Chief Minister Pu Lalthanhawla chuan,Bairabi leh Sairang inkar a Rel kawng lian siam tumna chu kaltlangpui ani ang ati. He thu hi nimin a State Level Railway Task Force meeting a sawiin CM chuan ” Mizoram a Rail kawng lian lut tur chuan kawng hrang hrang ah hmasawnna a athlen dawn a,Rail kawng siam vanga chim ral hlau an awm anih chuan an dikloh vang ani ang” ati a “Thatchhia leh into delh lo reng a kan awm chuan chimral hi a hlauhawm reng ani ati” Chief Minister chuan Survey thawh nan cheng vaibel chhe 9 dawn tawh ani ati bawk.
He meeting ah hian Railways aiawha tel CE Madan Lal chuan, Rail kawng siamtur hian harsatna a awm lo tih a sawi a, State in thlawpna a pek chuan, Rail kawng Kms 51 a thui chu kum 2014 ah zawh theih tur a ruahman ani tih a sawi.Rail kawng siam na atan hian Rs Vaibel chhie 519 sanction tawh ani ati.
Tunah hian Bairabi to Sairang Inland waterway siamna turin Sawrkarin cheng vaibelchhe 500 a sanction tawh bawk nia hriat ani.
Source: Ramnuam Daily News paper.
Similar Posts:
- YMA kum puan “Ram leh hnam humhalh”
- Bairabi – Sairang rel kawng atan Rs. vbc 42.29 dah belh
- Oh…Bairabi!
- Tlawng Khuah leh Rel kawng
- Prof C Nunthara’n Rel kawng duh lo
April 3rd, 2009 at 3:30 am
kan comment hmasa ber tehang, hemi thu ka hriat hma khan hmanni ah kalo comment tawh sin
a lawmawm ngawtmai, ti hlawhtling thei tak tak se a duhawm ka ti takzet.
Report this comment
April 3rd, 2009 at 3:33 am
hemi hi an ti hlawhtling thei anih chuan, congress sawrkar an fakawm takzet ang, economic infrastructure tha tak pakhat ani, congress pa in an rawn post vei kher bawknen. hihihi
hemi hi anih chuan industry din tum tan pawh hma a kaw ve deuh alawm, lungalhthei tepawh a phurh luh theih ve zel tawh ang chu man tlawm zawk in.
Report this comment
April 3rd, 2009 at 3:34 am
Mizorama State Level Task Force On Railway Project thutkhawm hmasa ber chu vawiin khan I & PR Conference Hall-ah neih a ni a, Chief Minister Pu Lal Thanhawla’n a hmanpui.
CM chuan rela inkalpawhna hi ram hmasawnna ruhrel pawimawh tak a nih avangin, tuna rel kawng, Bairabi atanga Sairang thleng siam tur project hi kum 1997 daih tawh khan an lo buaipui tan tawh thu a sawi a. Mizoram hi rel kawngin thui tak a chhun avanga inchimral a hlauhawm a nih chuan, taihmak chhuah a tul tihna a ni, a ti bawk.
CM chuan, Mizoramah hian pawn lam mi, nuai khat leh sing nga vel an awm reng a ni, a ti a, tuna Bairabi leh Sairang inkar rel kawng siam tur hi zawh fel a nih hnuah chuan tuna bul tan mek, Kolodyne Multi Nodal Transport Project avang hian rel kawng hi Kawlchaw thleng siam a la tul ngei dawn niin a sawi bawk.
He Task Force hi Mizoramin rel a hman tangkai theih nan Railways Ministry-in kum 2008 khan National Railway Network Project hnuaiah a din a, member 21 awmna, he project-in a tum ber chu Bairabi atanga Sairang thleng rela chhuntir a ni.
A senso tur, cheng vaibelchhe 519 leh nuai 34 pawh Railway Board-in a sanction tawh a. A hna thawk turin M/S RITES Ltd thlan fel a ni tawh bawk.
He rel kawng thar tur a thui zawng km 51 a ni a, hmun 16-ah lei verh a awm ang a, lei lian chi 11 leh lei te chi 123 a awm dawn bawk a ni. Rel Task Force thukhawm hi an Chairman Pu Zasanga’n a kaihruai a, Transport Minister Pu P.C. Zoramsangliana pawh a tel a ni.
