Khawpui dai hnaia huan nei te’n an sawi ta fo mai a, ka han tuihnih ve ang e. Kan khawpui dai hnai mai ah mi tam takin huan an nei a, bianga thlantui far zawih zawih leh hah taka hna thawkin an huan ah thlai leh thei chi hrang hrangte an ching a. A rah seng a lo hun a, a neitu aiin midangin an chang tam ta daih mai thin ni awmin an sawi ka hre ve ta fo mai.
Heti hi anih chuan kut hnathawh hian hlawkna a nei thei dawn em ni? Hah taka an thawh hah sa a bo zel anih si chuan tu nge huan siam peih ta ang le? Sava veh niawm taka mi huana kal dun dun, hawi kual zuk zuk a, mi hmuh loh hlana huan thlai lawh ru zauh zauh hmuh tur an awm fo. Huan nei tam tak chuan an huan ah a vengtu tur hlawh neiin an chhawr a ngai ta. Hei hian hnam hmel a ti chhia. Rukru hnam kan ni miah si lo va.
Similar Posts:
- Yangon Bota Htaung, Yangon River tourist attractions
- Thlalak chi hrang hrang.
- Banria
- Hnim leh misual
- Sava Inleng ka nei a.
March 29th, 2009 at 5:44 am
Pawi thin hle mai !!… khawInge val hi !!! ka thenawm naupang ho hnenah HETIANG TIMIAH LO turin ka’n ZIRTIR nghal teh ang….KAN HNAM HMEL A CHHIAT HMA HIAN….KA LA TLAI LO VIN KA HRIA….
Report this comment
March 29th, 2009 at 5:45 am
Thiante u MAHNI AWMNA HMUN THEUH ATANG kan thawk nghal dawn lawm ni???
Report this comment
March 29th, 2009 at 6:33 am
A bo miau si chuan rukru hnam ni ngai lo kha kan lo ni ta a ni mai a lawm.
Report this comment
March 29th, 2009 at 6:43 am
khawi hmunah, engtik ah, tu huan a mi nge bo? evidence please?
mizo hnam hi kan lo in daihzai ta deuh tihna ni mai lo maw…. mizo thalo an awm a, a tha kan awm bawk a va nih hmel mai ve
Report this comment
March 29th, 2009 at 7:31 am
Evidence kher maw? Mi hrang hrang hming ka sawi chiam dawn em ni? An hming ka sawi lovang. Anmahni ka atanga ka hriatte leh midang hnena an rilru nat zia an sawi atanga ka hriatte ka han sawi mai ani e. Sawi a awm fo anih chuan engemaw chu a awm alawm. Hmu lova ring te chu an eng a thawl e.
Rahsi veng nu pakhat chuan a huan thlai a siam ve thin a, a fap min hrilh a nia, tlaia a haw veleh feh tura chhuak te pawh an awm thin a ni awm e. a tuka huana a zuk kal chuan a thlai te chu an lo kawlh hmuat tawh thin. Huan siam a sim ta ani awm e. Lunglei electric venga pa pakhat chuan a huan ah terrace a lai chiam mai a, balhla kung za tam a ching a, Mau a ching teuh a, ser thur leh a thlum nen, theite nen lam. “Ph ***** te huanah balhla a hmin tawh ang, kal ang” tiin an chhuk dul dul thin an ti. Mau tuai a bo zel avangin a mau an rem tep. Thei pawh ei khawp te chu an chang ve thin. Huan pawh kum tam tk an hlamchhiah hnu ah tunah an thar thawh leh a, a enkawltu an dah dawn. Evidence dang a ngai em?
Report this comment
March 29th, 2009 at 7:32 am
Correction: Ph***** = Pu ******
Report this comment
March 29th, 2009 at 7:40 am
Pa upa tawh tak pakhat pawhin fu huan a siam a. Tlangval 5 in a fu chu an sah sak a, a tukah a chang a, an lokal leh a, a fu chu an sat leh ta ngei a. Chu pa chuan “Nau te u, in chem khan ka fu a ngam khawp a, ka chem hian mihring taksa a ngam leh ngam loh ka han enchhin ve teh ang,” a han ti zet mai chu, tlangval ho chuan ngaihdam an dil nasa mai. A huanah chawlhkar khat chhung a thlawnin hna an thawh sak. A hming ka sawi lovang.
