Bible atanga ka hmuh danin birth control hi a khapna emaw a phalna lam emaw sawi tur a awmin ka hre lo. Pathianin finna min pek hmanga a tul huna control hi a pawina awm pawhin ka hre bawk lo.
Birth control tih lutuk lah chhungkua leh hnamin a tuar thei bawk. Kohhran leh YMA ten faneih tam inzirtir kan tih hi kan hnam leh ram dinhmun ka enin ka thlawpa, mahse kawng hmang awmze nei deuh zawh a tul hlein ka hria.
1. A chawm thei leh nu leh pa fel deuh zingah sawi uar hle ni se. Tuna a lan dan mai hi chuan a chawm zo zovin fa an nei tlema, chhungkaw berh berhin fa an nei tam zawk.
2. Food & education tlachham reng renga sei lian tur naupang piang tam tur hi chu ven a ngai zawkin ka hria. Retheihna leh sual hi a kal kawp tlat leh ngal a. Rethei an sual tihna lam a ni lo. Mahse khawvel thlirin, cilvil war, Aids, violence hi ram rethei apiangah a a tam zel a ni.
3. Kan ramah hian mihring hi kan tlem em em hran lo. Mahse kan vela hnam dangte nen kan inkhaikhina tlem kan inti mai mai a ni. Inchimralna venna atana fa neih tam inzirtir hi awmze nei ber a ni lo. Tam lamah hi chuan kan vela hnamte hi engti kawng zawng mahin kan hneh ban thei tawh lo hrim hrim. Chuvangin kan ram chhunga thuneihna leh economy hi Mizote ngei thuhnuaia a awm reng theihna tura tan lak a pawimawh zawk fe a ni.
4. Tam hrim hrim hi advantage chu a awm na meuh mai. Chuvangin a enkawl thei leh chawm thei deuh hi chuan fa neih tam deuh hram chu i tum ang u.
5. Fa nei tlem lutukte dinhmun chhiat zia hi ka mitin a hmu. Phai lama Old Age Home-ah hian khawvela chhungte nei miah lo engemaw zat an awm. An thlahtute atanga fa pahnih khat te te an lo neih thin vang a ni. Fa neih tlem hi nu leh pa an la that lai deuh chuan an nuamsa a, mahse upat tar hunah khawhar leh baihvai taka hun hman a hlauhawm bik a ni.
6. Birth control hi Pathian thu hmang hi chuan inkhap tum lo mai ila, a chhan chu Biblein a sawi chiang lo, ngaih dan kan sawi belh mai mai a ni e.
Ka conclusion chu he hi a ni e, a chawm zo deuh chuan fa hi nei tam ila, enkawl sen loh fa nei duah lo ila, human resources development lamah tan i la ang u. Mahni hmasial leh nawmssk duh avang ringawta fa tlemte neih hi a tha lo hle.
Similar Posts:
- Birth Control hi le
- Birth control hi kan mang pui dawn.!!
- Mi rethei chi hnih
- Reply to “Fa neih tam bawh zui”
- Mi khawngaih thei takte chu an eng a thawl e
March 16th, 2009 at 8:10 pm
Fa neih hi Siamchhuah leh chawm ringot hi kan rilru a nih chuan kan tisual khop ang.
A enkawl hautak zia hi inhrilh bok a tha khop mai. Mizo in nopang kan treat dan thin atang hian fa enkawl kanla thiam loh zia chu a hriat mai.
Report this comment
March 16th, 2009 at 8:31 pm
VL Zaikima chuan a tlangval laiin “Fa Enkawl Dan,” a ziak. T Lalhmachhuani (Mimi) chuan “Nupa Nungchang,” hre awm takin a sermon tel ve thin! Theory hi chu theory a ni ngai e.
Chi inthlah pun kawngah rau rau pawh, “Pathian ngaihsak” ti kherin zawlnei Malakia chuan a record thung. “Fanaute hi rochan,” an nih thu Bible-in a ziak uar lo nain, a ziak chiang thung —chhut chian phei chuan lei thar leh van thara kan chhawm luh theih awmchhun malsawmna an ni.
