He khawvel lal ram leh Krista lal ram a in an loh ang bawkin, chu ram pahniha dan pawh a inang lo hle mai. Khawvel dan ah Thiltihtheihna a miin hnehna an chan laiin, Krista danah chuan Tlawmna hi HNEHNA a ni tlat mai. Mihring te tan hian Krista dana he khawvela hnehna chan tum chu thil tih rual a va ni lo em, kan ti thin.
Tisa leh Hun, Sualna leh Hrehawmna in a chim ve loh atanga rorelna chu Tisa hmunpui, Hun in a vawn tlat, Sual leh Hrehawmna in a chim reng he Khawvel atang chuan hriatthiam rual a ni lo reng a ni.
He khawvel danah chuan, Lak hi neihna a ni, Inhumhim hi Himna a ni, Mahni tana chakai khawrh hi hlawkna a ni. Mahse Krista ah chuan, Pek hi Neihna, Inhlan hi Inhumhimna, Mi dang tana in pek zawh vekna hi Hlawkna a ni tlat mai.
Eng vang nge?
Hmangaihna in Krista danah chuan ro a rel tlat a lawm. Krista i hmangaih chuan Krista hmangaih te pawh i hmangaih ang. An bula awm nuam i ti ang, an tana thil tih nuam i ti ang. Miin Krista ah ka awm ti sela, Krista hmangaih a mihring pui te hmangaih thei si lo sela, Dawt a sawi a ni. Chu hmangaihna chu Hmangaihna mak, khawvelin a hriatthiam loh atanga chhuak a ni.
Mother Teressa khan Kolkata naupang bal leh tawp, natna hrang hrang nei te kha a engtin nge ten lova a buaipui peih? Engtinge hrehawm a tih loh zawk? A hmangaih Krista hmangaih te bula awm chu a ning lova, an tana a tih theih tawk tih chu a chaw tui ber a ni. Chu hmangaihna atang chuan Pek hi Neihna, Inhlan hi Inhumhimna, Mi dang tana inpek hi Hlawkna zuk ni daih a maw le.
Chu hmangaihna chuan he khawvelah hian ro rel sela, Indo, itsik, nghirngho a awm lovang, mahse chu hmangaihna chu miin a hriat si loh chuan engtin nge a neih theih ang? Chu hmangaihna hril tur chuan Krista’n min ko. Keimahni ah Krista a awm a nih chuan a hmangaihna pawh keimah nia ah a lang chhuak tur a ni. Thian tha leh mi rinawm te chauh chunga kan rinawm a, kan thilphal hian Mi sual te nen enge kan danglaman ni ang. I chhut ang u, vawiin Krista ni ah hian.
Similar Posts:
- Aw hmangaihna khawvel entu!
- Thikthu tel lo hmangaihna !
- Hmangaihna 131
- Tu hmangaihna nge thuk ber ang?
- Greek Hmangaihna Chi hrang
March 22nd, 2009 at 2:19 am
Comment hmasa ber te’ng…HMANGIAHNA MAK chu MAK TAK MAI a ni topsss…
Report this comment
March 22nd, 2009 at 2:38 am
Isuan a zirtirte a chhanna “A Vengte” a tih ah khan Silchar vai te, Chin drug zuar te, muslim pitar thattu te; Daduhi video lem siam tu te an tel vek em??
Mahni in hmangaih anga VENGTE hmangaih tur a ni si. Khawlvel thlirna atrang chuan a theih loh Congress ho in MNF tlin nan an campaign dawn si lo.
Mahse Lal Isua atranga Hmangaihna lo chhuak dik tak chu lei piah lam ram thlengin a awm dawn si a. “Heng 3 Rinna te Beiseina te HMANGAIHNA te ..”
Report this comment
March 22nd, 2009 at 6:07 am
Pathianin mi zawng zawng a hmangaih a, chu hmangaihna chu mihring hmangaih ang nilovin ‘Tawpnei lova hmangaihna ani tawp mai ani’ !! Pathian hmangaihna chang tur chuan a ma hnen a kan zawng zawng nen tluk loh fo angai.
Report this comment
March 22nd, 2009 at 7:15 am
“Mother Teressa: Come By My Light” tih ah chuan Mother Teressa in pathian a awm a hre lo a ti tlat. A pu te hnen a lehkha thawn an dah tha a, chutah chuan Mother Teressa in reverend Van der Peet hnen a a sawi pakhat chu “Jesus has a very special love for you,[But] as for me, the silence and the emptiness is so great, that I look and do not see, — Listen and do not hear — the tongue moves [in prayer] but does not speak … I want you to pray for me — that I let Him have [a] free hand.”
