Rinna chu enge?
Rinna chu thil awm ngei nia kan hriat, kan hmuh theih si loh, kan beisei thil lo la thleng ngei tur a kan rin chunga rilru nghah hi a ni awm e. Rinna tih hian sawifiahtu an tam poh leh sawifiahna pawh a tam a ni ve mai awm e. Ngun-chik lem lovin, “Pathian i ring em?” han inti ta phut ila, “Ring e” kan ti fur mai thei. Enge chulaia “ring” chu ni ta ang. Ramhuai te pawhin Pathian chu an ring ve a lawm, mahse Pathian fate an ni si lo.
He khawvel dan ang in ngaihtuah ila, Chair ah kan țhu țhin, a chim mai kan rin loh vangin ‘ring’ takin kan țhu thin. Pathian kan rinna hi chutiang tur chu a ni em? Nge a bak a awm.
Pathian ka Ring tih awmzia.
He tehkhin thu hi kan hriat tlanglawn tak a nih ka ring. Vawi khat chu mi pakhat hian a thiam thil Niagara Falls ah khuan a tlawhtute hmuhnawm tih ah a entir a. Tuikhawhthla sang rapthlak tak chunga hruizen thlun chu mau sei tak nen ke lawnga zawh chhuah a tum a ni. A thlirtu mipui ho chuan thinphu dep dep in an lo thlir hlawm ta ve ang. Muangchangin an zawh a, a zawhchhuak ta mai a. A hnuah mau tlawn tel lovin an zawh chhuak leh a, mipui chuan kut an beng dur dur mai. Chumai chu a la duhtawk ta lo, Thirsakawr khalh chungin chu hruizen te tak te chu an zawh chhuak leh a nih chu!
Mahse,
Mipui zingah chuan tupawh, a hnunga a puak chunga zawh pui ngam an awm leh an awm loh a han puan tir a, tuman an ngam lo. A thlirtu mipui ho zawng chuan a zawhchhuah theihzia an mit ngeiin an hmu, an hria. Tu pawh pua sela, a zawh chhuahpui theih an ring. Mahse tumah ngam an awm lo.
Kan Pathian hian engkim a tithei tih kan ring. Chhandamna pawh min thawhchhuah sak a ni tih kan ring. Mahse a hnungah bei tlatin kan nun kawng hi min zawhpui kan ngam ve a ngem? Amah rinna chu a hnunga bei tlat, a rual a kal tlat, hmun hlauhawm leh raltitna, hmun lungngaihthlak leh channa, hmun nuam leh ropuina ah pawh amah kherh bet tlat ngam-na kha Rinna Dik, “Kei pawh mi ring ve rawh u” Lal Isuan a tih a ‘ring’ A tih awmzia chu a ni.
Rinna mak a va ni em!!
Similar Posts:
- RINNA CHHAWNG THUM TE
- Rinna leilawn
- Isua i pai ngam dâwn em?
- Eng ang mi nge kan nih?
- Engvang a Pathian ring ve ringawt nge i nih? (Palm Sunday Special)
March 31st, 2009 at 6:25 am
@mkima : Kan subject hi RINNA a ni a; rinna ka rawn sawi fiah ve a ni. Ringtute tih tur lam ka rawn thlek tel tralhna hun a ni lo. Baptisma hi ka hnawl hlei nem; rintu thiltih tur a nih avangin kan TOPIC chin ka rawn sawi a ni.
Tin, Hebrai 11 hi ka rawn sawi hman rih lo; Hebrai 11:1 hma lama thu inmung leh Hebrai 11:1 inkungkaihna ka rawn sawi a ni.
I hmanhmawh a; TUI baptisma sawi thlen thuai thuai loh chuan a kimchang lo i ti pawh a ni thei; BAPTISMA tih han thawn la, kan sawi teh poh ang chu!
Report this comment
March 31st, 2009 at 6:53 am
@mkima : Rinna leh Thiltih hi kan subject ni sela chuan, i ziak ang tho khi ka ziak tur a ni tho; a subject chin ka thliar fel a; baptisma ka sawi kai lo rih a ni e… in UPC writing style leh preaching style hi ka hai bik lo va; BAPTISMA in sawi tel loh hi chuan in lungawi mawh deuh tih ka hai hlei nem … Ringtu thil tih ve tur hmasa a nih ka hriat avangin RINNA-ah chuan ka rawn khek rih a ni mai e.