Psychologist-ten tiang an hung tha vel a; Bible erawh chuan fate zilhhau nan TIANG a kawhhmuh thung. American naupangte hian NINE ONE ONE hi inphen nan tak hman an tum kim ta! Chapona chi tinreng bahhnukte berah an ngai tawh. A pawi zual zel ang!
Chhungkua hi a pawimawh —Nova lawng hmanga damchhuak mi 8-te zingah pawh khan a tam zawk chu damchhuak tlak lo an ni zui leh tho! Ram hruaitute hi NU LEH PA chanchang an ni a; an fate SECURITY, PEACE leh FACILITY tur atan an tlak tur a ni —hruaitu sual hnuaiah hmuingilna a awm ngai lo. Mizo lal (chief) zahmawh ngaina khua chu an hriat khawp; Pathian trih leh zah thiam Lal awmna khua chu an namai lo zel bawk … tuna kan ram Officer liante pawh hi Kristian Chhungkua rau rauvah pawh Pathian trih mite inchhungkhura mite an tam zawk.
Mahse, rilru a inthlak ve thei … pachhe vek tak atanga rawn inzirchhuak “bushman to boozeman” engemaw zat lai chu an awm ve tho! Engzat pawh Population ni rawh i —CONTROL dan chi hrang hrang a va la tam thei dawn ve le! Nuai 400 pawh ni ila, discipline nena kan in-CONTROL chuan … a zam-awm loh ve!
Report this comment
March 16th, 2009 at 8:46 pm
Fa hi 3 emaw 4 emaw hi kei chu ka duh tawk mai.
Report this comment
March 16th, 2009 at 10:00 pm
ram hal tih vel hi khap dan awm lo em ni aw… ngati nge mipui hian kan sawi sel loh, ka chhungte rawn zin tur pawh an buai phah vek… tun ah ka nu, ka pa leh ka pu kum 84 ni tawh Silchar ah an khal phah an flight an cancel vek sia… NewYear vel ah hal puah hal vang in an au nasa em2 a duh lo in… Aizawl a ka chhungte sawi dan chuan kan in chhung te chu meivap hian po nuai mai… thil tha lo tak chu ni e… ram hal duh lo en tir nan ka in diet dawn
Report this comment
March 16th, 2009 at 10:55 pm
@RTPA
nangni flight cancelled tuar ai khan thingtlang mi ten an tuar zok.
Report this comment
March 16th, 2009 at 11:07 pm
@Lily_parmawia kei in ka tuar lo ka chhung ten an tuar… kei in tuar i la poi ka ti lo, ka chhung te tuar tur a tan chuan ka phallo…
Report this comment
March 16th, 2009 at 11:11 pm
Lo hal ngai lova eizawnna dang neih theih dan tur ngaihtuah hi a hun tawh takzet a ni. Hriselna atan pawh a tha lo lutuk, Cancer tamtak pawh hi khing lo hal meikhu kumtin mai a kan hip vang tepawh khi a ni ve maithei a nia.
Report this comment
March 16th, 2009 at 11:19 pm
meikhu chu hip ta cheu,,, zial mah in zu in zu a ni a…a khu chauh ani lom ni in duh… duh tak khan lohal lai lo hip rawh u.. lolzz
Report this comment
March 16th, 2009 at 11:41 pm
Fa neih tam inzirtir tih vel hi a nawlpuia inzirtir chi a ni lo. Tin, threnkhat hian birth control hi Bible nena inkalh angin an zirtir thrin a, a pawi khawp mai. Heng an thu zirtir lo awihtu turte hi thingtlang nu mawl pa mawl te an ni leh bawk si. Bible nen hian kaihpawlh lo hram se a thra ang.
Report this comment
March 17th, 2009 at 12:16 am
tunlai in fa neih tam kan in zirtir leh ta mow…a hahthlak thin mang e.Nei teuh roh u ti lam ani lo egtin nge kan fate mahni ke a ding turin ka enkawl ang a ka sum neih in engang zirna nge ka pek theih ang ti hre phawt se,10 pawh zirna tha a pek theih dawn cuan nei ta chauh se a va tha awm zawk ve ooooooo…pawng po neih teuh ani leuuuuu
Report this comment
March 17th, 2009 at 12:56 am
Synod-in fa neih tam an sawi mawi ta hi engnge a chhan tak ka hre chak khawp mai. In-dan an support loh vang nge, enge zenge kei misual tukkhum pawng hian ka hre ta lo.
