Mizoram sorkara Finance Secretary, Pu C Lalsawta chuan sorkar kum kal ta, 2008 khan Mizoram sorkar sum non-plan atangin sorkar hnathawk mi 48,000 velin 54.5% an ei (hlawh an la) thu a sawi a; Plan sum hman ral zinga 25% pawh sorkar hnathawk ei a nih thu sawiin, “Sorkar hnathawk hi state dang ngaihtuah leh Mizoram mihring zat atang chuan a tam lawr (over) hle a ni,” a ti.
Nimin khan Finance changtu Chief Minister Pu Lal Thanhawla’n thla li chhung atana Mizoram budget a pharh a; chumi hnuah Finance Secretary Pu C Lalsawta hi budget kalphung leh sum hman dan chungchang media-te’n zawtin an kawm a.
Pu Sawta chuan, state dang aiin Mizoram sorkar hnathawk hlawh sanzia leh hmasawnna hnathawhna tur awm lo khawpa an hlawhah sorkar sum a kal hnemzia a sawi a. Mizoram sorkar-in tax revenue 4% chauh a hmu a, tui bill, electric bill leh thil dang atangin (non-tax revenue) 6.4% vel chauh a hmu bawk tih a sawi.
Pu Sawta chuan, Mizoram sorkarin sorkar laipuia chan (share) a neihte a dil (claim) theih thu a sawi rualin, sorkar hnathawkten income tax an pek loh avangin a dil tam theih thin loh thu a sawi a. “Central in 72% chu grant-in-aid in min pe a, a then chu special category state kan nih vangin min rawn pek a ni bawk a.
Central atanga sum lo lut tam ber chu Central Sponsored Scheme (CSS) a ni a, mahse 10% pek ve a ngai a, Mizoram sorkarin a do letna hi a neih theih thin loh avangin dil ngam loh tam tak a awm a ni,” Pu Sawta chuan a ti a. A do letna sum awm loh chhan hi sorkar hnathawk an tam vang leh an hlawh san vang a nih ber thin thu a sawi bawk.
Finance Secretary chuan, Mizoram sorkarin a mipuite tan tui, kawlphetha, buhfai leh mamawh dang atan sum tam tak a sen reng thu sawiin, “Hmasawnna hnathawh tak tak nan sum awm lo khawpin mipui tan sorkar chuan sum a seng,” a ti a.
State dangah chuan sorkar hnathawkte’n retailer-a ration buhfai leh chini an lak dawnin subsidy a awm ve lo a, sorkar hnathawk lo tan chauh subsidy rate-a an pek thin thu te, Mizoramah chuan sorkar hnathawk pawhin mirethei chan ang an dawn ve vek thu a sawi bawk.
Source : Vanglaini; March 24, 2009
(An website lamah ka hmu zo tlat lo, ka rawn type chhuak tawp mai)
Similar Posts:
- Mizoram a sorkar hnathawk hlawh hi a tam lutuk em, Tax pe ve dawn ta ila
- Buhfai man sang tur leh mi hausa te
- Mizoram Sorkar 6th pay ruahman i belchiang teh ang
- Sorkarin September thla thleng bak zirtirtu hlawh tur a nei lo?
- Sorkar hnathawkte hlawh a pung dawn
March 25th, 2009 at 8:30 pm
Central Sponsored Scheme pawisa Mizoram tana pawisa hmuhtheih tur keinin 10% kan tum chuan 90% chu Centralin a rawn tum theih mai tur, 10% pawh lo tan ve theih loh avanga kan chan tak mai chu a va uiawm teh reng em . 50-50 pawh tise theihpalingkawha tanna tlak ani asin mawle. Kan IAS/IPS officer te pawh hi Delhi vela an han awm hi chuan, mahniin Private Car an lei a, office kal tur pawhin mahniin an inkhalh ve tawih tawih mai thei tho a. Mizoram a an lo awm erawh chuan hetiang hi chuan an khawsa lem bik lo. State rethei berte zinga mi leh khiti khawpa sum tlachham si hian. Sawrkar hnathawk ho Motor atan ringawt a, Mizoram pawisa liam tam zia te hi. Driver hlawh, Maintenance Expense ( bill tak leh dawt bill chawhpawlh nen). MNF khan a zual za pui siamthat tumin tan an han la kha Mizoram tan a an thil tih thrat chhinchhiah tlak niin ka hria. He mi issue hetianga an rawn address leh ta hian Pu Hawla Sorkar thar hian heti lamah hian tan lak a tum anih chuan a lawm awm khawp ang.