Source —Zonet.in
Kum AD 2014-ah zo thei dawn maw? Six years or five years TASK from today —April 2, 2009.
Report this comment
April 3rd, 2009 at 3:38 am
chawnghilh misuala kan comment hlawm avanga hma la chawp chuk chuk tepawh an ang e a..
fiamthu mai ami, ka lawm lutuk hi ka thi lo chauh. hehehee
Report this comment
April 3rd, 2009 at 3:45 am
@funny : In ti-tha e. Thih pawn hlawkna!
Report this comment
April 3rd, 2009 at 5:57 am
Bairabi a tui an khuah bawk chuan engtin nge rel kawng an siam ang? Tui chim phak loh chinah an siam dawn ami? Sairang te kha a rawn chimpil vek dawn in ka hre sia.
Report this comment
April 3rd, 2009 at 7:08 am
@Aryan : Sairang han tih hian a khaw chhung kher hi a ni ang emaw —Ngaihban Tlang Leiverh kan han tlan tlang a; Haflong station kan han thleng a … Haflong khua tak chu chung feah chungfeah a lo la awm ang kha a ni mai thei bawk.
Tuiin a chim pawhin, Sairang-ho chu tui an thiam tho, ha ha ha!
Report this comment
April 3rd, 2009 at 8:02 am
Hmasawnna hi a bulthut a fuh loh chuan kan ram leh hnam tan hian chhiatna nasa tak a thlen thei a. Hmasawnna hi pawngpaw bawh chi a ni lo. Kan ram hruaitute hian uluk takin, beng sikin an ngaihtuah turah dah ila, Hmasawnna kan ramin a dawn rual hian kan ram leh hnam himna tur hi kan ngaihtuah tel a tul a ni. Rel kawng lo lut tura kha a tha lo e tihna lam a ni lo a. Amaherawhchu, Pu Hawla thusawi, “Thatchhia leh into delh lo reng a kan awm chuan chimral hi a hlauhawm reng a ni”, a tih khi dikna chen awm mahse fimkhurna hloh phah khawp a, hmasawnna bawh huam huamna leh hlawkna ringawt umna chhuan lamah chuan a tawk ka la ti lo cheu a ni. Rel kawng chu a rawn lut ang a, hmasawnna ruhrel pawh din zel a niin, Mizoram hian hmalam panin ke a pen zel tur chu a ni ngei a. Kan thatchhia emaw, taima emaw, hmasawnna lo luh rualin engtinnge Mizoram chhunga cheng Mizo hnamte hi him taka kan awm theih ang tih ngaihtuahna sen tel chu a ngai khawp mai. A pang leh lam ngaihtuah tel miah lo a, hmasawnna ringawt kan hmu lian dawn a nih chuan, Zu seh chhiar officer lian a hnu lawka thi leh si leh Eiruk avanga intihausa a hnu lawka ral leh mai tur ang kan ni.
Bengali tuchhuan ten kum 100 lo kal leh turah kan ram an awpna hmanrua a tana heng hmasawnna lo kalte hi an hman tangkai lohna turin ruahmanna fel tak kan ram hruaitute hian an neih tel a ngai tak meuh a ni.
Report this comment
April 3rd, 2009 at 10:47 am
He thil hi an tihhlawhtlin theih ngat chuan Zoram hmasawnna rahbi pawimawh tak a ni ngei ang.
Thianpa post a ni bawk a topic kan off lok ang e, Vawiin dar 11.30 hian Dr.HT.Sangliana chuan nomination a file dawn ta e, north-east mi a mah vote thei tur an sawi dan in mi 700 chuang an awm ve !
Bravo Sangliana !!
Report this comment
April 3rd, 2009 at 10:49 am
Duhthu kan sam ve lawk Rail kawng tur hi. Bairabi atangin Kolasib lam pan phot se Tlawng lui khuah huna a li teng sawl chho tur Chhimluang lui Meidum bul ami tui chim chin loh zel ah. Chuta tang chuan Kawnpui lamah Kolasib chuan-hnuaiah kal phei sela. Hortoki chhakah luikuang zim laiah Serzawl rama lo chhuakin Lengpui ram hnuaih Buichali bulah Tlawng chhak ralah lo pakai leh se Sairang thlen nan tunnel pakhat a ngai.