Report this comment
March 17th, 2009 at 2:22 am
Chawm theih ringawt hi a ni tawh lo. I fate kum 25/30 thleng pawh chawm thei ngawt mah la, an mahni a an in chawm a ngaih ve hun a rawn thleng ang. Kan (Mizoram leh India) economy in a chawm thei a ngem tih zawk hi kan zawhna tur chu niin ka hria.
Population control hi heti ngawt a sawi hi a theih loh. Factors chi hrang hrang a awm. Ram hausak leh hausak loh te, infrastructure that leh that loh te, health care te, hna tam tawk awm leh awm loh te, political stability te, social security te, a tam mai.
Fa neih tam/tlem hi a tha e ka tihna a nilo. I zir chiang hmasa ang u.
Mizote hi ka dem ve em em nachhan chu hre chiang mang hlei lo hian thil hi kan ti leh hluai thin. Sim a hun ta…
Report this comment
March 17th, 2009 at 2:26 am
Synod ho hi un-educated em ni an nih a le?
Population tih pun Mizo then in an duh nachhan hi chu, ka hriat thiam dan chuan, kan ram hum halh nan bak an ti lo. Khung lai, kan borders ah, ban phun ang tluk in, mi phun an duh a nih chu. Chu idea hlawhtlin theih na tur chuan kanChutiang duh ho chu, kan border ah in sawn se, lo veng se a ni mai alawm. Chu reasoning hman chuan, kan population density hi 6000 per sq km, hong kong ang vel saw ni tur a ni ang. Tun a kan population density hi, 40- 45 per sq km vel a ni a. A let sawm vel in pung ta i lang 9.8 million ni ta i lang, kan la veng him chuang lovang. Chu idea chu belh chian a dawl lo. Tun ah kan population hi double ta i lang, kan economy hian min support zo lo. Kan ram hi venghim tur in pung chiam i lang, hnam dang nilovin, keimahni leh keimhani in kan ti chhe mai ang.
Kan environment hi humhalh a ngai lutuk. Hei hi asset lianpui a ni a, kan rain forest te hi protect i lang, khawvel scientist in min rawn pan zawk dawn a ni. Kan environment protect hi Bible nen a in mil chiang a ni.
Report this comment
March 17th, 2009 at 2:55 am
tetea_t: Mizoram economy chhiat vanga fa neih tam kan hlauh chuan kan tisual nasa ngawt ang. heti zawng hian economy hniam hi kan TACKLE tur anilo sim sim.
Thirkut: i ngaihdan atang chuan a awm ang fuu mai
mahse tlem leh lutuk hi chu a ni chuanglo. eizawn harsa khawpa tlem hi a awmve thei asin. MAN power te pawh hi ngah ve deuh te a ngai. bakah tlem reng pawh ni ila hma kan sawn phah vak chuanglo ang hetiang zela kan awm chuan.
Economy siamtha tur chuan tunah rih chuan population lam aia thil poimoh hi a tam in ka hria, population hi chu a main factor anilo in ka hre ve mai mai kei mimawl hian.
Report this comment
March 17th, 2009 at 3:28 am
funny, “MAN power” i tih chu, population thang ta i lang, education lovin kan hmang tangkai thei dawn chuang em ni? “MAN power with specialized skills” a ngai sia. “MAN power” te chu, mihring, hna nei lo saw an ni vek mai lomni? “MAN power” surplus kan nei lo maw?
Anyway, i paragraph pathumna kha ka thlawp.
He problem hi chu detail deuh in a chhut theih. Entirnan, population pun duh ho chuan number rawn sawi se. Example ideal pop. 1.5 mil or 4.0 or 20 million. Pung se an ti ringawt a, number rawn offer se, a that leh that loh a chhut theih ang.