Report this comment
March 25th, 2009 at 8:42 pm
kan politician te lah hi a, midang te hek zut zut a mahni n engmah ti thei leh chuang silo hi an tam ania. anni pawn budget han siam se (an siam thar tawh) sawrkar hnathawk an tam ngaiin anla tam reng si chuan engtin vak nge an tih chuan ang le.. te ka tia.
Report this comment
March 25th, 2009 at 9:02 pm
A ni ngawt mai…Sawrkar hnathawk ho hian an eiral a ni ber.Vawrselapa sawi khi a dik khop mai.IAS/IPS te hi Mizoramah an rawn chhuah chuan paradise te nau a ni ngawt alawm le.Deputation a lo chhuakte phei hi chu yes man an tam bik an ti.
Report this comment
March 25th, 2009 at 9:47 pm
Nia, State dang angin Income Tax pawh an pe lo. An eiruk te nen phei chuan!!!!!!!!!
Report this comment
March 25th, 2009 at 9:59 pm
sincome Rs.10,000 p.m nei chin hian tax pe se (sawrkar hnathok ho). chuan subsidy chu kan do let thei mahna.
An sawi hi a dik chiah Income Tax pe velo State tan a pawr vak theih loh..
Kan state a sum awm 98% hi (Vai) tax payer money atanga kan neih a nih hi.
Thildang daih:
State danga awm mizo hnathok tamtak hian income tax an pe thlon ringot zel hi chu inzir chian kan ngai.. deduction & rebate na chang hriat atha khop mai.
Report this comment
March 25th, 2009 at 10:07 pm
income tax hi lak tur ania sin mawle taka sawrkar hian
tax an lak amlohna chu an changkang lo xel
Report this comment
March 25th, 2009 at 10:10 pm
Sorkar sum te chu sorkar hnathawk chuan an ei ang chu. Hna an thawk alawm. An ei loh te’n. Hna thawk miah lo vin em ni ei ta ang. Sorkar hnathawk an tam lutuk anih chuan… hna lak belh tawh rih lo mai se. A hnathawka te dem chi pawh a ni lo, tul em em lo ah pawh hna lak anih thin hian hnathawktu an tam phah thin. Vawi khata “hna tau a tet,” tia hna thawk tur lak chiam kan ching hi a tha lo. Chu ai chuan kum tinin exam kal tlangin awmze nei takin hna lak ni tawh rawh se. Advertisement chhuak mih si lova hna lak a awm thin anih phei chuan a PAWI khawp ang.
Report this comment
March 25th, 2009 at 10:15 pm
land revenue tax poh pek a harsa nia, han pek tum pawhin!!ala pek theih lo ti zel a!
mak thei ngei mai mizoram hi!!
Report this comment
March 26th, 2009 at 12:15 am
Nia, income tax pek ve ngei a hun tawh khawp mai.Mahse, eiruk ral leh mai mai tur atan chuan ka phal lo.A hmanna tur dik leh fel taka duan chuan hmasawnna chu zuang awk tawh tur a ni, hmaana Hawla sawrkar kha a che khir tret trut lutuka, tun thlengin kan tuar.A pawi hle,hmana an diklohna rawn khuh leh hi an bat a van ni chiang lungrun em..
Report this comment
March 26th, 2009 at 12:29 am
Income Tax pek hi a tha ka ti keipoh.Sawrkar hnathawk chuan Proffessional Tax bak hi kan pe lo a.Income Tax hi hlawh atanga 1 % poh pe ila,a tha hriim hrim.
Report this comment
March 26th, 2009 at 1:22 am
1% lek ni love aa… 150000 per year hloh chin chuan 15% an pe tur a ni.. Income Tax deptt. rules iang in…
200000 per year in 20%
300000 per year in 30%..
