo hian,
Damte’n kan leng del del khua tin hrutin.
Zofa zaleng van hnuai rual kan fual hnu,
Hmatiang sawna leng dang kan cho ve nan;
Thangvan lawngleng hringfa chhingkhual phurtu,
Chungkhuanuleng remruat lo ni e.
Kan than a sang zel dawn e Zofate,
Itsik, elrel bana suihlungrualin;
Neitu thinlung puin tran la ila,
Chuti’n khuavel leng zawng kan chhing ngei ang.
March 10th, 2009 at 6:11 am
hei hi Fokker mi?Ka Vayudoot ho fleet chuan ve tawh ah chuan seat hi row ah 1 ni lovin 2 a awm thin tlat in ka hria, ka hresual zawk amoni!!
March 10th, 2009 at 6:31 am
Dornier 228 —passenger 19 phur chi a lo nih ber hi!
March 10th, 2009 at 6:36 am
Fokker Friendship khan passenger 40 a phur thei a; Kumbigram (Silchar) leh Bojhar (khatih hun laia Gauhati, tuna Guwahati) inkar thlawh nan khan Student’s Concession tel chuan —kum 1971 khan Rs 27.00p-in ka thlawk thin.
March 10th, 2009 at 6:39 am
Jam Air hun lai kha in hre phak em, Dakota silver rawng a nih ngei thin kha …, Tuirial Airstrip-ah tho a rawn tum thin a, a regular lo em em mai leh nghal a —Buangthanga & Sons-te kha Agent an ni thin.
March 10th, 2009 at 6:42 am
Boruak ah te in running start lawm ni
fiamthu tra la la la la
March 10th, 2009 at 7:56 am
A va lunglenthlak tak ve. 1986-1989 chhung khan Aizawl leh Calcutta (Kolkata) inkar ah student’s consession in (Rs 37.00 ?) kan kal thin a. Tumkhat chu Tuirialah runway letling( a tower lam atangin) kan tum hah mai a, a den khawp mai.
March 10th, 2009 at 8:02 am
fokker!! enge a sipel ka hre lo..kha kha passenger phur, zin vei vahna chi ah chuan ka chuan tet ber ala ni awm e…thla nei ah chuan. Helicopter kha la service se ka ti khawp mai….
March 10th, 2009 at 8:17 am
Helicopter service kha civil tan hian an ti meuh lo emaw ni le, commercial nan an phal lo a ni mahna. Mizoram tan kha chuan a thra/tangkai/remchang maw le.
March 10th, 2009 at 9:38 am
U sandman ate nen chuan kn thlok ho thin reng maia class 6-7 nih laiin…RTPA hi tunge ni ta ang oooooooo:))))
Aryan chu a ngoi ta hmaks mai vayudoot ah chuang ve hmanlo niang:)
March 10th, 2009 at 10:12 am
@buzzbabe, Aryan te chu hetiang thlawhna te lutukah a chuang duh teuh lo Airbus 380 tih vel loah chuan
Fiamthu auh!!!
March 10th, 2009 at 10:19 am
@buzzbabe kei ni te chu STS kidderpore chhuak ngat kan nih hi
March 10th, 2009 at 10:27 am
“ChungThloh-mu leh murva leng kan ngai lo,
Senmei laitha khawl liana her luaiin;
Tlang tin mual tin kan chuan thla khawng lo hian,
Damte’n kan leng del del khua tin hrutin.”
Vayudoot pawh khawl ‘lian her luai’ tiin hlain kan auchhuahpuia kha lai hun atan chuan thil ropui tak chu a nih hmel e. Pu Chawnghilh nge nge thil hlui a rawn chhawp chhuah hi a bengvarthlak khawp mai. Vayudoot tlawh tan hun pawh hi ka lo ngaihtuah ngai lova. 1992 khan Vayudoot hi a vawikhatna atan ka chuang ve chauh a ni. Vawithum Tuirial leh Cacutta inkarah ka chuang ve a; mi 18 kan leng.
Pu Lalhmingthanga hi hla a lo va phuah thiam reng reng ve. ” Aw Kar a hla duhlai mi u” tih Zosangliani sak pawh kha Mizo love songah chuan tha ka tih ber pawl a ni.