Report this comment
March 22nd, 2009 at 7:46 am
Pathian hian mizawng zawng hi minhmangaiha, mizawng zawng tan athia mahse, Thu pek Zawm lo leh a THUHLUNG bawh chhe chu, Rorel nani ah ngaihdam na tel hauh lovah paih chhuah a la tum ani..
Chumi niah chuan lalpa lalpa mi ti nazawng chu van ramah an lut lovanga, ka pa vana mi duh zawng titu erawh chu an lut ang. chumi niah chuan mi tam takin, lalpa lalpa i hmingin thu te kan sawiin i hmingin ramhuaite kan hnawt chhuakthin lo vem ni, an la ti ang. chu mi hunnah chuan nangni thil sual tite u, ka hre ngai lo va che u, ka hnen ata kal bo rawh u, tiin anni chu ka la hrilh ang. matt 7:21-23 a awm zia chu Isua hmingin thil tam tak lo ti ve mahse a mahhi lei leh van siam tu pathian tisa ahn lo chang chu a ni tih an hriat loh a vang in an thil tih a la thlawn ani,
johana 8: 23-24 A ni chu ka ni tih in awih loh chuan in sual nei rengin in THI dawn ani a tih kha , i pa khawi ah nge an tih ah an zawh khan…
Marka 16:16 ah pawh khawvel zawng zawng ah kal u la thil siam zawng zawng hnenah Chan Chin Tha hi hril rawh u, A ringa Baptisma Chang chu Chhandamin an awm anga, A ring lo erawh thim loh changin an awm ang, heng chhinchhiahna te hian a ring tu te chu an zui zel ang, ka hming ram huai te an hnawt chhuak extr… A ringa baptisma pawh chang lo hian kohhran danah lo chang chang mai mai sual ngaihdam nan chang si lo, tehi Isua hming hi PHALNA lo vin an hmang ani. chu vangin Unau rorelna hmaah rorelna hma ah in din hmain baptisma hi insual ngaihdam nan in lo chang tawh anih pawhin lo chang phawt tehu tiin ka misual puite ka sawm tak meuh meuh cheu ani.
Report this comment
March 22nd, 2009 at 8:00 am
kei in misual pui MKIMA hian mittui nen kan rawn ziak tak meuh a ni e,
kan Bible ah tupawh a thupek pawma zawm si lo chu midawi thei ani a ti bawk.. kalvari paih lam thu hi lo zir ngun ang u, kalvari chu chhandam kawng mitin tan a hawnna chauh ani e, a lut tur kei ni hi kan ni, eden kawngkhar khandaih chatuanna thihna lo hawngtu kan LALpa ISUA Mihring leh pathian ani, a lut thei a piang luha, nunna thing rah chu ei turin englai pawh in hun hawn a la ni e.. Isua thusawi hre reng rawh he thu vek ah hian a lo kal leh dawn. Olive thlangah Thu chah hnuhnung a hnut chhiah kha. kha thu vek ah a lo kal leh dawn, I pa in emaw I nu in emaw A thih dawn thusawi, a liam dawna thusawi a pawi mawh zia kha i hria ang u…
Report this comment
March 22nd, 2009 at 10:08 am
hmangaihna hian thil a ti thei ber a,hmangaihna neih erawh a har anih hi
Report this comment
March 22nd, 2009 at 11:26 am
Kanidar very good post ka duhzual lai leh min tiharh tu a hnuai a mi hi:
‘He khawvel danah chuan, Lak hi neihna a ni, Inhumhim hi Himna a ni, Mahni tana chakai khawrh hi hlawkna a ni. Mahse Krista ah chuan, Pek hi Neihna, Inhlan hi Inhumhimna, Mi dang tana in pek zawh vekna hi Hlawkna a ni tlat mai.’
Report this comment
March 22nd, 2009 at 11:31 am
Mi sualte hmangaih hi ka thei thlawt lo va, engtinge kristian thra ka nih theih ang? ka rilru hi a tibuai thrin he hmangaihna thu vang hian…
Report this comment
March 22nd, 2009 at 1:18 pm
Misualte kha zu hmangaih ngot chu a har a lom..mihringah cuan a theih loh… Mahase heti zawng hian han ngaihtuah teh….