Tichuan Sairang leh Sihmui ram zelah Mizoram Univ ram hnuai Tlawng kam ram rai zel ah lokalin Reiek ram tha lamah pakai leh sela. Chumi zawhah Khawrihnim kai chhak lui kuang tet na laiah pakai in ram rem hlirah Changte kan chhovin Thenzawl kai a thleng thei. Heta tang hian harsa lo takin Buarpui ram lam a pakai anga tichuan Haulawng bul lamah pakai leh in Tunnel verhin Dawn lamah a kal leh ang. Tichuan Mat lui ruam ram rem zelah kalin Tunnel 2 vel ngeiin Lawngtlai khaw hnuaiah a kal zel ang Kawlchaw thlengin. A bak chu Lai District lam zela kalin Bay of Bengal thleng ram rai tha tak vek a ni tawh e.
In duh leh Google Map ah lo en ula Map calibration a tlem deuh na a.
Report this comment
April 3rd, 2009 at 10:57 am
A sual chu ka ti lova, a thu ringawt chuan a lawmawm vet ho e..
Lal Thanhawla sawrkar thar pawh chuan a main infrastructure khawih lovin he ti lam ah bawk maw a kal pui leh dawn, kan economic changkang nan hian lak luhna tha tak kan nei thei tur ah lo ngai ila (A hlawhtling chuan
), mahse a la tha chuang lo thlawt thawn chhuah tur lam buaipui hmasak hi kei chuan ka enghlel ber chu a ni.
Economic leh Power ah hian intodelh tur hian an theih na zawng zawng ai bak hi hmang zawk rawh se. saala
Report this comment
April 3rd, 2009 at 11:26 am
cong sorkar an ti tha e, term 2 zet an sorkar lai khan tui leh rel kawng hi chu lo ti hman tawh u la chuan,kawlchaw vel tun kumah in lo survey leh hman tawh awm si a, hun hi a va uihawm thin em!ka sawi duh tak chu hei hi a ni,’ kan zoram tan hian i thawk i la, electrict current te hi tun atanga kum 10 ah hi chuan a thawn chhuah tur te hi awm tawh hial se, a va tha dawn em!
Report this comment
April 3rd, 2009 at 12:30 pm
An sawi an sawi anga ral leh mai lawng maw?? “You can make me Hawl again” tiin mipui a au a, kan siam Hawl again a…eng chin takah hian nge a Hawl again dawn le?
Report this comment
April 3rd, 2009 at 12:35 pm
Sairang a rawn Hawl thleng chiah angem???
Report this comment
April 3rd, 2009 at 12:50 pm
mzvision sawi khi, kan hruaitu te hian ngaihtuahna ah telh se a duhawm mange aw te ka tia
ka hman deuh hunah kala rawn critic ve ang e
Report this comment
April 3rd, 2009 at 12:59 pm
Rail kawng sial an tum hi chu ka thlawp…mahse dan kengkawh thra rawh se,tin,rail kawng anih avangin uih hmun kher lo se,chu chu ngaihtuah tel se,changkang tak ni se.,.chuan thawnchhuah tur lampang mawlh hi…
Report this comment
April 3rd, 2009 at 1:06 pm
@Mr. Pitch
Transportation that loh vangin kan thlai thar (sawhthing, sapthei etc) kan thawn chhuak theilo fo.. a chhan ni thei chu Bagha traders hovin min dang chat hmak2 thin . A hma pawh khan sawhthing thawnchhuah sen loh uih hum2 khop kan khol hman alom le.. a thon chhuah tur ah chuan lungai lo phot ang. Mizote kan that chhe lo a MARKETING a chian chuan kan taima khop in ka hria.
Tin MZP in dodal na thu an sawichhuaka, marawhchu officially chuan sawrkar ah anla thlen lo. Heihi enge kan ngaihdan?
Kei ka ngaihdan chuan a engemaw hmaa lo hlauh trung nghal hi a dik ber em? Thil chu tawn/fight ve phot ngam tur, chuti lovin hma asawn theih tak2 loh. Kan Ram railway tur ania. kan hman thiam loha Vai ho chhiarsen loh atam in an ron zim phah don chuan kan thu ngeiin kan CLOSE thei tho si a. Englekhawle, A harsa emaw/ anuam emaw kan sual ve phot loh chuan kan changkang lovang.. Sawrkar hnathawh kan tum vek danah poh a lang reng. Sual chhuah ngailo, kan kuta mawhphurhna om vaklo.. hah dam taka ei hmuhna kan beisei tlat dan tang hian kan MIZIA chu alang reng. Tiang reng hi kan ni dawnlo kumkhua nasa si a.