Missionary nuaih khat chu kan chawm mawh viau ang… income tax pe state chu ni ila…
Report this comment
March 26th, 2009 at 4:42 am
Income Tax pek pawimawh zia kan hriat ngam hunah chuan kan la pe ve mahna, tunah hian kei chuan 28% vel ka thawhchhuah atangin Tax ka pe thin. Tax return pawh ka dawng ve nual bawk.
Report this comment
March 26th, 2009 at 8:35 am
ni e, tax pek loh chuan neitu nih hi a har ania, mi in harsa taka an thawhchhuah atanga 20% vel sawrkarin la ta hmak hmak se mipui te hian 20% ka thawhchhuah kha enga tan nge sawrkarin a hman ti in sawrkar expenditure hi an chik leh zual ngei ang.
Sean Penn a Oscar dawnna film MILK tih film ah pawh kha America rama gay hovin equal rights ngenna a an argument bulpui ber pakhat chu “Chhiah kan pe ve tho” tih anih kha.
Mizorama chuan diklo takin sawrkarin sum hmang mahse mipuiin han sawisel dawn ila sawrkar hian i thawhchhuah ka hmang leu ati ve thei tlat ha ha
Report this comment
March 26th, 2009 at 9:20 am
1 % chu a tlem a ni mauh..20 – 30 vel chu a va sang duh awm veeee…chan a lawi kan nei nang.A tam lo te in pe rih ila ka ti.5 percent vel tal poh.
Report this comment
March 26th, 2009 at 10:14 am
Income tax cut nen, thildang cut neuh neuh nen chuan fate kan chawm zo nang..haha(fa ka la nei top si lovah)..5% vel chu ni roh se..
Report this comment
March 26th, 2009 at 10:22 am
Naihtuah tur pakhat chu kan ram riang te hian industry nkan nei vak si la va,SERVICE hi kan sumhmuh na a ni si a,sorkar hnathawk kan ngah a, hlawh a tam chuan a thatpui tu chu Mizoram tho a ni an ti!Bakah thingtlang khaw te deuhah chuan zirtirtu ten hlawh an lak theiloh chuan Kohhran thawhlawm thlengin a nghawng an ti bawk,mipui chan bo khawp erawh a tha lo a, a pawi berchu hnathra lo leh eiruk a ni e.
Report this comment
March 26th, 2009 at 10:23 am
Mizoram sorkar hnathawk ve lo chu in hriat tlats…in pawr e mai.. hehehe
Report this comment
March 26th, 2009 at 10:31 am
@Snw…. i ti dik chiah… mipui tan a kan thawh hnem zia hi ti raw…… kan hlawh hi mipui tan a kan thawh a vang a kan hlawh a nia. Kan thawh chhawr tu chu mipui…………… sum te chu kan thawh avangin kan hmu tur a ni lawm ni…….
Report this comment
March 26th, 2009 at 10:37 am
Tax pek chu tha kan ti tlang a nih hmel, Pu Sawta chu ti tha hle mai, tam tak chuan kan hriat toh tho ka ring. Lily Parmawia tih ang deuh khan Mizoram ah hian, Income la lut tam deuh chu Tax pe ve se, kan deficit a tlem theih deuh a rinawm. Kan Health Insurance te poh loan in Premium te an la pe leh nghal a, mipui in Tax han pe chiah se, corruption leh thil kal tha loh pawh an vei leh zual ka ring. Khawvel ram changkang, a bik tak in, Scandanavian ram- Norway, Sweden, Denmark ah te chuan rethei leh hausa inkar a tlem, a chhan chu Tax sang tak an la a, mahse Education & Healthcare, tlawm tak in an pe chhuak thei.
Report this comment
March 26th, 2009 at 10:58 am
Income Tax kan pek leh pek loh avangin central fund lo lut tur tam leh tam lo a ni leu. Income tax i pek chuan Central Govt ah Direct in a lut a nga, chu chu an sem rual leh a, ST shedule area a awm kan nih a vangin Income Tax hi chu Kan pe Tur a ni lo. Mizoram 10 lakhs pawh tling lo ah hian kan sum hmuh hi tam deuh mai a nia. Power te generate i la, kan hralh na kha, 10 % lo do nan hmang i la, PLAN, VISON om loh vangin Politician te hian mipui an puh mai mai a nih hi, a free a sem dur dur future omlo a in promise hi kan politics khelh dan ania. Central a 75%, 90% CSS a tam teh lul nen, 10% tal lo do let tur hian vison nei deuhin kan sum lo lut let tur ah invest i la khitah khitah kan ni tawh ang. Kei chu ka soi ka soi peih tawh lo. TUi kan nei lo, Power kan nei lo, kawng kan nei tha lo, ka ti a kan iak kan iak a, a dept a thawkte engr leh midang rual ho hi han enteh u, an hausak hlom em hi, diklo chu a om ani mai.