Report this comment
March 29th, 2009 at 7:44 am
Vawikhat chu ka huanah pawih pathum ka chhawr a, kan hahchawlh laiin pakhat chu a hawi leh vung vung thin a. A hnu deuh ah chuan kan thenawmte ramah a perkai thauh a, ‘enge a tih dawn chu aw, a inthiar dawn a ni ang e ,’ ka tih laiin a lo let a, lakhuihthei a rawn hum haw phei ka hmu. Ka chhawr nawn tawh lo chiang kher mai. Sawi zel in la phut em?
Rukru te avang hian mi then khat huan siam sim ta hmak te pawh ka hria. An hming chu phut kher suh u.
Report this comment
March 29th, 2009 at 8:35 am
Kan ram a buai hma te kha chuan he ramah hian ruk ruk a hluar lemlo; ram a lo buai a mitin ten nun phung kan hlauh a, Mizo ze tha kha nasa tak a pawlh dal alo ni zo ta; tun hma chuan milo/huan a mahni ei khawp lek va lak hi ru ah tumah an in ngai lem lo, hun alo kal a engkim mai hi sumpai a chan tir theih alo nih takah hian an hnah tel khat pawh cheng alo man ta zel a;huan siamin lu khawng alo nei ta.
Mi hring hian kan it hi a tenau telh telh a, chu chu kan that chhiat a kan thawh peih loh vangin. Kei ngei pawh hian huan ka siam a beidawb thlak het hawt hle mai kan huan a thlai reng reng hi a nei tu ngei hian a chuh a chuh lo chuan kan chang manglo chu ani ber e! Kohhran ah pawh hian thlarau nun ringawt sawi tlawr lo hian he khawvel a kan nun dan phung tur hi in zirtir a hun ta hle mai.
Report this comment
March 29th, 2009 at 9:11 am
Hetiang hi a tam tawh lutuk. Sava veh ho an ni kher lo. Thenawm te huana thlai an hriat lo laia la ta mai kan tam tawh.
Thingtlang lamah chuan kar tin chhuak YMA chanchinbuah a rutu hming nen an chhuah thin asin
Report this comment
March 29th, 2009 at 9:21 am
“In vengah mitthi in neih ni hi rukru hovin an la hre thin khawp ang, an feh khalh ang che,” tia min hrilh tu kha, a sawi dik tan chu ani der mai. Ka post hi vuivaina ni lovin kan mize inthup ka puang mai ani e.
Report this comment
March 29th, 2009 at 9:28 am
Hmanah poh kan in compound hi a ro/khu thei khop mai a.Ka pa hian kan tui chhe khawl hmangin mai an a ching a,a tha duh khop mai a.Mahse a rah chu kawng bul mai anih vangin zanah a lo bo ngei ngei thin.A mak tak tak a ni.
Report this comment
March 29th, 2009 at 10:26 am
Rukru hi a hranpaa hnam angin an awm hran lo a, hnam tin zingah rukruk hmang erawh kan awm deuh vek. Ram sawrkar thalo, khawtlang nun nget, sakhuana kal diklo , nu leh pa ten an fate an enkawl/zilh that tawk loh vang & thatchhiat avang ten rukru an lo awm thin a, a hnam zawngin rukru hnam hi an awm ka la hre ngai meuh lo.
Report this comment
March 29th, 2009 at 11:42 am
chepahakhata sawi hi dik viau ani..Kan rinawmna kan hlauh ta ani lova…kan taimakna leh tlawmngaihna te a bota a ni chuang lo..mi tam tak zingah heng tih ching hi an awm ve ani mai a..a hnam anga rukruk ching chu sawi tur an vang viau ang.
Report this comment
March 29th, 2009 at 12:42 pm
Kan retheih luat vang mawle… economy chhe hnam re2 ah rukruk a hluar. Christian ram, Hindu, Muslim, Jews etc.. Eco chhiatna ramah sakhua in omjia anei teh chiam lo.
American te pawh Great Depression lai te, Civil War lai te chuan rukru a ching ber hnam emaw tih mai tur anni.
India ram christian kan hruai tam tak te hi, sakhua ai chuan an ni khat chaw ei tur poh a hlu zok a sin..
Report this comment
March 29th, 2009 at 1:01 pm
chepa: kan naupan ve deuh lai a Tahan a ruk hmang an man apiang deuhthaw chu nghalbual venga paihte an lo ni deuh zel thin kha aw.an vai in ruk hmang ka tih na chu a ni miahlo.mahse chumi hnam ah khami hnam ah an tam tih hi chu a awm deuh chuan ka hria.