Report this comment
March 17th, 2009 at 7:41 am
Kan population ti pung duh ho logic belh chian chuan xenophobia ah keichuan ka ngai tlat. He xenophobia hi a awm lo ka tih na nichuang lovin. Post dang a ka sawi tak ang khan, kan tlem lutuk a ni lo, kan kiang a mi te an tam em a ni zawk e. Mahse tun ang chin a kan ram kan hum halh theih nachhan hi dan vang a ni zawk. Population vang nilovin. A awmzia chu, dan enforce tu te kan ring tawk lo… hei pawh hi a awm tho, kan ram ngaithtuah in.
Tun a kan farming dan, shifting cultivation (aka swidden farming, aka slash and burn cultivation, aka jhumming) te hi alternative hmu chuang lovin population tih pun te an rawt a… Alternative hmuh chuan loh chuan kan ram za a za (100%) farming a tan an hmang dawn a sin. Kan population density aizawl ang hlir te a nih dawn chuan kan Mizo culture hi a bo thak bawk dawn a ni. Kan Mizo culture hi ramhnuai a piang a nia, city ah chuan a tam zawk a thi mai dawn a ni (a thi mek bawk). Mihring an pun a mifing an pun si loh chuan kan buai zawk dawn a ni. Mifing pun na tur in education a pun ve zel a ngai dawn a nih chu. Chuti lo chu mi rethei hlir an pung anga, mi rethei lungawi lo an pun chuan helna chance a sang a ni mai. South-east asia a arms market lian ber kan chhak lawk ah a awm si.
Population tam lutuk in downside a tam zawk… kan ram humhalh phah em em mah i lang kan tih chhiat vek a kan humhalh te ho an hlim loh chuan enge a sawt na?
Report this comment
March 17th, 2009 at 7:43 am
Genesis chapter 2 hre chiang in pathian in kan ram min pek tih chhiat loh tur a min chah thu kha chu in hriat ka ring bawk a.
Report this comment
March 17th, 2009 at 10:40 am
Mihring kan tam a, kan lo pun hian sualna leh a that lohna lam hi sawi lansarh a awl khawp mai. Mi sual an tam chuan mi tha pawh an pung ngei ang. Pessimist- ho ngaihdan a ni.
Aizawl veng thenkhat/ Kohhran thenkhatah chuan piang aiin thi an tam zawk nia sawi a awm. Mi hausa zawk leh thiamna sang zawk neite zingah fa tlem te te nei an tam tan a, a chawm zo tur zawka ngaih hian fa neih tam an peih lo. No offence. Tam hrim hrim thatna hi sawi tur tam tak a awm. Chutih laiin sualna pawh a pung tho vang.
Report this comment
March 17th, 2009 at 10:44 am
Mizoram hi agriculture, power atanga a in develop loh chuan population increase hian buai/harsatna a ti zual nasa ngawt ang.
Khing a main factor pahnih tal pawh a kan in todelh loh chuan kan future tur chu rap thlak tak tur a ni. Tun ang a in todelh lo ni chuanga a let a kan pung chuan kan future chu.. hmamdang rah beh, Mizo ka ni ti in Mizoram ngei ah hmandangin min la chhawr ral thak ang.
Mizoram hmunli a then a hmun khat te tal khi sawrkar hian leileh kum hlun a tan han siam phawt se, chuan population kan sawi thei chauh dawn ni hian ka hre ve mai mai
Report this comment
March 17th, 2009 at 3:45 pm
Tam hrim hrim hian thatna tam tak a nei ve a, mihring tamna hmun apiangah eizawn a awlsam. Vai ramah chuan eizawnna tham nia kan hriat lohvah ei an zawng thei. Thingtlang In 80 lek awmna khuaah Thingpui Dawr (Tea stall) hawng ila, kan hlawk tham lo vang.
Mizote hi tlemte chauh kan la ni a, India sorkar-in Family Planning programme a duan pawh a bawhzui tha pawl tak kan ni. India ram pum huap (State dang) ngaihtuah chuan Population control hi thil tha tak a nih rualin Mizoram atan chuan a tul rih lovin ka hria.
Economist hmingthang Malthus-a theory ‘Multhusian theory of Population’ ah mihring pun chak dan hi 1,2,4,8 … niin ei leh bar deh chhuah pun dan chu 1,2,3,4….. niin a sawi a. Hetiang a nih chuan tam (famine), epidemic etc. kan hmabak niin a sawi. Mahse, kei chuan Malthus-a theory hi ka pawmpui ve lo tlat. Khawvel ram changkang- US, China bakah ramdang te pawh an ram len (physical area) mila mihring tam tak chenna an ni tlangpui.