Report this comment
April 3rd, 2009 at 1:52 pm
Lily_parmawi: Sorkar hnathawh hi chu a lo thra em ani.. Sorkar hnathawk hian hna pawh hi an ngah ve tho sin.. awm mai mai chu an ni bik kher lo. Ka tran ve tlat keichu.. a pawng ataka sorkar hnathawk ho thatchhiat tehkhin nana hman fo pawh hi a dik kher lo..
Report this comment
April 3rd, 2009 at 2:04 pm
Sawrkar hnathawk an thatchhe vek e ka ti anilo…
Sawrkar hnathawh kan beisei tlat hi thatchhiat vang pakhat a ni ve reng. Mahni kutin engmah kan tih peih tak2 loh vang ani ve pakhat.
Chuvangin sawrkar hnathoh beisei an pung zel anga, sawrkar hna hi a tlem tial2 bok anga, a tawp ah anla privatized tur ala ni. Enge kan tih tak ang?
Kan thilsiam chhuah/thar chhuah ve te hi ram pawn ah kan thonchhuah ala ngai ve don.. thawnchhuak turin transportation kan mamoh hmasa ber. Ngatinge heihi an do tlat sii.. a bikin sawrkar hnathoh beisei ho (MI THATCHHE HO)
Report this comment
April 3rd, 2009 at 2:18 pm
Sawrkar hnathawh beisei te hi mi thatchhe ho an nihna chhan enge? Sorkar hnathawh beisei ten Transportation i tih hi an do na chhan enge?
Do lova duh viau zok awm tak, heng hian Govt sector ah pawh hna tam tak a siam don sia.
Report this comment
April 3rd, 2009 at 2:21 pm
Goverment hi Democracy ramah hian tu pa fa mahin an la privatised lo, an ti bawk hek lovang…
Report this comment
April 3rd, 2009 at 2:23 pm
Nia, kawngsiam na ah khua khua in rel kawng an lai dur dur mai dawn asin
mizoram tan hlep hlang maw le.
Report this comment
April 3rd, 2009 at 2:28 pm
Defence, Medical, & Education lo zong hi Privatize tur a ni e. I rinthu in min chhang suh.
Sawrkar hnathoh an beisei chhan chu ka ziah toh khi.
Ando chhan ni thei chu nuam takin an thok dona, an thohchhuah sa ngaihtuah chhunzom a ngai tohlo (marketing). an tan pawimoh na anei teh chiamlo. vai leh hnamdang ron luh tamna chance ni mai ah an ngai ta ve ang.
Report this comment
April 3rd, 2009 at 2:35 pm
Sorkar hna privatised tur ang vek khan i ron soi anih kha.. ka rinthu leh thu lo pawh anih em em hran poh ka hre love a.. I ron soi Defence, Med& Edn te hi sorkar hnuai ve tho an nia..
Report this comment
April 3rd, 2009 at 2:37 pm
@Maverick
‘Chuvangin sawrkar hnathoh beisei an pung zel anga, sawrkar hna hi a tlem tial2 bok anga, a tawp ah anla privatized tur ala ni. Enge kan tih tak ang?’ han chhiar chiang leh mah teh. VEK a om lovin ka hria
Report this comment
April 3rd, 2009 at 2:40 pm
SORKAR HNA THRENKHAT te tih pawh ka hmu miah lo
Report this comment
April 3rd, 2009 at 2:52 pm
ka thianpa chuan MZP hi khawvela pawl ninawm ber anni e a ti
Report this comment
April 3rd, 2009 at 3:12 pm
@Lily_parmawia:
Kha tih hun lai te khan transportation kan neih loh chu thu hran, a chhan ber kha niin ka hre lo. Kan sawrkar te khan an buai pui tak tak loh vang a ni, khang kan thar chuah te kha local market thleng thei tur in eng mah tham tih an nei tlat lo a ni
Chu pawh chu lo nise, supply tham tur, khaih lak miah lova supply thei reng tur in Mizoram chuan a thar chhuak tam reng reng em? E.g Kolkata ah te hian han supply tak tak dawn ila, kan thar chhuah chuan kum khat, kum hnih mai ni lo kan supply char char thei ang em? Chu tiang a nih loh chuan marketing a tha thei chuang lovang.