Report this comment
March 29th, 2009 at 1:16 pm
Hetiang lam ringawt pawh chu.. tunlai chu in va uar ve a.. Eng hnam ah pawh hian a sual tawk te chu an awm vek ang chu male.. hetiang a mi huan thlai ru zuk zuk hi keichu ka hre tam lo khawp mai.. An lo awm ta anih pawhin chhiar tham lek an niang. Chuvangin, a HNAM ang zawnga in vai hmer hi a tihchi loh khawp mai..
An huan thlai an ruk sak avanga huan siam sim i sawi hi Evi thih hnu atanga sawi vawi khat ka hriatna kei mimawl hian..
No Offence intended.. tu tihdan tak amo in.. LOL
Report this comment
March 29th, 2009 at 1:16 pm
Han sawi zel teh u. He thuruk inthup hi a la siam that theih a, a siam that dan tur te nen lam han kheuh hawng teh u.
Report this comment
March 29th, 2009 at 1:32 pm
Hetia mi huan thlai an lak/ruk hian eng rilru nge an put tih hi hriat a chakawm ka ti kei chuan….
Pangpar mawi tak mai ban phak maia kan hmuh chuan a va mawi e tih pahin kan thliak mai a, a neitute rilru tur kan ngaihtuah phak loh vang te pawh a ni thei e. Hetiang case ah hi chuan rukruk tum hrim hrimna rilru a awm hran pawhin ka hre lo kei misual hian.
Report this comment
March 29th, 2009 at 1:38 pm
Rukru hnam kan ni. Period
Report this comment
March 29th, 2009 at 2:23 pm
@bawmrang, i sawi chu a dik, mahse an ni Chi a n nih vang a rukruk hmang rawn ni bik leh ni nghal a ni chuang lo a. A pi pu a tang nu leh pa ten an fate lo enkawl dik lo vang leh thil ruk.lak mai mai pawi tih lohna an nei a vang zawk niin ka hria. Tin, an ni ho zingah pawh hian rukruk hmang deuh hi chu a mawl deuh leh a rethei berhchiap ho hi an nideuh zel. Chuangtian bawkin Zo hnahthlak Chi hrang hrang zingah rukruk(thil tenau) hmang chu an awm deuh vek a, rukruk ching ho hi chu a mawl rethei berchiap zinga mi an ni duh a, a lian tham/tam tham rukhmang erawh lehkhathiam pui pui, ram hruaitu leh sawrkar hnathawk hlir an ni thung.
Heng buana hi a lo ziaawmna tur chuan:
1. Nu leh pa ten fate enkawl lamah nasa zawk a tanlak a ngai.
2. Ram kalhmang a dik leh ram hruaitute an dik a tul.
3.Ebar zawnna fumfe tak kan neih a ngai.
4. Sakhuana lam a tang inzirtirna tha zawk kan mamawh.
5. School-ah zirlai mai bakah naupang nunkawng tha kawhhmuh kan tul.
6. Veng chhung mipuiten thil diklo tih hi kan ten a, kan ngaihnep ngam a tul.(Tun dinhmunah chuan a eiru nasa sa kohhran leh khawtlang a mi challang & thiltithei an ni deuh zel a, ruk hi thil zahthlakah miin a ngai tamanglo a ang. A te ber atang a lian ber ru/hlepru hrim hrim hi kan do ngam a, kan huat a, kan ngaihnep ngam phawt chuan heng ti thintute hi kan society-ah an leng lo a nga, chuan loawm leh turah chuan tumah an ti ngam tawh lo ang.)
Report this comment
March 29th, 2009 at 2:52 pm
hmanlai khan ruk ruk kha a awmlo tih theih deuhthaw kha ania, mahse mizo chauh nilo hnamdang te pawhin chu chu anlo chin tawh thin an kalsan tak ani deuh vek mai. a chhan chu, eng civilisation pawh nise, kan changkan hma kha chuan kan thilneih te a inang thrum hlawm a, mi thil neih han awh na leh han lak duh mai na kha a awmlo ve bawk ani, <thlemna a sang lotih zawngin kan sawi thei ang, bakah society in ruk ruk kha a duhlo bawknen thil ru an awm ngai manglo ani.