Report this comment
March 26th, 2009 at 12:16 pm
Mizoramah chuan an tia lawm… kan kawng a biboh nasat poh leh kan engineer te in a thra, tui in tur neih mang loh pawn… PHE Engineer te in chu a tliang han tho…Reiek khaw pa ho pawn tanhrilah ‘Helaia hi kan khaw tuizem chu a lo awm reng a lawm mawle’ ti a an sawi ka hre tawh tlats bawk
Chuvangin a sawia sawi.. lam ai maha thawk peih kan neih a ngai ta e..Thu thra hi chu a sawi treuh theih. Thawh that hi kan ramin a mamawh
Report this comment
March 26th, 2009 at 12:21 pm
Office dawh kana thut mai mai nan leh computer a card rem mai mai nan leh sorkar motor a fate school kal hruai nan a hman a tan chuan a vin tam em !!
Politics !
No Offence !
Report this comment
March 26th, 2009 at 12:27 pm
Off Topik : Post thar avan awm harveee..commentna tur pawh hre tawh lo e. BORING tlat – No offence !
whatever !
Ka lawm e !
Report this comment
March 26th, 2009 at 1:07 pm
lal-viking, chohmeh post leh mai la
Report this comment
March 26th, 2009 at 1:39 pm
Sorkar hnathawk hlawhah chuan a kal tam reng ang chu, sorkar hna chiah hi HNA ah min ngaih tir tlat tawh alawm. Power hnianghnar nei thei lovin min ei zawhsak a, power ngai lem lo eichawp dawrte a thla telin a pung lo thei lova,chumi atang ringawt chuan ei in bakah incheina sang tak nen chet hleihtheih a ni bawk si lo.Tunah lah Rs nuaikhat kan sem ang kan ti lo an ti leh tawh bawk si! Huuiiss!!
Report this comment
March 26th, 2009 at 1:58 pm
“ZORAMAN min fep fu a, Hawlan dawt-nuai khatin min tlan an ti.”
Lengzem “anti” tih a tanga ka lak. a nih duh hmel. Politician ho hi chuan kan mawlmang chhung zawng chuan min bum hlum thak duh ta ve ang. Chuvang chuan Right Education hi kan mamawh em em a ni rigot mai a ni. India ram changkan ve deuh hlek na poh, ram dang ah kal chhuak leh hnathawk an tam ve tawh a, khang ho kha Politician ho hian an bum mai mai thei reng tawh bik lo a, tlem tlem chuan hma kan sawt deuh hlek a, amaherawh chu engvangin nge 60 yrs of independence nei tawh si a, heti em em a, mi rethei leh lehkha thiam lo an la tam. Ele, Bum tur an awmlo ang tih an hlau a, In eiru kual i la, inti chhe vek mah ila pawi ti lo fe fe tur hi an tam em asin.
Inthlan dawn a, an tiam leh a nga, vote leh dial dial mai ang.
Report this comment
March 26th, 2009 at 2:12 pm
redrose
chutichu ka vote toh don lo reng2
Report this comment
March 26th, 2009 at 9:37 pm
Mizoram tang hian thiltha reng reng a chhuak ve thei dawn lo anih hi, engchen tak thiltha nghah nan hian hun hmang leh ang i maw!! CM Adviser duh lovin, a tlukpui thova senso hautak tur Parlimentary Secretary eng emaw zat a nei leh si te hian ngaihtuahna chu a kal tam tir hle mai. Kan Politician hovah hian rinna ka nghat ngam tak tak tawh lo kei misual hian.
Duh tawkin lo tlabal ve mai mai rawh u, Mizoram-ah awm turin ka let leh tawh dawn chuang lo han ti ngawt dawn ila, kan ram neihchhun hi kan thinlungah a bet tlata, kan hmangaihna a dai thei tak tak chuang si lo. Hui ham bei a va dawng tan ta em?