Kan product tur kan siam na hmun (location), kan product quality e.t.c te kan ngaih tuah fel phawt hi thil pawi mawh ber zawk a ni.
Report this comment
April 3rd, 2009 at 5:33 pm
“Thatchhia leh into delh lo reng a kan awm chuan chimral hi a hlauhawm reng ani ati” – Lalthanhawla hi alom thingtlang loneimi ho ti thatchhe tu hmasa ber chu…thingtlang kuthnathawk ti thatchhe tawk leka sum leh thil dang sem ching
Comment No.11 ka support………
Report this comment
April 3rd, 2009 at 6:08 pm
Lalthanhawla chu Rel Kawng siam leh ram hmangaih ai mahin Rel kawng siamtu Contractor/Supplier te atanga Share neih leh Compensation vel a buaipui zawk karing….
Ram hmangaih chungchangah hi chuan kan Ex-CM Pu Ch.Chhunga kha an ngaihawm.
Report this comment
April 3rd, 2009 at 8:13 pm
“Thatchhia leh intodelh lo reng a awm chuan chimral hi a hlauhawm reng a ni” CM meuh pawhin taimak leh intodelh chu chimral hlauhawmna bul a ni tih a pawm a, ka lo lawm ve ngawt!
Chimral tih lam ai mahin, kan ram economy a han sawi danglam dan tur han sawi u la!
Report this comment
April 3rd, 2009 at 8:46 pm
Tunah hian kan Sawrkar hian power hi a hlam chhiah reng reng lova Tuirial Hydel Project Sawrkar hmasa lamin alo hluihlawn tawh chu, chhun zawm leh tur a thutluk na siam fel ani tawh a, tin he sawrkar hi alo pian tirhte khan Kolodyne khuah na tur project pawh siam fel a pawm ani (HEP) kanla hre threuh awm e.Tlawng khuah Sawirik loh avang a Power hlam chhiah a ngai tlat hi tlem a zawng Mizoramah kan la awm em aw……
@infiniti: thingtlang lo nei mi kan thatchhe lem lo asin!
Report this comment
April 3rd, 2009 at 11:43 pm
Sairang thlenga Rel kawng lo lut tur chu keini misual ho hian kan hmu ve hman angem le…??? Engatinge engamah hma hian Chimral hi kan hlauh em em zel ka ti…Hmasawnna kan duh chuan hnamdang chiahpiah chu kan huam ve tur a ni…mahse kan thawk anga, a hlawkna chu kan chang hlauh mai dawn alom… Kei chu kan (subject ni chiah lo)..ILP te hi hnawk ta riauin ka hria…tunlai khovelah chuan….!!!
Report this comment
April 4th, 2009 at 1:20 am
Bairabi khu tha tawk in chei tha phawt sela mawle…Sairang rawn thlentir kher hi a tul hrih lo asin.
Asis Kumar Choudhury te ho hma lakna hi chu aw!
Report this comment
April 4th, 2009 at 1:52 am
@28 Mr Pitch: Amen.
rel kawng siam tha ka tilo bur tih na nilo vin, rel kawng kan neih vanga changkan tak viau na tur hi kava hmu thiam ve chiah love.
funny te ho khan min hrilh thei m aw….pls.
rel kawng hi ala hmanhmawh thlak vak in ka hre lemlo.tuna rel kawng siamna tur sum zozai hian in tohdelh na tur lam kawng ngaihtuah ta zawk se chuan chumi hnu ah rel kawng chu kan siam leh anga tha mai lo maw.
rel kawng chu lo nei ta ila fur ah lei a min anga a service regu thei ngut ang maw?
Report this comment
April 4th, 2009 at 8:17 am
#10 mzvision : I relkawng zawn dan a ngaihnawm na’niang mai! Awm ka ti hliah hliah … i vawi engzat draft tawhna nge? I chhui nawn dun leh ang. Ka tel ve chak. Ka lo thlir ve ang e, Mizoram physical features i hre hle mai … engineer hi in lo namai lo khawp mai!
Ka nu pa, ka pu kha —sapho hun laiin Sualsuk tlangdung lamlian kawngpui sialtu a lo ni tawh thin a, railroad a awm theih dawn chuan … a tupa pawhin ngaihtuahna sen ve ka chak.