Report this comment
March 29th, 2009 at 3:43 pm
Hmundangah ani ve em ka hrelo,Aizawl chhehvel khua ah te khi chuan khawchhak lam (bulma) atanga inhlawhfa a rawn pem lut ho hi an che nasa khawp mai.Huan nei hawt si lo, Chawlhni hian an feh thin. Rawtuai,aidu etc khawrh tur te hian an kal hla peih ania,an taima. Mahse a native hovin kan tuar anih hi. Chutih rualin Mizo rukru pawh kan awm tho ang. Tin,mahni thilneih ru duh hi an tam a. Eg: drug addict, pawisa duh etc. Nu leh pa te hian kan fate hi rukru ah kan puh phal si lova. Midang hi kan puh kual ve mai2 bawk thin,a chang chuan.
Report this comment
March 29th, 2009 at 3:45 pm
nia nu leh pa te enkawl diklo hi an tam ve khawpmai, fa enkawl hi thiam a har viau a, mahse enkawl dikloh vang liau liau a puh thei hi an tam ve viau tho mai.
Report this comment
March 29th, 2009 at 3:48 pm
Tin,mi kan thahnem ta a,kan khua te a lian ta hlawm hle mai. Mifel,misual an langsar vut tawh lo. Hmanlai kha chuan khua a te a,mi an inhre chiang a,kutkem nei chhungkua te kha an la inhre thei a,inneih pui atan te an iai/thinhrik thin.
Report this comment
March 29th, 2009 at 4:46 pm
Rukru hnam kan nih leh nih loh chu Sorkar hnathawk atang hian thlir mai rawh u. Kan vai chuan ka ti lo, mahse chance kan neih chuan kan tlanchhe mawh khop mai.
Report this comment
March 29th, 2009 at 10:04 pm
Nul han ti phawng mai ila —hrethiam lo tlemte chauh in awm tho vang chu maw! “Luikama antam huan” tiin sawifiah ila … chutiang chu kan nei ve thin a —a hmun sawi kher loh a him rih ber ang!
Ni khat chu mi dangin an lo sik mawlh mawlh mai a; ka pi chuan ka ni kha thlam atangin a tir phei vat a; ka ni chuan a hreh hle. A rutute aiin a neitute an inthlahrun hun pawh a awm ve thei hial a nih chu! Ka ni chuan va hauh ngawt a hreh hle a; a va phawk ta thut tho si a, “A! ka nute emaw in nih ka ti a!!” a va ti ringawt zu nia! Khuangpui leh khuangte a rika lam nasa sa an lo ni hlawm leh nghal! Veng inthenawmte chu kan inhai chuang si lo!
Israel mi zawng zawng an sual kim vek loh pawhin kan Lalpa Isua Krista kha chuan, “Chhuan uire leh sual tak …” tiin a liak hmiah hmiah tho va; rukru engemaw zat lekin RUKRU HNAM-ah min lo chhuah thei reng mai tih hi chu hriat phal ve ila … Minister EIRU, Officer EIRU-te hian hnam pum a timualpho tho tho … SIM chuan tur nei lo nih ai chuan … sim tur nei, sim ta neihte hi a hlimawm tho tho bawk e.
Huan ka nei ve nual … a bothlau thei khawp mai, mahse, rilru ka neih tak zawk erawh chu … “a bothlau kha a mamawhten an lo la ve a ni mai e,” tiin rilru ka insiam a; “ru kher lovin min dil zawk ni se, kan inpek tho tho dawn nen,” ka tirilru thin. Enkawl zawh loh thil neih pawh hi a dik zaih chuang bik lo. Mizo danah chuan fanghma sente chu kal paha ei a thiang; ema phur meuhva in lama hawn kher kher erawh chu a thiang lo. Kan lo huangtau zual ta deuh hi RUKRU kan nihna a lo ni samkhai ta bawk a ni.
Miin min ruksaka kan rilru tihnat ai chuan; ru ve lova kan awm hi lawm thiam a ngai ta ni maiah ka ngai zam ta! Huan neih chu ka sim chiang ve khawp mai!
RUKRUK pawh hian category a nei ve vek a … puanpho min sengkhalhtu thalai rual an awm a; Ram budget retheite chanpual rawk thiam an awm bawk a —in hre vek. RUKRU chu kan awm reng tho vang; sim chin pawh an nei zui ve zel ang. Rukru thar an frawn awm ve zel ang. Ludhiana-a ka khawsak laiin pickpocket atang pawhin ka inhloh nasa tawh. Hrilhhai fe fea ka awm chang a tam ve mai; ka motor, photostat copier, generator etc., hial pawh an ruk bovin rilru a vak kual thei khawp. Hmuh leh a awm ngai lem hlei lo va … investigation and recovery pawh hi a chak lo dun khawp tho. Mimal vanduaina ngawt ai chuan hnam vanduainaah a chang zui zel ang tih a hlauhawm.