Kan Sorkar chhiahhlawh ho lah hi an hlawh a tam ang huin dawr an nawm phah chuang silo, tuna MLA ni ta PCCF hlui-te hi PCCF-a a awmlaite khan dawr a va hreawm thin tak em ve aw…….MLA anih tak avang hian a pianthar tak hluai ka ring bawk si lova.
Hawltea lah hi hmana mi tho kha a nih zia a lanchhuah tir tan mek emaw chu aw tih turin thil a kal mek chu a ni bawk si a..Lo thlir leh phawt mai ang u, beiseinain…
Report this comment
March 26th, 2009 at 9:45 pm
Politician-ten mipui laka GAME theuneu an neih reng theih nan … hmasawn vak loh hi a pawimawh ber rih a niang chu!
Report this comment
March 26th, 2009 at 9:49 pm
Kolasib chanchinbu pakhatah chuan, “Mahni thawhna Department hmalakna aiin mahni private mimal in an nei changkang zawk,” tih an ziah kha maw le!
Kan hlemhletzia hi … mi hian an hai lo.
Report this comment
March 26th, 2009 at 10:00 pm
Tlem kan belh ve leh hnuhnawh
Sorkar hnathawk tel lo chuan kan awm theilo, chutih rualin a chuangliama sum hmanna hi a tam deuh hlek niin a lang. entir nan mai mai, Zing leh tlai ofis kal lai hian ka lo chik mai mai thin a, motor hma a designation satliah tak tak hmuh tur a la awm nual mai. Department head bak lo hi chuan motor hi kawl lo sela, duh leh a dept ang in motor leh driver hi tlem a zawng awm ta se, thingtlang leh phai lama zin a tul anih pawhin a remchan dan angin inhman tawm ta mai se a hek lo deuh mahna. Ofis kal leh haw ringawt nan chuan sorkar motor tih kher hi a tul ber em?
Tin, taima taka thawk an awm laiin dept tinah hian mi tlem a zawng, hlawh la ve ringawt a chhawr tak tak tlak lem loh hi hmuh tur an awm nual mai. Heng ho hian sum an eiral ve ringawt, sorkar tan hekna hlang hlak.
Duhtawk pawhts, ka tui lutuk dawn. Ka lawm e
Report this comment
March 27th, 2009 at 12:14 am
winning, i thahnemngaihna hi ka va hrethiam tak em! tih vak ngaihna a awm si lo a nih hi! thaw a pik khawp mai.
Sorkar hnathawk zingah hian mahni hna phu ngawih ngawih leh hna thawk tha tak tak an tam rual in hmelhriat neih that vang in mi tamtak chuan sorkar hna an hmu a, a phu zawk tamtak hmelhriat tha neih ve loh vang a hna hmu ve thei lo an tam em em lai in, heng ho lah hian zah na chang an hre lo.
Lehkha thiam tak tak vang leh fin vang ni chuang lovin, lehkha zir peih peih (by heart tam peih peih) khan hna an hmu a, lehkha zir ngawr ngawr ni lo thil dang a tuina nei, an thiamna leh an tuina in a zir loh (Mizoramah) avang leh an thiamna hman theih loh vang a mi mawl awm a awm ta mai mai an tam bawk nen. Sorkar hna thawk ho lah hian kut hnathawk te an la hmu hniam zui a, kut hnathawk te ngaihtuah a hlawh sang em em si hian hlawh san belh phut in an la nuar zui bawk a, kan thenawm, kan mizo pui, kan christian pui ten sorkar hna an neih ve loh avang a harsa tak a, nileng a nisen sa hnuai a hlawh tlem te a an in hlawh lai hian, nitin a daihhlim hnuai a hna rim thawk lo va kan chhungkaw ei leh in kan hlawh chhuak thei hi lungawi tawk tur chu kan ni zawk lo maw?
Engpawhnise sorkar hna thawk te hlawh ai a private a thawk te an hlawh a hniam em em te, kut hnathawk hlawh leh office hnathawk hlawh a in san hleih em em te, sorkar hnathawk ten income tax a tlem berah 10% vel tal an pek hma hi chuan kan ram hian hmasawnna kawng a zawh thui a la ngai em em tih hi a chiang khawp mai. ” eiruk tur a tax pek” tih mai mai, tax pek han ni phawt se, ei ruk a nih pawh in mipui tax pek a nih na na na chuan a eirutute hi an in thup rei thei hauh lo vang…sawi tur a tam..