Mihring kan tam chuan kan deh chhuah pawh a pung a, kan ei ral pawh a tam reng ang. Mizo ten ‘tam’ kan tih hi a lo la tam zo lo fo thin.
A va thui ta ve.. Chawnghilha comment zah zet a ni ta mai.
Report this comment
March 17th, 2009 at 8:45 pm
COUNTRY POPULATION PER SQUARE KILOMETERS OF AREA:
Burma/Myanmar 75
Bangladesh 1045
STATE POPULATION PER SQUARE KILOMETERS OF AREA:
Bihar 880
West Bengal 904
Manipur 107
Assam 340
Tripura 305
Mizoram 42
Kan state bul (i.e.Bangladesh ,Assam leh Tripura) population ringawt eng pawh hian tan lak a ngai khop mai.
Fa neih tam leh enkawl thiamah tan i la thar teh ang u! Mizo te hi ka boral palh ange…
Report this comment
March 18th, 2009 at 10:39 am
A haw vanglai ka nang ve ta lo a nih hi.
Ka’n tlai lam umpawng par ve ange.
Population studies hi thil interesting deuh mai a nia. Population structure hi pyramid (chart) hmangin an entir thina. A arh thlak hle chuan naupang an tama productive age an tlem tihna a ni. Latin America ram thenkhatte leh Asian countries-ah hian hmuh tur a awm thin. A hnuai lam a zuih emaw a arh thla lem lo a nih chuan naupang an tlem tihna a nia.
Productive age tam ngawt mah se, nakin hun zel atan a tha lo thei. German ram angte hian he hun hi an tawng tawha, an buai phah a ni. Chuvangin fa neih tam an inzirtir leh a ngaia, children park te siamin naupang infiam lai lemte dahin mipui rilruah fa neih chakna tuh an tum hle. Tin, fanei tam duhte chu an fate pahnihna chin education senso tum sakte an tiam bawk.
Chuvangin population control kan tih hian dependants leh productive age in balance lo lutuk tur ven a ngaia; fa neih duah loh inzirtir a ngai thin. A leh lamah chuan population structure-in a tuar khawpa fa neih inhrek a awm thei bawka, hei hi a tha lo tho. Tin, nawmsak duh leh, mahni hmasial taka fa neih tlem hi a diklo hrim hrim. Tu leh fate hi Pathian malsawmna an nih thu Bible-ah kan hmu a, a leh a linga huphurha, inrehpin hma lutuk hi a dik lovang. Population structure tha chu a pyramyd kha en ta ila a mi an dam reia upa an tam a ni tih entir thei turin a chhip a zuih ral lovin a tawng deuh tauh anga, zawi zawiin a arhh thla zel anga, mahse a arh hluai lem lovang.
Tam hi inchimralna dona atan a tangkai lem lo. Khawvel thil kal dan en hian a tlem zawk zel hian a tam zawk hi an awp bet ti ila a dik ang. European hnam tlemtein ram hrang hrang an colonized a, a mawl zawk leh rethei zawk an awp bet zel a ni. South Africa ramah pawh mi ngo tlemte 20% vel lek khan mi hangho an awp beh nasat em kha. Chuvangin quality nei lova ek chhe tam hi hlauh hle tur a ni.
A tawpana atan. Fa pawm hi kan hmeichhiate hian thatchhe suh se. Career women an pung tual tuala hei hian thil tha lo tam tak hrin chhuah a nei. Fa aia career thlan hi mahni hmasial thil a ni. Ka ngaihdan hi tunlaiah zawrh a tla tawh lo tih chu ka hria, mahse ka la seh nghet tlat: Nu chuan a fate a pawm tlei ngei tur a ni (awmpuite kutah an dah mai tur a ni lo), chumi a tih zawh hnuah hun leh remchang a la nei a nih chuan a career chu ngaihtuah chauh rawhse. Mipaho pawhin pa tling nih hi kan mawhphurhna a ni. Nupui fate pawh enkawl hman lo, hlawh tam si neih hi inththeihna atan hman reng reng loh tur a ni. Pa pawh pali tal neih ngei tur, a theih chuan. Ka lawm e.