Report this comment
April 4th, 2009 at 8:55 am
Rail kawng kalna tur lai ram vel te hi ruling lam fatute hian an lo pata leh fur tawh law’ng maw te ka lo ti ve mai mai, componsate lak thleng hi chak takin hma an la anga a hnu lam hi a zuih leh viau ang tih a hlauhawm khawp mai
Report this comment
April 4th, 2009 at 9:50 am
bawmrang: rel kawng hi mizoram hmasawnna atan power ang thovin a pawmawh. , relkawng changtlung tak lo nei ta ila paper industry, plywood industry siam duh tan pawh lungalhthei kan chaw lut ve thei tawh ang chu, hemi industry pahnih ringawt pawh hi zoram tan a that zia chu, entirnan, tunlai ah market competition a sang a state dangah kan export rihlo anih pawhin, mizoram in paper man atana state danga pawisa kan hman zawng zawng khan mizoram an chhuahsan lovang, chuan engemaw zah kha tax hmangin zoram sawrkar kutah a lut ve bawk ang. vanglaini, evening post tihvel pawh tun aia tlawm zawkin mipuiin an la thei bawk ang. paper man a tlawm dawn avangin
mawl te a ngaihtuah chuan mizoram a pawisa te hian zoram an chhuahsan loh a, zorama a kal kual a kal kual kha zoram tan a tha ber. chumi atan chuan rel kawng hian nasa takin a tanpui dawn ani.
engkim thil lian tham phurh luh dawn pawhin, thlawhna, motor tihvel aiin rel hi a hman theih tawh ang. thil ho te te atanga thil liantham thlengin kan tangkaipui dawn ani, phai lama zirlaite pawhin awlsam takin sairang vel atangin train an catch tawh mai dawnni.
a tam lutuka sawi sen pawh anilo. tunah rum rum hian tangkai taka hman theih ala nilo ang, mahse tun atanga bul an tan hian kan hmang tangkai hma thei dawn tihna ani.
a critic zawngin ka sawi ang ka tia, hei atangkai tur zia kan sawi ta duah a lal_bawmrang vang ani e
Report this comment
April 4th, 2009 at 11:21 am
@Funny “mawl te a ngaihtuah chuan mizoram a pawisa te hian zoram an chhuahsan loh a, zorama a kal kual a kal kual kha zoram tan a tha ber”. He mi thleng tur hian rel kawng kan la mamawh hmasa ber lo. State dang atangin tlawm tak tak in thil ka la lut thei ang a, Mizoram a kan product nei ve chhun te in hralh a tla lovang.
Tun a kan ma mawh ber chu ei leh bar a in todelh hmasak ber a ni (Mizoram hmunnga a them a hmuh khat tal hi leileh kum hlun a tan a siam). Chu tih rual chuan Power supply kan mamawh leh ber bawk. Relkawng expenditure tur ai hian heng te hi a tangkai hmasa zawk fe a ni (relkawng hi a tha lo ka ti lo, kan la mamawh ber lo).
Khing pahnih a kan in todelh chiah chuan chimtral tih vel te hichu a hlaawm loh lutuk, a next step ah chuan enkim a zia kuar tawh mai dawn a ni.
Report this comment
April 4th, 2009 at 2:11 pm
funny: ka rawn au leh tawp mai che.
ka sawi fiah thiam loh Mr pitchan a rawn sawifiah.a hmasaber ah zoram in mahni in tohdelh kan ma mawh.intohdelh dan tur hi in zirtir hmasa ber i la tha ka ti.
Report this comment
April 4th, 2009 at 10:07 pm
bawmrang &Mr.Pitch; a post a liam toh si a, han sawi zawm zel ava chakawm ve aw.. tawite a han sawi mai theih lah ani silo.
tuna rail doard an siam khi mumal tak leh tangkai taka kan hman theih hun tur chu tun atanga kum 8/10 vel daih ani ang, chuvang chuan tun atanga bul lo anlo tan hi a tha hlee ani. a hma lo mai ani tawhlova, hman hman ah khan bul lo tan tawh se chu, tunah chuan kan hmang tangkai tawh ngawt ang.