Report this comment
March 27th, 2009 at 9:41 am
10% tal, 20% tal tih vel a ni lo, India ramin DAN a nei a, chumi zingah chuan Income Tax Act 1961 pawh hi a pawimawh pawl a ni. Chumi in a tuk te leh a tuk zat chu Mizo mipui ten an duh duh a an tihdanglam leh belh, paih theih a ni lo.
Siam danglam thei tu chu Mipui thlan MP te an ni, Mizoram in MP 1 kan nei ve, eng ang fakau in nge kan pressure a nat ang tih chu a hriat theih mai.
Income tax kan pek hian Mizoram Sawrkar Treasury a direct a chhun luh tur emaw kan ti tlangpuiin ka hria, a dik lo. Income tax is levied by Central Government and is administered by Central Board of Direct taxes under Ministry of Finance, in accordance with the provisions of the Income Tax Act.
Tax Pek Hi Kan Thatpui A Ngem?
Mizoram, la hnufual em em ah hian Income Tax pek ve kan sawi ri zing ta hle mai, pe ta ila enge kan nih chiah ang chu comment hmasa lamah kan hmu nual tawh, a pang lehlam lo thlir ve thung ila;
Post hmasa lamah te ka lo sawi tawh angin, Pathian ram sawma pakhat pek harsa ve tak tak te hian India sawrkarah sawma pathum chhun luh kan in huam em? Kan hlawh lak atanga sawma pali (30% + 10% Pathian Ram=40%) hi han paih chhin ila, chhungkaw engzat hi nge smooth taka in run thei ang.
Kei Mizorama posting ka duh chhan pakhat chu Income Tax pek a ngai lo khi a ni. Ka hlawh 30% in a pung dawn a nia auh…
Tu nge zawhte chu țhi awrh tir ta ang ?
Kan sawrkar hian Union Govt. ah Income Tax exemption rule, Clause (25) of article 366 of the Constitution of IndiaPara 20 of the Sixth Schedule to the Constitutionclause (26) of section 10 of the Income-tax Act etc te khi saim danglam kan rawt e, zuk ti ta sela, sawrkar lai chu a tla chiang ngawtin ka ring.
Report this comment
March 27th, 2009 at 9:49 am
Tax chungchang hrim hrim hi a nutshell (tlangpui) han sawi kai zuaih ila, kan hriat hnu vekah ka ngai na chu, la chiang lo deuh kan awm takin…
India ramah tax la tu 2 an awm, Union govt. leh State govt. Union in tax a lak thenkhat te:
I Direct Tax
1. Tax on Corporate Income, Domestic corporations are subject to tax at a basic rate of 35% and a 2.5% surcharge. Foreign corporations have a basic tax rate of 40% and a 2.5% surcharge + edu cess etc.
2. Capital Gains Tax : Tax is payable on capital gains on sale of assets. Long term ah Basic rate 20%, Short term ah basic rate 10%.
Report this comment
March 27th, 2009 at 10:00 am
Tax chungchang hrim hrim hi a nutshell (tlangpui) han sawi kai zuaih ila, kan hriat hnu vekah ka ngai na chu, la chiang lo deuh kan awm takin…
India ramah tax la tu 2 an awm, Union govt. leh State govt.
Union in tax a lak thenkhat te:
I Direct Tax
1. Tax on Corporate Income, Domestic corporations are subject to tax at a basic rate of 35% and a 2.5% surcharge. Foreign corporations have a basic tax rate of 40% and a 2.5% surcharge + edu cess etc.
2. Capital Gains Tax : Tax is payable on capital gains on sale of assets. Long term ah Basic rate 20%, Short term ah basic rate 10%.
3. Personal Income Tax : Basic rate hi income zat a zirin a dang lam, 10% atanga 30% a ni tlangpui.
II Indirect Tax
1. Excise DutyManufacture goods atangin Excise Duty (Central Excise act 1944 leh Central Excise Tariff Act 1985) lak a ni, rate pawh a bungrua a zirin a danglam nasa.
