India ram a naupang pakhat chu a nu leh paten Boarding School ah an luh tir a. Boarding Schoola a luh hma chuan an class ah titha leh thiam thei ber a ni a, intihsiakna reng reng ah hian pakhatna nih lohna a nei ngai lo, a changtupa a ni ringot mai.
Mahse chu naupang chu an in chhuah san a, Boarding School a luh hnu chuan a dang ta tlat mai. A zirlaiah a ti chhia a, thiante nen awm ho a duh lo a. Engtik lai pawn a khua hi a har ngawih ngawih a. A nun chhungah chuan khawharna leh thimna in ro an rel a, a changphei chuan in tih hlum hial te a duh thin. Heng zawng zawng hi eng vanga a chung a thleng nge ? Eng dang vang a ni lo hlu lo ruai a in hriatna leh hmangaih tu nei lo a a in hriatna vang a ni.
A nu leh a paten an fapa chanchin an hriat chuan an lungngai hle mai a, eng vang a tiang thil hi a chung a thleng nge tih lah an hre bok si lo. A enga pawh chu nise tiin a Pa chuan an Boarding School va tlawh a, thu sawi dun pui chu a tum ta a.
Tichuan chu naupang khawhngaihthlak tak leh a pa chu an school dil bulah chuan an thu a. A pa chuan zawhna pangngai tak a zawt vel a, an school, an zirtirtute leh sports chungchang vel te. Chutia an titi hnu chuan a pa chuan, “ Ka fapa engvang a helai hmunah hian rawn kal nge ka nih I hria em ” tiin a zawt ta a.
A fapa chuan ka zirlai a ka din hmun hre turin tiin a chhang a.
A pa chuan nilo nilo , “ Heta ka rawn kal chhan chu, he khawvelah hian ka tan a hlu ber chu nang mah hi I ni a. I hlim hi ka duh ber a. I zirlaiah I ti that leh tih chhiat thu chu ka ngaih sak lo. Nang mah hi ka ngaihsak ber I ni, I hlim hi ka duh ber a ni bawk. Nang hi KA NUNNA CHU I NI tiin a chhang a.
He thu a fapa in an hre chiah chu a biang ah mittui a luang zawih zawih a, a pa chu a pawm ta chawt a. Hun rei tak chhung chu an pafa chuan eng mah sawi loin an in pawm ta vawng vawng a ni.
Tunah chuan chu naupang chuan engkim a duh a nei tawh a. Chiang tak maiin he khawvel ah hian a mah hmangaih em em tu a nei a ni tih a in hria a. Nun chhan a neih zia a in hre chiang ta bawk. He tlangval hi tunah chuan college te kal in an class ah pawh thi tha ber a ni chho ta zel a, engtik lai mah in a hlim lo ngai tawh lo a ni.
“Too often we underestimate the power of a touch, a smile, a kind word, a listening ear, an honest compliment, or the smallest act of caring, all of which have the potential to turn a life around.” – Leo Buscaglia
Similar Posts:
- Zautei
- Pawisa bag(purse) chhunga Isua thla.(Sunday pual)
- Thikthu tel lo hmangaihna !
- Nang i ngawih tlat si chuan…!!
- Nang i ni
(Y)
April 24th, 2009 at 11:13 pm
A pa chuan a ti tha hle mai,mahni fa te enkawl nan kan thawk a,tamtak chuan kan fate enkawl hman loin an mah ni enkawlna tur ngaihtuahin kan buai san leh si thin.
Report this comment
April 24th, 2009 at 11:23 pm
Reader digest raih mai. hetiang chanchin hian hringnun hi engemaw ti takin a chawm fo thin asin. Kan zirlai atang hian khawvel ideology ropui ber ber, postcolonial, Post-structuralism, Postmodernism, Subaltern etc kan zir a, Michel Foucault leh Nietzsche-te thuziak hmangin khawvel kan thlir thin. Academic hi chu a innocent thlawt love tiin ka sawi fo thin. Hengho hian ka rilru an hneh ber lo khawp mai. Tuna i thu ziak ho te anga lang, ril tak si te hian ka nunah thu an sawi zawk fo thin. Ziak tha lutuk tlats..congrats
Report this comment
April 24th, 2009 at 11:26 pm
Mihringin kan mamawh ber chu Hmangaihna hi a ni a (I Kor.13). Hnawl leh phatsan nih hi a na a, chu chu Isuan kan tan a lo tuar tawh a, nang leh kei hi hmangaihna dawngtu chu kan ni ta a ni.
Report this comment
April 24th, 2009 at 11:35 pm
Ka pa’n ka sikul luhna hmunah mi rawn tlawhchuak tawh a —a haw leh, lirtheia mi tlan liam san ta kha kum tam tak liam tawh mah se, ka mitthlaah hian a la cham reng thin. Mizo pali kan awmnaah a ni a; a then phei chuan Mizo tawng an la thiam lo zui vel! Kei chu Mizo-tawng hi ka thiam em —chhiar tur inchhawp apiang ka chhiar kim peih.
He thuziak hi a no mah mah deuh; mahse, hetiang mil tawk hi kan tam tho vang tih ka ring.
Report this comment
April 25th, 2009 at 1:16 am
He thu hi theology leh psychology zir nan pawh thil tangkai tak niin ka hria. chawnghilh hian a no mah mah a ti tak na a, chaw nem ei hmasak phawt loh chuan chaw rum a ei nghal theih loh.
Report this comment
April 25th, 2009 at 2:56 am
nu leh pa tan chuan kan fate hi kan chikin kan zir neuh neuh thrin a pawimawh hle,chhungkaw inlungrual leh hlim siam tur chuan fate bula awm hnem a pawimawh,kan fate kan thlahthlam fo thrin vang hian drug addict kan tam phah hle a ni.Harhtharna chan lehzual a ngai,mizo nunah hian fa te leh nu leh pa(a bikin pa) inkar hi a engemaw deuh tlat thrin.hei h a pawi hle a ni.
Report this comment
April 25th, 2009 at 3:19 am
Fa ka la nei ve miahlo na in Fa enkawl dan chungchang hi ka ngai pawimawh hle a, Un-official research pawh ka ti ve nasa hle in ka inhria..
Thil thiam har tak ni mahse kan tum tlat chuan success rate hi a sang nge nge tih hi ka sawi theih chin chu animai….
sawi tur tamtak awm mahse, ka sawi theih chhun chu “naupang chu an thil tih aiin an tihna rilru hi en zawk tur ani..” tih hi nimai teh se.
ka lawm e
Report this comment
April 25th, 2009 at 8:08 am
Hmm naupang inchhunglum tawm thrang pangchang ve mai mai anih hmel. Inah duat hliau hliau in an enkawla a nu leh pa ten a lehkhazir vil reng pahin bawihte artui chhum i ei duh em, ka thialsawm sak dawn che ami an tih thin laiin Boarding na ah ve thung dimlo baksakin an Hostel Monitor in a lo vin hrawk hrawk thin sia, a la in adjust thiam lo anih kha.
Report this comment
April 26th, 2009 at 12:13 am
A lung a tha lo a niang
Report this comment
April 26th, 2009 at 11:14 am
A va ngaihnawm ve a, thu tha tak a ni, ka thinlung a khawih tlats mai. Nu leh Pa te hian an fate an hmangaih a ni tih hi lan tir fo hi a tha a ni.
Report this comment