(1) Pathianin a hmangaih che tih i hriat chuan…nangmah ang tho khan kha misual kha A hmangaih tih hria la…
(2) Kha misual kha a sual zoh poh leh Nang leh Amah tlantu, Isua Krista chu a rilru a na ngawih ngawih a ni tih he bawk la…
(3) Kha misual kha a sualna avanga a boral vaih phei chuan Chatuan hremhmunah a tla mai dawn tih ngaihtuah bawk la…
Heng atanga i la hmangaih thei lo fo a nih chuan…nangmah kha in enchiang la….Pathian hmangaihna i la hmu fiah lo a ni mai thei a sin…
Report this comment
March 22nd, 2009 at 1:50 pm
@rily ralte, i tilawmawm hle mai. Thlir dan tharin ka lo thlir tawh dawn nia. Chuti pawha ka la theilo fo anih chuan ka rawn hrlh leh dawn che nia…lolz..
Report this comment
March 22nd, 2009 at 2:03 pm
Pathian hmangaihna hi a mak a,a ropui a ni, Frederick M. Lehman a hla hian Pathian hmangaihna mak zia leh ropui zia a hril chiang ngawtin ka hria-
“Tuifinriat zawng hlo tui chang se, ziakna atan thingzar tinreng; Lehkha phekan van khi chang se, ziaktu atan chuan mi tinreng. A hmangaihna puang dawn ila, a kang zo ngei ang e; a leng dawn lo,a hlai tawk lo, a hril seng chuang lo’ng e…
Report this comment
March 22nd, 2009 at 7:12 pm
Tha khups my!
teh tlat chuan!
Report this comment
March 22nd, 2009 at 8:17 pm
@Kanidar…. Pathian pawlna atanga i rawn ziah chhuah a ni tih a hriat hle mai….i titha hle mai.Ka chang thlan ka rawn thai lang ve juai ang “Mi dang tana in pek zawh vekna hi Hlawkna a ni tlat mai.”
Report this comment
March 22nd, 2009 at 9:02 pm
A thra hle mai kanidar thil ziah chu.. Ka chhiar ka chhiar mai!
Pathian min HMANGAIHNA hi chu a mak thlawt ani..
Ti zawng hian ngaihtuah ta ila, he khawvela kan hmangaih ten a min hmangaih let ve loh a, kan hmangaih te kan duh anga an awm loh a, thil thra kan hrilh ngawih ngawih chung pawha an pawm duh loh hian ka rilru a na ania.. Mihring hmangaihna ringot pawh hian… Mahse Pathian HMANGAIHNA in a nasa lutuk a min hmangaih laia a duhloh anga kan awm hian a rilru a nat dan tur zia hi… chuti chung pawh chuan a HMANGAIHNA chu a la ngai reng bawk si.. A ropui thlawt e..
Report this comment
March 22nd, 2009 at 9:14 pm
video rawn post ka tuma ka theih der lo mai min lo pui teh u,
Report this comment
March 22nd, 2009 at 11:49 pm
Mkim theih loh chuan post lo mai rawh!!! ku sadman kha tih tir rawh khai!!!
Report this comment
March 23rd, 2009 at 1:04 am
@mkima rinna leh thiltih – rinna hi thiltih tel chuan thi ani tih te, paulan grace leh faith a sawi dan te petera’n beiseina a sawi dan te hi an inkalh loh dan emaw kalh dan emaw min han hrilh teh a
Report this comment
March 23rd, 2009 at 2:07 am
Hetiang lam post chhiar tur a awm leh thin hi a lawmawm hle mai. Hmangaihna hi chhungril lama mihring rilru no che vel hi emaw tih a awl viau thin. Mahse thiltih a a lan chhuah loh chuan hmangaihna khingbai ni. Pathian hi han hmangaih chhoh veng veng thei pawh a ni hran lo va, a duhzawng tih leh midangte hmangaih kha amah kan hmangaih dan tur chu ni maiin a lang.
Mahni indah pawimawh leh mahni inhmangaih hi mihring zia a ni a. Mahni inhmangaih a, mahni tana chakai khawrh hi thil tha lo a ni hran lo. Isua’n min phut erawh chu mahni kan inhmangaih ang bawka midang pawh hmangaih ve turin a ni. Hei hi a har fo. Mahse har ti rau rauvah tum leh tum lo kar erawh a hla thei fu mai.