March 10th, 2009 at 10:44 am
hei in hriat chian duh chuan
General characteristics
* Crew: 2
* Capacity: 19 passengers
* Length: 16.56 m (54 ft 4 in)
* Wingspan: 16.97 m (55 ft 7 in)
* Height: 4.86 m (15 ft 9 in)
* Wing area: 32.00 m² (345 ft²)
* Empty: 3,258 kg (7,183 lb)
* Loaded: kg ( lb)
* Maximum takeoff: 6,400 kg (14,110 lb)
* Powerplant: 2x Garrett AiResearch TPE-331-5, 560 kW (776 hp) each
Performance
* Maximum speed: 434 km/h (271 mph)
* Range: 1,037 km (560 miles)
* Service ceiling: 8,534 m (28,000 ft)
* Rate of climb: 570 m/min (1,870 ft/min)
* Wing loading: kg/m² ( lb/ft²)
A seat hnung berah chhang khoro pack sa diam sem tur an dah thin.
March 10th, 2009 at 10:56 am
@sillyBoy….: keichuan Private Jet alo neih ka ring aaa….:)))))..
@RTPA: ok..Shevaroy Hills chhuak maw ti cheaaa…:)
March 10th, 2009 at 12:03 pm
Vaidoot thlalak hi in lo ti leak out a ni maw….police in an chhui zui mai tur che u nia, fimkhur fimkhur!! :))
March 10th, 2009 at 12:20 pm
Vaidoot hi Lunglei thlawh nan te hmang se a tha ang, lung a ti leng khawp mai…..Tuirial Airfield kal thin lai min ti hre chhuak….
March 10th, 2009 at 12:37 pm
Mizoram chhung atan hian Helicopter service hi awm leh tawh se a tha ngawt ang. Hman deuh khan Pawan Hans kha a service thinin ka hria. Enge maw emergency/ dam loh/ hmanhmawh thila kal zung zungna turin a tha riau. Expenditure erawh chu a sang viau mai thei.
Chawnghilha hian heng Vayudoot Service kaihhnawih Hla te hi khawi atangin nge maw a lo lak chhuah leh tak ni!! He knows everything under the sun!!
March 10th, 2009 at 12:37 pm
Vayudoot maw, lung a va ti leng ve! Ka thianpa hi Delhi hnung zawnga thleng zak tawh a awm.VD ah midang ep zawnga seat awmah khan a thu a, Cal atangin Rajdhani chair carah hnung zawng bawkin a thu leha,Delhi chu a back thleng thak mawle!
March 10th, 2009 at 12:46 pm
Vayadoot seats tlem nak a aia waiting list a han awm ve trat kha chuan a hrehawm thei ngawt mai. Chance kha slim thei mai mai….VIP awm phei chuan ticket OK tawh pawh an luahlan hmaks thei ( hei hi ‘an ti’ ni lovin kan chhungkua ngeiin kan tawn tawh a ni).
Lung a ti leng reuh hle mai, master thil ron post chu
March 10th, 2009 at 1:34 pm
@muantea : BCM Assembly Review dan awm thei em? Thu rel pawimawh zual han highlight zuai zuai la mawle…
March 10th, 2009 at 2:04 pm
Drug Airlianes ta trial landing atana an hman Dornier 228 Tuirial a a lo tum hmasak ber khan ka awm ve. Jagdish Tytler Minister khan a rawn hawng. Vayudoot hotupa Harshvardhan lo tel. Kei VVIP tel bawk
March 10th, 2009 at 2:06 pm
Druk Air tihna Bhutan ho ta
March 10th, 2009 at 4:02 pm
@kawnga, https://www.mizobaptist.com kha tun Assembly atan kan han tawm ve a,thurel tlangpui chu a awm kha.Tin,kan zaipawl (BCM Salem)zai pawh dah a nih kha lo en ula enge in ngaihdan rawn sawi zawk ula mawle.
March 10th, 2009 at 4:03 pm
@kawnga, https://www.mizobaptist.org kha tun Assembly atan kan han tawm ve a,thurel tlangpui chu a awm kha.Tin,kan zaipawl (BCM Salem)zai pawh dah a nih kha lo en ula enge in ngaihdan rawn sawi zawk ula mawle.
March 10th, 2009 at 9:41 pm
@islander : Bhutanese tawng chuan DRUK awmzia chu Dragon tihna; “Pawisa ka nei lo,” tiin sawi dawn ta la, “Tiru mala,” a ni leh mai! Tirumala hi Indian History-a character pakhat a ni a; in hriat reng rheih nan Carnagie-a style takin ka rawn chhawp chhuak mai mai a ni e.
Vayudoot hun lai khan ka tei zing ve fu a; ka tlatlum pha chuang lo. Engemaw avang khan STRANDED pawh ni ila; a tukleh-a mite kha an la hrim hrim mai. Khuma Air Travels vel khan eng teh ual nge an tih thin aw? BMW te pawhin in lo tawng ve a ni maw?