Mr.Pitch, tunah rel kawng kanla mamawh hmasa berlo i ti a.. kan mamawh tehi a mal te te a tih kher tum hi tha i tih ka ring biklo, ti thei ni ila, kan mamawh zawng zawng hi vawikhat ah ti vek thei ila a duhawm ber. rail road kan tangkaipui tur zia hi ngaihtuah la appreciate ve mai teh.
mahni intodelh i tih hian ei leh bar a intodelh i tihna ani ngei anga, i approach tum dan lah khi tlang rawt hniama phaizawl a siam ami i tum.? chutiang zawnga kan approach anih chuan kan ropui lo viau ang. leilet mai mai atana tlawng rawt hniam tur hian CENTRAL ah pawh pawisa i dil chhuak lo tawp ang.
mizoram hian kan mamawh zawng zawng hi mizoram chhungah kan thar theilo, agriculture phei chu kan eizawnna tur anilo, kan ram en hian. thlai thenkhat tha duh leh export theih tak tak chu an awm ve thova, mahse chung ringawt ah chuan kan inhnangfak theilo. agriculture hi kan thlahthlam thei hauhlova, mahse intodelh tur hian agriculture a kan ngaipawimawh ber anih ngat chuan kan thlen san ber ah, ei leh bara intodelh, mahse changkanglo leh technology a hniam tak, ah kan chhuak ang.
rail road hi mipui ten kan hman tangkai thiam leh thiamloh ah a innghat ve bawk a, hman hman ah khan rail road tha lo nei tawh ila, hydel project neilo pawhin, lungalhthei assam vel atanga import in industry kan nei thei daih tawh tur ania. chu chuan changkanna min thlen zawk dawn ani. kan duh ber power kan lakluh theihna(in the form of coal) ani tihna anih chu. export leh import chungchang ah te a tangkai dan tur zia hi. zin vei vahna atan lah chuti bawk.
“mawl te a ngaihtuah chuan mizoram a pawisa te hian zoram an chhuahsan loh a, zorama a kal kual a kal kual kha zoram tan a tha ber, chumi atan chuan rel kawng hian nasa takin a tanpui dawn ani.” ka tih khi i hrethiam toh ang chu maw, khi poh khi export lam ngaihtuah tel miahlo a ka sawi ala ni mah mah. economic chungchangah “finished product” aiin raw materials kan lei hi a hlawk zawk. export miahlo pawh ni ila, mi finished product ringawt lei aichuan raw materials te lei ila chuan kan ramah processed ve ila, kan la hlawk feee, chutah lei kher ngailova kan rama awm hi a tam ve bawk. chuvang chuan rail road hi chu, ram hnuk khawih thei thil pakhat ani e.
Report this comment
April 4th, 2009 at 10:19 pm
Bairabi Rel station khuan in kal tawh thin em aw.. ka hrelo a, tun ang hun vel atrang hian Bairabi leh a chhehvel a thar Mai tamtawk an thawn chhuak thin tunah phei chuan Mizoram Teak hi an thawn chhuak chur mek asin. Mizoram hmawr tawng ah rel alo lut ve a khuti khawp a atrang kai chuan Sairang or Kawlchaw thlengin han kal ta mai se Mizoram Economy hian nasa takin hma a sawn ngei ang ; tih hi thil rin hlelh awm ani love.Chutih lai in thil reng reng hian that lohna lam chu anei ve vek; Khawvel hmasawnna hian thil tha ringawt a keng lova thil tha lo lam pawh tam tak a keng tel thin. Chu mi avang chuan hmasawn kawng a Rahbi thar kai hi i hlau lovang u. Ka lawm e
Report this comment
April 4th, 2009 at 10:24 pm
Thaiboy; agree
Report this comment
April 4th, 2009 at 10:29 pm
mahse TEAK(raw material) aichuan, teak ply tih vel (finished product) han thawn chhuak thei ila chuan, kan hlawkpui lehzual tur tiro..
raw materials kan thawnchhuak a, finished product kan lei hi chuan keini aiin vai hovin anla hlawkpui zawk ni in a lang. mahse i sawi ang khian, hmasawn zawng chuan kan kal ve zel a, hemi kan kal na ah hian, hlauthawng lo ila, confi takin i awm ang u khai.
Report this comment
April 6th, 2009 at 9:56 am
Weekend hi chuan kei zu in ngai lo pawh hian a chin tal rah sawih bai hi awm ka ti ve hliah hliah
Report this comment