Report this comment
March 23rd, 2009 at 12:47 pm
kanidar teh daih chu.. Pathian thu lam hi ka englo then na a ni bau lo
Report this comment
March 23rd, 2009 at 1:29 pm
“Nang i awmna hmunah, kei ka hmunah” tih te pawh a awm kha.
@amanda, wonder lawmthu sawi tur nge pawh ka hre thiam lo, mahse a lawmawm reng reng e.
Report this comment
March 23rd, 2009 at 4:02 pm
Kanidar chu va dawng tha dup dup ve aw!!
Khawvela kan awm chhung hian tlawmngaihna awmzia hre miah lo bula tlawmngaih te,min hmusittu hmangaiha tawngtaisak te hi thil har ber pawl niin ka hria. Kan chunga thilsual titute hi tawngkam chuan ngaidam thin mah ila,rilruah a thih theih mai si loh chang a van tam tak em!!
Report this comment
March 23rd, 2009 at 4:26 pm
kanidari chu inlarna a hmu ta mai em ni a..va ziak ngaihnawm dup dup ve le..amen halleluiah lo ti ve hmiah ila ani mai alawm!”
Report this comment
March 23rd, 2009 at 4:36 pm
kanidar ziak maw? a lehlin a ni zawk hial lo maw? Hriatchian a va chakawm ve
Report this comment
March 23rd, 2009 at 9:13 pm
@puii, kanidar hian ka essay a lo copy ru a lawm!!
Tak tak ah, chhiar a man hla khawp mai…ngaituahna a ti kal thui hle mai.
Report this comment
March 23rd, 2009 at 9:40 pm
Hmangaihna, a mawi e. Ka sawi thiam lo. Inngaizawng emaw, nupa emaw inkara inhmangaihna hi ka chhui bing a, eng ruai ka ang thei lo. Definition ka zawng a, ka duhthusam ka hmu lo. Ka conclusion chu… hmangaihna chu inrintawkna hi a ni… ka ti tawp..
Report this comment
March 24th, 2009 at 6:36 am
Isleder……@mkima rinna leh thiltih – rinna hi thiltih tel chuan thi ani tih te, paulan grace leh faith a sawi dan te petera’n beiseina a sawi dan te hi an inkalh loh dan emaw kalh dan emaw min han hrilh teh a
Islade i zawh ka rawn chhang lawk thei thil lova pawi ka ti.. ka hman rem chan loh vang ani e..
Bible hi a in kalh a awm lo, kan hriat kim loh vang mai ani. Isaia 34:16 kawppui nei lo leh kim lo reng a awm lo vang a ti anih kha.
Rinna (faith) Ring ( belive) Rome 10:17 ah Rinna chu hriatna a tranga lo kal ani a ti. kan HRIAT hnu hian kan RING a, Kan RIN Hnu hian ka zawma (action) chu mi hnuah RINNA a ni chuah. Bible ah RINNA awm te chu a tih te hi….
Jacoba 2:14-24 Unau te u, miin Rinna ka nei ti mah sela, thiltih a neih si loh chuan engnge a sawt ang? chutiang RINNA chuan amah a CHHANDAM thei dawn em ni? Min thlah tu ABRAHAMA chuan a fa pa Isaka maicham chunga a hlan lai khan Thiltih vang in thiam chang ani lo em ni?RINNA chu thil tih nen a thawk dun thin.
Pathian lehkha thuin Abrahama chuan pathian a ringa chu RINNA CHu felnaah ruat ani. Pathian thian ah vuah in a awm ta.
Example- Mosian Dar rul a kha kan lai khan a en tu chu an NUNG ang tih a sawi tawha an hria mahse an en hma chu an nung lo… ring mahse a va daka a en loh chuan a nung lo. mahse an en chhiah khan an (belive ) kha (faith) ah a chang ta. an dam ani. Hmeichhe thi put khan ISUA chu a pawn hmawr tal ka khawih chuan ka dam ang tih a ringa mahse a khawih hma chu a dam lo ani.
