Mizoram hi kan inchhuanna neih ve chhun chu Literacy Percent-a kan sang leh India rama pakhatna emaw pahnihna emaw kan nih theihna awm chhun hi a ni awm e. Chutihlaiin Information Technology kan hmelhriatna erawh chu a la rei lo va, chutichung chuan khawvel hmasawnna chak tak chuan kan inchhungah a barhin min rawn barh lut a…tunah chuan Gobalization/Global Village te kan ti a. Internet leh mobile Phone te chuan Hnam ropui te leh hnam changkang zawkte tihdan zawng zawng, an nunzia leh an sumdawnna, an nitin khawsak dan te chu kan hmai hmaah an rawn chhawpchhuak ta zung zung a, chu chuan kan mizo thalaite chu an ke pen ruala pen ve tur te, an tawn ang tawn ve chaka tuihalna te a rawn siam a. A thazawng leh tha lo zawng pawhin kan ram thalaite-ah nghawng tam tak a rawn nei a, a nei zel bawk dawn si a.
Hetihlai hian Thalai tam takin Thiamna leh hmasawnna kawng dapin zirna kawng tluang pangngai mai bakah IT lamah kan kal chho tan ta a. Heng IT lama thiamna neia lo chhuak, Hardware Engineer, Software Engineer leh Application hrang hranga Certificate Course nei thalai engemawzat kan kawl ve ta nual mai.
Heng kan thalai mi thiam, a bikin IT lama thiamna nei te hi kan ramah a nihna takah chhuan chhawrna an la awm lo va, an thiamna leh an Idea sawr chhuak thei turin Sorkarah emaw, Private Industry-ah emaw, Organisation ah emaw an tan chance tha a awm lo. Eng anga mi thiam leh taima pawh ni se Mizoramah hian an thiamna hi Chhawr tak tak theih a la ni lo a ni. A chhan chu Industry lamah kan hnufual a, IT Firm sawi tlak kan nei lo va, Kan Sorkarlahin policy mumal a la nei si lo. An rawn thawh theih ber chu.. Computer Sale & Servicing Centre ah emaw thlakhata sang 3/4 vel hlawh a thawh te, Sorkar-ah vanneih thlaka taka an lut a nih pawhin MR emaw, Cotract-a thawh theihna an hmuh chuan an vannei hle ang.
Heng kan mithiamte a bikin IT lama thiamna sang tak tak te hi an thiamna chhawr leh hmang tangkai turin hma kan lak a ngai a ni. Mizoramah an thawh tawk tur hna-a awm si lo va, State dangah hna an zawng lo thei lo. An thiamna chu State dang-in an hmang tangkei ta hlauh zel a nih. Sorkar hian helama kan mithiamte chelh beh dan hi a ngaihtuah a ngai a ni. Sorkarah hna an pe thei vek lo ang..mahse anmahni pawhin IT firm emaw, Industry an din chhoh vena tur te…I.T Institution tha leh rin tlak din chhuah ve theih dan tur policy te hi nei ila, tahchuah kan mizo mithiam te hian hma an la tak tak se.. Mizo Pa chhuak Programming Language te pawh a chhuak ve nawlh nawlh lovang tih tunge sawi thei…. Mizo siam Chipset te hial World Marketah kan la pho chhuah ve hun te pawh thil thleng thei lo a ni hauh lo.
.
