Ka blog ah ka post tho va mahse misual ah rawn post rawh ti tu an awm leh thin avangin kan rawn post ta ani e.
Windmill ti hian kan hre lar a, amaherawhchu electric generate na hi chu Wind turbine tih te Wind generator tih te leh hming dang dang hian an sawi thin. Keini state mizoram ah hian anla uar lo hle maia, mahse uar chi tak ni in ka hre ve mai mai a kei mimawl hian.
Mizoram hian Central atangin power Megawatt 90 kan quota chu leiba rulh nan Megawatt 30 hi kan hralh thena Megawatt 60 chauh kan hmu ta ani, hei hi industry din duh tan leh thil dang tam takah a tam tawklo hle a, chumi supplement atan chuan Wind turbine hi uar chi ni in ka hria. Hetia han ngaih mai ai hian han zir chian chuan a chhawr tlak ve fu in ram changkang ah pawh anlo uar ani tih kan hmu thei ang.
A siam man a to lovin keini ang tlang ram thlifim tamna ah phei chuan siam theihna tur hmun a tam riau ten kan hre ve mai mai a kei mimawl hian. Thingtlang current awmloh zinna ah phei chuan a tangkai lehzual in ka ring. Bakah private farm leh industry din tum te tan hian a tangkai hle bawk in a rinawm.
A siam dan design hi chi hrang hrang a awmve a, thenkhat phei chu a watt pekchhuah pawh a tam ve khawpmai. Mahse heti lam hi chu tuna lo hisap vak chi ani lem law, siam dawna zir chian a khek chi ani.
Mizorama a tih chi leh chiloh tur hi misual ho hian han sawiho ve reng reng il mawle..