Note: Tunah ISUA a thia a tho leh tih kan ringa, chan chin tha hrilha a ringa Baptisma chang chu chhandamin an awm ang a tih hi kan ring a, mahse he a thu chah hnungber a lo kal thlenga daih tur kan tih tur in a sawi ani, A HMINGIN kan SUal ngaihdamnan Baptisma , a thihna leh a thawh lehna kan trawm pui nan kan chan ve hma loh chu, RING kan ni Faith RINNA ah kan la awm lo tih na ani. PAUL an RINNA awm te chu Pathian chhungte an ni a ti. Ringtu nge i niha Pathian chhung te , lo ngaih tuah la.. Bible ah I ring tu zawng zawng te chuan Isua hmingin Baptisma an changa Thlarua thinghlim an dawng vek asin Unau in dawng chang ve tawh em?
chuvang RING rigawt in nih chuan ngaihdamna leh khawngaihna a tawp ISUA Rorelna ah sawi tur a vang ngawt le..
Report this comment
March 24th, 2009 at 9:01 am
Irre, myself, bmw, khua in va ti har dup dup ve le, misual ho lohna a rei ta. Ni e, tiang lam te pawh hi han tihrik ve zauh zauh a tha lawm ni, ka ti deuh a.
@puii, I will take it as a compliment, thanks.
Report this comment
March 27th, 2009 at 4:58 am
Isleder……@mkima rinna leh thiltih – rinna hi thiltih tel chuan thi ani tih te, paulan grace leh faith a sawi dan te petera’n beiseina a sawi dan te hi an inkalh loh dan emaw kalh dan emaw min han hrilh teh a
Islade i zawh ka rawn chhang lawk thei thil lova pawi ka ti.. ka hman rem chan loh vang ani e..
Bible hi a in kalh a awm lo, kan hriat kim loh vang mai ani. Isaia 34:16 kawppui nei lo leh kim lo reng a awm lo vang a ti anih kha.
Rinna (faith) Ring ( belive) Rome 10:17 ah Rinna chu hriatna a tranga lo kal ani a ti. kan HRIAT hnu hian kan RING a, Kan RIN Hnu hian ka zawma (action) chu mi hnuah RINNA a ni chuah. Bible ah RINNA awm te chu a tih te hi….
Jacoba 2:14-24 Unau te u, miin Rinna ka nei ti mah sela, thiltih a neih si loh chuan engnge a sawt ang? chutiang RINNA chuan amah a CHHANDAM thei dawn em ni? Min thlah tu ABRAHAMA chuan a fa pa Isaka maicham chunga a hlan lai khan Thiltih vang in thiam chang ani lo em ni?RINNA chu thil tih nen a thawk dun thin.
Pathian lehkha thuin Abrahama chuan pathian a ringa chu RINNA CHu felnaah ruat ani. Pathian thian ah vuah in a awm ta.
Example- Mosian Dar rul a kha kan lai khan a en tu chu an NUNG ang tih a sawi tawha an hria mahse an en hma chu an nung lo… ring mahse a va daka a en loh chuan a nung lo. mahse an en chhiah khan an (belive ) kha (faith) ah a chang ta. an dam ani. Hmeichhe thi put khan ISUA chu a pawn hmawr tal ka khawih chuan ka dam ang tih a ringa mahse a khawih hma chu a dam lo ani.
Note: Tunah ISUA a thia a tho leh tih kan ringa, chan chin tha hrilha a ringa Baptisma chang chu chhandamin an awm ang a tih hi kan ring a, mahse he a thu chah hnungber a lo kal thlenga daih tur kan tih tur in a sawi ani, A HMINGIN kan SUal ngaihdamnan Baptisma , a thihna leh a thawh lehna kan trawm pui nan kan chan ve hma loh chu, RING kan ni Faith RINNA ah kan la awm lo tih na ani. PAUL an RINNA awm te chu Pathian chhungte an ni a ti. Ringtu nge i niha Pathian chhung te , lo ngaih tuah la.. Bible ah I ring tu zawng zawng te chuan Isua hmingin Baptisma an changa Thlarua thinghlim an dawng vek asin Unau in dawng chang ve tawh em?
chuvang RING rigawt in nih chuan ngaihdamna leh khawngaihna a tawp ISUA Rorelna ah sawi tur a vang ngawt le..
Report this comment
May 1st, 2009 at 2:21 pm
nia,kan cung a thil ti sual tu hi cu ISUA hming a han tih ve deuh chawrh te hi chakawm duh khawp mai,hmangaihna hi cu a lo mak em a ni,hmelmate hmangaih hi PATHIAN atag lo cuan thil theih loh tawp a ni.
makim i sawi dik khawp mai…
Report this comment