Tih tak emah chuan Rameses khuaa beram no thisen avanga chhandamte khan thlaler zinkawng (thil tih) an nei zui tih pawh a hretute vek kan ni. Jakoba pawhin ‘thiltih tel lo chuan THI a tih te pawh ka la khek ve tho.
RINNA definition-ah ‘baptisma rawn telh kher turin ka duhthawh lo’ a ni mai e.
Hall of Faith Hebrai 11 kha kan subject a ni lo; rinna DEFINITION chin chiah kha ka rawn lantir a ni mai, tawnghriat theihin ka rawn ziak a; lo interpret lehchhawn ngai lo turah ka dah bawk e.
Puithiam lalber Isua rawngbawlna famkim hi Hebrai Bung 8 chuan “pawimawh ber (the sum)” tiin a ziak a; ka rawn sawi pawimawh ve hle a ni. I ngaithei chiah lo em ni? Isua Krista hi ka tan leh ringtu dik takte tan chuan —a Mediator, a Vindicator, our Propitiation, our Advocate, our oblation, our substitute to Almighty Yahweh a ni tlat! Isaac Watts-a hla phuah “Ka hming Hnaisailo, Pa hmaah Isuan a tan ang a,” tih hlaah hian UPC in lam hnem ve hle hian ka hria! Isuan a Pa Yahweh hmaa Advocate a nih miau vanga min tranzia hla hi i sa ve thovin ka ring.
Report this comment
March 31st, 2009 at 8:51 pm
chawnghlih 48 na i zaih tawp lam saw han chhiar nawn leh rawh..
UPC hi i rawn tel reng mai bawka, ka rawn sawi nawn leh ange UPC hi ka rawng bawl chhan ani lo… Tirkohte Rawngbawl hi chhunzawm ka tum…
ka thuziah reng reng hi I kohhran ka rawn sawi tel lo.. UpC i lo lam ri ziah mai hi ka hre thiam lo…
Hebrai 10:19-20-25 chutichuan unaute u, kawng min siam ruatsak, kawng thar leh nungah chuan, puanzar chu (chu chu a taksa tihna a ni) kal tlangin, Isua thisen avang chuan Hmun Thianghlimah khan luh kan kan huam avang leh, Pathian chhungte chunga PUITHIAM ROPUI tak kan neih avangin KAN THINLUNGA CHHIA LEH THA HRIATNA THA LO CHU THEH FAISAKA AWMA KAN TAKSA PAWH TUIFIMA BUALA AWMIN, RINNA FAMKIM NEIA THINLUNG TAKZET PUIN I HNAIH ANG U. Kan beisei thurin hi a nghin lohna turin i pawm tlat ang u, thutiam tu chu a rin awm sia.
Khawvelah hian ka hmuh leh rinhi in ang vekse kohhran pakhatah ka awm vek tur, mahse kan hmu RIN dan i ang si lo ani.. chu vang RINNA dik ah awm tur chuan BIBLE ah tirkohte rawngbawl na hi adik ber..
Isua a mah ngei in a sawi kha VAMRAMA lut tur chu tlemte an ni, Boral kawng chu a zauva kal pawh an tam , NUNNA kawng erawh chu a zima kal pawh an tlem a ti reng a ni.
Report this comment
March 31st, 2009 at 9:01 pm
kei erawh chuan, a pa Magistrate a fapa Advocate ni hran turhi Bible ah ka hmu love.. Lei leh van chung thunei tu nunna siamtu, ALPHA leh OMEGA Pa Jehovah lo nih tawh Fapa pawh lo ni tawh Tunah Thlarau thianghlima awm Hming zawng zawnga hming chungnungber, ISUA hi KAN VAN ram Suprime Court ah lu ber Bemramno talh tawh hnu fapa nihnah kan hmuh ve theihna tura Fapa duh awm tak min thlan tu Isua chuah hi ka nei a ni e..
Van ram ka luh hunah pawh A mah ai lian hi ka hmuh chuan ISUA nen kan kir leh ang.