Report this comment
March 18th, 2009 at 7:42 pm
Good job Patriot, educated deuhin i rawn thlir a. “Kan bul a mi ten min chim ral ang tih” rilru hi an spread laklawh a.
Report this comment
March 19th, 2009 at 7:45 am
Comment # 20, “mihring tamna hmun apiangah eizawn a awlsam” – hei chu a van dik lo em.
Report this comment
March 19th, 2009 at 9:28 am
chhangchhe bawk si, rethei si, mi in hnuai luah a chep em em mai bawlhhlawh paihna leh tuichhe luan kawr bul luah a Nupa lehkha thiamlo tuktin inhlawhchawp a khawsa, an pa mutia an nu polythene zuar, fa ngah si enkawl tu mumal awm silo te han hmuh chang hi chuan khawvelah hian enge an dam chhan ni le tih rum rum mai hi a awl asin. Chutia kara Synod leh inti nationalist thenkhatin a conswquence dawn hauh lova fa neih teuh teuh tur an rawn ti leh ringawt mai thin te hi chu an mahni aia hnam hmelma chuang hi an awm em ni?
Report this comment
March 19th, 2009 at 10:36 am
#25 Aryan : A ni ngawt mai, a thim zawng leh a rethei zual chauh ngaihtuah chuan a dik. Anni rethei berh deuh deuh ho chauh kha fa nei teuh tur an ni bik lova; chawm thei, an hrisel pawh tha taka enkawl thei, education pawh tha taka pe thei tur mahse fa 2/1 bak nei lo an tam. A bikin khawpuiah kum tin naupiang an tlem telh telh a, Sunday School-ah pawh naupang hming ziak a tlem telh telh.
#24 Thirkut : I ngaihdan dan le.
Report this comment
March 19th, 2009 at 11:06 am
Family planning tih hi fa neih tlem tihna ang tlukin kan ngaia, sawrkar pawhin family planning an han tih hian fa neih tlemtir leh chhang tihkhat bak hmalakna a nei tam lo. Social welfare lam emaw Kohhran lamte pawh hian family planning kan kalpui satliah dan ang lovin “holistic family planning” ti ta deuh kher ila, kan kalpui a tha khawp mai. Chhungkaw din tlak lo, nupui pasal nei tlak lo, fa nei tlak lo, nu leh pa an tam ta lutuk hi a pawi a ni.
Mihring mihrinna puitling leh eizawnna mumal neite chauh hian chi hi thlah thei se a tha khawp ang.
Enkawl zawh tawk leh chawm theih tawk tih pawh hi ngaih dan a inchen lo maithei. Kan vai thiante nupa chu thla khatah Rs.40000/- aia tam deuh hlek an laluta mahse chuti chung chuan fa an nei ngam lo. Taste san lutuk leh nun luxurious lutuk vang mai mai a ni zawkin ka hria. Mi pangaia chhuak tur khawp hi chuan ei leh in leh thawmhnaw, school changkang lutuk pawh hi a ngai bikin ka hre lo. Fa tlemte neiha duat hlurh hlurh hian khawvel a siam tha lo. Hetiang fate hi an chak bik chuang lo, school tha a kal apiang an hlawhtling chuang lo bawk. Mihring se puitling pu tura kan fate kan enkawl a pawimawh ber mai.
Report this comment
March 19th, 2009 at 11:12 am
sillyboy, ngahdan/opinion lam zawng a ni lo… statement dik lo ka kawk chhuak mai mai. No offense.
Report this comment
May 8th, 2009 at 12:57 pm
A chawm zo chuan Kan ramah chuan fa 10-100 vel nei se ka duha, mahse nitin eichawp zawnga inhlawhfa ve tek2 keini ang tan chuan neih teuh hian awmzia a neilo mirethei leh misual, rukruk hrat kan hring tam mai2 a ni.. mihausa ho zingah hian fa neitam tura zirtirna sorkar hian pe se a tha phian ang..
Report this comment