Report this comment
March 29th, 2009 at 11:14 pm
Kei chuan a hnam ang em em a rukru tih hichu a dik kati lo veng khua tinah hichuan kut kem nei chuan awm ang chhutih rual chuan anawm na veng khua zawng zawng kha rukru veng khua anni thei ngawt lo tin khua veng tinah hian kut kem nei lohi a tam zawkfe an niang chhung kaw pakhat ah kohhran leh khawtlang a in hmang leh tang kai tak an awm laia pakhat zu heh deuh an awm hian an chhung kua kha zu heh chhung kan ti ngai em? chuvang chuan mitlem zawk fe zofa ah hian rukru an awm vang hian rukru hmam kanni lo hul hual. vairengte ah khuan kuhva huan tin 10 hmun kan neia huanpu kandah chung pawh khan an ven loh na mual lam kha zukru thoa mawle an mahni vairengte hokhu chuan hmar ral tlan ho hi an han hmeh beldeuh chawt zela mah se ka hriat dan chuan hmar raltlan ho vek rukchu a ni biklo > Nitaber mai a kahriat chu kan hnam ziahi tirenga a kalchuan hnam raltur kan ningei ang kanrilru ah hian tlemte thawh a seng teuh tumna hi a lian lu hrat a ni
Report this comment
March 29th, 2009 at 11:59 pm
@s_dala : Rukru Hnam kan nih loh chuan a tha e; mahse Rukru awmna hnam kan ni tho tho. Akana mimal thil tihsualah khan Israel mi zawng zawng khan an tuar vek! Hnialna dang a awm lo.
Kan veng theuh hi rukru pakhat awm avangin a mualpho nasa thei. Keitum pawh mihring sa thenkhatin an lo ei avangin an mualpho hlen; Keitum khaw mipui zawng zawngin mhrhing sa an ei a ni hran chuang lo. SAMJHHHHAAAAA, KOI SHAKKH? Any doubt?
Report this comment
March 30th, 2009 at 12:00 am
Rukru hnam kanni lo, eiru hnam kanni…………………………………..
Report this comment
March 30th, 2009 at 12:13 am
Chumi/khami hnam hi kan tih teh fova. Eng ber hi nge “HNAM” ni a, eng thil in nge “HNAM” hi siam ta ber le? Khawvel hnam dang pawh hian duhawm lo fu fu na nei ngei mai. Mahse, an mahni hnam character or NATION define nan an hman awm hi ka la hre ve ngai lo….Colonial ho ten Mizo chu chuti/khati inni an tih atang hian- Mizo chu chimi/khami hnam ka ti sek ta emaw ni ber le?
Enge nge hnam kan tih ber hi? eng thil nge hnam siam ber le? Mizo hnam kan define dan hi inang lo a ni ber mai lo maw?
Report this comment
March 30th, 2009 at 12:17 am
Leh lokss..entirnan- Mizo chu Uisa heh hnam lo ti ta se..Uisa ei reng reng lo hi kan awm teuh tho si a..UISA ei ho vang khan, Mizo hnam pum kha UISA heh tih tho tur a ni em? etc etc…Eiru ho avang hian eiru lo pawh EIRU hnam tih tho tur em ni? etc etc…!
Kan thil ziak leh comment a ngaihnawm thei fu..Mahse, mahni opinion ngau ngau ni lo deuh, tlema behchhan nei hi ti ta ila..hma kan sawn zawk angem tih hi inthlahrung takin ka lo sawi ve a ni e.
Report this comment
March 30th, 2009 at 4:08 am
march thla tir khn k bike R15 lh k cousin taR15 tho xan 1 ah abo ruala,thingsai lam tragn burma an luhpui a n om a,kn hn um ngiala tihgaihna a om der lo,aru tu cu burma mi annih gei hmel a,cuan k phone imate jama kn sitig room tagn abo boka,arutu h mixo anh gei hmel,kolkata ah k mobile ph h k khum atagn a bo boka,tukverh ataga ban theih ania,arutu cu vai annih gei hmel,hn cut cin teh u,a hnam ag a ni lo,hnam tinreg xigah hian hetiag mi h an n phum firfer a n xok lom ni.soi vak gaiin k se lo.
Report this comment
March 30th, 2009 at 8:25 am
Rukru Lo Hnam leh Rukru Hnam an awm em ni aw?
Report this comment