A virmep te kha a vir thei lo vel thin maw le!
Pawan Hans kha a tangkai fu asin maw le … 1990 hun lai vel a nih thin kha … Laipuitlang Dini pawh kha Helicopter Conductress??? a ni thin a, a zuanzang reuh va … a inhmeh reuh thin khawp mai. Aizawl to Lunglei chin kal tur Aizawl to Saiha and back to Lunglei-a kal zauh chang pawh a tam thin kha! A chuanman min thing belh tawh chuang lo va; tihchi ve fu!
March 10th, 2009 at 10:17 pm
Fokker sawi takah chuan … October 1988 khan chhum pik chhah tak avangin Meghalaya ram chhungah Fokker a chesual a —Bojhar (Guwahati)-a tum tur … visibility awm tawh ngang loh avanga Tlang su ta kha a ni a … vanduaithlak takin Mizo 5-in an boral phah a nih kha — Pi Kungliani leh a fapa pahnih —Chhanhima leh Zothangliana; a tupa Lalrinchhana (mipa naupang) a tel bawk a. Dr Selbuanga fanu Zothlamuani pawh he chetsualnaah hian a tel ve.
Passenger damkhawchhuak pakhatmah an awm lo. Mizo tlawmngaihna kha Assam leh Meghalaya rama miten an lo hmuh phah ve a; tlawmngaihna meipui a invawrh alh nasa ta hle a … Pilot-te hlei hlei kha a tlawmngai ngaiah an tang zui a … Tuirial Airstrip-a trial landing pawh neih chhin ngai lohnaah thiam tak leh dam thlepin ruang hlawmtute leh ruang an rawn dah thleng a nih kha … Mizo tlawmngaihna hi hnam dangin an lo copy ve hnial lo khawp mai!
March 10th, 2009 at 10:30 pm
kan thlawhna a chetsual dawn chuan kan NUNNA hi ipte ah ah that hmaks tur, a insawh khawloh chuan thih ngei ngei na naimai ;D
March 10th, 2009 at 10:59 pm
@Patriot : ”Aw! Kar a hla Duhlai mi u,” tih Zosangliani sak pawh kha Mizo love song-ah chuan tha ka tih ber pawl a ni.
A nupui ni ta —Pi Rothuami nena … infatuation mai piah lama “romance in a distance”-a an la khawsak laia “spontaneous overflow …” a nih hnep hnep kha! A ngaithlatuten “ka tana hla mawi lungrun ber” emaw kan lo ti vei thul!
March 12th, 2009 at 12:57 pm
Vayudoot/Dornier kha chu 18 -seater tih thin chu a nih kha. Bungrua kan ngah thin avangin a seat kha an hralh full ngai lo a ni mai thei. A fare kha Aizawl – Cal Rs. 500/- vel ni thinin ka hria. Tum khat Pu Joe Lalhmingliana nen hian Calcutta atangin kan haw chho rual a, kawng tluanin sikret a zu a, an hau ngam miah lo!!!
Aizawl lama seat kan inchan loh em em thin lai khan Delhi -Shimla Vayudoot service-ah chuan mi 5 -10 te kan chuang thin. Tum khat phei chu Tanzanian pa, American pa leh Vai nupa chiah ka chuanpui a. Himachal-ah ruah a sur nasat avangin Chandigarh-ah min tumpui a, chuta tangin Taxi min arrange sak leh ta a. A fare kha Aizawl – Cal nen a inang chiah thovin ka hria.
March 12th, 2009 at 1:10 pm
Pu Zoliana (Sport Director) ziah ka chhiar ka hre chhuak zawk mai. “Vayadoot-ah Pu Lalbuaia (Ex.MP) nen kan chuang a, chhum a tam khawp mai a, kan thlawhna a te si a, ka hlau deuh hlek a, Pu Lalbuaia chuan, “I hlau deuh elo?” min ti a, kei chuan hlauh deuh a ka ti a. Pu Buaia chuan, ‘Hlau duh bik mah ta che, kan vaiin kan tla dial anga a ni mai a lawm..’ a ti a. Kan inthlamuan dan chu a PA khawp mai ka ti rilru a,” tiin a sawi.
Ni e, thlawhna hi chu vawi khat ‘awh khaih’ tih hi chuan chance hi a awm lo em a ni. Thlawhna chuan ngam miah lo hi khawvel huap pawha mi lar tak tak zingah an awm nual mai.