2. Customs Duty Bungraw chawkluh atanga tax/duty an lak.
3. Service Tax : Tax hi “certain identified taxable services provided in India by specified service providers” atanga lak a ni, rate 10% a ni tlangpui.
4. Securities Transaction Tax : equity shares, derivatives and units of equity-oriented funds, recognized stock exchange hnuaia transaction atanga lak a ni.
State Sawrkar in Tax a lak threnkhat te:
1. Sales Tax/VAT
2. Municipal/Local Taxes
3. Stamp duty on transfer of assets
4. Property/building tax levied by local bodies
5. Agriculture income tax
6. Luxury tax
Report this comment
March 27th, 2009 at 10:07 am
Income tax hi tribal leh OBC te chu an exempt niin ka lo hria a, Kanidar chu tribal i ni lo a ni maw? Nge ka hresual zawk le?
Report this comment
March 27th, 2009 at 10:10 am
sawrkar hnathawk heti zat awm ah hian, sawrkar tana thahnemngai taka thawk a, sawrkar hi ka ta ani.. ti hi an tam awmlo mange aw te ka tia. chutiang bawkin Zoram hmangaih inti nazawng hian Zoram tan hian thahnem an ngai tak taklo, a sawi chiah thei hi kan tam lutuka buaithllak. Kan lehkhathiam ho zingah pawh hian zoram hmasawnna tur aia mahni mimal hmasawnna tur chiah ngaihtuah hi an tam riau ten kan hre ve mai mai bawka, kei mi tlaktlailo hian
Report this comment
March 27th, 2009 at 10:14 am
Mizo tehi chu tih kan nuam kan ti kan tia, ram tana thahnemngaih chungchang ah tehian beihpui han thlak tak tak hi a chakawm thin ngawtmai. chumi hnu ah chuan tax sawrkar in la ta pawh nise tha-na vaklo a pe an tam thei zawk in ka ring.
tax lak tlem lutuk hi anih in anilo hrim hrim.
Report this comment
March 27th, 2009 at 10:20 am
Kanidar, i rawn sawi khi dik khop mai. 40% chu tam tak ani. ST kan nihna te hi chhawr tangkai thiam ila chuan,hma kan sawn ngei ang. Constitution ah Dan a awm a, ST te chu thil tam takah exemption min pe a, chuti chung chuan kan la hmang thiam lo viau mai. Hmasawn zawnga kal te hi kan tum lo lutuk deuh hian a lang thin. Unnecessary Oh! Illicit Use of FUNDS hi kan tangkaipui lo em bok ani…(Ka tawngkam thiamin a daih toh lo).
Report this comment
March 27th, 2009 at 10:21 am
@sillyboy, ‘bal ah pawh a kephah hlai ber ber chi
Income Tax exempt tur chuan thil 3 ah hian qualify kim țhap a ngai a,
1. Clause (25) of article 366 of the Constitution of India in a sawi Schedule Tribe mihring nih a ngai. – Ka qualify chiang bang
2. Para 20 of the Sixth Schedule to the Constitution belhchhahna Table I leh Table II in a sawi hmun emaw, Arunachal Pradesh, Manipur, Nagaland and Tripura emaw, clause (26) of section 10 of the Income-tax Act in a sawi hmun a awm nih a ngai. – Qualify ta lo tlats mai
3. Pawisa hmuhna (income) kha khing point no.2 a sawi hmun atanga generate a nih a ngai. Tah pawh hian qualify leh ta lo
Report this comment
March 27th, 2009 at 10:27 am
Awi Kanidar min ti bengvar hle mai… i rawn sawi ho hi keini ang mimawl te te misual lehnghal hian kan va mamawh ve
Report this comment
March 27th, 2009 at 10:34 am
Kum khata Rs 150,001 vel lalut chin chu mizoramah an tam ve tawh viau ka ring kei pawh. Income tax pek hi chu a hun ve tawh tak zet ani.
Report this comment
February 12th, 2010 at 9:25 pm
[...] sorkar hnathawkin budget sum ei tam [...]
Report this comment
February 13th, 2010 at 12:56 am
[...] sorkar hnathawkin budget sum ei tam [...]
Report this comment