Report this comment
March 31st, 2009 at 9:46 pm
@mkima : “Ka Pa, anni hi ngaidam rawh …” tih thu —Nazareth Isua tawngtaina pawh hi INTERCESSION (dilpuina) a ni a; dilpuina hi Puithiam hna a ni; puithiam chuan mipuite pualin Pathian hnenah thu a ngenpui thin.
Kan Bible hman hi a inang lo a niang, i rawn ziak chhuah thenkhat hi a FOREIGN riau thin —Miriami’n sabbath vawi hnih bawhchhiaa chhangper a nuai; lung kil thum nei etc., Ka hmuh ang i hmu lo va; i hmuh ang ka hmu bawk lo va … Lehkhabu thuhmun hmaihmaa kan keu dun hunah a chiang vek mai ang.
“Tupawhin thil a tihsual chuan, Pa hnena min sawipuitu (Advocate), Isua Krista mi fel chu kan nei e; ani chu kan sualte thupha chawina pawh a ni. (I Johana 2:1,2).”
“… sualte a tlenfai hnuin chung lama Ropuibera (Majesty) ding lamah khian a han thu a; vantirhkohte aia hming tha zawk a rochun ang ngeiin an aia ropui zawk a lo ni tawh si a (Hebrai 1:3,4)
“Keini tan erawh chuan Pathian pakhat chauh (Pa chu) a awm a; ama hnen atangin engkim a chhuak a; keini pawh ama tana awm kan ni; Lalpa pakhat chauh (Isua Krista chu) a awm bawk a …” —I Korinth 8:6
“Lalpa pakhat, rinna hmun khat, baptisma hmun khat, engkim Pathian leh Pa pakhat chauh a awm a; ani chu engkim chungah a awm a … Ephesi 4:5, 6 —Oneness of God-ah chuan “engkim Pathian leh Pa pakhat chauh a awm a,” tih thu hi kan chhiar tel vak ngai lo.
Ka la rawn supply belh zel ang che, I HMUH NGAI LOH THU TAM TAK.
Apostol-ho hi chuan i rawn sawi aiin —an ziak chiang ka ti thung.
Report this comment
March 31st, 2009 at 10:05 pm
chawnghlih- ka pa an sualna ngai dam rawh an thiltih sual an hre lo ani, nangkei ai awh a mihring rawn nih tak chuan, kan tan min trawng zawk ani e, a mi hrinan a lam ah chuan a trawngthin mahse t+
ngtai na chhangtu ani Johana 14:14 engpawh mi dil chuan chu chu ka ti zel ang.
Mihring a nia, a tui a har thin a ril pawh tam mahse tui chhunchhuah a sima, chhang pawh a ti pung thei.
John 11:41 kapa ka thu i ngaihtlak a vangin i chungah ka lawm e, kumkhuain ka thu i ngaithla thin tih ka hre thin ani, Nimahsela MIPUI DINVEL a vangin chu chu ka ti ani, nangin mi tir tih an rin theih nan, a ti a.
1korin lalpa pakhat chuah ISUA krista chu a awm bawka amha a vangin eng kim a awm a. ikei ni pawh a mah avang bawka awm kan ni.
colosa 1:15 a ni chu hmuh theih loh pathian an pui, thil siam zawng zawnga piang hmasa ber chu ani. ( a ti phawta) a hnuai en leh la, a mahah chuan engkim siam ani a, vana awmte leia awmte nen hmuh theih te hmuhtheih loh te nen lalthuphate pawh rorelnate pawh lalnate pawh thuneihnate pawh ENGKIM A MA SIAM ANIA AMA TA TUR BAWK SIAM ani.
a hranpa thunei tu luberin a rawn hlan na hi kan hmu lo na ni e.. kan hriat thiam chuan ka pu a tih pawh kan hre thiam tur..
Report this comment
March 31st, 2009 at 10:24 pm
Rorelna hman kan hlenhun ah chuan, engkim a chiang tawh anga le.. kan fiah kuak kuak tawh ang dik leh dik lo chu chutah a chiang anga, i hnial buai na a awm tawh lo vang.
mahse sawitheih na hun kan neih chhunghian sawi a tha, nakina sawibuai tur awm tawh lo vang.
Report this comment